老闆娘雲南米線

營業中

休息中

早前忘了是什麼原因，「老闆娘」聲名大噪，蠻喜歡吃米線的娜娜特地一試，卻因湯底味道太太太濃而失望而回。那次之後，娜娜與男友一直說要多給「老闆娘」一次機會！試試其他湯底會不會試到傳說中的美味～今次重口味娜娜按「承諾」叫了清湯（好啦，我認我還是忍不住叫了BB辣），點了三送：魚肉腐皮卷、秘制腩肉、雞翼清湯湯底對重口味的朋友來說，會感覺像是差了些什麼，但這就是清湯啊！哈哈！各樣送料的味道也好吃，是腩肉對娜娜來說稍稍肥了一點啦～男友選了淨酸湯底（這個湯底沒得選加辣喔），味道好好耶，就是酸酸的，我超喜歡！狂喝狂喝他選了豬耳和炸雞，味道就是正常吧～雖然不是喜出望外的好吃，但這次經歷有能抹走娜娜上次失望的感覺！加上吃飽之後一點都不會覺得口渴，贊

早前到荃灣找朋友，友人心歡喜地說要帶我到荃灣吃米線，不用估已經知道要帶我吃老闆娘雲南米線，星期六下午兩點多到達，人龍依然不斷，首先企然後安排坐低繼續等，如果趕時間絕不建議前來，看到店員的入坐次序是每次入7-8位，等候期間先選擇配料湯底友人介紹必點腐皮卷，一客兩條，碟底比較油，不過友人個碟就無事， 入口是脆口，野菌配料都好足孜然豬頸肉，由於我點的是蒙古湯帶有孜然味，所以孜然豬頸肉的味道不特出，不過個人較喜歡孜然羊肉的配搭每碗米線份量都非常大，我跟友人都吃不完，$62一碗兩餸不算便宜，下次應該要點少米線

11點55分 已經開始排隊，排第二12點正 應該係官方顯示嘅營業時間，但係佢個店員先慢慢開櫈， 整其他嘢，非常唔準時開鋪。 而且仲見到一個喺廚房出嚟嘅男人，拎住支煙，喺度同人講笑 ，完全唔係準備緊嘅狀態。12點15分 先開始收客人張点菜單跟住 竟然話畀客人知，店舖未有米線住，要等15分鐘先有米線！！！12點40分 ， 先可以坐低食米線, 食物質素ok, 但係絕對唔值得等咁耐 。米線舖竟然冇準備好米線開門做生意。 老闆不負責任,又或者特登要啲客喺門口大排長龍等。總之服務態度唔好，而且浪費客人時間。

去嘅時間其實唔多人，但服務態度好一般，經常黑口黑臉。見沒有人把袋子放了旁邊的凳，服務員一句聲沒出，就把袋子拿走給其他客人坐。另外價錢亦稍貴，42元得一餸，問心外面有好多都好食過佢。只試一次，不會再有下次了。

食過一次蒙古湯食過翻尋味特登帶朋友來食，雖然環境差少少但佢抱住試下心態有況一試...坐膠櫈等位不是問題，當我第一坐第一個時，好清楚見到廚房真實一面原來廚房口擔住支煙一路煮嘢食心諗，我碗米線會加料嗎朋友同我一樣叫了蒙古湯bb辣，但我嗰碗正常不是很辣但朋友嗰碗較紅，佢話好辣，可能廚房重手咗或忽略了bb辣份量反斗蝦肉豆卜炸得好硬好乾好介嘴，味道麻麻不是想像中好食今次食比第一次食質素差咗，其實並不是其他食評講到咁高

今晚係荃灣心血來潮就去左好出名既老闆娘米線，上幾次上去都太多人唔想排，諗住今日星期四係平日應該冇乜人。上到去果然唔太多人，但都要排大概15分鐘。入到就叫左豬頸肉清湯同豬軟骨酸辣米線，兩樣都$42幾平，又大碗又好食，下次都黎番呢度食，覺得好味過出面好多連鎖米線鋪。

記得上次大約夜晚六點半黎過【老闆娘雲南米線】，但係排隊排到去樓梯口，於是放棄左無等。今日未食午餐，收工去到荃灣已經差唔多三點，同媽咪諗食咩好之際，決定去試下運氣，平日下午茶時間應該無咁多人呱。果然，今次邊寫單邊等大約5分鐘，就入到去啦！呢度，每人最少要叫一碗米線。我同媽咪就分別叫左蒙古湯米線（$42），同蟲草花薑酒湯雞肉米線（$50）。另外，我地仲要左4個小食，每個都係$10，包括有:野菌腐皮卷,魚肉響鈴,反斗蝦膠豆卜,招牌酥炸雞球。今次服務畀夠5粒星，因為今次唔多人等位，冇吹我哋執枱，不過如果食午餐或晚餐，就未必得啦

