胡爐 (已結業)

天氣凍最啱打邊爐，銅鑼灣食嚟食去都係嗰幾間，上OpenRice搵到呢間😬😬淨係湯底都已經多到諗唔到，😍😍最後揀咗椰子雞😋😋😋以為好普通啦，一上菜用燒酒加火槍去炒😯😯😯好似睇表演甘😂😂未食都已經聞到好香😍😍😋😋推介先飲咗湯先，👍🏻連湯殼都好貼心，可以完全隔渣淨係飲湯❤❤完全唔吝嗇椰子同埋燒酒😏😏一飲好清甜完全唔會覺得口渴🙆🏻🙆🏻🙆🏻之後作為韭菜餃迷既我點左一夾細分試吓😋😋食咗兩粒先記得相機食先😂😂😂食過咁多韭菜餃呢個算係可以encore之作👍🏻👍🏻肉唔會好「鞋」，韭菜味好重😋😋黑松露墨魚丸，就咁睇以為係火龍果😂😂食落口好彈牙完全唔似用機打👍🏻👍🏻黑松露味好足料😋😋雜菜拼盤，價錢同份量不過不失👌👌手打魚麵好過癮🤤🤤自己整😋😋😋唔太食牛肉嘅我，嗌左一份黑豚豬面夾😬😬入口即溶整到好似肥牛一樣，一食就知高質野😏出色之作之一♥️新鮮淮山飲品方面叫咗青檸梳打，一支夠兩個人食一餐份量👍🏻👍🏻👍🏻價錢平民👍🏻👍🏻不過就有啲太甜，建議等啲冰融左先至再飲😎單純兩個人想過下打邊爐口癮真係可以考慮呢間😋😋😋係高質既😋😋

突然間好想打邊爐🍲 係朋友既介紹下就去左👉🏻胡爐👈🏻 到食，話個雞鍋好正架😍..入到去見到個menu 都幾多選擇:.而且醬料都放得好精緻:.湯底梗係點朋友介紹既”鮮椰青雞鍋”🐔 , 上台就見到個鍋有雞肉、杞子、椰子肉..之後店員就會落清酒炒下，再用火槍燒下佢，好像下面咁👇🏻.最後就會落原個椰青水加埋湯底👀，就搞定喇..打邊爐就一定要有牛肉架喇🥩 就點左”飛驛和牛肉眼A5” 睇埋油脂分泌都幾好，而且食落都好有牛味，係正既👅..🗣特別推介必點既“牛骨牛汁丸” 食落好彈牙，而且入面既汁好濃既牛味 👍🏻 忍唔住食完再點🙈..另外，”手工水餃”🥟 係皮薄多餡，唔錯！

今次係晚飯時間黎食野 一行三人 其實之前都黎食過一次 對湯底印象最深刻 不得不讚上次係食椰子雞湯底 今次係卜卜蜆蟹鍋湯底睇相見到d蟹有膏而且好新鮮 黎到佢會炒一炒先之後再加魚湯 再等個湯滾起之後就可以飲咗湯先之後打邊爐。 個湯好鮮甜 正呢個係手切牛 都係好食 見到有雪花 有牛味而且好淋 切有一定厚度 有口感個鯇魚腩係厚切 係人地一倍既厚度 雖然係厚身 但係口感仍然係爽脆 正手打墨魚丸同手打牛丸 2樣都係新鮮出品 肉汁好豐富 好彈牙 紫菜響鈴 係即叫即炸 中間卷住紫菜一齊炸 非常非常脆 而且味道比普通響鈴更正 點湯品點湯食都都一樣滋味最後壓軸係黃金魚皮 必叫既小食 佐酒一流又係即叫即整 新鮮熱騰騰 外皮包住厚厚既咸蛋黃醬 食唔停口

