莆田 (形點 I)

營業中

休息中

莆田在香港滿有名氣，除了是來自新加坡的福建菜，還是2016，2017米芝連得獎餐廳。莆田價錢親民，但午市晚市人流較多，建議訂座或提早到達。蝦苗拌頭水紫菜以青瓜包住水紫菜，紫菜入口冰凍滿滿水份，口感柔軟滑身，味道酸中帶甜，建議把蝦苗攪拌均勻再吃。酥炒芋芯師傅把芋頭切至粒狀，把表面炸至香脆，再刷上一層糖漿，燒至脆身。入口外脆內粉軟，里面是原粒芋頭肉。百秒黃花魚魚開邊用百秒蒸成，肉質幼嫩柔軟，魚鮮甜而無腥，不過會有些少骨刺仔。莆田滷麵湯底濃稠似羹狀，味道鮮甜，麵質彈牙煙韌，每夾一口麵也吸附不少湯底，入味而口感也很好。紅菇燉土雞（例）紅菇不能人工培植所以以野生為主，具有極豐富的營養價值。看湯渣已經知道用料豐富，湯濃郁鮮甜。店家以土雞燉紅菇，入口鮮甜富雞香，湯里帶鮮菌味。

其實我久仰呢間餐廳大名好耐，因為佢成日賣廣告，又話米之蓮一星，好吸引咁，佢竟然響元朗都開咗分店，我二話不説搵埋朋友一齊去試吓啦！佢個地點都幾方便，近元朗西鐵站隔離嘅形點一期，入面座位都幾多，可能係星期二嘅夜晚我哋唔使等位好快就有位坐😛其實來之前我已經睇定左幾款網上嘅人話一定要食嘅餸菜，睇佢嘅Menu嘅時候入面都有重點推介到，我哋當然要揀。前菜方面我哋揀咗蝦苗拌頭水紫菜($52)，聽講呢隻紫菜非常珍貴，Menu上面又話一年只採集一次，又話紫菜中嘅黃金，好似好勁咁😂擺盤非常精緻，佢嘅味道唔錯，好似四川涼拌菜不過就不是辣的，而是酸酸地好開胃👍跟住我哋揀咗酥炒芋芯($89), 係用芋頭芯去炸，係最軟糯最鬆化嗰一部份，味道甜甜地，而且粒粒都外酥內糯，一粒接一粒，好易食多左唔覺！我哋重點左佢最近季節性推出嘅紅菇燉土雞（$198），原來係一個湯嚟嘅，可能係紅菇成煲湯都都好紅，不過佢呢個湯真係好足料同埋好好飲，清得來又唔會好油膩，好似阿媽燉嘅雞湯一樣，有屋企飲雞湯嘅感覺啊！個個都話要試的百秒黃花魚（$69），100秒應該係一個啱啱好嘅時間將魚整熟，先會令到魚肉又嫰又鮮，我建議一上檯就即刻食，咁樣就可以

莆田一向是我很喜歡的一間中菜廳，食物有水準，價錢卻不貴，而且不時以福建時令食材做主題，令食客經常保持新鮮感。這天我就是被門外的「莆田紅菇節」宣傳牌所吸引！紅菇無法人工種植，全靠天生地養，而且一年只長2季，過時不候，所以非常珍貴！莆田選用生長於海拔1000－1500米的野生紅菇，營養豐富！我們點了紅菇炆豆皮，湯底帶淺紅色，食落鮮甜味美，紅菇獨有的菇香濃郁鮮甜，加上有干貝，蟶子乾，蝦乾，鹽水鹵豆腐，豆皮等材料一齊燜燉而成，鮮味很有層次！其他材料如：豆腐，豆皮都盡吸鮮味，醇鮮味美，非常入味。記得上次來就是紫菜做主題，想不到是晚還能encore這道蝦苗拌頭水紫菜！莆田採割每年成長第一次的紫菜，營養價值高，加上醋汁酸酸甜甜，開胃極了！酥炒芋頭是另一道很有驚喜的菜式，精選芋頭中的上品「檳榔芋」，以農家傳統方法炒製，難怪外酥脆內軟糯，充滿芋頭天然香甜，一粒一啖，忍不住吃了大半碟！莆田滷麵外形有點像燴麵，起初以為湯底如此濃稠，麵條容易變腍身，想不到麵條還能保持彈性，而且掛湯力強，有點像吃狗仔粉本的感覺。湯底是加分的地方，加入不同材料，如肉片、西芹、豆卜絲、蜆肉，鮮味十足！份量比想像中大！2個人食，每人

