老闆娘雲南米線

營業中

休息中

老闆娘雲南米線🍜————————————荃灣jj表示仲未食過出晒名既老闆娘雲南米線 所以的起心肝去排個隊先😩個日唔算大多人 排隊時間大約半個鐘多d 一路排一路叫定野食 如果係唔介意坐出面無冷氣 基本上就唔洗點排😂但個日太熱 都係乖乖地排隊算💦.點左👉🏼腩肉麻酸辣米線👉🏼反斗蝦膠豆卜👉🏼招牌酥炸雞球.1️⃣腩肉麻酸辣米線 米線既份量係超級大！碗比平常既大好多 我諗係有三哥既兩倍😳😳湯底叫左小辣但辣味夠足 而麻味比酸味較出 認為可以再酸d 秘制腩肉雖然偏肥 但夠淋同入味🤤呢間米線店既炸物同樣非常出色呢 😋.2️⃣反斗蝦膠豆卜其實係蝦肉鑲豆卜 然後拎去炸炸豆卜非常鬆脆 內面蝦肉彈牙 好鍾意呢樣💕💕.3️⃣招牌酥炸雞球味道好似台灣既鹽酥雞🙊不過再帶少少咖哩味 炸得都唔會過乾

黎左３次，次次咁岩都休息，又話人手唔夠，今晚星期六，6點左右，同肥仔黎到呢到朝聖！好在，前面得5-6個人，等左10mins左右!望落都幾貴，又冇奶茶咖啡飲!入到去原來店舖好細，坐得十分之迫，仲會有d熱。聽到隔離個人話必食炸雞球，點左$42米線。加左$10要多樣雲醬豬軟骨，豬軟骨真係好軟！雲醬好多，好值得叫。我叫左豬耳同牛展，味道就普通，但係份量有好多，牛展至少有7片以上。點左bb「麻酸辣」，辣就唔算好辣,但真係幾麻,個咀幾痺。雖然係好出名，份量都ok,味道都ok,但有d貴，但係你一諗到要排咁耐，入面餐廳環境又一般，坐得唔太舒服，有d悶熱，又只有罐裝野飲，就會大打折扣!希望佢可以3甘5分店啦!

自問係米線狂魔，有幾鍾意？365日超過一半都好想食米線荃灣老闆娘米線休息咗一輪重開，當日要搵日拜訪！周末8點零去到熟食中心，喺門外排排坐等位，雖然有近10人等位，但15分鐘左右已經有位，邊等位邊填定落單紙，時間好快過~麵款、湯底、辣度都有得選擇，我揀咗麻酸辣米線，因唔食得太辣但鍾意惹味，揀咗BB辣~ 落單紙冇得揀走青，我完全唔食，嘥咗，不過好貼心咁匙羹裝住，一吓就扔晒上枱大大碗，第一啖梗係試湯底先，麻香十足辣度我啱啱好食到，配上恰到好處嘅酸爽，非常醒胃，食到後段都忍唔住食唔停口豬腩肉跟米線一齊上，呢個絕對係encore之選肥膏同皮入口即化，肉位鬆軟，總體相當入味，正!朋友就揀咗蒙古湯米線，呢款湯冇得揀唔辣，揀咗BB辣~我飲咗幾啖湯試味，好香孜然同香料味，都幾特別，偶爾轉口味食下都唔錯o架~我哋一口氣叫咗幾款炸物，平均質素都幾好，起碼新鮮現炸夠用心，印象最深刻係招牌菜炸雞球，大大件咬開嫩滑有汁，而且冇雪味，呢個價位有呢個質素係驚喜嘅~今餐食落超級滿足，個湯底好啱我口味，雖然老闆娘個位隔涉咗些少，不過一定翻兜