事隔幾個月我哋又掛住呢度既野食咁啱朋友join我同男朋友一齊食飯見到三個人 咁樣可以叫多幾樣野試吓 就book咗枱打邊爐上次試過椰子鮮雞鍋今次我哋就叫咗卜卜蜆鮮蟹魚湯鍋同樣地佢都會有一個侍應嚟幫你加酒點火令到個鍋裏面嘅海鮮更加鮮味侍應更加會提醒我哋先飲咗幾碗湯先再慢慢開始打邊爐咁樣先會試到個湯底嘅鮮味個湯勁大陣蟹膏味 非常之鮮甜我哋每人都飲咗兩碗 飲到個湯差唔多冇晒要佢加湯先打到邊爐要讚一讚佢嘅卜卜蜆同蟹都非常新鮮卜卜蜆亦非常乾淨 無沙朋友堅持打邊爐一定要食手切肥牛所以我哋叫咗一個細嘅黎到個份量都唔少架3個人食極都仲有 佢嘅雪花分布非常平均 而且好有牛味然後我哋再叫咗個手打芝心牛丸同手工魚皮餃芝心牛丸非常彈牙 而魚皮餃呢都唔錯但佢價錢有啲貴下次都未必會再叫啦佢細份嘅得四舊 CP值唔高不如留肚食其他好過仲有就係紫菜響鈴聽聞呢個係招牌菜 即叫即炸嘅當然要試吓啦黎到既時候侍應叫我地先試吓唔浸湯嘅咁樣試吓佢本身個味 佢唔浸湯食呢係非常之香嘅 熱辣辣吹卜卜冇諗過響鈴同紫菜係可以咁夾嘅浸完湯發現佢嘅味變到唔一樣食到到湯嘅鮮味之餘亦都有紫菜味好得意 果然係招牌菜食到差唔多八九成飽啦侍應見我哋仲飲緊啤

胡爐之前有幫襯過，覺得食物水準唔錯，價位適中，所以今晚再回頭。今晚咗銅鑼灣分店，位於耀華街嘅出名食肆大廈，地方唔算大，但頗具特色，因每枱之間都有屛風做間隔，即使二人枱亦唔例外，感覺上私密啲，傾計都會舒服的今晚想清啲，唔打算食牛，所以點咗鮮椰青雞鍋，店員先開爐，輕輕張雞件煎炒一下。湯頭用上原個椰青，再加入上湯，有湯飲，有雞食，正！配料點咗，蘇格蘭大聖子，新鮮卜卜蜆，手打墨魚滑，桂花蚌，麻辣牛肉餃。蘇格蘭大聖子 真係幾巨型，店員提示，灼一陣即食，新鮮肉厚，超爽唔會un，好正正新鮮卜卜蜆 成碗有成廿幾粒，中型，無沙，都算鮮甜。桂花蚌解凍情況理想，肉質亦幾爽脆唔似有啲食店上枱時仲係一塊冰，點食呀。麻辣牛肉餃，半份有四粒，麻辣味特出，但唔會太辣，接受，味道算濃烈，一人兩粒剛好。埋單人均三佰多，合理價，會再回頭

胡爐除左尖沙咀有分店，銅鑼灣都有，今日就過左海交收，順便同朋友們食埋飯，我地揀左火鍋，大家都啱食。胡爐喺百樂中心，雖然我地大頭蝦記錯時間遲左，店員都好好，好快安排左我地入座。我幾鐘意呢間分店嘅格局，中間通道，兩邊座位，座位之間有木屏相隔，唔會話同隔離枱貼到埋哂，又唔會話聽到哂大家講野。menu選擇多，其中有朋友唔食牛肉，於是我地點左D海鮮、丸、餃等等，非常豐富。醬料湯底方面點左鮮椰青雞鍋，首先店員先上雞，裡面有少量椰肉、杞子然後會輕輕炒起，跟住用清酒兜一兜，再用火槍輕輕燒起，唔會好大火，可以放心。最後會用原個椰青水倒入，連埋湯底就搞掂。滾起後，會有少少雞油，湯底好香，有椰子嘅清甜，飲左幾碗先開始打邊爐。雞肉嘅份量不少，只係略嫌唔係切得太仔細，仲有幾舊會連住。啖啖肉，好入味。配料方面點左非常吸引嘅蟶子，如果鐘意食海鮮值得試，因為隻蟶子真係好大隻，仲要好新鮮。輕輕淥到離殼就食得，爽脆到不得了之後點左卜卜蜆，基本上全部都冇沙，而且肉好飽滿。桂花蚌都好出色，淥完爽得黎又甜甜地，好正丸同餃我地點左幾款，分別有手打墨魚丸，墨丸好彈牙，而且有墨魚口感；麻辣牛肉餃幾特別，真係幾香，少少麻辣，幾過癮。手

今次係第二次來這裡了, 喜歡呢度既食物有水準而且環境寧靜!之前試過龍蝦湯底, 今次選了椰子雞煲. 非常之對既選擇, 侍應會先炒雞, 再點火, 加原隻椰青, 再加椰漿, 娛樂性豐富!個湯有椰汁既香味再加牛油, 雞其實不算突出, 但個湯好正, 好濃味!叫左蝦丸+墨魚丸, 個蝦丸非常彈牙, 好出色!牛肉只選了最平那款, 色潭好靚, 夠紅, 食落好林身, 又滑口個蛘非常新鮮, 仲依然郁既, 又好大隻!黃金魚皮都做得很好, 即叩即炸, 脆口, 黃金份量足!

