莆田 (形點 I)

營業中

休息中

今天約咗友人去元朗形點I 食中午飯，佢帶咗我去果間莆田，這𥚃裝修得明亮整潔，採光柔和，座位很舒服，特高樓底，所以沒有壓迫感，沒有多大談話噪音，而且服務員也很有禮貌，茶水無缺，剛剛坐下就送來兩杯熱羌茶，讓我們先暖胃！跟餐牌點了個興化米粉很幼滑的米粉，配以鮮蝦仁，蜆肉，花生米和紫菜，很可囗，用油很少，但米粉入口不會乾涸，蝦肉亦很鮮甜，值得一提是枱面那盅辣椒醬，混和米粉一起吃，更令原本清淡的米粉，味道提升！再來是江口家郷海蠣湯有蕃茄，芫茜，蛋花，𧐢仔，煑成的一窩湯，味鮮甜，又開胃！再來是酥炒芋心外面似有蜜糖甜味，芋蕊內𥚃很熱，很酥脆的口感，這個似飯後甜點多一些！再來是百秒黃花魚原來看餐牌介紹這個菜式的製作是一百秒時間把黃花魚煮熟，所以肉質幼滑不會老火！魚肉鮮甜，沒有腥味，而且魚湯味道鮮美，不要放過！兩人份量的菜式，十分充足和滿意，值得再來！

黎到YoHo Mall食咩好•見到莆田做緊海蠣節•衝入去試下先•正所謂執輸行頭慘過敗家6種食法•$188可以揀2種•價錢相當吸引店員為每枱客人送上驅寒薑茶窩心江囗家鄉海蠣湯🥣Wow•好多海蠣牙•隻隻肥美•個湯配埋椰菜花同蕃茄•好鮮甜•👍🏻九層塔香燜海蠣目測30粒海蠣走唔甩•平時食開薑葱煮•九層塔煮海蠣真係第一次•味道又幾夾•百秒黃花🐠用百秒煮成•嫩滑無比•興化炒米粉米粉大大碟•炒得乾身唔會油淋淋•🦐新鮮彈牙•

16/12冬至訂了枱吃晚飯，限時1小時30分鐘。吃過晚飯後還剩下20分鐘左右，落單點了幾個甜品。之後服務員回來說，預備甜品要15分鐘不能為我們落單。要求我們取消訂單及結賬離坐。整體來說，服務員態度極差、食物質素不佳。不會再光顧！

鍾意食蠔嘅我，知道莆田做緊海蠣節，當然要去試吓啦九轉小腸餐牌介紹話小腸是經過3小時反覆清洗，用12種香料文火滷製，難怪又淋又入味啦酥炸椒鹽海蠣海蠣夠滑嫩，椒鹽脆漿夠薄又惹味百秒黃花魚見到餐牌話喺莆田獨創，只用100秒蒸熟一條魚梗喺要試吓啦，果然肉質滑溜，魚湯夠鮮甜江口家鄉海蠣湯海蠣入口滑溜鮮甜，火喉掌握得很好，而湯中加入少許白醋和胡椒粉提升鮮味，令舍醒胃興化炒米粉俾佢寫住~被列入「非物質文化遺產」的一道菜吸引到，於是就試吓，米粉在太陽下曬乾，米香十足，而且十分幼細容易消化，而材料相當豐富，味道鮮鹹略帶焦香椒鹽豬手將豬手蒸上8小時，肥肉完全溶解，只留膠原蛋白不留油，再以椒鹽炮製，皮脆惹味

—好掛住興化米粉($82)脆脆紫菜 細幼米粉被上湯煨過 細細箸仲有好多蔬菜 花生 豆卜 肉絲 蝦 蜆肉九層塔香炆海蠣($188 for 2 dishes)好有唔辣版本泰式風味嘅味道炸咗之後再炆 送飯一流頭水紫菜海蠣煎蛋($188 for 2 dishes)已經切好咗一件件上碟兩種喺海生長嘅食材 相輔相成再encore酥炒芋芯($82)一試難忘 外面微脆好似有層薄薄焦糖內面就係綿綿芋泥百秒黃花魚($69)有魚食之餘 仲有湯飲———————————————————————莆田元朗元龍街9號形點一期2樓2040號鋪

