花楽 (翩滙坊) (已結業)

叫咗壽司刺身，串燒，天婦羅，牛肉石鍋飯…因為有個10幾歲的青年及一個大男人，所以叫咗好多嘢食😅食物質素很好，刺身非常新鮮。服務員有善，廚房上菜也快。可惜將軍澳店結業了，有機會會去尖沙咀店

好耐之前已經諗住過嚟食日式hightea，好少何有呢啲日式嘅三層架，以為剩係得個樣打卡，原來都幾好食喎，睇落份量都唔少，又有刺身，又有甜品真係唔錯，又有睇頭樣又靚打卡一流！

將軍澳海濱長廊，有一間日式餐廳，供應手握壽司、刺身拼盤、一品料理和甜品，絕對打卡度十足！店內屬於精緻和風裝潢，環境闊落開揚，裝修充滿日式和風感覺，舒適寫意，優雅又溫馨。而每一個角落自成一格，內裡還有一些和式包廂！既私隱度非常高，又有日系風情。絕對值得三五知己一齊聊天食飯！而師傅方面，餐廳更請來曾任職米芝蓮日本餐廳及半島酒店的師傅主理，實力不容置疑！而店內的每款菜式在星級師傅的手筆下，都變成一件又一件的藝術品！

將軍澳南而家多咗好多餐廳，都仲未有機會試晒🫢～喺附近散散下步見肚餓，就入黎呢度試吓個afternoon tea 🫶🏻 經典下午茶 ($298) 上下層一共有10樣野🙈 再外加3樣咸點～配埋果茶一壺🫖望落好豐富食落都好full🤣最好食係個三款鹹點🙈🙈🙈三文魚刺身、吉列蠔同燒鱈魚乾🫶🏻 其他質素都正常～無咩大驚喜！其實最主要都係嘆佢個環境🌇，望住啲人放狗🐶、踩單車🚲、帶小朋友放電👶🏻，都真係有啲係外國嘅vibe 🌴🌳

今日踩單車嚟到呢度食lunch，2:15入到嚟，原來要等到2:30有下午茶，午餐已經停晒。本身都諗住睇吓有啲咩小食好食，但發現價錢都幾貴，所以就坐幾個字等到2:30🤨第一次食，坐低之後，店員淨係俾咗個QR code我哋落單，水都冇一杯😅好奇怪⋯整體感覺，成個service真係麻麻，明明都有好幾個店員同經理，但係好似唔係好識做嘢咁🙂應該都未必會再嚟食。我哋叫咗兩個set，一個係韓式炸雞配安格斯牛肉稻庭烏冬、另一個係牡丹蝦三文魚刺身飯。整體來講食物質素普通，唔係到好難食，亦唔係話特別好食😅而且下午茶來講價錢都唔平🥲

在將軍澳這個潮濕之城，我們更要珍惜天氣好的日子，見到有陽光就決定去海旁行吓，行到海翩匯見到這間日本餐廳都幾抵食，決定入去試吓 我選了午市套餐的小樽五品丼定食，前菜的茶碗蒸非常好食，上湯的份量很多，蒸蛋超滑的五品丼包括五款刺身：牡丹蝦、三文魚、三文魚子、油甘魚和吞拿魚蓉，刺身全部都好新鮮，餐廳加了菊花花瓣令刺身飯賣相更好，也增添了味道的層次，但最令人驚艷的是加了梅酒啫喱，真的非常特別，而且和刺身飯出奇地夾 很佩服廚師的心思和創意

週末來將軍澳溜達，也預定了日式下午茶🫖這邊景色很不錯，是也很開闊，花樂在路邊，很容易找，店裡很濃的日式裝修風格，店面不算大，但是店員好多呀，這樣的服務體驗感很棒，隨時都有店員有空來服務你☺️點了心心念念的下午茶，等了大概十幾分鐘，店員就送上了美美的花茶，還有一小瓶蜂蜜，拍照很美呀☺️然後陸續上了兩層下午茶塔，擺盤很驚艷，怎麼拍都能出大片😆上面的日式小吃味道都不錯👍鱈魚條有濃濃的碳烤香味，上面的各味小吃雖然小小份，但味道都不差哩，下次還會再來的😆😆😆😆👍👍👍

