老闆娘雲南米線

營業中

休息中

趁天氣轉涼，走去食老闆娘米線。好掛住蟲草花酒雞肉米線。去到不用等位，叫好單就入得。今次叫左一碗麻辣小辣炸雞球+腩肉米線米線好大碗，女仔應該食唔曬。湯底麻，但我覺得麻同辣未能融為一體，不像譚仔般。或者係太多香料，未能感受到湯底的鮮味。希望可以更好。另外大讚炸雞球同腩肉，真係好味道。炸雞球皮香肉脆，咬下去汁液四濺，香味縈繞在口腔中。真心讚炸得好！👍（食左兩口了，唔好意思）另外腩肉好滑。豬皮保留了，好滑，沒有肥膩感。第二晚係酸菜胡椒湯米線。（本想食蟲草花，但後來轉軚了）但也後悔了，我覺得酸菜一般，湯底過酸，並非胡椒也是跟酸菜分開的，兩者味道未能交織一起。可惜可惜。寫完。

曾經係荃灣友既我呢日12點黎度以前好少黎嘅曹公街街市，呢日天氣清涼，好適合食碗熱辣辣嘅米線（根本就是衝着老闆娘來⋯）看到OpenRice話係街市3樓，但只係見到去男廁嘅樓梯，圍住街市兜咗一個圈都未搵到，幸好望到不遠處有一對小情侶正行上樓，即刻跟住佢地，果然俾我搵（跟）到啦！12點幾已經滿場，門口有6/7人排隊，老闆娘嘅特色係一鍋煮，所需嘅時間當然會耐啲，我同家姐一邊吹水一邊等，時間過得好快，大概15分鐘後熟手嘅姐姐（妹妹）們安排我哋坐出邊容易攞位，幸好天氣清涼，我哋當然唔介意！點左餐後要再等10-15分鐘左右，一碗熱辣辣同超級大碗既米線終於俾我地等到啦！我點既*腩肉雜菌米線，小辣*：好驚人既份量，雖然未至於譚生既過橋米線套餐，但係以小店嘅麻辣米線來講真係非常豐富！腩肉雖肥，但有十分之多塊，食極都食唔完，而且撇除肥肉d瘦肉部分都幾淋，吸晒d辣味，邪惡至極；雜菌真係要俾個叻佢，有雞髀菇、海鮮菇同金菇，食落"shop shop"聲，健康又好味，可以同腩肉拉返個平衡 整碗米線下面仲有好多芽菜同炸醬，湯底好濃，由於我哋坐出邊冇冷氣，所以碗湯keep到個溫度，小辣對我來講啱啱好，但食到後面嘴唇已發

要在一個空氣不流通的熟食街市排長龍至入座，花上了45分鐘，而且環境不太理想，坐得不舒適，超迫，一張小圓枱坐成六個人，職員態度很差，連位老闆娘都口黑臉黑，味道都是一般，在這環境下和服務下，價錢算貴，完全不值，就算唔駛排隊和免費都唔會再去，有貼錢買氣受感覺。

對上一次食老闆娘係好耐既事了, 果次試左蒙古湯覺得唔錯, 所以決定黎第2次其實間野離我屋企好近的, 不過去親都要等位,所以隔咁耐先會去第2次今次試既係  蟲草花薑酒湯雞肉米線, 本身想叫多D小食, 但呀姐話叫左呢個唔叫得小食, 我唔明...真心唔明即係點, 想食多個炸雞球唔點得?但老公點左另一D米線就可以再揀小食, WHY? =.= 但又唔係樣樣都點得, 算了叫老公求其揀個魚肉響鈴我碗米線好足料, 食唔完既雞肉同埋蟲草花, 仲有微微既酒香同藥才材的味道, 我好中意飲個湯, 份量唔少!魚肉響鈴炸得好透, 但就咁食好DRY, 如果可以點下泰式酸辣醬一定更好食大大舊既雞肉, 唔''鞋'', 好滑!

