老闆娘雲南米線

營業中

休息中

想食到老闆娘米線有時都要啲運氣。如果大時大節聖誕節情人節，人流會少啲，試過唔使排隊仲有空位。如果係其他平常日子晚餐時間去，排隊排到樓下樓梯我都試過幾次，立即打退堂鼓，下次再去試運氣。麻辣米線已經試過幾次，有次見隔離枱叫蟲草花米線非常吸引🤤今次俾我試到了！蟲草花薑酒雞配銀針粉👍🏼首先湯底鮮甜帶少少薑酒味，雞肉非常非常嫩滑，點解雞肉可以咁軟滑😌仲要雞肉份量好多又大件。落配料一啲都唔手軟，蟲草花、紅棗一樣落好多！爽口的蟲草花加上嫩滑雞肉配上鮮甜湯底，食完碗銀針粉，湯都所剩無幾，零味精，唔口渴，好大碗，好飽。

幾經波折 終於都俾我食到傳聞喺第二好食嘅老闆娘米線👅-識食 一定喺叫哂佢所有出名嘅餸嚟食🤤見枱枱都嗌炸物 我都唔執輸 叫哂啲出名嘅炸物嚟試下先💓-野菌腐皮卷呢個都算喺我杯茶 因為腐皮卷外皮炸得酥脆～而且入面都幾足料 有栗米 菇類 食落有多重口感🤤配埋米線一齊食都唔錯😍-好有愛嘅喺老闆會因為驚員工天氣熱太辛苦 而推遲開鋪時間所以而家喺開5:00pm-10:30pm平日5點去的話 應該半個鐘內有得食😂

我有一個目標，就是試曬全港的米線，因為小妹十分喜歡吃米線甘岩今次經過，就特登去食，結果竟然迷路，因為真心遠，地點偏僻，結果不停問路，仲要路人姨姨帶路，要表揚香港人的親切6點幾去到都要齊人先入得，全部人都要等。不過得來全不費功夫，值得一試。每人一定要買一碗，一碗已經夠一個男人食，所以想食豬軟骨都.....你懂的我點了豬頸肉淨酸湯都好夠味，湯底不馬虎類似南記的湯底，但口感實在，酸酸的，好好吃，吃完超級飽推薦不怕遠，喜歡吃米線的朋友仔

今日特登嚟到荃灣老闆娘米線，因為Facebook佢實在太熱門啦。原來係喺街市入邊，所以環境就普通啦，唔算做乾淨。六七點去到已經排長龍，但係等位又好快喎。食物速度又唔算好慢，價錢亦都唔算貴，碗麵超大碗！其實應該夠兩個女仔食，超多送，又大舊！味道方面，炸雞同米線冇乜關係，但佢係我食過最好最juice既炸雞！酸辣米線湯底我覺得又唔係話真係咁神級，但係老闆娘的態度非常好，愛心爆棚，所以我一定會再幫襯。❤️

鍾意食米線嘅朋友一定要試吓食呢間！我哋係機緣巧合底下黎到呢一間喺荃灣香車街街市嘅米線，一嚟到鋪頭門口心諗，搞咩啊？排隊排到成三十幾40個人！？跟住係等左差唔多成一個鐘，等到文想走嘅時候，終於有得入啦！！！鍾意食酸辣嘅我即刻點咗個麻酸辣食，試咗一啖之後覺得好濃味，跟住越食越麻，真馬勒你慢慢慢慢咁谷上黎好鬼正。不得不提佢炸雞真係超好食，炸完仲可以滑溜溜咁。跟住就係一次外賣試食嘅經歷，今次就試左一個特色米線，就係蟲草雞銀針粉！一如以往雞真係超級滑，而令人驚喜啦佢個湯唔係話濃但一定唔淡，食到好重嘅蟲草雞湯味，唔試由只可，一試以後淨係食呢一個米線！

八號風球「洛克」僅歷時4小時，過咗正午，大家見到外面完全冇風（僅有細雨），開始四出活動，屋企附近嘅戲院都幾近滿座。睇咗一陣邊度無咁full，最後決定去荃灣睇。睇完戲，好少出荃灣嘅我見難得黎到，應該食返D荃灣先有嘅特別野，於是就向住新界西嘅朋友請教...朋友推介咗「老闆娘雲南米線」，咁我就開始Google Map，唔算太難搵，好快就去到！星期日8:40pm去到，見到前面得7/8個人排排坐等緊炸！我哋亦加入隊伍，一邊坐一邊填點菜紙。人龍比預期中少，我哋等咗10分鐘就可以入座，好快！炸物亦極速上檯！下面呢碟係野菌腐皮卷，可以見到餡料有菇同粟米。至於呢碟就係魚肉響鈴👇份量略嫌較少，得３舊而且其中一舊係無餡嘅！魚肉響鈴咬開後：👇關於炸物的小評語：-富有特色（其他地方應該搵唔到），- 熱辣辣、剛剛炸起可惜：- 頗為油膩（無辦法，炸嘢係咁架啦！）- 炸物黎到之後，碗米線等咗好耐好耐先上檯，擺到凍+硬曬，無咁好食。我嗌咗上面2款貴餸➕清湯米線，52蚊。怕辣嘅我以為只有清湯可以選擇，一如所料清湯真的很清（只有蔥味）。返到屋企，細心再睇睇openrice先發現原來有「蒙古湯底」(孜然粉味)，極度後悔無試到