呢間米線早前喺無線電視節目 <街市遊樂團 >有介紹過， 睇個樣好似好好食咁， 見到啲食評又話要排長龍， 於是閑日同老公早啲揸車嚟食，4：30就來到， 好彩完全唔使排隊， 填好食物表就可以入座啦！我哋每人點咗一碗米線再加三個小食1. 我個碗米線係走辣嘅， 不過腩片有少少辣， 但係可以接受啦。 食咗幾啖就覺得真係唔錯啵， 首先個湯底完全唔閑食得出無味精，份量適中， 有9分2. 老公的米線係小辣加麻辣， 我完全唔食得辣試咗一啖都可以接受， 老公大讚應該有九分啦其餘嘅小食有酥炸雞球 8分豆腐魚丸好似麻麻地 6分仲有一個有蝦膠嘅小食呢個就ok啦 7分總括嚟講我係會再嚟嘅， 食完之後一啲都冇口渴，非常好！

今日去左瑪嘉烈做產檢，完左見時間岩岩好就去左e度朝聖去到差不多1:00等左一陣就有位坐1:12左右坐低左，1:50左右終於有米線食等野食其間已經見人龍長到呢好，講反碗面先，一上枱已經覺得勁大碗點左：腩肉同野菌腐皮卷，中辣，麻酸辣無想像中錦辣，下次可以試下大辣腐皮卷好脆好好味，但腩肉就肥左d但總括湯底好香，好正食得出真係用心制作但下次食記得自攜風扇

最近有荃灣 朋友介紹話 可能係全香港 最好食嘅雲南米線 之前去過幾次 佢都冇開門 今日好慶幸有開門 冇諗過佢開門 同我係咁冇緣份 今次見到佢開門 我真係有少少期待 坐門口位唔洗等位 係有少少熱啫 冇問題 平時食開 中辣嘅我 今次來到 都係小試牛刀 要小辣就夠嘞 嚟到 個米線係幾大碗嘅 我就叫咗兩個餸 一個係炸雞 另一個係腐皮卷 如果你問我 雲南米線最緊要係咩 一定答你係玩米線 而老闆娘最出色嘅 偏偏唔係米線 而係佢嘅小食同配菜 米線只係普通貨色 但係佢個麻辣 都真係幾麻 感受到係足料嘅 再加上佢係分開一碗一碗咁住 顯得更有誠意但係真心講性價比唔高 比啲乜乜假期吹大咗囉

8點半左右去到，門口外有大約16、7張櫈畀你坐住等，阿姐派點餐紙，會講有啲咩已經賣晒佢陸續會收點菜紙；期間、佢話無冷氣位可以即時入座等到9點左右成批人一齊入去坐低，再等多15分鐘，先黎炸野，等多陣成枱人嘅米線就順次逐到嘩！勁大碗我嘅係麻酸辣金錢肚中辣老公叫左腩肉bb辣另外我地嘅炸野有魚肉響鈴同蝦膠豆卜米線真心好食，做到有麻有酸有辣bb辣就酸味較突出金錢肚大大件，份量多，滷得入味老公嘅腩肉，連皮的，佢自己話唔多喜歡呢種腩肉（佢鍾意譚仔果種wor）魚肉響鈴同蝦膠豆卜都係即炸、熱辣辣咁黎兩樣都好好味但魚肉響鈴得兩件、唔夠喉可樂 $6

電視節目睇過介紹，令在荃灣返工的我心郁郁想來一試，收工後，晚飯時段知道要排隊所以同同事兩人食佐少少野打底，香車街街市都頗有歷史，得兩層建築，又唔大，隱藏係屋邨內，地方唔算好搵，我地問佐幾個人先搵到一到步上樓梯就見有人排隊，但唔知排咩，就向米線舖店面走去，見到門口隔離已經坐佐十幾個人，我地以為就係哩度排，有位阿姐問我地係唔係食米線，我地話係，佢就指住樓梯口果邊話食米線係樓梯口排隊。於是地兩個就迷惘地走去排，前面已經有十幾個人了，加埋門口超過三十個雖然預佐排隊，但6:30已經排佐三十幾人可想而知受歡迎程度。店舖提早派發點餐紙俾你選擇，可以慳返你坐低心大心細唔知選邊樣的猶豫時間，我最後選佐蟲草花雞酒配豬潤，同事選佐麻酸辣豬潤，在選佐一個炸雞球。我排佐半個鐘望向後面，我身後又排佐將近三十人排佐一個鐘樓梯口終於望到家鄉了，咪以為入得了，只係排到門口D排位凳度啫，不過入到來門口位D時間就快過好多，一來有位坐二來D姐仔已經開始叫我們落定單，等佐個幾鐘終於到我地喇！裡面檯唔算多得六張檯，大檯可以佐十幾個人，細檯就六個人，搭檯就一定要喇，逼都一定會喇，因為單已經一早交佐就等食喇，知道老闆係一碗碗現煮所以

