莆田 (形點 I)

營業中

休息中

今日難得約了好友到元朗一遊，順道經過Yoho Mall 去吃米芝連餐廳莆田。這間餐廳賣的是福建農家菜，福建閩菜歷史悠久，我們常吃的蠔仔煎也是名菜之一，而冬季的時令非牡蠣-即蠔莫屬。餐廳將蠔仔做成六款菜色，炒蛋、酥炸、爆炒、煮湯齊備，$188就可任選其中兩道菜。喜歡吃蠔的我們就點了頭水紫菜海蠣煎蛋和江口家鄉海蠣湯。另點了著名的酥炒芋芯、百秒黃花魚和興化米粉。每檯會先上一份酸菜，酸菜切得較幼身又爽口，味道剛好不過酸。茶類可以自己選擇，我們喝菊花杞子茶，有清香菊花味☺️率先上桌的是百秒黃花魚，黃花魚肉細嫩，煮魚的湯微帶薑味，清新而不淡，惟怕魚骨的朋友可能不喜歡，因為黃花雖嫩滑，細骨也較多。再來是酥炒芋芯，外表炒得略帶金黃，入口外皮又甜又脆，內裡是半軟稔的芋頭像吃芋頭脆糖，份量頗多，一碟有16件，4-6人分享也足夠。興化米粉則有點像炒新竹米粉，幼身足料，有蝦仁、花生粒、菜、蜆和脆紫菜絲。主菜頭水紫菜海蠣煎蛋很足料☺️跟我們吃的港式蠔仔煎有點不同，蠔仔肉多、比例近乎1:1，每啖也有雞蛋香和蠔仔，可沾少許餐廳的辣媽醬更突顯蠔鮮味。（辣媽醬味道辣中帶些酸味，帶種泰式辣醬風味）而江口家鄉海蠣湯以蕃茄、雞蛋

入左元朗搵朋友食飯，佢話哩間唔錯帶我去食，門口寫住【享譽新加坡的福建菜】，食完的確覺得唔錯，冇介紹錯點完菜，食住扁豆等主菜黎椒鹽豬手$39，有2件，價錢抵食，切開時已經聽到好清脆既聲音，肉質好林，名副其實外脆內軟，再用椒鹽爆香左d味百秒黃花魚$69，魚肉好滑，不過因為係細魚會比較多骨，所以食用時要小心，湯底煲得好有鮮味，好好飲興化米粉$82，炒得好分明，冇濕冇黐埋一齊，，蜆肉冇沙粒，蝦都算大隻又爽口

福建菜在香港比較少有，我覺得哩間算唔錯。興化米粉($82)，炒得唔錯，米粉唔會一舊舊，味道調較得唔錯，唔會過鹹，蝦球好彈牙。江口家鄉海蠣湯($98)，湯底好重蠔仔既鮮味，而且好足料好多蠔仔。九轉小腸($79)，有d似豬大腸，但佢唔會有豬大腸既肥膏，而且好爽口。椒鹽豬手($39)，size有類似雞上脾咁大，炸得好脆卜卜。酥炸椒鹽海蠣($98)，都係炸得好香口既餸，一口一粒，咬落又脆又香，原來蠔仔用炸既煮法都唔錯。

今日同老公喺元朗yoho mall 行街，行下行下已經黃昏係時候要醫肚，上到二樓搵地方食飯，經過莆田門口，有得試食喎，飲咗啖餃子湯又幾好味喎，於是就決定入去食個晚餐😜好彩我地六點幾就開餐，我地食飽出面就排哂隊試食😜餐前小食今期做緊海蠣，即係蠔仔任選兩款$188海蠣煎蛋，蛋味好香，蠔仔就鮮甜，仲要有好多蠔仔九層塔燜海蠣，較野味香口百秒黃花魚，魚肉鮮香，加埋清湯一流重點推薦，酥炒芋芯，外脆內軟，面頭有層焦糖好香口興化炒米粉，米粉係超幼既銀絲米粉，我至愛，又多料👍🏻

