茶茶台式料理 (已結業)

窮遊香港-我幾鐘意既一間飲品.今日講下火鍋呢間最出名既係台式臭臭鍋但係呢排想食健康d所以叫左.⭐️宜蘭番茄豚肉鍋$108呢個入面有勁多 配料（豚肉 蜆 蕃茄 炸薯仔 炸枝竹 豆角 豆腐 粟米 椰菜 鮮冬菇 娃娃菜 金菇 芫荽 鵪鶉蛋）👍🏻份量算係幾多加$8可以追加飯 粉 麵 $12加烏冬細食既朋友 相信可以一個2份分（男仔既 食完一份都超飽）.👍🏻湯底方面 幾香蕃茄味 係飲得既級別.叫埋杯芝士奶蓋 岩岩好～爽呀.佢既芝士奶蓋茶真係好似喜茶.本來想叫芝士桃桃 但因為季節性限定冇貨 叫唔到.所以呢日飲左⭐️芝士草莓$39味道真係同喜茶好似👍🏻我比較鐘意呢間 有層次d👍🏻飲得出落左唔小草莓肉 打成沙冰（沙冰 同果肉 都明顯打得比較細幼）（所以冇大冰粒 同果肉粒）👍🏻唔係落糖漿👍🏻芝士奶蓋方面呢個滑d cream d冇喜茶咁咸👍🏻而且比喜茶平所以我係好評既.⭐️超級水果級妍$37👍🏻可以見到幾足料 勁多水果👍🏻有好多唔同水果西瓜 士多啤梨 藍莓 百香果.....唔算甜 茶味幾香 冰量偏小.#茶茶台式料理 (旺角)地址：旺角豉油街60-104號鴻都大廈地下AB號舖

好鍾意食台灣一人一鍋既打邊爐，可以試多幾款唔同火鍋既味道同配料😻叫咗兩個鍋，沙茶牛肉鍋 ($108)同巴蜀烤魚鍋 ($112)。兩個都叫咗小辣，食落去都唔會話太辣同埋太咸，配料大致上都差不多，牛肉鍋入邊有牛丸同埋牛肉，而烤魚鍋入邊有一舊煎好咗既烤魚，食落有少少刺但係味道都唔錯，好惹味👍🏻 另外仲加咗牛肉片 ($36) 份量超級多！打邊爐係冇可能會唔叫凍飲🤪 叫咗滿杯菠蘿 ($35)滿杯百香果 ($35) 菠蘿嗰杯其實係沙冰，菠蘿味好重，但係又唔會好重糖水味～ 而百香果個杯就味道比較清新。呢度除咗火鍋之外仲有好多小食，叫咗唔同款既串燒，都好高質！燒雞軟骨串 ($23/2串) 惹味燒牛舌 ($28/1串) 香烤翠玉瓜 ($13/1串) 手打墨魚丸 ($18/1串) 燒菠蘿 ($22/1串) 係超級甜超級好味😎最後加咗個台灣夜市小香腸 ($28/3條) 都燒得唔錯～

呢間位於旺角既台式小店，主打係.....一人一鍋既《特色鍋》🤭有幾特色，就係臭臭鍋😂係臭豆腐為底。小編朋友真係愛上此鍋😍每個鍋入面都有超過十款食物，有丸、菜、冬菇、金菇、鴨血... 十分豐富😋除左臭臭鍋，仲有好多特色湯：韓式、咖哩、泰式、藥膳... 真係滿足哂唔同人既口味！店內仲有台式飲品，夠哂芝士既奶蓋拼埋茶香真係勁match~* 台式味什重😍🙋🏻‍♀️高妹小編.- 👇🏻地址👇🏻.茶茶台式料理 (旺角)旺角豉油街60-104號鴻都大廈地下AB號舖-