我都幾鍾意食米線 特別近期好鍾意食麻辣 食完仲要流汗感覺好正😂😂 今晚去到好多人排緊隊 都等左半個鐘到 聽聞米線每碗係即叫即煮 所以等時間比較長 我地分別叫左酸菜辣牛腩中酸麻辣米線 牛腩有用蕃茄煮 食到有蕃茄 我叫左小酸麻辣 初頭食有酸辣味 但食多2啖 愈食愈麻 呢個對我黎講有d太麻辣 好多辣椒 同唔夠清 不過係非常入味 同好香 可能下次我轉bb辣好d 同bb辣素菜腐皮卷米線 朋友話呢個辣剛好 唔會太麻 辣到冇味覺再加左個招牌炸雞 好野味 炸得好脆

根據openrice官方登記估計，粉麵米線類店舖合共有2464間。要係芸芸上千間米線舖裡突圍而出，絕對需要一碗出色既米線壓場。而成就一碗出色的米線，離不開3種要素: 湯底、米線、配料。我並不算米線愛好者，以不算吃過很多的經驗來說，湯底我認為譚仔的麻辣湯底令人印象深刻，而米線則鍾情於南記幼滑的質感，配料則以唯一雲貴川(荃灣)的腩肉最令人懷念。即使如此，俱備齊三種元素的米線舖，卻是寥寥可數。新近得悉荃灣原來有一間人氣鼎盛米線舖，光是排隊就要用上一小時。雖然我認為排一小時的隊有幾分誇張，但打公仔食飯都頂多1.5小時，這些事寧可信其有。幾番掙扎下，終於等到一個沒有老闆的下午，我誘拐了幾個同事和上司一起同流合污去吃。原來排一小時隊的說法所言非虛。米線鋪開12:00，但其實只是樓面開檔，安排我們坐下來繼續排隊。我們算是早到，從11:50開始排，一直到12:40入坐第一席。店舖屬於小本經營，樓面連廚房合共4人，傳聞爐頭還只有4個，即叫即做，所以上菜並不快。大概等到13:05左右，米線陸續送上。算一算，還真的等了1個多小時。聞說這裡有一種獨特的湯底叫蒙古湯，又有一種米線叫蟲草花雞米線。這些聽起來都非常

首先有好多報導這間小店，這這間小店好好食，所以諗住同朋友一齊梨試下，我地特登擇今日星期六下畫4點，想比較少人。甘好喇去到都有成10個人排隊...諗住坐低排隊先....點知個女人（唔知係咪老闆娘）...一野黑口黑面講「你地2個拎張紙寫野喇先好坐埋去」....我心諗咩事...語氣唔需要要甘...然後話想唔等就坐出面台...我地坐低左寫好要咩喇...諗住寫好就同佢地啲職員講.. 然後我同我朋友話同個男職員沒問題坐出面，個男職員又係勁差講話「佢地話坐出面喎」...個女人就過梨睇我地啲單，又話無e樣個樣.....好喇然後就話拿你地坐個張、甘好喇我地坐左陣就有得食...我叫左個清湯加魚肉腐皮同牛利米線，朋友就叫左bb辣豬軟骨牛剪米線...完全係唔好食...米線硬牛利牛剪好難咬開，清湯如水....我寧願食番其他米線都唔會再有第二次.... 之後走喇..出去俾錢..俾個女人收錢..個女人話收錢唔係e邊（黑口黑面mode),叫我個邊.....唔該你就係就度收銀處喇甘..通常都係台面收錢...仲知勁嬲食餐面....絕對唔會有第2次...完全係名大個實Ps.個魚肉腐皮就幾好味既，但你個態度同黑口黑面mode