星期六和媽媽家姐入元朗行街，首先當然去醫肚。每次想不到吃什麼莆田也會是個好選擇，這次來到正在做海蠣節（即是蠔仔）。它正在做個推廣可以$188點兩樣海蠣主題的菜式。我們便點了特色海蠣煎和店員推介No.1的九層塔香燘海蠣。首先大讚的是兩道菜式的海蠣真的超級多！海蠣鋪滿整塊煎蛋，在外吃飯很少這麼慷慨！味道亦很鮮，感覺很補！另外喜歡九層塔的人一定要點這道燘海蠣！（當然你本身討厭這味道就沒辦法😂）龍龍的九層塔味道，有點像台式三杯雞的煮法，送飯一流！同樣是整鍋都滿滿的海蠣，蠔肉飽滿，熱騰騰的上菜，非常入味！另外興化炒米粉和百秒黃花魚幾乎是我們每次去吃必點的！那種獨特超幼的炒米粉炒得乾身，配合餐廳獨特的辣媽醬，真的非常好味！亦從未在外面吃過這種口感，所以是每次來必吃的！同樣，第一次吃過8秒黃花魚之後，那種嫩滑實在令我念念不忘，雖然有點多骨要小心吃，仍然覺得做得非常出色！家姐嚷着要試試這裏的酥炸芋芯，非常驚喜！芋頭本身非常粉嫩，包了些糖漿在外，切到每一塊都bite size，雖然已經很飽仍是一口接一口的吃！而且份量很多，起碼三四個人才好點（尤其芋頭也非常飽肚）。最喜歡的是莆田除了食物優質之外，每次去不

同朋友喺元朗形點一行完街，又係時候搵地方食飯。見呢間莆田有咁多客，又推廣緊海蠣節，望落都幾吸引，決定入去開餐。見海蠣菜式做緊$188 六選二優惠，就揀咗兩個嚟試下。頭水紫菜海蠣煎蛋 - 採用嘅海蠣都幾肥美，紫菜同海蠣嘅鮮味混入左蛋入邊，而且煎得香口好食。江口家鄉海蠣湯 - 除咗海蠣之外，仲加有番茄、椰菜、雞蛋等材料，湯頭鮮得嚟帶微酸，更能帶出海蠣嘅鮮味。我哋仲點左下邊嘅菜式。百秒黃花魚 - 採用重量約在180g - 200g嘅黃花魚，以莆田獨創的烹飪方法將魚喺100秒內蒸熟。食落肉質十分嫩滑，湯頭味道鮮甜，水準之作！興化米粉 - 有名嘅興化米粉，選用上等黃尖米為材料，喺太陽底下自然風乾。米粉十分幼細，口感輕軟、鬆爽。配上蝦、蜆、紫菜，及花生等滋味配菜一齊炒，食落毫無油膩感，唔錯。酥炒芋芯 - 表面包有薄薄一層香脆嘅糖衣，芋芯夠粉，芋頭控必試。整體感覺，餐廳肯喺食材上邊用心，而且菜式健康，好適合一家大細嚟食。