第一次試食貴店米線，聽聞要排隊等候，好彩時間尚早，未有人龍出現。點選蟲草花薑湯牛肉米線，材料非常充足，特别是牛肉，有八至九片之多，米線質地煙勒，配上蟲草花薑湯，味道出色。在眾多車仔麵舖頭當中，只需四十多元，但是分量非常充足，難得給人有飽肚感覺。雖然環境不是十分舒適，只有風扇調温，但是值得再來

必須大大推介的「老闆娘雲南米線」！😭😭原因只有一個，就係即使要排隊成粒鐘，但仍然無悔同10分值得🤤🤤！喺荃灣香車街街市熟食中心，晚晚都會有一條長長嘅人龍😂，隊長B雖然只係食過一次，揀咗蒙古湯同埋麻酸辣湯，但係湯底嘅美味已經令人難忘😳～ 必須講呢度每一碗嘅份量都十分之多，即使連男仔都未必食得晒😂但呢度有個規矩就係每人至少叫一碗，所以係有少少難度嘅😅😅⋯蒙古湯有一陣孜然味，好惹味😋～唔會覺得辣，最衰呢度冇羊片，如果唔係應該都幾夾🙈～麻酸辣湯麻同酸嘅比例剛剛好，兩者都食到，辣到亦可以大中小BB～唔怕食辣嘅都可以試吓中辣🙆🏻～不過最特別嘅都係呢度嘅餸料🍲，除咗有啲個名幾得意之外，有啲仲係出邊食唔到🌟～例如正正子「野菌腐皮卷」、「魚肉響鈴」同「招牌酥炸雞球」都係來親呢度嘅人都會叫嘅嘢～ 當然隊長B都唔執輸為大家親身試驗一下啦🤣～腐皮卷同埋響鈴非常脆皮～其實係會唔捨得浸落啲湯度食😂😂所以建議大家都係額外叫一啲可以放落湯嘅餸料🌝～皮薄餡多又靚，絕對係好食嘅！不過炸雞就over左少少，有少少燶同埋乾，唔會叫第二次🤔🤔⋯⋯但米線係令人食完想再食嘅（即使果一刻係會食淨🤧） --------------

荃灣有一檔米線好出名，開返鋪後我今日係第三次去食，佢叫老闆娘都食米線。今個晚上9點到達，等左45分鐘左右，終於有得入去坐底！第1次黎個時，等左成個鐘T.T我平時成日食米線，對米線的麻辣湯底都算幾有要求，最普通既，得個辣同咸，好似譚仔個d我係唔鐘意食。而呢到食左第1次後，我係有時間就會過黎食一轉。佢既湯係即煲即煮，所以要等得耐，而我叫麻辣小辣，佢係會令個口麻痹之餘，係愈食愈辣。我次次食完個口係麻到震，冇咩感覺😂鐘意食辣既人，係一定鐘意食呢個！而我同行既就叫清湯米線，咁就正正常常，同出邊既差唔多。而佢份量係好多，食完一定夠飽，而佢d炸物炸得幾好，而送既份量亦偏多，唔怕等既，呢間係一定要食！

呢間荃灣米線小店出哂名多人氣，塔塔子呢個辣魔入到黎荃灣，當然要揭開佢廬山真面目啦！意料之內，排左好耐！唔餓等到餓，餓就變好餓就黎排到嘅時候已經可以劃紙仔揀定餸更令人期待！塔塔子初嚐就挑戰佢嘅麻酸辣湯底中辣先！湯底真係好特別，非常濃郁熱辣辣！份量都好多呀！豬粉腸煮得剛剛好唔會太熟而太硬，而佢更加係冇腥味，配呢個辣辣湯底真係一流呀！朋友M就叫左小辣，配腩肉+豬粉腸，腩肉唔太肥，肥瘦比例好，不過我就略嫌細塊左d，可能塔塔子實在太餓啦！睇食評見到好多人試佢嘅炸物，塔塔子當然唔執輸啦！叫左酥炸雞球，一見到佢上檯就心跳加速，血脈沸騰好吸引呀！一咬落去的確冇令我地失望，酥脆又夠juicy，正呢間小店確實係名不虛傳，值得排咁耐！不過價錢確係略貴，值唔值就因人而異了！

黎左幾次都話休息😿好啦，見到佢寫住更改開鋪17:00先開門。我第二日就16:50分就企係佢地門口等佢開。算係有誠意啦啩。一去到 見到佢哋開緊檔 我就問一問個個店員男仔（👧 係咪未入得？）佢一面唔想理我嘅樣 話 （等陣啦）好咁我就等陣啦，都等咗有一段時間等既途中 佢哋舖頭啲店員出出入入老闆娘都見到我哋 ， 個個都直行直過完全唔想理我哋咁， 之後過多一陣佢先話今日改開17:30事後就入返舖頭…… 咁我地就走左。好老實講我唔知佢碗野有幾好食足以令到佢哋唔憂做到咁。佢嘅態度令我唔會再去。我只夠話係啲人捧到佢想天令到佢地以為自己上左天唔係話個老細整親隻手就話呢度痛嗰度痛又話個天點點點 所以唔開舖睇個款一家大細喺度做一家大細都以為自己唔憂做嘅樣， 真係令人作嘔。

