老闆娘雲南米線

營業中

休息中

對上一次想黎揾食係摸門釘 因為小店係逢星期三休息 如果想黎試吓嘅朋友一定要留意番 咁先唔會失望而回琴晚係星期四嘅晚上 我同男朋友八點左右就到咗香車街街市 上到去3樓見到有唔少人已經排排坐咁等緊位 等咗大概四個字左右 我哋就被安排入座入面有四張圓枱同一張長枱 個形式就好似譚仔咁 要搭枱食晚餐 但係入面就無個d譚仔阿姐幫我地落單 因為我哋喺出面等緊位嘅時候 已經填定張紙仔揀好食咩喇坐低左5分鐘左右 我碗清湯米線+秘製豬腩肉就上枱喇 ($42)其實我本身係想試下雲醬豬軟骨架 但因為沽清既關係 就揀咗呢個豬腩肉 除左有少少辣味之外 我就試唔出佢嘅秘製味道 而且d豬腩肉比我想像之中肥美太多 令到我好有心理壓力而男朋友就叫咗麻辣米線(小辣)+金錢肚 ($42) 金錢肚都係有少少辣味 但係無乜滷水味個湯底都唔錯 麻辣既味道幾特別其實一碗既份量都幾多 就好似係譚仔嘅套餐咁大碗另外 我哋每人都+$10 另外叫多咗一個餸一齊食 同叫咗一罐可樂 (+$6)招牌酥炸雞球炸雞有三件大大舊 但係就唔會有咬落就成口炸粉既感覺 外脆內軟 啲雞肉多汁嫩滑 又唔會感覺油膩 仲有少少既咖喱味野菌腐皮卷呢個看似好油膩 但係食

幾個月前Facebook 係咁瘋傳呢間老闆娘米線， 個個都喺度話，好多人排隊呀，等成粒鐘呀，點點好食法。咁啱前排有日喺附近商場行街， 見時間六點幾七點左右就話不如去試下食。去到發現原來係一間街市嘅頂層， 街市入面狹窄但地下都唔滑， 一路行過去間舖一路見到有啲食環署嘅人成堆企曬喺度😲， 即時避開繼續行。去到呢間店見到門口有兩排圓櫈， 應該係for 多人時俾人輪住坐嘅。我哋前面有一對情侶等緊咁， 一去到就有人比紙仔我哋揀， 最低消費係一碗米線$40. 銀針粉 。 每碗大約$40-42， 每加一個餸加十蚊 ，之後我同另一個friend就揀咗麻酸辣小辣, 一個叫炸菇卷之類嘅嘢,一個就叫酸菜牛腩。等咗一陣就有得入，入到去見到四張大圓枱， 環境都叫乾淨嘅， 即刻落單然後等咗差唔多十零分鐘先嚟， 但嗰時其實人唔多，坐咗兩枱人only.之後想加單叫嘢飲, 但係個店員好似唔係好想埋咁，叫幾次先斯斯然行過嚟 .之後碗嘢終於嚟喇, 因為間嘢畀人捧得太高, 真係以為今次唔使等咁耐就可以食到好西，好似好著數咁. 但係一食就知奶野😨.碗嘢有陣好濃沃嘅味, 形容唔出係咩味但係我之所有麻辣鍋都會有嗰一陣味( 花椒?)

今天中午又跟同事去了這家#老闆娘 吃麻辣米線了真的這店的麻辣湯底好香，但辣有點下手比較重，我也只能點小辣上次試了魚肉腐皮卷，這次就試試他們的招牌炸雞件～那炸皮不算厚，重點是這雞件應該是雞腿肉肉肉吧～炸完還很多汁，超好吃的～不過如果是中午來吃的話，真的要公司不怕你比較晚回去才可以去，因為從等位置到上桌.....真...的...等....很......久！#老闆娘 #米線 #noodle #麻辣 #炸物 #雞 #chicken

放假當然要訓到日上三竿先起身食野，今次黎試下呢間人地話好食過譚仔既米線。睇過好多post 做左要等一個鐘既準備😅 店係喺一個街市三樓閣樓入邊晏晝三點黎到見到十幾個人坐係到等緊 拎左紙筆就邊等邊畫食咩。大概十分鐘就到我地 比預期快左好多 六個人撘一張圓枱 好好彩今次坐入邊 有唒冷氣風扇 坐底20分鐘左右 野食陸續送上野菌腐皮卷皮炸得好脆 野菌份量足夠 新鮮熱辣 雞翼醃過先炸  粉好薄炸得好鬆脆  咬落仲好Juicy 好入味   好食!麻酸辣腩肉米線 BB辣裏面有成6舊大大舊既腩肉飲左一啖湯  有好多香料既味道  麻香味好濃 半肥瘦既秘製腩肉煮得好淋好入味 難怪甘多人推薦食唒成碗 個口keep住麻左5分鐘先慢慢冇甘麻  出奇地食完唔太口渴 建議一個人叫2個餸已經好夠 米線好大碗 男仔食都夠飽 今次連等野食等左半個鐘 米線同小食都整得幾好食 所以等一陣都可接受呀下次再黎試下其他小食同湯底先

