花楽 (翩滙坊) (已結業)

見到食評話非常之唔錯，啲相又好靚，所以特登約埋朋友一齊去試吓，2:30分入到去，諗住試吓個high tea。原來下午茶係3點先開始，但D侍應好好禮貌，仲叫我哋等一陣先叫，都冇問題。但係我哋都忍唔住嗌左個午餐，個午餐蒸蛋好有雞蛋香味，牛肉炒得好有鑊氣，麵豉湯就普通，前菜螺肉幾有咬口，幾好味。個high tea 有好多嘢食，我覺得最好食係個鱈魚薄脆，紅豆應該係十勝紅豆好大粒，個青瓜魚子醬牛油果壽司好清新，記得食埋個蕃茄佢加咗啲酸醋汁提升咗個蕃茄嘅甜味

撞啱放假去開將軍澳嗰邊，經過見到好多新餐廳，呢間就係其中一間。佢係透明玻璃見到佢嘅裝修望入去好有日本feel好休閒舒服，就即興去high Tea🥰❤️ 食物話都冇咁快就嚟咗，真係好靚好精緻，令我少女心爆發即刻幫佢哋影輯寫真先佢係唔好睇佢哋真係細細件但係味道真係好味，鹹甜適中而且食到好每件食物口感都有唔同層次，我同朋友!下次試吓佢嘅dinner或者lunch set ! 唯一覺得Tea set可以食物份量再多返少少咁就Perfect！依家講返都想再食！

跟家人去嘆一下🌸靚靚花系下午茶～在將軍澳海濱長廊上的日式料理餐廳「花楽」💗環境超Chill，餐廳有大玻璃讓陽光灑落，感覺特別Relax～店內屬精緻和風裝潢💗優雅又溫馨～內裡還有一些和式包廂，有私隱度又有日系風情。至於料理方面🤤我們選了這裡超人氣「花楽日式下午茶」Set （$ 268 for 2位）💗無論賣相或是味道，都非常不錯👍🏼👍🏼👍🏼下午茶Set有5款花茶選擇💗包括有日本玄米焙茶丶日本水果茶丶檸檬熱情果丶洛神花茶丶白桃烏龍茶～我們選了日本水果茶，配以蜜糖👏🏻微微酸充滿果香，非常清新～首先來了3款熱食小吃💗有烤鱈魚乾丶牛肉卷⋯ 以黑丶金色食物架盛著～感覺低調優雅👍🏼3款小吃各有各精彩💗最深得我心是烤鱈魚乾，入口輕脆充滿魚香🤤為味蕾送上一點新驚喜～然後再來金色3層下午茶架💗裡面有波子壽司丶日本水果蕃茄丶芥末八爪魚丶十勝紅豆蓉配小丸子丶日式蕨餅丶時令生果丶朱古力蛋糕⋯每一口都是滋味🤤屋企人是「煙韌控」～對於蕨餅同小丸子🍡都表示非常滿意💗我也超喜歡這裏的蕨餅，入口夾著抹茶香，非常軟糯，還有濃郁的朱古力蛋糕～好喜歡波子壽司上的金箔片片，還有吃盡芥末八爪魚後那小碗上的小金魚😆架上亦用了很多美美

無聊上openrice看看有什麼好吃的就在首頁看到這間餐廳的介紹原本想吃下午時段那個超適合打卡的下午茶可惜周末下午時段太full唯有吃個late lunch啦打電話過去問過1點半有位就馬上出發雖然吃不到那夢幻的下午茶但午餐擺盤也一樣超好拍牡丹蝦刺身定食用上不少鮮花 穿插在多款刺身之間刺身都好新鮮主角牡丹蝦超大隻 鮮甜爽口蝦頭用小碗裝著 蝦頭有不少蝦膏呢干貝也是整隻的 好滿足朋友想吃熟食 點了牛肉壽喜鍋湯頭甜甜的 牛肉煮到還帶點微微的粉紅色就沾一點蛋汁同吃牛肉很嫩 加上蛋汁吃下去 口感順滑下次要早點訂位 一定要吃到下午茶!!