「花楽」係近期我每次食日本菜🇯🇵都會想去嘅餐廳😝.松葉蟹肉海膽甲羅燒石鍋飯🍚甲羅燒入面鋪滿蟹膏同蟹肉🦀三文魚子、海膽同鵪鶉蛋🥚濃郁蟹膏、鮮甜海膽💛連同玉子拌勻🍳入口鹹鮮豐富😗.海老天婦羅-5本🍤海老大隻彈牙🦐炸皮薄脆，點上鮮香天婦羅沾汁🥢正👍🏻.鹽燒三文魚頭🐟魚頭燒到十分香口🔥配上檸檬汁🍋蘿蔔酸汁🥕紅白薑芽😌好開胃😉.中拖羅壽司🍣油脂豐膄，入口即化😋.花楽甜品🍮有2客海鹽雪糕🍨2客水信玄餅🫧2客和菓子🌼2件布朗尼🍫2件芝麻紅豆糯米糍🫘1份抹茶紅豆蕨餅🍵超級色彩繽紛😍而且又好味🤤

*此餐廳收取加一服務費。壽司八貫盛合（單點$298），每一件壽司用料都好新鮮，而且刺身好厚切，完全Cover曬成嚿飯；油甘魚壽司，採用腩位部分，食落油脂味重；深海池魚肉質晶瑩通透；牡丹蝦壽司，肉質爽口，味道鮮甜；中拖羅壽司，肥瘦比例適中；日本直送飛機魚肉質彈牙；三文魚壽司，肉質厚嫩；赤貝壽司，肉質爽脆；日本豆紙穴子壽司，豆紙口感獨特，穴子經過燒炙後，鮮味更加突出；迷你蟹飯，松葉蟹蟹肉、蟹膏、三文魚籽與白飯攪拌均勻之後，一口就食到三重鮮味，好味到會想食完一啖再食一啖，不過因為要四個人一齊Share嚟食，搞到完全唔夠喉，如果有得À la carte就好喇；配菜包括有厚燒玉子、日本醬油芝麻淮山漬、醋漬酸薑片。黑松露和牛炒飯（單點$168），表面鋪有京蔥、炸牛蒡脆片，黑松露味道淡香，和牛份量多，油脂部分入口即化，飯粒粒粒分別，內有雞蛋、紅蘿蔔。一本七味醬油燒雞肉（單點$38），雞肉肉質嫩滑，食落好入味。兩本七味醬油燒雞骨腸（單點$38），雞骨腸味道甜鹹，加上七味粉、白芝麻、黑芝麻、醬油嘅調味，食落好香口。

是日有單車活動, 而活動群組BOOK 左呢間午餐, 咁就跟下大隊, 識下人, 事關我已經有好幾年冇參加呢O的群體活動.由於人多, 我O地二十幾人都分左五張枱, 我O地張枱有七個人.食得日本餐, 我通常都會選擇魚生多個熟食, 今次都不例外, 全枱得我一個叫魚生.我點左LUNCH SET 八品丼, 其餘人有燒牛肉丼, sukiyaki, 天婦羅定食 等.我個唔洗煮, 最快上枱, 不過個丼我都幾失望. o的刺身一邊簿一邊厚身o的, 但overall 係一件刺身開二份.個餐賣presentation多過味道, 可能熱食會好o的, 不過天婦羅定食到我o地二十幾人都食完都未上到枱.下次再o黎呢頭我會選擇其他餐廳.

Family day帶埋狗狗一齊去街🐾行下海濱長廊 吹下海風 見到有日式餐廳睇menu有午市定食 望落都幾吸引☺️而且可以安排坐近門口等狗狗一齊食lunchMenu都好多選擇 有鍋物 炸物 定食 壽司 丼飯等等…小樽五品丼評分：👍🏻👍🏻👍🏻👍🏻👍🏻擺盤都好吸引好靚 仲有啲食用花瓣做點綴刺身好新鮮好食 呢個價錢性價比高牛肉壽喜燒評分：👍🏻👍🏻👍🏻👍🏻👍🏻壽喜燒亦係我鍾意食嘅鍋物 味道啱啱好 唔會太甜牛肉嘅份量都足夠 最驚喜竟然係可樂有冰底🤣芝士吉列豚肉評分：👍🏻👍🏻👍🏻對呢個芝士好失望 完全係冇乜味 食落好淡吉列豚肉就外脆內軟 肉質都可以最後都係沙津醬配白飯食🥲但整體嚟講啲食物質素都可以 下次試下晚餐質素

