茶茶台式料理 (已結業)

放假同老公出去拍拖，係旺角買完波鞋就去搵間鋪頭食飯，lunch 時間度度都多人，見到有間食台灣野，茶茶台式料理店好似幾吸引就入左去等位，等左一陣就有位啦！午市套餐好多選擇，有台式飯類、丼飯、麵類等等，價錢都係幾十蚊起 下午茶時段仲有7折添，不過為左唔好餓親肚仔都係食lunch! 叫左個川辣四寶面$55同農場番茄牛肉熱湯$48加左幾個小食香煎雞蛋 +5$蠔油時菜 +6$炸雞翼+$12$酥炸花枝墨魚丸+$12 金黃色的墨魚丸內裏充滿花枝粒 台灣夜市小香腸 +$15最鐘意就係台灣腸野飲分別嗌左芝士四季春+$12同蜂蜜綠茶+$8，食物質素不過不失，經過都可以試下！

朋友同區搬屋，不過我哋講好咗去探下佢，約咗七點鐘，見未夠鐘就去搵啲嘢食醫下個肚，經過茶茶台式料理門口，俾個火鍋吸引咗,於是就入去坐低左，老公一坐低就叫咗杯菠蘿特飲,佢係菠蘿怪，成杯都係搞碎咗嘅用途菠蘿蓉同菠蘿汁。我哋叫咗一個沙茶火鍋,味道濃郁，於是我就在點多一份臭豆腐同埋娃娃菜，索左湯底果然係好好味。另外醬汁臭豆腐同青瓜都好好食，要值得一讚嘅係茄子，佢皮係冇燶架，所以我連皮食，啲蒜蓉加埋啲五香粉，好好味啊！媽咪都好鍾意食臭豆腐，下次要帶佢嚟食先得。

去新寶睇完戲想醫肚，向後行有好多食市，於是又去發掘下，又真係有間新嘢喎～叫茶茶，仲有隻恐龍仔做logo入去時都好多人，裝修格局以白色簡潔為主，光猛舒服我地坐在水吧附近，座桌也是簡潔組合，除食具外，還有調味架供客人佐料呢間係一間台式料理，除有飯有麵小食外，仲有熱鍋可選仲有串燒可揀～而且佢地個台南滷肉飯仲係店內人氣之選既是人氣之選，當然不能錯過，先點了一個鹽酥雞扒滷肉飯，又可吃到雞排，又可嚐到滷肉飯，一個餐就可以滿足到兩種食欲雞扒炸得皮脆肉嫩，仲好juicy，滷肉飯也是水凖之作，滷得入味且肥瘦均勻，仲好大碗添~另外再叫咗個台式併盤，一次過食到花枝丸丶小香腸同雞亦，都係＄43~炸得又香又脆，這個拼盤係滿足到想一次食多種食物的人仕之選每台都必有的，熱鍋系列~即係臭臭鍋，今次我叫咗一個想食好耐嘅魚款鍋物~花蓮烤魚鍋，仲要揀大辣用的魚係鯇魚，上枱時已經烤好，好大嚿，連皮都烤到焦香酥脆，但魚肉仲keep到好嫩滑~而且配料好多，有豆腐丶粟米丶蜆肉丶椰菜丶菇類丶炸枝竹同豆角，淨食這一個鍋都好飽朋友叫咗沙茶牛肉鍋，中辣，配料多咗牛丸同貢丸，如果唔中意牛肉，這個鍋可轉豚肉的~我嚐了一㸃，個湯同個辣是另一種風

上次去台灣都無太多時間慢慢試台式食物，發現豉油街有間環境唔錯的台式料理，天氣又熱，即刻二話不說走入去坐低，店舖裝修以白色及簡約為主，好有清新寧靜的感覺，睇睇餐牌，可以選擇的食物同飲品都唔少，叫左個沙茶牛肉鍋，可自選辣度，鍋內除主菜牛肉，仲有14款配料，足料，麻辣臭豆腐，同港式炸的不同，另有一番味道，辣味恰到好處，唔會蓋過臭豆腐味，鹽酥雞扒，外皮酥脆，仍可保存雞扒肉汁，酥炸花枝墨魚丸，粒粒花枝有口感，金牌烤羊肉串同燒豬大腸，睇到師傅係好用心燒，香，脆，軟，惹味真係集於一身。飲品大大杯，可以慢慢飲。