上次自己一個人嚟摸門釘，因為之前天氣太熱所以改咗下午4點先開舖。而家秋風起，見老闆娘話10月8號開始正常營業，咁啱家姐米線癮起話要食好好味嘅米線，所以決定同佢嚟排下隊試，據聞起碼要排45分鐘。其實我哋7點前到係完全唔洗排隊，一到就有人比張order 紙你揀嘢食。不過，我哋要等多個人，所以喺外面坐咗大約20mins，期間d員工都好有禮貌咁問我哋，朋友仲有幾耐到，後尾朋友差唔多到果陣，佢已經比我哋入座。入座前佢就收咗order 去準備米線比我哋。入面原來好細得好少位，唔怪之得要等咁耐啦!我哋叫咗3碗米線，每碗叫咗兩個餸share，但大部分招牌餸都係炸嘅，無可否認炸嘢係吸引嘅，佢d餸都係好味嘅!而且炸嘢係另上，咁樣就唔會被湯整淋d餸。反斗蝦膠豆卜~口感幾得意，豆卜本身已經炸過，連蝦膠再炸竟然係鬆化，蝦膠同豆卜比例正常，唔錯!招牌酥炸雞球~外表香脆，入面嘅雞肉嫰滑多汁，值得一試!野菌腐皮卷~腐皮包住好多野菌炸至金黃色，材料尚算足料!吉列豬扒~幾似細個係快餐店食果d，冇乜特别。清湯米線+豆板金錢肚清湯真好清，淡而無味。原先d員工話金錢肚有d辣，我哋就完全唔覺得辣，不過煮得好入味同腍。麻辣米線(小

前幾日同事帶我黎呢間老闆娘雲南米線，行緊黎既時候佢地已經同我講呢間野好出名，咁其實小妹都好期待，不過12點半黎到已經排緊隊果然係出名既因為太多人，又被指示企埋一邊排隊，所以就冇影到舖面係點。一排隊員工就比幾張紙我地填，佢地係冇小食只有加餸。我地4個人，叫左6個餸左右。排隊其間發生左一啲小插曲，就係員工安排我地入去排排坐等時，我地4人咁岩我要坐另一排凳，員工定唔知係負責人不斷示意我唔好移佢既凳，但實情小妹亦冇打算郁啲凳既排位，只係打算自己向住同事坐，但佢地態度強硬又惡劣，可以見到佢做到黑晒面，令食客都怕左佢地。到入座坐底都仲要等一段時間先有人黎落單，因為麵係逐個出所以會比較耐，但最不悅都係被職員話同黑面拉麵同米線既份量都好足，佢既餸的確好大份，味道都係唔錯既，但都係油炸野偏多，小妹食完就爆瘡不過的確湯既味道係唔錯，我就叫左碗反抖蝦膠豆卜麻辣拉麵小辣，辣度好足，加埋罐裝菊花茶就42+6。雜菌腐皮卷都係好香脆，多雜菌既。之但係整體黎講，小妹認為今餐係不愉快既經歷，認為一間餐廳除左煮食需要用心，服務都應該用心，希望老闆娘雲南米線舖未來可以改善，會變得將心比心咁對待食客，唔好因為忙一啲就黑面態度

早排喺Facebook見到有人介紹老闆娘，當時齋睇相已經覺得好吸引，所以趁今日放假，專程入咗荃灣搵食，順便行街。去到街市差唔多12點，仲未開門，但係已經有人排緊隊。呢度係先點餐，後安排入座。由排隊等開門到米線上枱，都等咗半個鐘左右。我同朋友分別點咗炸雞球金錢肚酸辣湯同魚肉響鈴野菌腐皮卷麻酸湯。米線上枱時，真係嘩一聲好大碗囉！！！米線份量多到食唔晒！個酸辣湯好香濃，酸同辣嘅比例啱啱好，而且飲多兩啖都唔會覺得口渴！！！湯底整得出色，配料都唔輸泄喎！！！鍾意魚肉響鈴同金錢肚，響鈴好香脆，金錢肚又腍又入味老闆娘雖然係小店，但水準絕對比連鎖店優勝，值得再次支持

每次黎到都要等成粒鐘。但為了食好野 我願意等。老實講 之前睇食評話呢度服務差 但我一次都未感受到。有次湯低太spicy 食唔到 老闆娘即刻幫我換過個湯低。野食份量好大。我同老公次次都食唔哂。好飽飽咁走。如果湯低可以酸多些小就perfect 啦。老實說 我係星林x次次食完都狂飲水。味精多到反哂胃。但呢度食完無呢種感覺呢☺️☺️☺️

