茶茶台式料理 (已結業)

今晚同屋企人行過， 佢地話想試下係香港食同係台灣食係唔係唔同。係門口望入去都已經full 晒， 仲有幾 pair 人係度等緊位， 感覺應該唔差， 應該都好食的。 由於我唔係食飯高峰時間， 所以等左15mins 左右我地就有位了， 入到去， 真係好濃烈嘅麻辣邊爐香味， 聞到都已經肚餓了。我地叫左兩個煱🍲🍲， 一個係招牌臭臭煱🍲 (牛肉， 臭豆腐， 米血糕， 鴨血， 滷大腸， 台灣貢丸，鵪鶉蛋， 蜆， 炸菜， 韭菜栗米， 鮮冬菇， 椰菜， 娃娃菜， 金菇， 莞茜）， 私點的是中辣, 但已好夠辣， 鐘意食辣的朋友就啱晒。個煱嘅湯底好好味， 所以d 配料吸晒d 味好正呀。另外一個係茶茶麻辣煱🍲 (牛肉， 台灣貢丸， 花枝丸，蜆， 蟹柳， 白魚蛋， 花生， 公仔麵， 炸枝竹，豆腐， 栗米， 椰菜，鮮冬菇， 娃娃菜， 金菇， 莞茜）， 呢個叫左小辣， 辣度剛剛好呀， 最鐘意佢配埋半個公仔麵， 唔會太多， 食唔晒。另外我仲點左串燒， 燒🍆茄子， 我最近好like 食 茄子， 呢度都整得好夠味🍍菠蘿好甜👍🏻我地叫左🍊紅西柚汁同🍍菠蘿汁， 食辣好須要有杯解口渴果汁， 好 fresh👍🏻

早幾日先同啲朋友晌太子嘅「台灣麵」食完台菜，估唔到今晚又喺台菜之夜，不過，就喺台式嘅一人火鍋。近來，聽食友提及呢家台式料理店「茶茶台式料理」風評不俗，趁出開旺角上堂，同親友嚟食個快速火鍋填肚先。咪睇個門面好似好窄，其實，個鋪位好長好深，而且，裝修簡約，一室以白色為主調，加上牆上擺放唔少裝飾，帶點文青風，又予人感覺清爽。叫得嚟食台式一人一鍋，熱鍋就梗喺佢哋嘅主打啦。一共有6款熱鍋選擇，定價$108-$112，每款熱鍋都寫明有咩配料在內，更可以選唔同辣度，亦有配料或飯麵追加，不過，就無飲品加配優惠，另需加一服務費。除熱鍋，仲有7款台式特選套餐，定價$65-$72，並包前菜一份，亦有飲品加配優惠，喺比較划算嘅選項。此外，更提供多款小食及串燒，前者就台式啲，後者睇落就較為港式啲，但的確種類繁多。順帶就講埋有咩飲品先，芝士茗茶、純茗茶、超級水果茶、奶香茗茶、特調茗茶及汽水……等等，不愁無選擇。由於大部份嚟嘅客人主要都喺食其熱鍋，所以，店家會提供調味俾客人佐食，包括辣椒粉、豆瓣醬、蒜蓉及豉油。藥膳雞鍋 $112無論呢個藥膳雞鍋，抑或另一個蕃茄豬肉鍋，可見得份量都喺十足，而配菜正如餐牌所寫，都非常豐

係旺角經過呢間茶茶台式料理有一人一鍋就諗住試下啦~呢間餐廳用恐龍公仔都幾得意最鐘意佢樓底夠高, 感覺唔會好迫~我地叫左呢個沙茶牛肉鍋, 配料都有好多款, 有牛肉牛丸貢丸金菇娃娃菜豆腐粟米等等唔同食物, 不過本身個鍋冇包飯, 如果就咁食就好似dry左d咁, 但個湯底都好惹味, 拎黎撈飯一流另外就叫左個鹽酥雞排滷肉飯~個雞唔會炸到乾哂, 而且仲好滑, 個飯雖然唔係好大碗, 但就岩岩好夠食~除左台灣野食外, 呢度仲有串燒揀, 我地叫左墨魚丸雞軟骨同羊肉串~當然唔少得台式飲品啦~我叫左水果茶, 唔會太甜而且有好多生果

