影片
更多
2019-05-29
620 瀏覽
聽朋友介紹話呢度嘅椰青雞打邊爐唔錯，於是就搵晚同朋友上咗嚟試啦～開始之前，職員攞咗一盆醬汁俾我哋自己調配，選擇都好多有XO醬、沙茶醬、麻辣醬，當然都唔少得一般配置嘅調味料～我個人就推介食麻辣醬，因為同行朋友都唔食得辣，但係如果自己又有癮想食下麻辣，就可以拎少少呢個醬～我哋叫咗椰青雞湯底，湯底本身有好多椰子肉，雖然椰肉唔算好林，唔係好食得，但係本身個湯底應該有加椰青，所以好清甜入味，加上雞肉非常之新鮮，就咁點豉油食已經好滋味！識食椰青雞，一定係要飲咗個湯先至落火鍋料～朋友都大讚個湯底好夠鮮甜～另外一提嘅事，係食椰青雞前，會有職員過嚟幫你炒雞，成個畫面都幾啱打卡，因為會落啲酒噴下火咁樣，大家就當表演咁樣睇，同行朋友勁細膽，係噴火個下嚇親左，勁好笑！配料方面，我個人比較推薦嘅係呢度嘅餃子，我哋叫咗韭菜餃，啱啱四個人一人一隻，皮薄餡靚，值得推介另外，呢度啲蔬菜，特別係粟米好新鮮！係選料方面都睇得出餐廳嘅用心，粟米係嗰種大大粒好多汁既，用黎打邊爐正呀～呢度丸類選擇非常之多，我哋叫咗牛丸、手打墨魚丸、蟹子丸，味道都夠濃郁。由於上到嚟已經有點夜，所以即刻叫咗個小食頂下肚，點知都好有驚喜，我哋叫咗椒鹽
開始之前，職員攞咗一盆醬汁俾我哋自己調配，選擇都好多有XO醬、沙茶醬、麻辣醬，當然都唔少得一般配置嘅調味料～我個人就推介食麻辣醬，因為同行朋友都唔食得辣，但係如果自己又有癮想食下麻辣，就可以拎少少呢個醬～
我哋叫咗椰青雞湯底，湯底本身有好多椰子肉，雖然椰肉唔算好林，唔係好食得，但係本身個湯底應該有加椰青，所以好清甜入味，加上雞肉非常之新鮮，就咁點豉油食已經好滋味！
識食椰青雞，一定係要飲咗個湯先至落火鍋料～朋友都大讚個湯底好夠鮮甜～
另外一提嘅事，係食椰青雞前，會有職員過嚟幫你炒雞，成個畫面都幾啱打卡，因為會落啲酒噴下火咁樣，大家就當表演咁樣睇，同行朋友勁細膽，係噴火個下嚇親左，勁好笑！
配料方面，我個人比較推薦嘅係呢度嘅餃子，我哋叫咗韭菜餃，啱啱四個人一人一隻，皮薄餡靚，值得推介
另外，呢度啲蔬菜，特別係粟米好新鮮！係選料方面都睇得出餐廳嘅用心，粟米係嗰種大大粒好多汁既，用黎打邊爐正呀～
呢度丸類選擇非常之多，我哋叫咗牛丸、手打墨魚丸、蟹子丸，味道都夠濃郁。
由於上到嚟已經有點夜，所以即刻叫咗個小食頂下肚，點知都好有驚喜，我哋叫咗椒鹽魷魚食，炸得好香好脆，讚！
張貼