血拼完yoho mall...諗緊食乜嘢之際嘅時候..路過見到呢間門口寫住屬於新加坡嘅福建菜.. 於是就去入去試過究竟喇🤗一坐低店員姐姐就放低呢碟木耳， 味道酸酸有少少柚子既味，食落好開胃..之後我哋就點左呢度幾樣比較出名嘅餸菜..見到好多檯都有點我當然唔輸蝕啦.. 百秒黃花魚..湯底好清甜..而且魚嘅肉好柔嫩.. 難怪見到好多檯都有點呢個餸啦！呢個係我嘅最愛..酥炒芋芯，外面有層薄薄嘅糖脆脆地嘅..裏面就係芋頭總之食完一口再想食多一口..推介👍🏻呢咪就係紅菇燜豆皮..味道清清地！唔錯呢個叫莆田滷麵， 個麵其實幾特別， 睇落以為佢係好淋， 但食落完全唔會..加埋啲配料， 同埋海鮮食落味道不錯..最後呢個係蝦苗伴頭水紫菜..呢味係冷盤嚟嘅..連埋細細粒嘅蝦苗食落好香！😋其實仲有好多想食想叫嘅嘢..不過真係肚嘅空間有限..下次再黎食過😀

記得以前去過荃灣吃莆田覺得不錯最讓人念念不忘的就是那條黃花魚突然想吃了才發現元朗也有一家莆田立刻拖著男朋友就去了・酥炒芋芯 （小）表面有一層糖衣的感覺芋芯的口感順滑 但這些酥炒的東西還是要熱吃如果涼了不脆了 口感總會欠一點點・蝦苗拌頭水紫菜是酸辣口味的夠爽口 在菜與菜之間吃很是開胃・百秘黃花魚為了他而來當然不用說什麼了魚肉很滑 但魚骨還是有的如果家長帶小朋友來還是要小心一點・蒲田滷麵 （小）麵還是莆田的特色很滑 味道清淡很不錯 蝦腸也被處理乾淨・紅菇燉土雞 （例）土雞的份量很多雖然已被燉過 可是仍能保留雞的味道而且還有雞湯可以喝在這秋天可以滋補一下

媽媽一直都很喜歡吃莆田，因為莆田所烹調的菜式毫不油膩，而且定期有些時令菜式推出，可嚐到當季最美味的食材，所以我們久不久來莆田吃晚飯。蝦苗拌頭水紫菜可謂莆田開胃前菜長期之冠，鮮嫩的頭水紫菜與鮮美的蝦苗集鮮味之大乘，浸泡著酸微微的醋汁，頭水紫菜吃來胃口大開。百秒黃花魚妙得很，只需百秒就可煮出這鮮黃花魚。黃花魚的新鮮得沒話可說，魚肉細緻到入口即化，簡單的熱湯烹調簡直為黃花魚錦上添花，愛吃魚的勿錯過百秒黃花魚。最近時令菜非紅菇燜豆皮莫屬，所用之配料不馬虎，以蝦干，蟶干，干貝入饌，湯汁鮮甜，全都被我們喝光光。鹽水滷豆腐，豆皮吸收紅菇的精華，延續紅菇的郁香，黯然銷魂。上次與弟婦吃完酥炒芋芯後，一吃難忘，今次也想和分媽媽分享酥炒芋心的滋味，特意點了一份呢。酥炒芋心外層香脆，鹹中帶甜，內裡芋芯非常綿密，融合外脆內嫩的味美，馬上征服了媽媽的味蕾。最後吃上莆田滷麵，整頓晚餐十分飽足。多種食材點綴滷麵，如鮮蝦，蜆肉，冬菇，蝦乾，豬肉，蔬菜等，樸實的麵食卻嚐起來口感層次豐富，鹹鮮尾韻不絕，毫不膩口。