我甚少寫食評，但覺得太普通了，300蚊下午茶得個樣，冇嘢食嘅。杯盤的確好靚，個個都比好評，點知。。。。食了兩個字 ，空虛。壽司都比你食最便宜的。。。至少都比左300蚊，只是食了一口甜。。。。。。重點是全間嘢全部都是好評，懷疑好多都不是真實的。性價比低到一個點，我都預左係食靚，不是味道，但至少都有d嘢食下啦，食15分鐘就可以買單食完了，我見到有4枱食左20分鐘都買單了。。。。好誇張囉。。。。主要是見到太多好評，所以先。。。。

講起 high tea，大多會想起酒店英式那一種，如果日系 high tea 你又試過未？將軍澳南一帶而家已經陸續有餐廳進駐，部分餐廳更加有沿海優勢，其中一家是少有的臨海日式餐廳。餐廳主打日本菜，花系簡約裝修配合音樂非常優雅。下午茶更有 high tea 供應。花楽日式下午茶 $268你第一個反應可能係”伏”，我都一樣，但tea set上枱絕不失禮，層架擺滿食物而且精緻，岩晒打咭。食物款式都幾多，而且有齊”咸甜”，亦唔少得日式壽司卷物。咸點先有鱈魚干來個餐前小食，還有炸雞和蘆筍豚肉卷。中間有日式的青瓜牛油果反卷，波子壽司和芥末八爪魚，相信有吃過日本菜都不會感到陌生。甜點最吸引是十勝紅豆蓉配日式蕨餅，煙韌蕨餅加上香甜的十勝紅豆，非常討好，仲有日本時令生果清一清口腔。講到彩蛋一定是餐茶可加配的花茶，靚靚茶壺固然吸睛，揀選的白桃烏龍味甜而不膩，陣陣清香。整個下午茶比人一種煥然一新的感覺，原來high tea都可以咁食法。

有一排冇到澳南海岸，原來又多咗好多食肆，行咗一轉揀咗呢間『花楽』，都幾大間，裝修有格調，仲有好多酒嘅擺設。食店亦好細心，提供装口罩的紙袋，至於『安心出行』，量度體溫，洗手液都好齊備。同朋友揀咗『牡丹蝦上刺身定食』及『葱吞拿魚腩丼』，『牡丹蝦上刺身定食』賣相一流，仲有花花相伴，牡丹蝦超大隻，好彈牙鮮甜，另外幾款魚刺身亦唔錯，仲有幾隻螢光小魷魚實在討人歡心 ; 食完後依然可以用三色堇，夜來香砌成以下呢個『花花世界』，令人賞心悅目。『蔥吞拿魚腩丼』平時比較少食，呢度用咗青蔥+吞拿魚腩蓉，份量唔少，吞拿魚腩蓉軟嫩鮮甜，係個唔錯的選擇。

早排見到朋友po IG呢間嘅下午茶覺得勁靚所以上網睇下其他時間有咩食見到lunch都好精緻一於嚟食個lunch打個卡先沿路吹住海風散步過嚟已經好舒服如果可以坐到落地窗邊位 可以望住外面風景食飯一定好放鬆可惜我地嚟到時窗邊位已經俾人坐左同book左講番食物先我地揀左兩個好靚嘅set廚師發辦壽司10貫其實仲有個黑珍珠味噌湯同烏冬但我行開左講個電話朋友已經好心急食左😅所以影唔到相當日壽司用料多數係魚類比較特別嘅係透明狀嘅鰻魚苖第一次食 口感幾得意 爽爽地有啲似食緊海味嘅蒟蒻咁海膽完全冇腥味 中拖羅肥美 魚油豐富牡丹蝦上刺身定食靚到藝術品咁愛打卡人士必點用料新鮮又大方 刺身片片厚切牡丹蝦又大隻又鮮甜左口魚邊平時多數會炙燒過充滿魚油今次刺身食落好爽好有咬口下次再嚟食想試下訂呢個梳化位