🐟茗荷黑松露吞拿魚腩芝士卷賣相好精緻，松露嘅香味又唔會蓋過吞拿魚嘅鮮味，互相輝映，恰到好處。入面捲着嘅芝士軟綿，入口有乳香味，整個配搭都好唔錯。🦀輕丼澤芝士軟殼蟹水菜卷軟殼蟹炸至酥脆，捲住軟綿嘅芝士，再有脆脆嘅蟹籽喺面，質感似牛油嘅牛油果，食落口感層次豐富，沾一點沙律醬，加多一點清新感🐮黑松露和牛炒飯炒飯炒得乾身，食完都唔會覺得好油膩。和牛軟腍有牛味，黑松露香氣四溢，番薯脆片較硬身，有蕃薯甜味，一啖炒飯，一片番薯片，又係另一種風味。🍨最後叫咗兩個雪糕做飯後甜品😋檸檬雪糕原個檸檬裝住雪糕，檸檬味濃，感覺清新解膩。如果飽飽地，但係又想食甜品，呢一個檸檬雪糕係一個唔錯嘅選擇。海鹽雪糕雪糕冰凍軟滑，唔會好鹹，加上軟糯清甜嘅紅豆粒，味道層次頓時提升。餐廳環境舒服，服務員亦很有禮貌，食物高質，味道好，擺盤好有心思，大大加分。

姊妹相聚，梗係搵間睇得又食得喇，一定比同老公黎更高一層次每碟上枱絕對係會嘩嘩聲，擺放花花真係令人心動，高質高品，記得留肚嗌埋個雪糕女店員笑容好好，男店員又細心介紹

今日1家10人去呢度食中午，之前未去過就試吓。整體來講食物質素一般，唔係太差，亦唔係話特別好食，中規中矩。但係呢度啲服務就真係非一般 …差！店舖面積不大，但其實有好多服務員，但每一個好似從來都冇做過餐飲，個個都喺度發夢。一入去已經用手指隊住個QR code叫我哋自己用電話點，當我哋有疑問問佢邊啲餐包啲乜嘢飲或者仲差幾多杯，佢一句同我哋講「你自己睇 menu啦！」。但係佢網上下單系統，一直都hang機，無法順暢落單。最後有幾樣嘢都係叫佢哋人手幫我哋落單，之後出嚟錯晒，佢仲要行過嚟同我理論。明明菜單上面寫住「芝士咖喱豬扒飯」，佢淨係出咗個芝士豬扒飯俾我，跟住行過嚟同我講話張單上面寫芝士豬扒飯，佢地無「芝士咖喱豬扒飯」。跟住我攞返個菜單指住嗰度菜，上面係寫住「芝士咖喱豬扒飯」俾去睇，跟住個經理就O座嘴企喺度。呢樣嘢係佢哋少數人手自己落咁都搞錯，仲要出嚟話返個客轉頭簡直離晒譜。到補番啲咖喱汁嗰陣時成碟菜都已經凍晒，難食到死。呢間嘢好似完全請晒啲一世都冇做過餐飲嘅人。態度，經驗，各方面都差到無與倫比。免費請我都唔會再去

夜晚想食日本野，於是黎到屋企附近既「花楽」😋😋餐廳環境舒適，充滿日式風情🇯🇵！食物擺盤以花為主題🌸，十分精緻～～而家星期一至五仲做緊指定壽司、刺身半價優惠，好抵食❤️❤️-🍣三文魚壽司 $8✨🍣A5和牛壽司 $39✨🍣厚燒玉子壽司 $10✨🍣原條穴子壽司 $26✨叫左幾款壽司試試，全部都好新鮮！！當中至愛A5和牛壽司🐮！肉質軟嫩，入口即溶～建議大家先唔蘸豉油食，可以更食出牛肉既鮮味🤤🤤原條穴子壽司都唔錯！穴子大大條、口感軟滑～味道好濃郁👍🏻👍🏻🐟三文魚腩2切 $21✨刺身都有半價優惠，我就叫左最愛既三文魚腩～～一共有兩大片、好厚身，望落紋理好靚！！口感鮮甜肥美，油脂香豐富！超正呢😍😍🧀茗荷黑松露吞拿魚腩蓉芝士卷 $138✨賣相精緻！卷物面層鋪滿吞拿魚腩蓉同黑松露～～吞拿魚腩蓉入口creamy，鮮味十足！同時帶點黑松露既香氣😋😋裡面包住芝士、紫菜同生菜，口感層次豐富👍🏻👍🏻🥘安格斯牛肉鍋 $198✨天氣咁凍最啱食熱野暖暖胃♨️♨️安格斯牛肉🐮肉質鮮嫩，淥一淥就食得！！鍋內有娃娃菜、豆腐、金針菇等配料，好豐富🤩🤩另外仲加配左稻庭烏冬($28)🍜，口感爽彈、好入味！食完夠哂飽❤️❤️