出開旺角見到呢間幾多好評，於是同老公試下，啲燒物有驚喜，呢個牛舌要重點提，好好味，又唔會燒到好乾，咬落好滑有汁又有啲爽口，我地食完一碟後忍唔住叫encore多一碟牛舌😍😍呢度叫左一個麻辣鍋，佢拎比我地時啲牛肉已熟晒嫁啦，等個煲滾食時估唔到啲牛肉入口仲好淋。差唔多100蚊一個鍋，但入面都幾多料下，係絕對夠飽嫁另外佢啲野飲都好飲，叫左滿杯菠羅，飲落好清甜既菠羅味，我好like呀，因為飲落唔係加左糖水果啲P.S隔壁叫左臭臭鍋，不斷漂左啲味過黎😂😂好彩唔係好勁，都接受到

上年黎過呢間食過 位置係新寶戲院後少少但好似而家轉左老闆 改左名 今次黎試下d味道🥢🥣唔同種類既Menu款式都好多除左有 一人一hotpot🍲, 小食🥟🍤同飲品🍹之外,仲有燒串燒Tim!🍢🍡先叫左兩杯野飲🍹“芝士茶茶8號” 茶上面有層厚厚既奶霜勁滑又勁creamy 又唔會好咸 好好飲“滿杯菠蘿🍍” 好fresh!藥膳雞鍋🐔🍲識食1定會先飲啖湯先好有藥膳湯既味道 不過比較鹹雞件都幾多茶茶麻辣鍋- 大辣🍲雖然大辣只係排中程度 但都頗辣呢個鍋入面包埋公仔麵 都幾滿足鹽酥雞扒🧂🐔大件又厚肉 雞皮炸到勁脆口 食落仲有雞皮既油脂肉嫰又juicy椒鹽味仲好香Tim!

台式小窩邊勞同男朋友去左旺角睇完戲去左隔離食呢間，茶茶台式料理。叫左小辣花蓮烤魚鍋、鹽酥雞扒、蒜蓉燒茄子、甜燒菠蘿、金牌烤羊肉串同純金鳳茶王。小辣花蓮烤魚鍋好大舊煎鯇魚，皮好脆，魚肉都好食，新鮮，吾會太咸，啱我哋兩個口味。同埋好多配料，蜆、木耳、炸枝竹、豆角、豆腐、粟米、椰菜、鮮冬菇、娃娃菜、金菇同芫荽，2個人1個鍋再加其他小食都夠。鹽酥雞扒雞扒炸得好好，外皮脆但入邊仲保留着好多汁，炸完即食，好味。蒜蓉燒茄子最鍾意食燒茄子，平時自己好難煮，因為要燒好耐，蒜蓉好入味，加小小辣椒，岩晒。甜燒菠蘿燒菠蘿走唔甩，好甜，加上唔係燒好耐，所以個表皮唔會乾，我叫咗兩碟食晒4串😋🤪。金牌烤羊肉串都幾好，唔會好膻，燒得到啱啱好，羊肉仲係好嫩同有肉汁，果然係叫金牌！金鳳茶王因為減緊肥所以叫咗個無糖嘅茶，好大杯，金鳳茶王係台灣的一種烏龍茶，烘焙的烏龍味道很重，甜味很淡，很清爽，男友話啱佢飲。餐廳價錢唔貴，份量都大，啱晒我哋兩個大胃王，食完飽住走。

數年無去過台灣了，有點想念台灣料理，由其是臭臭鍋，記得幾年前去台北嘅饒河夜市，人太多太逼，於是求其響一間店坐低，係食臭臭鍋的，一試就愛上。最後我搵到旺角嘅呢間店有得食臭臭鍋。我叫左台式麻辣鍋，朋友就叫左沙茶鍋。飲品方面，我叫左金鳳茶王，比較偏甜，我就覺得太甜嘞。呢個台式麻辣鍋有公仔麵啦（我打邊爐最鍾意公仔麵），金菇啦，貢丸，蟹柳呀，豆腐之類，味道呢同平時買四川麻辣好唔同，四川麻辣係麻香多啲，呢一種就係香辣，微酸，醒胃沙茶鍋我就更喜愛，濃濃嘅沙茶味，同鍋料好夾，帶到蔬菜同肥牛嘅鮮味我地仲另外叫左個串燒韭菜，我第一次食，好好味呀，有好香嘅孜然味同香料味，原來韭菜拎去燒係咁入味可惜今次食左個鍋先叫串燒食唔落咁多，下次再來要叫多啲串燒