一人一鍋有咩好？就係自己可以揀鍾意嘅湯底，尤其係一個鍾意食辣，一個唔鍾意食辣。所以今日帶左女友食茶茶台式料理。餐廳特別之處在於擁有飲品專區，飲品款式多達30種。熱鍋一共有九款，有辣有唔辣，餐牌右下角提供醬料完美比例，一於試吓佢嘅建議。小食叫左兩款，包括麻辣臭豆腐同台式小食拼盤。臭豆腐質感仍然棉密，麻辣味突出，令臭味無咁明顯。台式小食拼盤包括香腸、花枝丸同雞翼，各有特色。沙茶牛肉鍋湯底濃而不膩，配料非常多種類，排名不分先後，包括粟米、豆腐、金針菇，鴨血、冬菇、蜆、冬菇，當然仲有肥牛，非常滿足。最後加左公仔麵，麵吸收曬湯底精華超正。女友叫既臭臭鍋湯底一樣濃香惹味，配料同樣豐富，牛肉至少有五大片。一眼關七嘅職員亦會及時幫你加湯。臨走時當然要試吓佢哋兩杯台式飲品，等我哋可以一路行街一路飲。

是日係同男朋友既週年紀念日，呢間舖名竟然同我地隻貓貓一樣名❤️ 所以睇完戲之後就決定食佢！入面有部𨋢，不過好似係半裝飾黎🤣個餐紙都好可愛❤️都係有啲芝士茶！試左茶茶八號，佢係由幾種茶混合而成，但係個味道都幾特別！配上芝士好好飲～試左個巴蜀烤魚～ 係一人一鍋既feel，可以額外加餸。烤魚會愈煲愈辣！ 個感覺都幾惹味魚骨主要係大大條係中間，好易食😂滷肉飯上面係用肥豬肉混合，都幾足料，好有口感，唔會乾爭爭，而且味道幾好！同場加映 串燒系列～ 味道都唔錯金菇肥牛仲有啲汁係入面！牛脷好大塊！落用料總結食完好有返左大陸既感覺因爲香港地好少地方又有烤魚又有串燒又有芝士茶可以講呢度係集合左香港人既新口味

晚上十點 上完堂要食飯由於時間都幾夜 都唔知有乜好食又唔想食麥當勞 路過旺角 周其入一間啦唯有睇下邊間未閂門就入邊間最後黎咗茶茶台式料理價錢要六十九蚊碗飯 都唔算平嘅荔枝紅玉跟飯叫咗杯荔枝紅玉飲幾甜下其他都冇乜特別嘅鹽酥雞扒滷肉飯 $69個飯叫不過不失 個雞扒都算幾濃味 比較咸個滷肉飯啲飯唔太好味一啲好硬生生地咁個啲滷肉唔錯嘅溝個飯都算好食碗飯份量適中 叫不過不失炙燒牛肉飯 $69普通牛肉飯但牛肉我覺得比較劣質比較差 但啲汁就唔錯嘅總體黎講性價比一般

同朋友行街行到呢間野附近咪search下openrice，見D食評咁好咪試下囉，我地叫左一個 肉燥雞扒飯同沙茶鍋，個沙茶鍋$108， 餐牌'寫左個鍋有咩配料喺入面，黎到 一睇已經覺得唔值108蚊， 得一粒鵪鶉蛋一粒貢丸一粒牛丸 蜆肉 得一隻豆腐一件仲要吾完整的，牛肉3小片，仲有D雜菜， 其實108蚊話貴唔貴，話平唔平， 但呢個喎完全唔值108蚊，仲要食吾飽，要加錢加餸，完全係吾值呢個價錢。至於個肉燥雞扒飯普普通通， 真係唔明點解 咁多人覺得好食 仲話平靚正。 本身都係諗住 普通食一餐飯 都冇期望過啲乜 ，但 真係 完全唔掂。

旺角真係好多野食，無論中式，日式，韓式，總之想食既基本上都唔難搵！但係遇正五一勞動節，旺角中心點多人到爆，今次就行遠少少去鼓油街既茶茶，食台灣野！門外有好得意既投映，所以真係唔難搵！場內非常寬闊，一開始因爲行到熱既關係覺得有d焗，但係坐坐下其實都夠冷氣的！我地18:30左右到，未係太多人，19:30左右開始要搭枱！收工收得早既好處呢台灣野點少得飲珍珠奶茶，叫左香芋珍珠，開始時見到咁既顏色都想梗係咪香芋，有無比錯呢，一問之下店員話呢到係真材實料，唔落香料，所以唔係紫色！飲落都有淡淡既芋香，珍珠彈牙！主菜之一: 烤魚味道偏咸，唔食得咸既朋友不妨叫少咸，或者叫其他煲，我叫左bb辣，辣度岩哂我呢d唔食得辣但又想食辣既朋友！條魚有少少骨，但可以接受！必加配料炸魚皮，夠脆！我仲加埋雞蛋，鵪鶉蛋同粉絲，粉絲配湯底係超級正！雞蛋可以生食，但我鐘意用黎整溫泉蛋！有唔少配料可以選擇！另外，仲有唔少串燒同燒物好邪惡既雞翼！調味料好重味，岩哂重口味既朋友！雞皮炸到脆卜卜，都唔錯！仲有燒菠蘿，夠哂甜！可以中和一下燒物既油膩！價錢黎講，都算合理！可以追加唔少配料！飲品選擇亦好多！至於服務，就唔好期望太高吧，餐廳入