早前有為食趴B遊的網友問及可否介紹荃灣區的野食！ 所以今次趴B就帶大家到香車街熟食中心的「老闆娘雲南米線」！ 平時必定要排隊的老闆娘雲南米線，今日星期六的晚上６點，好彩未有太多人來到，趴B同友人都係排左15分鐘到。 不過餐廳都安排得好好，排隊的時候會有位坐，重會比定MENU你睇！ 趴B同友人的選擇是：秘醬豬腩肉酸辣米線、魚肉腐皮卷麻辣米線、魚肉響鈴。(點可以唔揀米線呢XD) 趴B評分時間來了！ 餐廳環境：🍼🍼（滿分為🍼🍼🍼🍼🍼） 街市都唔會有太大要求，排隊時係好熱，但入到去食野時，冷氣充足！ 員工態度：🍼🍼🍼🍼（滿分為🍼🍼🍼🍼🍼） 好 NICE!!!又有禮貌!! 食物品質：🍼🍼🍼（滿分為🍼🍼🍼🍼🍼） 湯底幾好飲!!!米線係少少硬身，偏多，有蔥、芽菜、類似酸菜的配菜等。 先講秘醬豬腩肉酸辣米線： 可能因為湯底的酸辣味道好搶、好夠味，所以都食唔到秘醬是什麼一回事。而豬腩肉係肥肉居多，所以如果唔怕肥的朋友先好食呀ＸＤ 魚肉腐皮卷麻辣米線： 因為魚肉腐皮卷是另上的，所以唔洗擔心無送ＸＤ 魚肉腐皮卷入面有栗米同魚肉，好清甜爽口、脆卜卜！ 而麻辣湯底的後勁好西利！絕對係愈食愈麻同辣！

老闆娘聲名大噪，特色湯底米線之名響噹噹，而我卻第一次來。聽聞每天都大排長龍，晚上7點半來到，竟然不用排隊! 小店位於香車街街市，近荃灣愉景新城，位置較僻。幸好以前不時跟學長們來這裡吃飯慶功，才知道這個舊式街市，內有多家小炒特色店。先在門口點餐，再入內就座。選擇眾多，眼花撩亂每樣都想試，可惜眼寬肚窄>.< 嗜辣的我選了麻酸辣湯底，大辣，每碗米線即叫即煮。湯底夠麻，不會太嗆，大辣對我來說可以不用飲水便完成，可惜不夠酸。配料很豐富!酸菜牛腩3-4大塊，多肉，腍而不鞋，另加$10款配料，冬菇什錦有3大粒冬菇，腐竹及大大塊木耳，十分抵吃 忘了叫扣底，這個份量太巨大。鎮店之寶野菌腐皮卷也並非浪得虛名，外脆內餡爽口彈牙，今餐十分滿足希望下次再來也不用排隊吧!等我

公司同事個個都講俾老板呀終於搵日去食啦！星期二嘅晚上七點鐘去到竟然咁兩個就有位真係好開心。我叫左Ma酸辣（小辣）拉麵；肥樹熊就係麻辣（小辣）拉麵。好快就有得坐入去房仔有三張大枱， 每位大約可以坐10至12人有大電視冷氣風扇，環境叫乾淨又夠光， 荃灣車仔麵來講叫做都幾好！10分鐘都冇就上菜啦講下叫咗咩小食先：豆腐魚丸、炸豬扒、野菇炸腐竹、仲有最唔少得嘅酥炸雞塊！拉麵上到嚟真係嚇咗一跳，好大碗喔！即刻覺得＄40絕對唔算貴。其他鋪頭馬勒湯川馬拉其實真係爭小小酸菜，但係老闆娘嘅係完全兩個湯底兩個味道，可想而知餐牌上幾個名都應該會好獨立各有特色！用筷子搞一搞拉麵軟硬啱啱好（我比較喜歡吃少少硬的麵，所以好中意）；而且份量非常充足。雖然說花生的份量欠奉，但是我覺得拉麵份量絕對值回票價。豆腐魚丸：豆腐魚轉唔使有係普通豆腐味，過下口引就算炸豬扒：好似我掌心咁大，相比起炸豬扒專門店當然係單薄少少，但係車仔麵檔來講酥炸軟硬啱啱好又有肉汁，無雪味nice！肥樹熊食得好開心野菇炸腐竹：真係識叫即炸我好鍾意食腐竹同mushroom㗎！仲熱親添！我之前仲有少少怕佢會用唔新鮮嘅mushroom, 借啲意炸熟佢，點知食

一直都好想黎朝聖，但見食評都係話有排等， 所以一直都唔敢黎。 甘岩尋日黎開荃灣探公公婆婆，就把心一橫同老公睇下咩情況， 已經打定輸數， 諗住要排好耐就食其他。居然唔駛等！！！ 揀好食咩交單就入得去食我點左個蒙古湯米線bb辣加多2個餸。蒙古湯好香好飲， 不過叫小辣應該會再香口啲。2個餸有雜菌腐皮卷：脆卜卜超好食， 餡又足仲有個係蝦膠豆卜，彈牙又脆我老公點左個炸醬清湯米線，炸醬都好好味， 但我鐘意辣湯多啲。Overall黎講， 啲米線真係堅大碗，食到男士都話好飽。