晚飯時間行去元朗形點搵食見到福建菜幾特別又未試過就入左去坐九轉小腸豬腸經過三小時反覆清洗完全唔會有臊味，加上十二款香料文火滷製味道鹹香百秒黃花魚黃花魚來自中國大黃花魚之鄉福建德寧，每條大小重量都經過嚴格挑選確保百秒蒸熟之餘肉質鮮嫩酥炸椒鹽海蠣冬天係海蠣收穫嘅時節所以餐廳推出莆田海蠣節，總共六種食法二百蚊唔使就可以任選兩款；海蠣新鮮即炸金黃酥脆，蠔肉飽滿鮮甜配搭椒鹽提味好食江口家鄉海蠣湯海蠣湯加入白醋味道微酸都幾開胃；蠔肉口感嫩滑火候控制得唔錯興化炒米粉米粉用左上等黃尖米製作而成略帶米香；質感好似頭髮咁幼細而且柔軟得黎有韌性椒鹽豬手豬手蒸足八個鐘令肥肉溶解哂先再炸食落唔覺油膩；外皮香脆而且骨肉容易分離

莆田海蠣節今晚同屋企人來到元朗yoho mall行街原來喺一期2樓有間莆田。之前跟同事去過莆田食晏晝，知道依度食物係以嚐鮮為主！個人口味覺得唔錯嘅，於是就決定同屋企人入去食晚餐！入到去望一望餐牌，原來做緊莆田海蠣節推廣，海蠣其實即係蠔仔，平時香港人最常食就係廟街式蠔餅或者潮州蠔仔粥，但莆田今次就提供咗6種有別不同嘅海蠣食法，點選當中2款只係$188，價錢都算合理。今次我地就選擇咗：江口家鄉海蠣湯，以及九層塔香燜海蠣。依個江口家鄉海蠣湯，除咗份量十足之外，海蠣烹調嘅時間亦恰到好處，海蠣厚身飽滿之餘，食落相當又鮮又嫩，配合埋酸酸甜甜嘅濃厚湯底，食到我停唔到口！九層塔香燜海蠣，店方特意用砂窩及九層塔黎燜海蠣，煲蓋一打開，剎那間香氣四溢！燜過嘅海蠣，蠔入面嘅鮮味就好似會濃縮咁樣，味道比煎更為濃厚味美，回味無窮。今餐除咗海蠣，我地亦叫咗一個百秒黃花魚以及興化炒米粉依味百秒黃花魚，賣點係用一百秒煮熟黃花魚，令到魚肉保持鮮嫩，而佢嘅魚湯汁非常鮮味，值得大家一試！而興化炒米粉，雖然唔係用上甚麼名貴食材，但食落有一種家鄉懷舊嘅風味，好吃！回味無窮！

店舖位於元朗Yoho，元朗西鐵站可以直接行去商場，亦可以搭巴士於形點落車。店舖可以訂位，人多等位難建議大家預早訂位。食物價格經濟，唔算好貴，好多菜式都好清淡，福建中菜兩個人食點左三個菜式，農家擦粉（主要想食依個），雜菜煲同埋半份雞，之前食過黃花魚都好好食！可惜兩個人食唔到太多！唔知大家有冇食個粉仔，農家擦粉會有嗰中感覺，雖然麵線唔同，但口感都有啲似，好鍾意食👍另外估唔到嘅係個雜菜煲湯底好好味好鮮甜，雖然今次食得清淡少少， 但離開嘅時候都好滿足！值得一提嘅係莆田嘅紫菜，好多菜式都有加紫菜