今晚想吃台灣菜，所以決定去旺角吃台灣的新餐廳。餐廳位於旺角，位置非常旺，所以都不算太難去找，可以的話，去前記得 book 枱啦，可以坐得舒服少少。今晚 order 臭臭鍋🍲，鹽酥雞排，雞翼🍗，燒雞串🍡，燒牛舌🍢，燒墨魚丸，燒韭菜，同埋燒茄子。餐廳都好照顧每一位客人，所以枱上都提供調味架，分別提供蒜蓉，七味粉，豆瓣醬，同豉油，非常細心，體貼。唔要調味的，都可以接受！超出名的台式臭臭鍋，是湯底加了台灣臭豆腐，獨特的家鄉台灣風味。配上肥牛，豆腐，貢丸，鴨血，木耳，金菇，蜆肉，椰菜，還有米血糕，材料非常充足。米血糕，我都係第一次吃，有點似糯米糕。鹽酥雞排，外脆內軟，肉汁充足，超正，又沒有油膩味!燒茄子，有蒜蓉味，非常香口。燒韭菜，味道就可以，但是質感就非常一般。

偽台妹又掛住台灣，特別掛念台灣的美食。所以今晚決定要吃吃台灣的美食，今晚用餐的餐廳，其實同台灣菜式有點關係。餐廳位於旺角，位置非常旺，近麥花臣球場，所以都不算太難去找。偽台妹今晚 order 臭臭鍋，藥膳鍋，鹽酥雞排，台式小食拼盤，雞翼，燒雞串，燒牛舌，燒墨魚丸，燒韭菜，同埋燒茄子，2個人都算 order 得多食物。其實呢，餐廳都好照顧每一位客人，所以枱上都提供調味架，分別提供蒜蓉，豆瓣醬，同豉油，非常細心，體貼。介紹一下，呢個台式名氣十足的臭臭鍋，是湯底加了台灣臭豆腐，獨特的家鄉台灣風味。配上肥牛，豆腐，貢丸，鴨血，木耳，金菇，蜆肉，椰菜，還有米血糕，材料非常充足，所以好鬼抵吃。鹽酥雞排，外脆內軟，肉汁充足，超正，又沒有油膩味!又到評分時間💯💯💯💯💯:味道💯: 9/10價錢💯: 9/10環境💯: 9/10服務💯: 8/10回頭率💯: 9/10地址🏣: 旺角豉油街60-104號鴻都大廈地下AB鋪交通🚇: 旺角站/旺角東站

最近對台式火鍋有啲上咗癮咁，今日見到旺角有一間台式火鍋專門店，佢係一人一鍋嘅模式，而且仲要有臭臭鍋食。臭臭鍋即係台灣有臭豆腐既火鍋，我就點左一個招牌臭臭鍋。都幾足料㗎，除咗有臭豆腐之外，仲有牛肉、金菇、豬紅、粟米、同埋好多嘅菜，非常豐富。另外我哋仲叫咗啲小食，比較特別嘅係燒菜心，坦白講我第一次食串燒嘅菜，口感比較同平時唔同，佢係比較爽口嘅。呢度嘅串燒都會落咗好多調味粉喺面度燒，食落去好香口。另外，呢度都有一啲台式飲品可以叫，唔係一般嘅水果紅茶果類啦，而係珍珠奶茶，仲有芝士奶蓋添。我就叫咗一杯芝芝莓莓，都幾正