好耐冇食過一人一鍋，今次就嚟呢間台式料理食下~見佢有好多款一人一鍋揀，每款都寫明入面有咩材料，辣度可以自由選擇~我叫咗個藥膳雞鍋，一上碟就已經見到個鍋幾大下，而且雞肉份量算多，個湯底都夠濃，feel到有藥材味，又唔會係苦，反而有種藥材嘅香味，見到有杞子同蟲草花，感覺幾健康~佢入面有好多款唔同材料，我比較鍾意佢配合養生主題係以蔬菜為主，雞肉都夠嫩滑~佢有得自己配搭火鍋醬料，可以按個人喜好選擇醬料嘅份量~同行朋友叫咗個茶茶麻辣鍋，佢揀咗小辣，試咗佢個鍋幾啖覺得一開頭不會太辣，但係湯底越熬越濃，開始辣味提高，感覺幾刺激~個鍋有唔同嘅丸類，牛肉，同埋公仔麵，啱晒食肉獸😬不過佢入面都有啲蔬菜，可以平衡返😂食完個鍋都好飽，不過見到佢啲串燒幾吸引，所以小食就叫咗一串車厘茄煙肉卷，煙肉包住車厘茄一啖咬落去可以食到煙肉嘅肉汁同埋車厘茄入邊嘅汁，口感幾特別，有兩種唔同層次，再加埋串燒嘅香料可以提升車厘茄同煙肉嘅鮮味，食落口感幾豐富~最後叫咗兩杯台式嘢飲，我哋揀咗無糖嘅純綠研同埋荔枝紅玉，個人比較鍾意無糖飲品，覺得呢杯嘢飲夠大杯，而且茶味都夠香濃，係飯後飲品嘅好選擇👍

之前已經同朋友黎過同一個鋪位食一人一鍋!! 🥘 覺得幾好食又抵, 所以今日lunch就再媽媽再黎~ 發現店名已經改左做 “茶茶”.. 但裝修同之前都一樣.. 野食又同之前差唔多.. 所以 就照入黎喇~ 環境係小清新～casual 舒服感 Lunchtime原來係無鍋食架~ 但有好多其他款既麵類, 飯類同小食 勁肚餓既我地, 一人揀左一款主食再加左幾款小食~ 我地一人叫左一個熱湯~~ 可配: 飯/米線/手作麵/公仔麵 馬來沙茶牛肉熱湯配飯 $48 🐮 媽媽叫的~ 原來D料都幾多下, 除左牛肉, 仲有好多木耳, 菜, 金菇, 同其他菇菌 個人覺得叫熱湯襯白飯 真係好match ! 下次再黎我都會揀配飯~🍚 不過呢一個沙茶味就稍為偏淡, 如果可以好似火鍋個沙茶湯底咁濃會更加好味 宮廷藥膳豚肉熱湯配手作麵 $48 呢一碗反而幾有驚喜, 藥膳味夠香, 就咁飲個湯都得🥄 豚肉份量適中, 但係對我黎講就偏多肥肉 配料比起沙茶牛肉更多呢, 呢碗多埋蟲草花同炸蒜片, 即時惹味左好多 : > 手作麵係店家自家製的, 果然係好有彈性, 麵質偏硬身~ 幾好味 Lunch +$1

同朋友行街行到攰 揀左呢間裝修幾特別嘅台式餐廳個logo仲好得意添睇下個menu又有串燒又有火鍋一於嗌哂兩樣試下於是嗌左個沙茶牛肉鍋同埋嗌左一串燒韭菜飲品就嗌左杯純金鳳茶王不過略嫌甜左啲 唔太鍾意甜既朋友記得嗌少甜沙茶牛肉鍋黎到嘅時候啲食材已經係熟左 可以即刻開始食！除左肥牛仲有好多唔同食材 幾足料仲有唔同調味料 照顧到鍾意唔同口味嘅人另外再嗌多左個細滷肉飯熱辣辣 幾好味但全晚最鍾意都係呢碟燒韭菜但一定要襯熱食

喺旺角無意中發現咗間台灣餐廳～好可愛嘅Logo吸引咗我～緊係即刻入去試吓佢啦～場景幾簡單舒適～Menu都幾吸引～有串燒同台式小食～仲有臭臭鍋添～有六款口味～我揀咗藥膳雞鍋～賣相好吸引，可能好肚餓，見到都流口水跟咗一塊炸魚皮，即刻食咗，特別好味～飲一啖湯先~藥膳湯幾好飲同好濃味，但唔好飲太多，因為會好鹹~雞件算多，所有配料都吸收晒藥膳湯嘅味道～之後我仲追加咗公仔麵，建議大家加咗湯先再淥麵～因為呢個藥膳鍋太足料，會越來越濃味～飲品我叫咗純綠妍～幾清新幾好飲～食完呢個咁濃味嘅鍋～再飲一啖綠妍，呢個配搭無懈可擊～朋友揀咗，花蓮烤魚鍋～賣相好靚喎，好大舊鯇魚，魚肉滑得嚟又唔鯹，魚皮食落脆口架～麻辣做得幾好味，同鯇魚恰到好處～沙茶牛肉鍋～想食牛肉必選呢個鍋，有好多牛肉～朋友挑戰中辣辣到佢食唔到店員見到佢咁辣，都細心不停加湯比佢，等佢無咁辣老實講，我都算食得辣，我試咗一啖都覺得好辣所以提提大家～食得辣先好挑戰朋友叫咗芝士苺苺～個樣好似幾好飲～下次我都試吓先～我哋仲叫咗台式小食拼盤～有台灣小香腸，雞翼同花枝丸～充滿台灣風味，食完突然想去返轉台灣喪食啊～幾好食嘅一間台式餐廳，喺旺角咁方便～我諗台灣癮發作