莆田晚晚排長龍，或許是百元多一道菜就吃到米芝蓮餐廳的原故！看看餐牌，其實用到的材料很「平民」，但煮的功夫卻不少！起碼在家真是不容易煮得到！價錢絕對是獻給大廚的功夫。好像九轉小腸，一層又一層，辟走豬腸本身的味，讓我這個從不吃街邊豬腸的人都敢吃。椒鹽豬手亦是平民食材升呢菜，煮得肉稔，外表卻是炸得卜卜脆，口感非常出色！絕對不是平時食的椒鹽豬扒可以比！莆田百秒黃花魚一直是皇牌，聽說是火候控制在100秒以內，做到魚的肉質和鮮味剛剛好。喝一口魚湯，確是鮮味。愛吃魚的老媽甚欣賞。我則是比較怕多骨，而黃花魚卻又是幾多骨的一種魚，沒辦法嘛。$188兩款海蠣節美食，都幾抵！我們點了九層塔香燜海蠣，瓦煲上菜熱辣辣，顯得九層塔特別香。海蠣上面粘有木薯粉，吃起來有點彈牙和煙韌，就有點像芋圓的感覺（笑）滿滿的蠔味，加上爆香的蒜頭，送飯特別開胃～另外一款我們要了江口家鄉海蠣湯，比起廣東的蕃茄蛋花湯酸，加了醋，很特別的味道。內裡的蠔有不少，絕不吝嗇。$188有餸有湯，價錢絕對合理。唯獨餐廳實在太受歡迎，收碟和上菜也是超級快，感覺就吃得有點急，座位也有點狹窄。

莆田是米芝蓮星級餐廳, 每間分店都常常很多人, 今晚和爸爸吃飯, 選了這間餐廳, 質素有保証, 價錢又不貴。現在吃海蠣是季節, 我們叫了$188兩款海蠣菜式, 比較抵食。百秒黃花魚: 說是百秒黃花魚, 不知是否真的只煮了一百秒, 但它煮的時間真的調較得十分好, 肉似剛好熟, 完全沒有未熟部分, 十分香滑細緻, 又沒什麼骨, 吃得方便, 連魚湯也可一拼喝掉。興化米粉: 餐廳的招牌菜式, 這種米粉特別幼細, 卻不易折斷, 味道調較得剛好, 用料亦豐富, 有蜆、蝦、菜等等。頭水紫菜海蠣煎蛋: 這煎蛋有點家常菜風味, 混入紫菜及海蠣, 很有海洋風, 海蠣份量十分多, 味道新鮮, 沒腥。九層塔香燜海蠣: 平常不太愛九層塔, 但這味道做得很吸引, 十分惹味, 海蠣走過油, 特別香口濃味, 用來配飯吃也該不錯。酥炒芋芯: 樣子似反沙芋, 不過是咸的版本, 外香內粉, 比較適合多些人來分享, 這菜式比較飽肚。我們喝的是菊花茶, 味道清清的, 在吃濃味的菜式下, 十分之配合。吃了這麼多款菜式才三百多元, 很有物值, 爸爸都對今晚的菜式很滿意。

《莆田》 #食在元朗📍元朗元龍街9號形點一期2樓2040號舖-莆田海蠣季有6款菜式 $188可以任選兩款🔹頭水紫菜海蠣煎蛋🔝 $98頭水紫菜甜甜地 加埋海蠣 煎蛋仲保持到蠔嘅鮮味整體好唔錯 比起普通嘅煎蠔餅 呢個配搭更出色🔹酥炸椒鹽海蠣 $98一份有好多蠔仔 每粒都炸得好脆 雖然係椒鹽 但完全唔會過咸 😂不過個外表睇落就唔吸引啦除左試新野 另外再加埋d必食之選🔹百秒黃花魚 $69煮100秒嘅黃花魚 魚肉keep到好滑 個湯仲幾鮮🔹酥炒芋芯🔝 $89每次都必食🤤 甜甜嘅外表 厚實嘅芋芯 好味！而且一份有好多粒 芋頭都幾飽 一份三四個人share都得🔹興化炒米粉🔝 $82店員話要加埋 莆田辣媽醬 食會特別好味，係酸酸辣辣咁 都幾夾，仲有得單獨買個辣椒醬返屋企架興化米粉比起山竹米粉更加幼 但唔會痴埋一舊 仲陪埋d蜆同蝦 唔錯幾好味🍴8/10