呢間火鍋店環境舒適，我哋嗰晚坐嗰將二人枱兩邊都有間版，感覺好似坐咗喺間迷你房間咁樣。首先點左個鮮椰青雞鍋湯底($298)，上鍋嘅時候好有驚喜，服務員首先將一碟雞件同埋椰子肉加牛油係你面前炒香，然後落啲酒再點火， 最後再落咗足足一個新鮮椰青水。佢哋建議一滾起嘅時候首先飲一啖湯，味道果然好好，味道濃得嚟飲得出清香嘅椰子味。雞件嘅肉味好香，雞胸部份煲左一陣之後有啲硬，下次再試一定會先夾起剛剛熟嘅雞胸我哋叫咗一碟牛肉拼盤($398)，總共五個部份，有牛舌心，兩款手切肥牛，牛胸爽同霜降牛粒。整體質素都算幾高，五款都好食，各有特色。其實我係第一次食牛胸爽，初初以為係肥膏有少少卻步，但原來唔係脂肪，而且食落好香牛味同埋完全唔覺肥膩。個人好喜歡呢個麻辣牛肉餃($48)，皮薄而滑，餡料真係幾辣但辣得好香好好食頂級香菇貢丸($48)正常嘅好食，冇乜特別蔬菜拼盤($58)嘅菜都算幾新鮮個人認為火鍋最緊要係湯底同埋牛肉，呢兩樣佢哋都做得好出色。呢間係屬於中上價位但CP值高嘅火鍋店。唔好睇佢每樣野得幾片幾粒，但原來食起上嚟都幾飽，本身打算飯後落樓下間甜品舖最後都冇去到。

我地兩公婆都好鍾意打邊爐，朋友介紹銅鑼灣胡爐。由時代廣場行過黎，唔洗5分鐘就到。我地於兩星期前book位，準時1830到，職員安排二人卡位俾我地，私隠度高，每張枱都有屏風隔住。而且側邊仲有一張移動式既長枱方便放置食物，凳下可以打開並且可以放外套，咁樣件褸就唔會咁大陣味，成件事好貼心呀!醬料(每位$22)，有8款調味任你落。我地嗌左個鮮椰青雞鍋($298)、頂級霜降牛柳粒($188)、鴨血($78)、蔬菜拼盤小($58)、稻庭烏冬($48)、生力($48)。好快就黎左個鍋先，職員即場煮，首先炒一炒d雞同椰條，加酒燴一燴佢，用火燒一燒罯蓋煮一陣。然後，職員倒原隻椰青水落鍋，再加湯，待滾熱出煙就叫我地可以先飲湯。我同老公先來一人一碗湯，個份清甜令我再要倒第二碗湯飲!十分欣賞個湯!頂級霜降牛柳粒爽口有牛味，不痴牙，邊口有筋位彈牙、有咬感!鴨血新鮮冇腥味，外面煙韌內裡軟滑。意想不到的是蔬菜拼盤會有豆苗，仲要數量唔少!出面通常都只是生菜，油麥菜。食完捧住個肚走，我下次會再黎幫襯個鮮椰青雞湯!!!

今日又同外國朋友仔去打邊爐 黎到呢間勁有中國特色嘅餐廳 一入到去 啲裝修已經覺得幾靚坐低之後 店員推介期間限定嘅羊肚菌蟲草花鮮雞鍋 入面有藥材 因為驚朋友吾慣 所以拜託廚房令個中藥味淡少少 食落其實吾太濃烈 足料得黎好易接受 朋友話覺得有少少似西芹味 哈哈 另外鍋入面嘅雞都好多 好夠食 而且好滑羊肚菌蟲草花鮮雞鍋 $298另外叫左黑松露鮮蝦雲吞 勁香 咬開入面幾黑 因為幾多黑松露下 而且蝦係原隻大大隻放喺入面 一啲都唔hea 咬落鮮甜多汁 正黑松露鮮蝦雲吞 $58另外都想食下海鮮 就叫左份貴妃蚌 幾大隻 一黎到望落去就知新鮮 珍寶貴妃蚌 $98同樣值得一提嘅係佢地嘅牛骨牛汁丸 本身好奇有咩咁特別先叫 淥孰左咬落去有驚喜 肉汁比起任何之前食過嘅牛丸多 而且汁係吾油膩的 高質牛骨牛汁丸 $48