今日去旺角行街，諗住食台灣野，見到有間食台灣菜，門口有張poster寫住人氣no.1台南魯肉飯，都幾吸引，所以決定入去試吓。魯肉飯咁出名，當然要試吓啦，我叫咗鹽酥雞扒魯肉飯，魯肉飯上面d肉碎加埋d醬汁，果然名不虛傳，好好味，醬汁唔會太喊，味道啱啱好，鹽酥雞果個皮炸得好薄好脆，d雞肉唔會炸得太老，好juice。招牌臭臭鍋-我第一次食，我初初唔知咩叫臭臭鍋，原來係有臭豆腐，所以叫臭臭鍋，個湯底都唔差，因為有好多料喺入面，d臭豆腐吸收晒湯汁，都幾好食，個鍋入面都有幾多料，有肥牛、豬腸、冬菇、粟米、蜆、丸、鴨血、血糕、金菇等等，非常豐富。惹味燒牛舌-係厚切牛舌，上面加埋d蒜蓉同7味粉一齊燒，好香好惹味，牛舌咬落去唔太韌，好juice,好好食蒜蓉燒茄子-上面有大量蒜蓉喺面，燒到好香，茄子好淋，好多汁，勁入味惹味燒腸大腸-燒到外面果層皮脆脆地，上面加埋大量味粉一齊燒，入面軟淋淋，入面清得都好乾淨，完全冇蘇味，好好好食最後緊係要叫佢地嘅台式飲品啦，我地叫咗芝芝莓莓同超級水果綠妍，芝芝莓莓上面有一層厚厚嘅芝士，好濃嘅芝士味，下面有酸酸甜甜嘅草莓汁，好好飲，好開胃，而超級水果綠妍就真係超多生果，有2大片

去旺角來來去去都係食嗰兩三味，雖然好似周街都係嘢食，但係有時都會揀唔到，好迷惘。今次行入啲，可能有好嘢食，果然新開左一間台式一人火鍋。喂呀，係臭豆腐啊！台式湯底一直都係我比較鍾意嘅火鍋湯底，因為台灣嘅麻辣湯比較溫和，唔會好刺激喉嚨，但係又可以過下辣癮，所以我都係叫咗招牌臭臭鍋嘅。佢個臭豆腐係高質嘅臭豆腐呀！臭就唔使講啦，但係連食落都有嗰陣臭嘅味道，好想帶啲外國人黎試吓，睇下佢哋反應哈哈。因為朋友唔係太肚餓嘅關係，只係買多咗個套餐跟嘅滷肉飯，雖然細細碗，但係珍珠米都幾熱鬧，佢個肉操唔會太鹹，但係一啲都唔孤寒，俾咗好多肉坐喺面呢！台式餐廳又點可以冇台式飲品呢？跟住叫咗個奶蓋烏龍，叫咗無糖就可以飲到佢嗰陣茶味，茶嘅香味好重，加埋個奶蓋，都唔會太過肥膩，亦都可以中和到火鍋嘅油，圓滿。

今日出咗嚟旺角睇波鞋，好快睇完就搵嘢食，突然想食台灣嘢食，六點左右就入咗嚟依間鋪頭啦。鋪頭唔大，但係啲位都坐得舒服，最鍾意佢嗰個調味盆，有我最鍾意嘅蒜蓉，一陣食鍋物就可以點，正呀。個鍋好多餸，湯底又好好味，再另外叫咗個豆腐加落去烚吓烚吓，呢個真係抵食又好食。仲叫咗啲其他燒物，羊肉串唔騷好味，燒茄子就油左少少，仲叫咗個燒菠蘿，哈哈好似去到邊都要食燒菠蘿。仲叫咗個菠蘿特飲，好滿足可以飲到菠蘿汁同食到燒菠蘿。七點左右食完，成間鋪鋪已經好多人，好彩早到，如果唔係就要同人迫要排隊。