花楽 (翩滙坊) (已結業)

有一排冇到澳南海岸，原來又多咗好多食肆，行咗一轉揀咗呢間『花楽』，都幾大間，裝修有格調，仲有好多酒嘅擺設。食店亦好細心，提供装口罩的紙袋，至於『安心出行』，量度體溫，洗手液都好齊備。同朋友揀咗『牡丹蝦上刺身定食』及『葱吞拿魚腩丼』，『牡丹蝦上刺身定食』賣相一流，仲有花花相伴，牡丹蝦超大隻，好彈牙鮮甜，另外幾款魚刺身亦唔錯，仲有幾隻螢光小魷魚實在討人歡心 ; 食完後依然可以用三色堇，夜來香砌成以下呢個『花花世界』，令人賞心悅目。『蔥吞拿魚腩丼』平時比較少食，呢度用咗青蔥+吞拿魚腩蓉，份量唔少，吞拿魚腩蓉軟嫩鮮甜，係個唔錯的選擇。