發現旺角超抵食嘅台式美食🤩下午茶時段仲有7折‼️😳惹味香茅豬扒煎蛋飯 $49個蛋！！煎得好靚！好治癒呀！😍估唔到咁大碗！好夠飽呢！👍🏻豬扒都幾好味，不過唔覺係香茅味🤔似鹽焗味多啲🤣朋友話咸左少少🤣我覺得ok，同埋夠腍！川辣肥腸麵 $48我地一致覺得呢個好食！🤣講左要小辣，麻辣味正🤤肥腸吸晒啲湯底，好入味！有好多韭菜✌🏻呢碗嘅麵軟硬度岩岩好👍🏻咖哩牛肉蛋包飯 $49甜咖哩好味，牛肉夠腍，係個蛋唔夠滑🙈但整體係唔錯，好抵食！！加左小食，酥炸花枝墨魚丸(2粒)$12同台灣小香腸(2條)$15台灣腸真係會令人食上癮🤤跟餐加少少錢就有咁大杯飲品！😳蜂蜜綠妍+$8芝士四季春+$12又幾好飲！

又到月尾，又到出糧日子，番工咁累收工當然要同朋友出黎談天說地輕鬆下，仲有唔少得一間好食的餐廳😋今日行下行下行到豉油街見到有間台式料理—茶茶ChaCha，霓虹燈公仔好可愛，同朋友睇一睇menu覺得都有興趣就決定左呢間。📍食物一般台式餐廳就會聯想到有肉澡飯、鹽酥雞等，茶茶都不例外，但令我驚喜係仲有一人一鍋火鍋🍲食，湯底亦多選擇而都幾有特色，有招牌臭臭鍋、茶茶麻辣鍋、沙茶牛肉鍋、宜蘭番茄豚肉鍋、花蓮烤魚鍋同藥膳雞煲。不過當日就咁岩藥膳雞煲已賣光了，所以點左花蓮烤魚鍋(小辣)，個人喜好特別喜歡食辣同魚，一次過滿足到我兩個願望。登登登⋯個鍋一上已經好香，係烤魚的味道，鯇魚係事先炸過，夾起上黎原來都好大舊好厚肉，除左一大舊鯇魚，鍋入面仲有好多配料，有粟米、金菇、木耳、蜆、炸支竹、豆腐等等，仲出奇地見到有鵪鶉蛋😱，好豐富，湯底係同平時出面食烤魚一樣咁野味，魚因炸過外皮脆脆地好香口，魚肉也都嫩滑不會過老👍🏻另外除左鍋之外，話明台式料理，當然會有台式滷肉飯，喂食的朋友就點左台式四寶滷肉飯($72)，一次過可以滿足到佢想食牛展、台式香腸、花枝丸同雞翼，滷肉飯朋友表示都好大碗，滷肉不會很油，味道很讚。飲品就

想食台灣野，又無時間去台灣，唯有上網搵下邊度有台灣野食食。 搵下搵下，見到一間係旺角，睇食評睇相又唔錯wo. 放工近近地可以試下。去到果然沒有失望，裝修幾好，還有環境干淨，因為我最怕餐廳很污糟。 7點就去餐廳，時間尚早，不需要等位。但一路食，就愈來愈多人了。點了臭臭鍋，這就是一個大雜燴，有牛肉，貢丸，豆付等，雖然是大雜燴，但味道都唔錯，份量多。當然少不了鹽酥雞排啦，都有台灣的味道。最後，野飲點了個綠研芝士茶，

其實旺角條條街都係餐廳，隔幾間鋪就台式飲品，但反而台式料理餐廳真係比較小見，所以今日同老婆去食Lunch 。餐廳有lunch set ，以滷肉飯、牛肉熱湯為主，另有丼飯、咖哩蛋包飯，台灣手作麵。士林鹽酥雞扒滷肉飯-炸得夠酥脆，雞肉嫩滑，如果加多一點椒鹽會更加惹味最正就係可以無限追加小食，我們加了酥炸花枝墨魚丸，辣咪雞翼、台灣夜市小香腸，特別酥炸花枝墨魚丸，沾上酸辣醬一齊食，又彈牙又酥香珍珠奶茶-甜度剛好，珍珠口感Q彈最後最後還追加了甜品，奶香嫩仙草，仙草口感滑滑，奶香味十足