早前看到有人介紹這間位於荃灣街市的米線，說其受歡迎程度令每日都有食客大排長龍，這天剛好經過荃灣，作為米線迷的我又怎能錯過呢。去到街市的檔位前，已經有10位左右的食客在等。還好有椅子供食客坐住等，反正不趕時間，我和朋友便坐下來等。又想不到大約10分鐘就已經可入內了。入到去終於明白為什麼有這麼多人在等，但等的時間其實算蠻短的，因為店員(還是老板娘呢?)會安排好6-7個人同一時間入內坐同一張大圓檯，所以每檯食客的開始及完全用餐的時間都差不多，等一張檯的食客食完，又可以入一張檯的食客，很有效率的趕羊式用餐方式。在等的時間，食客會被分發一張點菜紙。所以入內坐下不久，米線便會送上。我點的是酥炸鯪魚球米線配蒙古湯(小辣)。本以為蒙古湯味道會很濃，會試了一下湯頭，原來只是很濃孜然味而且，味道不夠豐厚。反而朋友的麻酸辣湯湯底味道很好，很多層次之餘每種味道都能互相配合，有機會再食我一定會選麻酸辣湯。米線十分大碗，煮得剛好不會太軟身，保持一點咬感。酥炸魚球每粒都很飽滿，用料很足，有鯪魚的鮮味。MENU選擇有很多，所以我一定還會再來試的。雖然有點趕羊的感覺，但其實並不會坐得不舒服，米線迷的話是真的要來一試。

老闆娘重現人間！！！摺完開返既反應真係嚇死人，呢間充滿童話既神店開頭重開果時真係排到痴哂線，唔講我仲以為自己去左長龍，經過一段熱戀期之後，而家叫做回落返少少冇咁緊張，識食一定係開鋪前去等 😂究竟呢碗米線究竟有咩魔力呢，大概唔係勝在米線方面，米線都係米線，湯底唔係湯底，呢個湯底比較與別不同，有好強勁既花椒味，所以味道特別濃特別香 😍 係比較之下已經取代曾經既榜首唯一雲貴川！小食方面就一定必食招牌酥炸雞球、野菌腐皮卷、魚肉腐皮卷！香脆、多汁、夠味，完！成為我心中全港最好食既雲南米線 🤤如果未試過就要去試下，否則你只會比人話少年你太年輕了，另外想講碗米線係勁太碗，超大碗，爆抵食！！！湯底正，配料正，份量大，有得輸咩 😋——————————————————————#米線 $38 每款餸 $8——————————————————————#老闆娘雲南米線荃灣香車街熟食中心 3 樓 28-29 號舖

老闆娘雲南米線🍜————————————荃灣jj表示仲未食過出晒名既老闆娘雲南米線 所以的起心肝去排個隊先😩個日唔算大多人 排隊時間大約半個鐘多d 一路排一路叫定野食 如果係唔介意坐出面無冷氣 基本上就唔洗點排😂但個日太熱 都係乖乖地排隊算💦.點左👉🏼腩肉麻酸辣米線👉🏼反斗蝦膠豆卜👉🏼招牌酥炸雞球.1️⃣腩肉麻酸辣米線 米線既份量係超級大！碗比平常既大好多 我諗係有三哥既兩倍😳😳湯底叫左小辣但辣味夠足 而麻味比酸味較出 認為可以再酸d 秘制腩肉雖然偏肥 但夠淋同入味🤤呢間米線店既炸物同樣非常出色呢 😋.2️⃣反斗蝦膠豆卜其實係蝦肉鑲豆卜 然後拎去炸炸豆卜非常鬆脆 內面蝦肉彈牙 好鍾意呢樣💕💕.3️⃣招牌酥炸雞球味道好似台灣既鹽酥雞🙊不過再帶少少咖哩味 炸得都唔會過乾

黎左３次，次次咁岩都休息，又話人手唔夠，今晚星期六，6點左右，同肥仔黎到呢到朝聖！好在，前面得5-6個人，等左10mins左右!望落都幾貴，又冇奶茶咖啡飲!入到去原來店舖好細，坐得十分之迫，仲會有d熱。聽到隔離個人話必食炸雞球，點左$42米線。加左$10要多樣雲醬豬軟骨，豬軟骨真係好軟！雲醬好多，好值得叫。我叫左豬耳同牛展，味道就普通，但係份量有好多，牛展至少有7片以上。點左bb「麻酸辣」，辣就唔算好辣,但真係幾麻,個咀幾痺。雖然係好出名，份量都ok,味道都ok,但有d貴，但係你一諗到要排咁耐，入面餐廳環境又一般，坐得唔太舒服，有d悶熱，又只有罐裝野飲，就會大打折扣!希望佢可以3甘5分店啦!