茶茶台式料理 (已結業)

今日出咗嚟旺角睇波鞋，好快睇完就搵嘢食，突然想食台灣嘢食，六點左右就入咗嚟依間鋪頭啦。鋪頭唔大，但係啲位都坐得舒服，最鍾意佢嗰個調味盆，有我最鍾意嘅蒜蓉，一陣食鍋物就可以點，正呀。個鍋好多餸，湯底又好好味，再另外叫咗個豆腐加落去烚吓烚吓，呢個真係抵食又好食。仲叫咗啲其他燒物，羊肉串唔騷好味，燒茄子就油左少少，仲叫咗個燒菠蘿，哈哈好似去到邊都要食燒菠蘿。仲叫咗個菠蘿特飲，好滿足可以飲到菠蘿汁同食到燒菠蘿。七點左右食完，成間鋪鋪已經好多人，好彩早到，如果唔係就要同人迫要排隊。