最近和媽媽在將軍澳海濱散步時 路經一家日式料理店在網上查看 發現是最近熱度很高的 - 花樂重點是有日式下午茶所意 特意去嘗嘗 打打卡餐廳裝修很日式店員對自家產品都很熟悉所以便一試 當中有名的日式下午茶花楽日式下午茶（兩位用）下午茶分熱食跟冷盤甜野 +花茶花茶有多種選擇 最後下單了檸檬熱情果茶有蠟燭座把茶保暖 茶保留了熱情果的酸甜味 加上檸檬汁 味道可口熱食有3款牙蔥牛肉卷兩件唐揚炸雞兩件鱈魚片配埋沙店員很貼心提醒要趁熱品嘗特別是牙蔥牛肉卷這才能吃到牛肉卷的香濃味唐揚炸雞也炸得外脆內軟鱈魚片很好咬勁 凍食+ 甜野 均放在美美的籠子裏是打卡的時間上層有青瓜牛油果反卷兩件波子壽司兩件玉子燒日本水果蕃茄芥末八爪魚兩碟下層是甜點位主十勝紅豆蓉配小丸子日式蕨餅兩件日本時令生果焦糖蛋糕圓形一粒波的壽司 上面是金目鯛刺身再加金箔好矜貴 而且好吃 芥末八爪魚 wasabi味都好濃 八爪魚口感彈牙最愛十勝紅豆蓉配小丸子紅豆蓉甜而不膩跟煙韌小丸子很搭日式蕨餅 味道也不錯焦糖蛋糕 焦糖味濃 不會過甜是我第一次吃日式下午茶驚喜打卡

近排有住喺將軍澳嘅朋友生日 上網搵吓有咩好餐廳帶佢去試吓 女仔最鍾意影相靚 幫佢揀咗呢一間裝修都唔錯嘅餐廳九味漬睇個名都知佢有九款嘅漬物 分別係蕎頭，淮山，黃蘿蔔，牛蒡，芥辣八爪魚，三文魚鼻哥等等最令我有驚喜嘅居然係蕎頭，平時好驚食蕎頭因為好酸，今次嘅唔知係咪用咗麵豉醬醃，居然有另外一番風味，忍唔住食完再食另外有個透明白色，幾有咬口，好似係三文魚嘅鼻哥，非常之特別😂😂另外仲叫咗刺身盛 竹7點 呢個刺身不得了，非常之新鮮，一共每款有兩塊，分別係拖羅，銀雪魚，金目鯛，墨甘鯛，池魚等等最正嘅一定係中拖羅，入口即溶，油脂係個口爆曬出嚟。另外都叫咗燒西京銀雪魚，都好高質，煎得啱啱好，外皮微脆，魚肉嫩滑，encore 之選，雖然側邊有比美乃滋，不過完全唔需要點，本身銀雪魚已經超級香總括嚟講呢間餐廳嘅食物質素唔錯，請朋友食生日飯或者帶男女朋友嚟慶祝都好好feel

呢度近排開左好多新餐廳🍴有d花多眼亂有時行海旁經過見到呢間餐廳都心郁郁終於去試下 餐廳都幾闊落 音樂令人好relax佢唔只有bar枱仲有好多普通枱既前菜叫左鱈魚乾配蛋黃醬真係一絕好香脆 好好食 食親omakaese都最中意食呢個 叫埋酒飲既話更加一流 胡麻菠菜油揚沙律🥗幾新鮮既配搭 好香既胡麻醬味 幾開胃刺身盛 全部都好新鮮 賣相更加一流簡直係藝術品😇有金目鯛、赤身、牡丹蝦、🐠黑鯥第一次食黑鯥， 燒左個外皮好鮮甜，肉質都好結實。赤身有咬口，魚味好重😋軟殼蟹卷超精緻既卷物 個盤有好多點精既畫上面係🥑 牛油果醬再加魚子醬同金箔 好靚😋仲要好用心咁刻左坑紋份量都好多 四色雞肉串有4款唔同既味 （紫蘇梅味、蜜糖芥末、明太子、同黑松露醬）紫蘇梅味好特別， 梅味好重，紫鮮葉既味好香。 個人最鍾意係明太子味😍同黑松露 都好濃烈既黑松露味🥰見到其他食客食生蠔🦪勁吸引 下次再黎食