終於黎到星期六，訓覺訓到日上三竿，就決定近近地黎Yoho睇下有咩食。莆田一直都想試今日決定入去品嚐一下福建菜的味道，上海菜就食得多，福建菜真係第一次最近的promotion係關於海蠣，所以我都決定試下呢到嘅蠔仔，睇下味道如何佢主打只用300日的海蠣，相信會相當鮮甜🔸酥炸椒鹽海蠣 $98🔸頭水紫菜海蠣煎蛋 $98酥炸海蠣雖然外表不怎麼樣，但食得出蠔仔的新鮮，非常飽滿鮮甜炸粉都恰到好處頭水紫菜煎蛋，用料十足，每啖都有蠔仔，連不愛吃蠔的朋友仔都吃不停口🔸興化炒米粉係傳統的福建米粉，麵質較幼，但不會煮得過軟而一餅餅，仲係爽口，配上莆田的辣醬，真係一啖又一啖辣醬有點似泰式，酸酸辣辣，再有冬菇椰菜新鮮的蝦配在一起，令好食的程度得以升華。**注意辣醬是自己另外加上的，可問店員拿取🔸百秒黃花魚魚質嫩滑，吃的時候要注意比較多骨，但唔腥，無諗過好似湯上的食法會煮到咁好，又無過火喉難怪咁多人叫🔸酥炒芋芯十分推薦呢個芋芯，薄薄一層的焦糖包住芋芯，炒得香脆的外表，咬下啖啖微甜的芋芯，就算凍左都一樣好食

睇完戲係Yoho Mall搵食，門口見到個牌好吸引！寫住莆田海蠣節，養足300天！6種食法，套餐可以試到2款，蠔迷唔需要再考慮吧！九層塔香燜海蠣唔使講～Venus一定會嗌香口餸食，雖然賣相一般般，但食落充滿泰國特式，每啖海蠣都有九層塔香味，一啖一隻送飯一流江口家鄉海蠣湯足料靚湯，超多海蠣！加入蕃茄提升鮮甜味，椰菜花吸盡上湯鮮味，每一口湯味道都層次分明，同香口九層塔燜海蠣好夾，一濃一清，非常搭配！酥炒芋芯絕對不能錯過！為咗佢我會經常去莆田食，甜甜的外層非常鬆脆，內裏芋芯軟綿綿的咬兩口已經溶化，Venus形容為食過翻尋味百秒黃花魚百秒黃花魚之所以叫百秒係因為100秒就煮好，一向唔多鐘意食魚嘅Venus食落好驚喜，第一：唔腥；第二：勁滑；第三：魚湯超好飲，今次之後對魚有改觀！百秒煮完條魚真係勁滑！興化炒米粉莆田皇牌推介，米粉較一般米粉幼身，炒落更易入味，加入紫菜、豬肉、大蝦、椰菜及花生，食出鑊氣，都幾大碟，一碟兩個人食就啱啱好

莆田位於元朗形點1商場， 由港鐵站行去餐廳其實只要兩分鐘非常方便， 餐廳也十分大，樓底高，坐得寬敞舒適， 無論是情侶用餐，還是一家人也有 合適的枱形可供選擇。這次選莆田作為晚餐，是因為他們最近做一個海蠣節的推廣， 平時美國歐洲的大生蠔吃得多，當然也要試試中國出產的海蠣。莆田的海蠣出產自 興化灣江口港淺海區， 養足三百日， 海域水質，好無污染，所以每一隻海蠣腥味少，肉質鮮甜。酥炸椒鹽海蠣海蠣外皮炸至金黃酥脆 ， 雖然海蠣不是太大隻，但是一口一粒， 卻是剛剛好滿口留香。江口家鄉海蠣湯這道菜是福建人最喜愛的 湯品之一， 海蠣湯除了有海麗也有番茄花椰菜等等味道帶少少酸， 因為當中加入了少許白醋， 最喜歡是即使這是一道湯品，但是海蠣仍然是滑嫩嫩的。酥炸芋心芋頭外酥內軟， 外面煎得香口又帶少少甜味， 非常好吃。百秒黃花魚百秒黃花魚是莆田的招牌菜之一， 以100秒就淥熟一條魚， 味道鮮甜嫩滑， 魚味也算濃郁， 當然要連湯一起喝。興化炒米粉連一碟炒米粉也是非物質文化遺產，當然要試試。 米粉在太陽底下生曬，粉條幼細， 材料有 蒲田最引以為傲的海帶， 鮮蝦，花生和蜆， 非常豐富。