平時嚟到都10幾廿人排隊，可能咁啱今日打風又落雨，前面只係得 2 個人排隊，點都試下啦！我哋試咗 2 款，分別係『蟲草花薑酒湯雞肉米線』同埋『麻辣湯米線』。『蟲草花薑酒湯雞肉米線』湯底比較特別，所以覺得應該要試下。為咗唔想配料影響到湯底嘅味道，呢個米線係唔俾加配料。湯底唔錯，清清地又帶點藥材味道，不過雞肉就好似梅梅地。『麻辣湯米線』因為第一次食，所以試小辣。湯底味道 OK，但略嫌佢唔夠辣（可能真係要中辣或大辣先夠），反而好麻。食完大大碗米線，我哋仲加咗小食『招牌酥炸雞球』，每件雞件都好夠份量呀！本身想試埋招牌嘅『魚肉響鈴』，但真係食唔落啦！

上網睇得多，有幾好食，有幾好食，人群心態，講到咁好食，我呢個米線控點會錯過，行過路過唔好錯過，機緣巧合下，朋友得閒，即興出去荃灣潮聖，去到排隊排最少半個鐘以上，又熱又焗，排到我時入去座，指定6人一張枱，建議有小朋友唔好去啦，點食麵唔會快，坐得又迫，叫左個麻辣湯底 炸醬腩肉，個腩肉肥到呢...其實係名大過實...我覺得唔係咁好食 唔值得排咁耐隊等食佢個面，如果6個都係有肉地既人，食得都會好辛苦，老老實實，食完一次，都未必有下次，態度又唔太好！

個日叫左麻辣Bb辣 同蟲草花酒湯米線同枱其他三個人都話太麻，食吾慣不過有d人中意個種麻，我自己一般，因為食其他野會無曬味炸雞好普通，有油益味服務態度麻麻，由排隊到入去，都好像命令式尤其後生女，比完$多謝都無句，好似吾休做咁。。。價錢又貴，如果排成個鐘，值吾值見人見智

今日想食超辣既，想起老闆娘，她的米線出名好食但太多人了，門口已經有兩排藍色椅，但並不是隊尾喎，行遠d，再後面就係啦，等多兩等唔係路，外賣算🤦🏻‍♀️🤦🏻‍♀️🤦🏻‍♀️米線麻辣湯中辣鮮豬潤招牌酥炸雞球魚肉響鈴冬菇雜錦雞肉

「由於電力供應不足，加上天氣炎熱，為員工著想，我們營業時間會由17:00……」店內大概咁寫既通告之前有朋友中午食過，宜家改17:00先開，我無食過，本以為會好多人，平日放工去到已經18:30，門外都是等的人，但好多都因為未人齊而唔入得，我亦唔例外，其實人齊就好快入得，呢段時間唔洗點等位。入到去，座無虛席，但唔會太焗。滿分5分招牌酥炸雞球 5分 麻酸辣湯 0分 （只有麻，重要好麻）豆瓣金錢肚 2分 （味濃）秘醬豬腩肉 0分（好肥，味太鹹）鍾意食濃味既我，食完都覺得麻麻地，只有一個「麻」字同一個「鹹」字。

這一天因為路經荃灣，又想起這家米線，所以就決定來一試了。許多人慕名而來，難免形成長長的人龍，幸好店家很細心的安排一些座位予排在前面的客人，讓他們在等候入座時選好菜式。據聞這裡的麻辣湯底很不錯，但我不太能吃辣，所以只好選擇BB辣。當天亦不太餓，就選了時菜作配料。另外點了一道酥炸雞球與友人分享。因為客人頗多，所以上菜也得等待十來分鐘，但聞到香噴噴的米線就覺得很值得了～時菜有生菜、豆卜、蕃茄、腐竹、鮑魚菇等 ； 湯底微微的辣，清清的又有點甜味，能品嚐出不是味精所調出來的。我喜歡在一道菜式品嚐到不同的味道，這一款也頗適合我的。米線的份量也不少，很足料呢！再來是酥炸雞球，每一件都頗大件的。外皮不會炸得太油膩，咬下去外脆內軟，雞肉香嫩，味道挺不錯的。

住咗喺荃灣咁耐終於都試到啦份量好足夠！女仔食如果唔係特別大食嘅就叫小米先會好啲，如果唔係應該都會食淨幾多～第一次食原來咁大碗，上枱真係俾佢嚇親，仲要最好就係，佢啲炸嘅食品全部分開上，就算兩個人每人帶兩個餸都可以好開心咁每人食少少，麻辣湯底同酸辣湯底都好正！豬腩肉正，啲粉腸又係冇得頂，湯底夠濃，蟲草花清清地都幾好，最緊要記住叫佢嗰個什菌卷，魚肉響鈴就冇特別可以唔使叫，嗰個炸雞又係好正啊！不過講真有心理準備唔係有耐性等位嘅就唔使諗，一定會繼續幫襯，荃灣好多米線譜呢間都真係算係咁，不過記住呀星期三唔開架