今日約左個好姊妹出黎行街聚一聚，我地不約而同都想打邊爐，結果選左依間。湯底都幾多選擇，有選擇困難症的我們真係揀左好耐，結果我地叫左北海道花膠牛乳豆腐鍋❤既可以養顏又可以補一補⻣膠原😌用銅鍋去放湯底，別有一番風味花膠真材實料，一鍋有7-8塊，好抵食丫😋豆腐又滑又嫩，再配上牛乳湯，食完覺得d皮膚都滑左🤭西班牙黑毛豬豚肉，入口爽而彈，肉味濃郁😋肥瘦比例都幾均勻牛⻣牛汁丸 - 必食推介😍真係有好香濃多汁的牛肉汁嫁，汁係會留在肉丸裏面，而唔係爆醬果款，唔洗怕會噴到隔離，而且入口非常彈牙呀👍🏻👍🏻手工水餃都幾好味，用料足及蝦夠新鮮。覺得依間d手打丸唔錯，最後飽都再加左個鵝肝蝦丸，同樣咁好味，鵝肝味道岩岩好，唔會太出而蓋過左蝦的鮮味，口感正就唔再提啦😋你睇比多個Close shot你地睇😁下次搵多幾個朋友黎試哂咁多款唔同的手打丸先😉😉

去銅鑼灣睇戲，順便就係附近搵食，喺時代廣場附近有一間火鍋未試過，於是就去咗食啦！一入到餐廳，環境而我都好surprise，竟然兩人都有得坐廂座感覺嘅座位，全部位都隔得好開，每台客都有自己嘅私隱，呢點要讚讚！唔想食太濃郁，就叫咗個鮮椰青雞鍋試下，一上菜啲職員就好似大陸啲餐廳咁，好好服務咁樣幫你炒下兜下，仲加咗少少酒然後用火槍辣一辣，起少少火等你有野打下卡，呢點都算幾有心機。兜完一輪，就係你面前加個鮮椰青落鍋，再加埋啲湯就搞掂啦。職員叫我地煮滾左，先飲少少湯試吓味。味道幾似屋企嗰啲老火湯，都幾好飲，不過我覺得可以再甜少少！火鍋配料有返咁上下價錢，所以都唔會話比頹貨你，特別係啲蔬菜，食得出係有機菜，比較爽口同埋夠新鮮！配料有一個幾特別嘅，叫麻辣牛肉餃子，味道真係幾夠麻辣，不過個皮稍簿，我覺得可以再有咬口一點。一口脆豆腐，還好吧。價錢唔算大眾化，環境同服務有加分！

呢排食到濟濟地，諗住揀左個較為清淡既湯底，就係鮮椰青雞鍋，點知食落有驚喜鍋加埋新鮮雞，椰青一大個，再加上奶白色既雞湯先落牛油炒香Ｄ雞，再整少少酒去點火，視覺都加100分最後加埋椰青同雞湯，煲滾就食得估唔到牛油＋椰水＋雞湯係咁正。牛油香＋雞湯既甜，絕配叫多一渣竹蔗茅根，清甜有味道，唔似出面咁溝水醬料同外面既差不多，冇咩特別手切肥牛，花紋好靚，咬落去好香好有牛味其他既既野，整體都幾新鮮，係價錢貴左少少，坐落都幾舒服，滿意。

伯樂中心樓下成日都排長龍等lift上去食好嘢，今次就食咗呢間有幾間分店嘅火鍋店！呢度嘅座位唔算好多，不過就有屏風格住，私隱度幾高，啱晒三五知己為埋一齊。第一件梗係要叫肥牛啦，四個人嘅份量，牛肉幾淋滑，脂肪分布比例幾好呢度仲有鴨血食，配上椰子雞鍋嘅湯底其實都幾好味留咗講個湯底添，店員會先來將雞炒一炒然後再落椰子水同湯，滾左之後會先飲一飲個湯，非常驚喜！湯底非常之甜，飲完就可以加湯開始打邊爐啦食物嘅份量都尚算合理不過牛柏葉就有啲少同埋唔夠爽口

火鍋是香港人喜歡之食物，跟朋友聊天好地方，一邊吃著傳統的美食，一邊吃著味道很棒之材料！朋友帶我到銅鑼灣吃好東西，一進去的環境很高級，每個位私人感很重，非常舒適呢，一個個屏風令環境更優雅及傳統感出現，想不到，這店的員工很細心的為你預定湯水，慢慢等火鍋材料喔。今天叫的是椰子雞汁，棒*店內的火鍋用品很齊，而且材料亦很有水準呢，份量方面不算很多，如果要選最好吃材料，必定是魚腩喔。味道非常新鮮，使湯更美味。一個好的地方，一班好朋友，令是夜晚上更添飽飽。不可不提，海鮮的數量不多，要吃多多海鮮的朋友記緊點多一些也。