今日去將軍澳踏單車，踩到攰攰地梗係要食返個下午茶，行過見到依間花樂日本餐廳, 見佢裝修幾靚，仲要係日本high tea就要走入去試吓。佢個high tea set擺位非常精緻，真係好似平時去酒店high tea擺法一樣，有鹹點有甜點有壽司。有兩件青瓜牛油果飯卷，波子壽司，日本水果蕃茄，芥末八爪魚，炸魷魚軟骨，雪魚干，牙蔥牛肉卷，甜品就有紅豆蓉配小丸子，日式時令水果，Warabi Mochi , 再加一個洛神花茶。總括一句食物質素其實真係唔錯，環境望住條單車徑出面好開陽都好舒服，室內裝修亦都不錯，但係兩百幾蚊食個hightea set 性價比就不算很高,

呢排手頭上冇乜嘢做，可以瘋狂出返啲舊相。好耐冇嚟將軍澳呢頭，前排去咗「花楽」食午餐。好耐之前我已經試過呢到嘅下午茶，賣相好靚。午餐就豐富啲，有定食同壽司，不過兩者一樣咁滋味。我同朋友叫咗同一個lunch set：廚師發辦壽司［10貫］ ($378)呢十件壽司嘅海鮮都好新鮮，配搭好香柚子味嘅豉油食，口感十分多層次。我最中意係海膽同埋帶子，帶子勁鮮甜冇苦味，海膽質感細膩、甘甜、入口即溶。另外仲有兩個卷物同埋一個玉子燒。本身怕十件壽司食唔飽，好在呢個餐都包幾多嘢。除咗十件壽司，呢個餐仲包埋一個細烏冬、茶碗蒸、漬物、沙律、珍珠味增湯麵豉湯。麵豉湯都幾足料㗎，有蜆同埋魚，絕不馬虎！茶碗蒸都幾正，啲蛋超級滑，真係好好味！呢一頭都開咗好多新餐廳，大部份都係海邊隔離，之後可以再試試。仲有Donki添！

這間餐廳位於環境優美舒適的將軍澳海濱，能身於這種環境中用餐，身心都好自然地放鬆了。前菜是鱈魚干，非常香脆，入口有點鬆化感，配上沙律醬，提升味蕾享受！非平時食的零食鱈魚所能相比。胡麻菠菜油揭沙律令人驚喜菠菜同麻醬的味道調得很合適，菠菜中間有薄薄的炸豆腐吸了點汁，真的非常好味道。 在日式餐廳怎能不點刺身呢，今次選了梅五點賣相真的非常美麗，配有鮮花伴碟，打卡一流！刺身鮮美可口，當中螢光魷魚很特別，口感脆脆的。另外也點了軟殼蟹卷，賣相又是靚到忍不住相機食先！牛油果面上甚至有黑魚子醬和金萡。 軟殼蟹仍然香脆，牛油果亦好足料，每一片都排得好靚。 除了極佳的食物質素，也有一流的視覺享受。燒物方面，我們選了四色雞肉串，燒雞串的味道分別有明太子、黑松露、海膽、紫蘇葉。 雞肉很嫩滑，火候剛好。 每一款都很特別，上面的配料既能夾到雞肉但又不至於搶了雞肉的鮮味，味道層次豐富。餐廳內的環境很舒適，員工態度很親切，每碟菜都會簡介一下。 很想再次光顧呢！

新年幾日假期，想去下食tea，所以一早就係openrice book 好時間，一到步就有得入座。入座後就叫咗tea set for 2，有得揀花茶，我地揀咗白桃烏龍。個茶幾香，味道幾清，refill 咗幾次水都仲好有味首先上咗3個熱食，炸雞好香好juicy 呀！3款都好食食完侍應就會上埋2層架上層係sushi 類，每件都係1口既份量，不過不失下層既甜品，之前見d 人既水果有香印同士多啤梨，到我去果時得無花果...有少少失望其他甜品類都唔會太甜，味道都ok整體份量有d 少，食完唔會太飽，如果係2個女仔去食都ok 既。