周日媽媽北上，我和妹妹便到Yoho Mall 覓食了，商場餐廳愈開愈多，選擇困難症的我看了幾次，最後決定到莆田。之前在尖沙咀試過很合味道，難得在元朗也開了一間。店員先奉上炸頭水紫菜，單是這個小食味道已很好，炸得香酥脆而不油，妹妹更愛沾上店家自制酸辣醬，更覺惹味。我們再點了蝦苗伴頭水紫菜，不一樣的質感，紫菜有點麻油醋香，而且食起來十分滑，紫菜味也更突出，加上酸酸的很是開胃！百秒黃花魚是莆田招牌菜，以明火燜100秒即成，黃花魚本身骨少，食起來容易。而且魚肉很滑嫩，又嘗到魚自身的鮮味，加上燜鍋中的魚湯更是鮮甜味美，愛吃魚的定不可錯過。酥炒芋芯是妹妹指定的，沒想到也很出色，芋頭炒得又香又甜，香煎脆皮外層充滿焦糖香，𥚃面的芋頭則軟糯軟滑，充滿對比。不過分量也不少，食了一半已覺很飽肚了！看到莆田最近推出了全新的紅菇菜式，我們也點了其中一款試試看。紅菇燜豆皮。這鍋材料豐富，有紅菇、豆皮、聖子乾、蝦乾、鹽水滷豆腐、豆皮，以細火慢燜而成，除了味道鮮美之外，更有濃濃的豆香和菇菌的清香，十分不錯。

有人話過，當諗唔到食咩既時候就可以去食T仔米線，我就話我諗唔到食咩既時候我就必諗去莆田🤣因為佢真係質素好，份量洽當得價錢又合理🤤同阿姨表弟睇完早場，喺商場行行下見到又有莆田既分店，所以諗都唔諗入去食啦🤣剛剛午市開始可以揀位坐、好快就陸陸續續有人入座坐滿lu！坐低例牌會先送個紫菜，脆卜卜好厚好新鮮，我發育中既表弟好快就食哂。阿姨見佢咁開胃就叫左好多野食🤪見佢咁鍾意食紫菜，就叫埋個蝦苗拌頭水紫菜 - 係咪頭水其實就食唔出，不過佢啲紫菜除左夠香同大塊之外，呢個冷盤既紫菜係用醋醃過，酸酸地超開胃、而且凍左口感仲一流，咁當然上碟個賣相好好🤗🥳入面拌左啲白蝦米真同蔥又再多一重鮮香，好食👍🏼百秒黃花魚同炒芋芯都係我必食既莆田菜，個黃花魚🐟次次都唔會令我失望，因為佢肉身超滑，配左啲老薑煮簡簡單單好鮮甜😋😋不過怕骨💀人要小心，細條黃花魚好多骨仔架😅但芋芯就唔怕，啖啖又炒粉又綿既芋頭，外面沾左糖再炸到外面甜香脆😍🥰係好邪惡但真係次次必食之選🤣阿姨就叫左個期間限定既紅菇燉土雞試下，見佢介紹呢個紅菇好矜貴，一年得幾個禮拜嘅採摘時間，對身體好滋補咁，就一於試下啦。雖然相對貴啲，但呢盅湯份量都好大，夠4、5個人飲

放假成日都要諗有乜嘢好食 又要啱小朋友老人家食 最後都係冇乜選擇 今日同屋企人喺yoho mall行完街畀我搵到一間啱曬一家大細口味嘅 莆田入到餐廳 裝修和餐具都很別緻前菜係紫菜 唔會太鹹 感覺幾健康 又好食午市可以叫套餐 菜色唔係平時酒樓成日食嗰啲 而且口味都幾啱食 最重要係好抵食黃金荷葉包 炸到金黃嘅包面頭鋪滿芝麻 肉絲充滿洋蔥的香味 這個我覺得最好食涼拌頭水紫菜 酸味味的紫菜 十分開胃還有這個黃花魚鍋 魚肉嫩滑 湯十分鮮甜酥炒芋頭 外脆內軟 面頭甜甜地最後還有一大鍋麵 用料充足 湯很鮮甜食完之後我屋企人啲菜式好新穎好有新鮮感 而且好抵食 每碟餸菜都係大大碟 而又不失精緻 終於唔使次次去酒樓 可以有多一個很好的選擇了