老板娘米線, 早7-8年前, 因公司在附近, 一星期食兩三次, 因為轉了工無去之外, 聽聞已經無做.. 最近又經友人通知重新開業, 心思思就去懷舊一下. 見到條人龍, 真係想打退堂鼓, 但坐車特登黎到又五咁心, 唯有照等.佢出名係炸物, 炸雞,豬扖, 腐皮菌卷,即炸, 香脆……..現在也沒有變, 也是即炸, 份量同樣咁大件, 重有多幾款新野.炸雞- 出色, 外脆內嫩, 是用雞脾肉炸, 所以肉質不會鞋吉列炸豬扖-外皮同樣脆, 最出色不會食到成口油腐皮菌卷- 腐皮脆, 裏面爽口, 很可口豆卜墨魚丸- 豆卜好脆, 墨魚爽口彈牙.以前有炸豆腐, 現在不見了, 炸豆腐很好吃, 沒有了也是有點失望米線有酸, 有麻, 任你選擇, 不過就少了以前任意加多減少的酸辣情度. 沒法啦, 現在做出名了, 人多, 也要容易控制先得既, 所以也可以接受.

是日放假日，又係時候帶屈小姐出動食好西啦！今次既目標係⋯荃灣區極具人氣既《老闆娘雲南米線》！事前賴生同屈小姐都分別做晒功課。賴生向住荃灣既同事取經，一早已經取得3樣重要情報⋯要早d去排隊，間野係酸辣湯底起家同埋⋯辣度比出面辣！而屈小姐就睇左Openrice，了解左有咩湯底同有咩餸出名！好在有多重情報既關係，賴生今日佔據左龍頭位置，等待屈小姐既蒞臨(其實係因為屈小姐遲左出門)，而屈小姐都係開舖前15分鐘趕到啦(終於)！由於我地一早決定好食乜，所以極快填好極快等入座食野順帶一提：真係要早d排同埋要比D耐性等，除左等入座，仲要等佢慢慢煮，因為佢係逐碗逐碗新鮮煮起，7個人7個人咁入 (雖然我地排頭位，但由聲稱開舖時間到真係有得食，都要等多7-8個字，可想而知條隊其他人⋯⋯)賴生之選：酸辣湯米線小辣 配 酸菜辣牛腩 & 雲醬豬軟骨 ⭐️⭐️⭐️⭐️⭐️(5星)黎得呢間野食，一定一定要食米線同試下個酸辣湯!  間野係酸辣湯起家，而舖頭寫明雲南米線⋯第一次尼梗係要試招牌野啦！米線：呢度既米線較出面既滑身同彈牙，一定要食呀！酸辣湯：同情報一樣，辣度係比出面辣，好彩賴生堅持叫小辣試下先，如果唔係都應該幾辛苦下⋯！

冒名而去~揀下午3點幫襯~貪過咗午飯時間人少d~去到都係要排~等咗10分鐘倒~睇下menu 時間都過咗嚕~一坐底好似入咗冰雪樂園咁~個冷氣凍到呢~再加埋幾把風扇兜頭兜腦吹落嚟~好難頂呀~冷氣旁寫住大字報~叫人唔好自行調教冷氣~自私行為~攪到同枱嘅人都唔敢出聲~自己調位~調來調去~店員梗係黑面啦～但其實有冇諗過客人嘅感受先~都係嗰句~要食好嘅野~要求就唔好咁高啦～酸麻BB辣豬腩肉炸腐皮卷米線~上枱~應該不是小窩煮法~湯唔夠熱~再加餸~d餸又凍~米線有d硬又粗~碗野唔夠熱好難會好食囉~湯底過咸~老實講~我唔多識欣賞~唯一係腐皮卷~即炸~好味~不過未至於要再嚟食囉～

今日下午到過食米線，街市裏面超熱枱有4張左右 ，3張細枱，1張大長枱，基本上要成張枱食客起身先叫新客人入座等左25分鐘左右入座，逼夾小小，冷氣尚可涼，員工無咩禮貌米線無咩驚喜無咩特別(一個餸+米線) $42左右，尚算大碗，(有些女孩子都食淨晒D米線，比較浪費) 而炸雞球米線，雞球有4件 尚算大件低食，而炸鯪魚球係用碟仔另上，保持香脆可口可樂$6 一罐，唔貴，荃灣有咁多米線可供選擇，下次都唔會再嚟呢間。❌❌❌❌