正在旺角覓食，見到食店招牌係一隻恐龍卡通，就被深深吸引進店光顧。晚上7時，餐廳沒有滿座，細看餐牌，餐牌食物選擇唔算多，是一家價錢合理的台式料理店。我自己就揀咗「鹽酥雞扒滷肉飯套餐」$69，套餐可以加$20點一杯價值$26或以下的飲品，如果飲品價錢超出$26就需要再補差價，飲品方面我最後揀咗「滿杯紅柚子水果茶」價值$35，最終我個餐合共$108- (食店需要加一)。講返個餐先，鹽酥雞香口好味道，雞扒切割成7條方便入口，有肉質在雞扒之間滲出，至於滷肉呢，採用半肥半瘦的豬肉，汁料唔會太咸，滷肉頂層灑上芝麻粒，增添香味，最後輪到個飯，飯嘅分量足夠把肚子填飽，飯芯柔軟偏淋，喜歡軟飯嘅朋友仔會比較適合，還有兩顆青菜在白飯上。而加錢的餐飲又如何呢？！杯餐飲超級推介「滿杯紅柚子水果茶」，炎炎夏日，飲品冰涼透心，柚子味道很出，還有片片柚子在杯內，除咗飲品本身味道高分，還要讚讚這只杯子，透明清晰可見，飲品賣相十分吸引，杯身的可愛小恐龍，一見愛上。晚飯嘅尾聲，太約8時半，餐廳的人流多了，我們也快快把枱交還離開。

今日介紹一個人叫做「茶茶」嘅台式料理，地方唔算大，但係裝修都比較橘子，咁主要嘅菜式就係呢個台式臭臭鍋，仲有其他嘅燒烤串燒同埋小食。第一次嚟呢一間店一於要試佢哋嘅招牌臭臭鍋，主要配料就係臭豆腐、滷豬腸、鴨血等同埋大量嘅蔬菜，份量都算大，足夠兩個人食，建議如果兩人嚟嘅時候呢就係要叫一個鍋加其他嘅小食和燒烤串燒咁就剛剛好。味道方面雖然個名叫臭臭鍋，但係一啲都唔臭，當然每人口味不同就正如榴槤有人喜歡有人唔喜歡，但呢個鍋味道10分不錯，仲有其他選擇，有辣有唔辣。至於小食方面叫咗台式烤腸、炸雞翼、花枝丸等等，上枱時熱辣辣並不是預早製造。同時另外叫咗燒烤串燒，有羊肉、豬肉、雞肉及蔬菜類，再配合特製嘅味粉出嚟十分香脆美味， 有驚喜。飲品方面有不同嘅台式嘢飲，但最突出嘅就係本地釀製嘅啤酒，個名字好特別，大家記得試一試。整體來講呢間餐廳嘅食物水準屬於中上，喜愛台式料理嘅有多一個好選擇。

收工同事提議食台式臭臭鍋～上OpenRice見到呢一間嘅台式火鍋餐廳！好評都幾多，咁就試一試佢啦睇中左招牌菜茶茶麻辣鍋同埋藥膳雞鍋，而且辣鍋可以選擇唔同嘅辣度，好細心！！因為就咁睇個Menu都覺得已經好多配料所以我哋冇再額外點飯同埋粉。終於到左既茶茶麻辣鍋，有好多肉同埋一大個麵，就咁睇都夠食～同事叫咗藥膳雞鍋，一放低左之後藥膳嘅味道就飄出黎聞落好吸引！！由於我哋睇少咗麻辣鍋嘅辣度，叫咗大辣！真係辣到要叫野飲，見到佢哋係有台式飲品買而且好大杯，就叫一杯試試先 「芝芝莓莓」真係好大杯，兩個人share飲係夠既，但真係好好飲！！我地食到尾聲最後都再叫多左一杯成餐飯好滿足～又夠又好味！我覺得最正係呢個「芝芝莓莓」，唔會死甜，真係有莓既果肉！想一人一鍋，推薦食呢間！