福建菜個人比較少接觸，難得元朗區有這家米芝連級福建菜館，身邊也有不少朋友推介，也想來嚐嚐究竟她有多利害。餐前逢上的滷花生做得很入味，等待上菜的時候最難忍，還好有這麼好吃的小吃陪伴。可是，我究竟點了什麼令人期待的菜式呢？朋友知道我不懂福建菜，事前已經提議我主攻莆田推介的十醉，説點這十道菜的話，我肯定不會失望，也正好作為入門菜式。十醉之一，蝦苗拌頭水紫菜作為頭盤真的不錯。餐廳的擺盤賣相精緻，光欣賞外觀已經是一種享受。米芝連級別果然不同。紫菜是酸酸的，可也不太濃烈。淡淡的海水鹹香，正好使腸胃醒過來，迎接之後的菜式。十醉之二，百秒黃花魚簡簡單單水煮黃花魚，考的是火候控制的功力。這個菜主要嚐的是食材的原味，輕輕的調味，嚐到的是魚香。看似簡單，可想起來，人生就是這樣，追求的就是簡單，基本。這樣的菜式，身心俱很滿足。十醉之三，莆田滷麵材料豐富，吃的是海的鮮。材料包括蝦，蜆，豬肉，蟶子等，味道濃郁，好像在海邊喝海鮮湯。最後以一道酥炒芋芯為甜點作結。這道菜以薄薄一層糖漿包裹著最嫩滑的芋頭芯，口感外脆內軟，微微的甜，感覺就像少女一般輕柔。今天初會四大美人（饌），各有特色，令人心醉。其餘的六位，使我更加期待

曾幾何時喺荃灣本店食過一次晚市，菜餚精緻，但價錢偏貴。呢日喺形點行街先知原來呢邊都開左，朋友俾門口「屬於新加坡既福建菜」幾隻大字吸引住，就陪佢黎試下。一坐低店員就送上前菜，炸紫菜脆卜卜，但作為前菜略嫌有點油膩。反而店內提供既菊花茶清香馥郁，順喉解膩。午市價錢相宜，除左$68一人餐，仲出左二人套餐，$198有菜有肉非常豐富賣相一如既往咁精緻紫菜口感爽口，味道酸中帶甜，加上拌入魚露同西芹粒提香，非常醒胃。湯汁濃稠，麵質偏軟稔，掛汁力強，似上海燴麵。湯底加入左豐富既配料，如肉片、西芹、豆卜絲、蜆肉，食起黎有鮮味且口感豐富我最愛既一道菜芋頭表面蘸左蜜糖再炒，外層香口脆身，味道香甜，忍唔住食完一舊又一舊。裡面質感綿密鬆化，唔會好生好硬。無諗過都幾大條，黃花魚以湯煮成，味道清啲、唔會太鹹。魚肉分明易拆，主要得條主骨、唔多魚刺，唔怕好易噎親。開頭睇起黎覺得似枝竹火腩，但內有乾坤。豆腐豆味濃厚，帶發酵過獨有既香味，枝竹燜得好稔好入味。湯汁顏色帶紅，原來係加左純天然既紅菇而唔係南乳，食起黎幾得意，好有咬口，係莆田特有咖午市真心幾抵食，岩哂一家大細，仲要喺正元朗區，下次同屋企人唔想飲茶又有得揀