总体吃了两次，每次的点菜都不太相同，但目前还没吃到让我感觉失望的才，凉拌紫菜兼具酸甜清新，燕皮馄饨爽脆可口劲道十足汤底也是酸鲜开胃，九转小肠完全没有腥味和肥腻感，为了保持口感还加温，百秒黄花鱼是最爱，能将冰鲜鱼做到如此滑嫩鲜美实在不易，白菜豆腐煮汤也是滋味浓郁，还有一道蟹肉紫菜豆腐羹，一口下去充满了紫菜的清甜，各式牡蛎菜肴倒是比较普通，虽然好吃，但惊喜不足，最让我惊喜的是我家宝宝每次吃这家都能吃好多饭，宝宝才一岁就特别懂得分辨滋味，不好吃的肯定不会下口，每次吃这里倒是抢着吃，足见一斑

今日去開元朗做野，所以晚餐就約左住響附近既朋友出來一齊見下面吹下水。佢帶我去呢間主打福建閩南菜既莆田，就響形點 I 二樓，都好方便，外觀見裝修唔錯，坐落招呼又幾好！江口家鄉海蠣湯用上番茄椰菜花配蛋花湯，而且超多蠔仔，湯味鮮甜；蠔仔軟滑味濃，好快成大窩湯就俾我地消化哂！百秒黃花魚於沙窩上桌滾熱辣，朋友推薦要趁熱食，感覺魚肉鮮滑清甜，好少魚骨，不過都要小心d!呢個興化米粉，同我平時食開果D廣東米粉有D唔同。呢個米粉好幼細，好軟綿綿嘅口感，配上鮮蝦球；冬菇片；蜆肉；紫菜，椰菜，花生米等等，材料豐富，好好味嘅配搭！推介D呢度特製既辣椒醬，好好味！最後仲叫咗個酥炒芋蕊，甜甜地既外皮，估計係塗咗D糖膠，然後炒熟上桌，所以食落甜甜地，特別又可口！傾吓傾吓，唔經唔覺全部野食哂，好滿足呀！

是日又係昕昕爸爸放夜的日子，我收工湊住昕昕去莆田邊食邊等爸爸來晚餐，在屋企行去莆田路上昕昕話佢第四次去莆田食，我都冇跟佢講，沒想到佢咁記住，佢肯定係掛住條黃花魚，每次一提起佢就出現咗個為食樣( ￣▽￣)σ一開始上了我沒興趣，但昕昕爸爸一見就會搶住食的梅菜小食~~~興化炒米粉，個人覺得食到飽飽的，沒想到炒米粉係咁幼~~~ 江口家鄉海蠣湯，個湯因為有番茄的酸令我和昕昕都喜歡飲，最重要睇到蠔仔有好幾粒幾大隻酥炒芋芯，雖然賣相普通，但勝在外甜內淡，感覺幾好食~~~昕昕每次必食的百秒黃花魚，昕昕呢個愛魚控每次去食飯都渴求食蒸魚，真係似足我細個果陣，佢年紀小小就食足半條魚，而我就將佢留俾爸爸和她慢慢食，之前我食過好幾次，魚肉真係好滑~~~福建特色海蠣煎，雖然昕昕唔食蠔仔，但佢鍾意食蛋，真係食過唔停，而我就覺得煎得幾好，最重要係唔太濕，食出啖啖口感~~~最開心係食夠$300或以上可以儲亞洲萬里通里數，呢餐三百幾蚊埋數又可以食到飽一飽，真係可以間中來開餐~~~