實在太掛住喇, 成日都心思思想嚟食 , 雖然地方係舊D, 不過都好架喇, 宜家大部份位置都有冷氣 , 面尋日都見到有人坐喺冷氣房以外地方, 感覺都有D熱...今次同埋兩人個朋友一齊去食 我選 : 【蟲草花薑酒湯雞肉 - 銀針粉】朋友A: 【野菌腐皮卷酸辣湯 BB辣 - 銀針粉】朋友B : 【秘制豬腩肉麻辣湯 BB辣 - 米線】雖然好想食炸雞, 不過又好想試其他 , 所以我選咗【蟲草花薑酒湯雞肉 - 銀針粉】酒夠香, 雞肉嫩仲到呢 (未食過咁嫩) , 加上蟲草花係有清香味道 , 呢款真係冇得輸 (如果連面D油都可以再少D, 就係完美了)整體成碗各樣份量都好多 , 食到大半時想唔食, 不過又太好食唔捨得放棄....結果食哂...飽到呢...兩個朋友都食到讚口不絕 (佢地第一次食呢間)

阿妹之前食咗一次, 讚到不得了, 所以就跟佢去試可能5點幾去, 好好彩唔駛排隊本來想同阿妹share, 不過原來每人都要點一碗, 都啱嘅, 所以我同阿妹一人一碗, 我點炸雞酸辣湯 BB辣 , 阿妹點豬軟骨麻辣 【炸雞酸辣湯 BB辣】炸雞有調味, 炸得又夠乾身, 好少喺街食炸雞, 唔會食到一口油 。米線煮到剛剛好, 我個人喜歡有咬口的麵, 真係啱哂.... 不過BB辣對我嚟講都係辣 , 搞到邊食流鼻水 , 不過真係非常好食, 真係辣住都要食 一定會再去

老闆娘睇咗電視介紹，話呢間老闆娘開返，又咁啱去開荃灣！！一個人膽粗粗去試試呢間米線係咪咁好食先！一去到😱😱😱⋯⋯嘩，未到12點喎⋯⋯使唔使咁多人呀！唉⋯⋯一支公，算，我等！在等途中，聽到前有對情侶講，今日算小人啦⋯⋯上次十點來到，老闆預備緊食，未開始準入去，等咗成個半小時呀⋯⋯乜乜乜我心諗，唔係嘛⋯⋯好食到咁？要等成個半小時，又不準離開？今次，聽下聽下，我都等咗成45分鐘！ ！😓😓😓等的時候，已經安排填好Form....當坐低不久，米缐就到了。我一試，Ummmmmmm.........好食的，但冇想像中好食，okay la....但要我等咁耐才有得食⋯⋯⋯下次，我一定唔等，去另一間囉⋯⋯重要，呢度係荃灣，太多好食的米線店在附近！！出名的唯一，都不用等咁耐。其實，唯一會好食啲添⋯⋯⋯不過，未試過，可以去試下！好味的！如果太長龍，就去另一間吧⋯⋯

前排去食過，等左差唔多成大半個鐘先有位入到去坐低，d位又窄又多人，雜物，貨放到四圍都係，侍應態度極差一坐低就問叫得未，未得諗好先好叫佢（勁串）咁都算，當你忙叫左個炸魚餅之類+米線，女朋友叫左個春卷定響鈴米線湯有d淡，但炸野超油米線斷開晒，好似碎米線咁價錢兩餸差不多70幾蚊，份量超少，味道+份量完全唔值呢個價女朋友勁細食都話份量好少基本上同一價錢係荃灣九把好食過佢坐得又舒服，服務態度好既米線舖，比錢佢賺仲要睇佢面色以後都唔會再去

朝早排完華嫂，晚上再同老婆到荃灣出名既老闆娘米線排隊，門口等候入座的兩排櫈十幾個位已滿，被安排到站立位置等侯，原本想放棄到附近大排檔食小炒，老婆卻堅持，好彩都係半個鐘就可以入座，而且煮麵速度比過往快，坐抵一陣已經上菜健康有營炸雞小麻辣米線（$52） - 每次必點既炸雞有3件，用咖哩醃過再炸，香脆可口，麻辣令口腔麻痹，口感過隱，湯底本身加咗芽菜及酸菜，想多啲蔬菜可選擇健康有營：豆卜，腐竹，番茄，生菜，秀珍菇，材料豐富健康有營滷粉腸BB酸辣銀針粉（$50） - 滷水粉腸夠粉而且唔苦，夠晒新鮮！呢度酸辣味道平均，鍾意辣既又可以再加大辣度。老婆因為食得慢，佢話銀針粉滑而且冇咁吸湯，食淨一半都夠裝滿一個外賣碗做宵夜，真係夠晒大碗足料由於香氣撲鼻，食咗幾啖先記得影相，效果唔係咁靚，請見諒

唔可以share唔直接講，當人一定睇到你d告示，一定知？唔食就串串貢，你以為你真係米之連？咁既態度，唔知真係以為我做錯左d咩，開開心心同fd食野，一黎咁既氣氛，真係咩放假mood都冇哂。多謝你，去過咁多國家食野，都冇香港呢間野咁巴閉，大開眼戒！

上星期大約630pm到達人流及等待人數寥寥可數門口數位職員態度十分惡劣..等待入坐客人需順序排排坐...只要有人入坐..必需向前移位神奇的是...客人連坐方向坐錯..或稍有偏差...職員大聲呼喝！完全不尊重客人！職員響門口不斷呼喝客人...移位...態度差勁！食物水準十分一般..並非似其他食評般一定吾會再去！！！俾錢受氣！！！