—之前食過莆田下午菜餐 好鍾意佢個興化米粉今次就試下夜晚嚟食蝦苗伴頭水紫菜($52)酸酸甜甜 紫菜幼細 一箸箸好容易入口酥炒芋芯($82)外皮有少少酥 入面軟軟糯糯有加糖落去?!個皮有啲焦糖啡啡哋又甜甜哋 麻麻芋頭嘅我 都忍唔住食多幾嚿百秒黃花魚($69)隨砂鍋奉上 魚湯聞到幾重薑味去辟腥魚肉嫩滑且有魚味莆田滷麵($89)用咗高湯去煨?!  麵條都好滑又有蝦 蜆 同蘿蔔 蔬菜 好足料直接當湯羹咁飲紅菇燉土雞($198)原來紅菇營養價值幾高 熬到個老火湯呈現淺紅色雞件煲到骨肉分離 亦唔覺嚡飲完覺得好養生—————————————————————莆田元朗元龍街9號形點一期2樓2040號舖

假日的YOHO都較多人，要精明搵食就要early lunch 😏這家米芝蓮餐廳早就想拜訪一下，而且福建菜也是比較少的。莆田以藍色為主調，裝潢簡潔有特色，店內店外都很一致，別俱一格！👍地方很大，枱也很大，不會像一般歺廳般迫！而且店員全是姨姨好親切☺️前菜很特別，是脆卜卜的炸紫菜，全是即開的，很衛生呢👍這款辣椒醬想外賣呢，非常正蝦苗拌頭水紫菜～從未試過這種食法，加上了麻油很香，作為涼菜頭盤很適合，好好味😝百秒黃花魚～是莆田的signature ，必定要試，果然魚嫩湯濃，沒有細骨的，大人小孩都喜歡💕酥妙芋頭～選用 檳榔芋，是芋頭中的極品，外脆內軟，口感很讚，有D脆皮焦糖的感覺，非常特色😍甫田滷麵～並非我們平時食的滷水， 是濃湯煮麵筋，有蜆，肉絲，蔬菜粒，湯頭很鮮，連湯都吃光，不錯不錯👍每道菜也蠻有特色的，很清新的味道😋米芝蓮餐廳果然名不虛傳👍👍

上次我去食莆田，阿媽見到話好吸引，於是今晚帶阿媽黎食下先元朗莆田位於YOHO二期二樓，星期一晚都依然幾多人食這間分店鋪面較大，所以完全不會逼，還有卡座，坐得很舒服呢！裝修是較新潮的柔和中國風，感覺與食物很搭。未點菜便送來脆炸紫菜和菊花茶，可以給我們邊吃邊看菜單涼拌頭水紫菜醬汁酸甜開胃，配上爽脆的頭水紫菜，令人胃口大開使用12種食材著成的莆田滷麵非常鮮味，阿媽食後大讚除了海鮮和菇的鮮甜外，還好像加了忌廉般的柔滑這是阿媽最期待的百秒黃花魚，用高溫迅速100秒蒸熟的黃花魚果然鮮嫩無比，魚肉入口即融。魚湯腥味不重，鮮甜可喝阿媽見到現在有期間限定的紅菇食，十分有興趣地叫了個老雞燉紅菇湯。紅菇是生長在福建的一種珍貴菇類，風味十分獨特，真是非常少見。用四小時熬製的老火燉湯味道醇厚，喝完成個人都暖了，感覺十分養生！最後還叫了個酥炒芋芯，用了大蒜洋蔥及糖炒成的芋芯外脆內軟糯，非常好吃吃完之後還有薑茶贈送。阿媽大讚這間餐廳好吃，大家不妨帶長輩黎試下。另外值得一提是這間餐湯應該沒有使用味精，因為食完完全不會口渴

莆田包菜飯麻麻哋莆田是吃閩菜即福建菜，而其中包菜飯是傳統莆田的家常便飯，裹面有少少肉丁，蔬菜絲，還有其他調味料，個飯有些濕潤，總之是一個有味飯，好一般。我們叫的是下午茶餐，除主食外還可選點心類或者是小菜，但是價錢有別。我叫了滷水自製豆腐和水晶豬蹄凍，滷水豆腐好入味，但豬蹄凍就太稔身，不好吃。