形點莆田已在元朗形點開了好一陣子， 據說這是星加坡來開的米芝蓮菜館，所以決定一試，點了一兩個招牌菜及現推的季節海蠣菜試試。家鄉海蠣湯, 188元6選2,材料很豐富，有芫茜蕃茄，雞蛋，海蠣當然是主角，湯有一點稠，微酸，醒胃，海蠣肥美剛熟，新鮮紫菜海蠣煎蛋，188元，6選2, 用紫菜煎比較罕有，但效果奇佳，很搭配，不油不腥百秒黃花魚，69元每位，據說百秒煮是這道菜的賣點，不過火，湯汁剛好一碗，盡吸黃花魚精華畧帶薑味，鮮是這味菜的特點，調味不多，魚肉鮮甜嫩滑。興化米粉，82元，米粉是新竹米粉，銀絲幼滑，易入口，配海鮮蝦米，齒頰留香。酥炒芋心，89元，外脆內軟，少少甜，確實是手工菜莆田整體服務都很好，換碟也跟得很貼，價錢約250每人，也合理，有空會再幫襯。

今時今日元朗新地標相信非yoho莫屬，有玩有食集娛樂於一身，今日又黎依度行街，行到咁上下當然揾野食喇，見到有間寫著米芝蓮推介嘅就走左入去試下喇。入到去原來食中菜嘅。啲套餐都唔平，可能有米芝蓮一星推薦瓜。見到張台放著依個海蠣鮮，選左兩個黎試下。依個湯真係唔啱我口味，太酸，可能食開酸辣嘅會覺得好好味，但唔係我杯茶。反而依個炸海蠣幾好食，有啲似炸生蠔，香脆可口。好鮮味，啲湯留哂係個鍋度，保留下來原汁原味。啲米粉好細條，口感比較奇怪，不過都好食，同平時食嘅炒米粉唔同。整體都不錯，環境也舒服，有機會可以再來。

今日行過YOHO MALL，被莆田門口既海蠣宣傳攤佈置所吸引。原來佢地推廣緊莆田海蠣節，有一系列以海蠣為主題既菜式。以$188六選二既孖寶餐黎吸客，幾抵食咁！見係米芝蓮一星餐廳，就要食下佢咩水準！餐廳裝修好新淨，座位闊落，燈光充足 。附合哂YOHO MALL一家大細既目標客群，有BB椅提供，好貼心。講真平時好少食閩南菜、福建菜，所以所有菜式對於我黎講都好新鮮，樣樣都想食下。______________________________🔸 頭水紫菜海蠣煎蛋 ($188 - 6選2)海蠣又稱蚵仔。同平時既蚵仔煎蛋有少少唔同，依到加入左紫菜一齊煎，會更香口，蛋亦都夠乾身。頭水紫菜來自褔建沿海一帶的山村，屬於每年第一次長成頭次採摘的紫菜，非常珍貴。🔸 江口家鄉海蠣湯 ($188 - 6選2)湯中材料豐富，海蠣份量多，粒粒都漲卜卜。聞上去有啲似台式蚵仔麵線個種味道，上面加上少少芫茜，很香。二人用黎講份量有多，如果3-4人share會比較好。🔸 百秒黃花魚 $69/位獲得米芝蓮一星殊榮既百秒黃花魚，係莆田招牌菜之一。名乎其實以一百秒燜熟黃花魚，肉質非常鮮嫩。身魚劏開一半，煲底有少少湯，魚既鮮味好清

今次帶左爸爸媽媽來呢間家庭式嘅中菜餐廳，見佢有新加坡米之蓮一星嘅評價，再加上朋友推薦佢嘅海蠣，今次有機會試吓。酥炒芋心稍為留意下就知道，呢個係每台必叫嘅一款菜式，出邊有烤左嘅蜜糖，非常甜同脆。內裡芋頭唔會太乾身，軟硬度適中，芋頭香味重，推薦。百秒黃花魚黃花魚嘅湯好清，有少少似解酒湯。黃花魚肉質非常嫩滑，唔腥，小骨，份量岩岩好適合兩個人食。興化米粉呢個米粉真係非常推薦，佢用左蝦、菜芯等材料去燜，材料嘅味道淡淡地入左落米粉度，所以米粉無咩味精。而米粉本身都係非常之幼細，口感非常鬆軟，非常好味。酥炸椒鹽海蠣海蠣本身就非常鮮甜，炸皮非常脆，粉唔厚，最勁係佢嘅椒鹽份量，調到岩岩好，唔會重口味到蓋哂海蠣本身嘅鮮味，但又可以帶出椒鹽個種香口味，組合出奇地夾，必食江口家鄉海蠣湯湯嘅份量較大碗，三個人可以食多幾轉，紅醋味可以開胃，紅醋岩岩好到入口可食得岀，但完左一啖之後就無左。呢個湯更加顯得岀海蠣嘅鮮味有幾勁。另外要講嘅係，服務態度非常好。服務員不停幫我地加菊花茶，仲同我地吹左兩嘴。