打邊爐你同我都打得多，但係台式臭臭鍋有試過未？香港除了滿街的台灣手搖茶外，近來台灣大熱的臭臭鍋都陸續進駐香港街頭，一年四季都喜歡打邊爐的香港人，又會不會愛上嚐臭臭呢？茶茶台式料理店內有淡淡的隱約的臭豆腐的發酵味，原來有很多不同燒烤小食、火鍋及茶類飲品火鍋份量不少，我們點了兩個鍋四個人分享食用，加上不同串燒。火鍋滾起之後香氣撲鼻，選料方面亦帶地道台灣風味。火鍋裡的蔬菜，如娃娃菜、雲耳、金菇等吸盡湯汁，比魚更入味。我本人十分喜歡店內的奶蓋茶飲，解渴消暑！私心推介芝芝莓莓！芝士和奶味平衡，另外喝得出來有淡淡的茶味同時也能找到不少果肉！口感十分豐富！有機會一定會帶朋友嚟，一齊臭味相投！🤭

「茶茶台式料理」是一間台式料理咖啡廳，既有一系列風味食品，亦有多款台式飲料。以經典「台灣清湯牛肉麵」作主食，牛肉味重並夾集膠原食感。麵條富一定嚼勁，比起牛肉湯更愛面上的芝麻。與友共享多款台式小食。「酥炸花枝墨魚丸」口感不夠彈牙。「柚子炸雞翼」及「香辣炸雞翼」的味道亦未予驚喜。「台式夜市小香腸」一如預期帶來甜蜜的滋味，這個小編喜歡。蠔油時蔬...香煎雞蛋...午市套餐可以優惠價追加飲品。「芝士四季春」以四季春清茶作底，面上加入芝士奶蓋，味道香而不膩，滑感理想，值得試試。在「茶茶台式料理」品嚐了一頓簡單的台式午膳，吃了一碗味濃富膠質的牛肉麵、一份風味帶甜的香腸，以及一杯清香芝士四季春，滿足而歸！

去旺角行街行到攰見到哩間logo 咁可愛嘅台式餐廳，仲有埋芝士茶飲，就決定同朋友試試佢。我地兩個人叫左一人一鍋，因為我本身鐘意食臭豆腐，所以就試左個臭臭鍋。朋友就叫左個花蓮烤魚鍋，兩個鍋都叫左中辣，我本身都鐘意食辣，所以覺得哩個辣度岩岩好。個臭臭鍋一黎到已經好香臭豆腐味，材料都多。飲埋杯芝士金鳳茶，芝士味唔會太重搶左茶味，一啖臭臭鍋一啖芝士茶真係高級享受。最後我地仲叫左個茄子，燒得好香又多蒜蓉！滿意！

俾佢禁多元化既menu吸引到！主打臭臭鍋夜市有埋串燒食仲有勁多選擇嘅台式飲品飲品好大杯 味道還可以但唔洗排隊 奶蓋粉絲可以止下渴叫左一個沙茶牛肉鍋同藥膳醉雞鍋兩個鍋入面都有鵪鶉蛋好特別啊湯底一般 食慣重口味既我略嫌唔夠濃味不過都算大鍋 女孩子一定夠飽！男仔加個飯或者烏冬撈湯都會夠哂加$15會有個滷肉飯 雖然好似唔係好搭配但性價比好高呀！仲有即叫即燒既串燒 係我最愛既雞軟骨串呀 加埋上面嘅七味粉好香口惹味啊串燒種類好多 價錢又唔貴，對我黎講比臭臭鍋仲要吸引

很喜歡這間台灣店🥰因為裝修都好簡潔、光猛啱晒年青人入到去坐得都舒服食物好多元化👍🏻主要有三大類：1. 燒烤2. 台式一人一鍋3. 台式飲品我朋友鍾意食火鍋所以叫咗一人一鍋有沙嗲、臭臭鍋、蕃茄湯等選擇其實份量都好多🤩兩個人其實都夠食一鍋🤣配料有蔬菜、貢丸、鴨血、滷大腸...餸菜都好豐富同埋湯底都好正特別係臭臭鍋，只有臭豆腐嘅味道但食落去都幾好味！👍🏻👍🏻👍🏻我就好勁鍾意食串燒燒烤😘有茄子、肉串、韭菜、台式香腸...調味非常好！值得一讚！👍🏻👍🏻👍🏻夠香又夠熱配埋好搞笑的手工啤酒和柚子沙冰✨✨✨真係大滿足👍🏻所以如果三五知己各人有唔同嘅口味真係好推薦呢間餐廳👍🏻👍🏻👍🏻鍾意食火鍋又得串燒燒烤又得或者台式小食🎉🎉🎉