莆田閩菜(福建)之海蠣節同友人在元朗形點shopping完,揾間好地的餐廳掌励下先。在二樓見到莆田推出新菜式—海蠣，一向都喜愛福建菜式带住淡淡的海洋味道，菜式清淡，食物種類多己新鮮。米之蓮一星推薦，值得一試。餐廳裝修格調简單，地方寬敞，燈光明亮。6选2先$188，江口家鄉海蠣湯：浓浓湯底配料多样，有番茄、台山椰菜花、花椒，粒粒飽滿的海蠣，口感柔嫩，湯汁好好味。九層塔香燜海蠣：炸過的海蠣遇九層塔，一口一個，齿洽留香頭水紫菜海蠣煎蛋：頭水紫菜加上蛋液煎到金黄，外焦内嫩，海蠣粒粒飽滿莆田滷麵：湯底浓，配料丰富，蜆肉，冬菇，大大只的蝦球，味道一流酥炒芋芯：芋條以沙糖炒過，甜甜的，外脆内嫩，一口一個百秒黄花魚：平時食開的鱼都系煎、炸，好少用沙煲燜，简單的姜粒、葱段，即保留左肉貿鲜滑又唔腥，值得一試福建炒米粉：配料多多，米粉幼細，虾球、哈仔、冬菇、菜粒、紫菜，米粉幼細干身，好香口。

因為莆田嘅食品都算好食，我久唔久就會到此一遊。 今次來到， 又有新菜色， 就係《海蠣》。 餐前小食， 味道酸酸甜甜嘅蘿白片， 係一道開胃小吃！ 今期嘅優惠係 $188 俾客人6 選2 食法， 有六種烹調《海蠣》嘅方法， 有煎、炸同湯、等等。 我哋揀咗《江口家鄉海蠣湯》& 《酥炸椒鹽海蠣》。 嘩， 大大碗嘅《江口家鄉海蠣湯》來了，滿滿嘅海蠣，份量都唔少， 雖然細細粒， 但肉質都非常飽滿，味道鮮甜無比， 加上蔬菜一齊食， 囗感特別豐富， 味道仲好好， 又健康又好食！ 第二道就係《酥炸椒鹽海蠣》， 炸得乾脆， 口感外脆內嫩， 仲有鮮甜嘅口質， 用來送啤酒就一流啦！ 每次到莆田都會叫嘅《百秒黃花魚》， 魚肉鮮甜， 仲好嫩好滑， 煮嘅時間控制得剛剛好， 仲加咗薑， 無乜腥味， 魚湯都特別鮮甜！ yummy ! 《興化炒米粉》， 材料十足， 有多種海鲜同配料， 包括蝦仁、蜆肉、紫菜、花生等等。 味道適中， 米粉炒得乾身， 口感幼細爽囗， 我喜歡， 值得 Encore ！

><今期係推廣莆田海蠣節 即係蚵仔$188可以揀其中兩款菜餚天氣凍咗 一開始嗌咗個湯暖下身江口家鄉海蠣湯加咗白醋 增加食慾 本身仲以為係蕃茄嘅酸味 每勺都"畢"到海蠣 細細隻鮮味十足酥炸椒鹽海蠣咬落去爆哂汁出汁莆田滷麵($89)每次嚟都必食 老少咸宜麵條好滑 又有蔬菜 海鮮混合埋一齊食到最後都仲係熱嘅百秒黃花魚($69)顧名思義 應該烹煮一百秒左右?!魚湯有薑去驅寒 酥炒芋芯($82)外皮有少少酥且甜甜哋入面軟軟糯糯 都幾飽肚><><><><><><><><><><><><><><><莆田元朗元龍街9號形點一期2樓2040號鋪