茶茶台式料理📍旺角豉油街60-104號鴻都大廈地下AB號舖Kay Gor 不嬲愛台灣菜甘岩係旺角附近當然又係搵好食啦今日就揀左依間台灣嘢食士林鹽酥雞扒滷肉飯 ⭐️⭐⭐️⭐大大排雞扒炸得幾好食阿而且配既滷肉飯唔會太肥太油，合格珍珠奶茶⭐️茶味唔算太濃水太多，有點淡淡要改進珍珠比較硬同唔夠QQ 彈牙唔推介雖然食物環境都不錯但價錢偏貴不合理

每次去這間餐廳樓上打邊爐時，都見到這裡很多人，所以今次一於試下。餐廳都算幾大，一進去便見到一個bar枱，是用作整台灣飲料的。這裡主打吃一人的台式臭臭鍋，還有台式飲料和一些串燒可以點。招牌臭臭鍋($108)，這裡的鍋物即是一人邊爐，一人一個唔駛怕同朋友爭食物!臭臭鍋的配料都幾多，除了有台式臭豆腐，還有牛肉、米血糕、鴨血、蔬菜、貢丸等。先說說湯底，湯底我點了少辣，飲落去味道好特別，臭臭地但又有少少辣。配料大多數都是可以吸湯的食物，所以都幾惹味!滷肉飯(+$15)，只要點了鍋物便可用優惠價叫到。滷肉醬唔會太咸，肉碎都幾多，再拌入臭臭鍋的湯一齊食更加惹味!滿杯紅柚子($35)，這裡的紅柚子有淡淡的綠茶味，紅柚味都幾出，所以會飲到有少少苦澀味，飲落啖啖都有柚子肉!香烤韭菜($16)，韭菜調味很夠，有好濃孜然粉和辣粉的味道，食落都幾多汁，幾惹味!香烤靚牛丸($18)，每次食串燒都會食丸，呢度既牛丸味道都幾濃，烤得有少少脆口!金牌烤羊肉串($28/2串)，羊肉串有好大孜然味，烤得好香口!總括黎講，當一個人食飯又想打邊爐的時候，這間餐廳是一個好選擇!

今晚去食位於旺角火車站附近嘅"茶茶台式料理"食火鍋，除咗火鍋🥘有串燒🍢仲有客飯套餐🍛 當然唔少得就係還有台式飲品啦😋我哋一行四人大約七點鐘嚟到，唔算多人，但到八點鐘差唔多坐滿曬喇， 👀 見到菜單有好多款小食，幾吸引😌，所以只叫咗三個火鍋😬，其他就叫咗十多款串燒加小食🤪😋分別叫咗招牌臭臭鍋、沙茶牛肉鍋，我就叫咗個宜蘭番茄豚肉鍋🥘 🍅🐷鍋~ 多達十幾樣配料， 大部分都係蔬菜，🐷肉也唔少，🍅湯也幾正👍 其他小食也不錯， 尤其鹽酥雞🐓，同串燒🍢，都幾出色，惹味😋 台式飲品也有不少款式，而且都好大杯👍👩‍⚖ 價錢合理， 火鍋份重多，小食、串燒😋😋😋

旺角茶茶台式料理因為見佢個得意小恐龍logo所以入黎七點鐘人流唔算多但當去到八點已全場滿台式食品 一諗就會諗起滷肉飯鹽酥雞扒滷肉飯 $69雞扒炸得酥脆滷肉飯亦大碗如滷肉可再多點 加多半隻蛋就更加very good la加多$20 仲可叫杯價值$26或以下的飲品如飲品超過$26 只需補差額就可飲品物超所值左： 唔記得左個名 右：滿杯百香果 （走冰）非常大杯 香味濃郁由於我叫既水果茶沒有熱飲所以叫左杯走冰如平時經過 入黎只叫杯飲品都值茶茶台式出名係一人一鍋由於唔食得辣所以叫左個宜蘭蕃茄豚肉鍋$108重點重點 記得+$8 加配公仔面佢個蕃茄湯㡳好正撈埋公仔面一齊食面吸收哂個湯汁堅好味餐牌食物種類多有機會會再黎