行山行到五點幾已經肚餓，趁時間早早地，可以避開最多人既時間就黎食呢間老闆娘米線，平時人龍可以好長！與友人共點四款餸，分別係野菌腐皮卷椒鹽雞翼魚肉響鈴反斗蝦膠炸件最愛腐皮卷，炸得脆身，雖然係有油，但唔會油淋淋。食落雜菌配脆皮口感豐富。雞翼保持水準大大隻惹味，唔係得個鹹字，炸得乾身一樣唔係油淋淋。味道有自己風味唔係一般隻椒鹽。魚肉響鈴既魚膠好彈牙！高質！雖然叫響鈴但唔似平時火鍋啲響鈴口感，但炸得都好食。但覺得外邊找炸唔算好配入面既彈牙魚肉，食落好似分開食咁。反斗蝦膠同魚肉類似既其實，不過蝦膠份量好少，炸既部份就顯得過多，比響鈴個種唔融合，好似分開食兩部份既感覺更大。好在炸得一樣乾身唔油。總括炸物都算一般水準以上！我點左麻酸辣湯底，想感受麻既味道黎呢度就岩喇。友人點左蒙古湯，色水差不多。試左啖湯，較麻酸辣湯甜少少，多左輕輕一種燻香(其實唔太識形容)，幾特別，下次會試下！

之前睇facebook介紹呢間米線舖，諗住過年前去試，點知已經收咗爐，等咗差唔多兩個星期，終於等到佢開市了，梗係要第一時間黎試下啦。餐廳位於香車街街市熟食市場，環境比較污穢，十二點幾黎到，離遠已經見到有人龍， 就知道無嚟錯地方喇。餐廳大約有二十個位左右，所以都等咗廿分鐘先可以坐低。可能係由於啱啱開年嘅關係，有部分食材都未有，最後決定食魚肉腐皮卷蒙古湯米線。魚肉腐皮卷即叫即炸，外層脆卜卜，魚肉餡豐富，但略嫌有點油膩。米線份量十足，蒙古湯好重孜然味，入口味道相當濃郁，配米線一流，味精唔多，食完都唔會好口渴。總括黎講，呢度雖然環境較差，但米線真係好好味，等都係值得的。

呢間米線專門店係網上同報紙都見過唔少關於佢既報導，個個都話要排好耐隊先有得食，攪到我都想試下究竟佢d米線係咪真係咁特別，值得排咁耐隊黎試。是日星期六，我地大約12點幾到達，店外已經有幾十人排緊隊，由於店內座位唔多，我地要等兩輪先至可以入座。店鋪位於荃灣香車街熟食中心，講真環境真係唔多舒適，初初到達都有d想離開，但到見到咁多人排隊，決定點都要試下。由於太多人排隊，店方為左令到客人可以快d食到野，早係排隊時已經為我地落單，所以坐低後無耐就可以食啦。一碗米線要成＄42，只包一個餸，如果要多一個，就要加多＄10，感覺有d貴。湯底方面有好多選擇，包括酸辣，麻辣，麻酸辣同埋蒙古湯，可以揀唔同既辣度。今日試既係麻辣小辣米線，配菜要雞肉。上菜之後第一時間試下個湯底，真係非常入味，辣度剛剛好，感覺非常過癮，除此之外，雞肉份量都好多，入口非常嫩滑，整體味道真係無得頂呀。呢度雖然環境唔太理想，但係d米線真係好好味，唔怪之得點解個個都要爭住排隊黎食啦。

I have tried this restaurant long time ago. If you are a foreigner to Hong Kong, you may have heard of that Hong Kong young perple like eating Yunnan Noodle a lot. It is because it is relatively cheaper and it is usually tasty, You are able to choose any ingredients you prefer. This is the menu. There is no English version  but you can ask for Boss recommendation. They will offer help. Or you can take a look at my choice. It will be beef and mild spicy noodlesThis is what it looks like. The tast

老闆娘雲南米線新開番既時候係Facebook介紹過 好似好Hit咁！今日我哋又來朝聖 試吓係咪真係個蟲草花湯底咁正咁好食🙆🙆我叫左個蟲草花薑酒湯雞肉米線 但係佢好奇怪 唔俾你加餸㗎喎😯😯😯 點解呢😯唔通唔溝得定係商業決定呢🤔 so strange🤷‍♀️男朋友本來想叫酸菜胡椒湯😂但呢款又係唔加得餸😂 我地想加餸 咁唯有男朋友叫普通酸辣米缐 將d餸加係男朋友果碗度啦😂😂我哋要咗 野菌腐皮卷☺️魚肉響鈴☺️滷水金錢肚☺️鮮牛肉☺️ 好多餸🤓😂😂 不過野菌腐皮卷都幾油🙉無咩野菌🙉魚肉響鈴就乾咗小小 鮮牛肉超大舊 可以切細啲🙉而家就老晒🤦‍♀️講返個蟲草花薑酒湯雞肉米線先 啲雞肉超多 食極都食唔完😂 原來仲有紅棗！配埋薑酒 成件事好養生食完暖粒粒😍😍不過米線都係普通 叫做坊間出邊冇囉個湯底🤔所以係咪真係咁值得排長龍呢🤔🤔

終於抽到時間去試位於荃灣既老闆娘雲南米線去呢日係平日既中午 佢開12點 我地大概11:45去到已經見到有人等緊過多5分鐘已經排隊見唔到隊尾 好彩早到 本身都搵左半個鐘先到對唔熟悉荃灣既人黎講係幾難搵既入到去節奏都幾急 叫左碗酸辣米線超香！不負所望 山長水遠入到黎 湯底好濃 酸辣味係我好鐘意既味 推介推介豬大腸都好好味 價錢唔算貴 不過真係要早啲到 唔係就要等好耐喇！呢間絕對唔係可以坐係到慢慢品嘗既 因為位少人又多 想慢慢食真係要嗌外賣至得

之前喺網上見到呢間老闆娘雲南米線好多人討論..所以約左朋友今晚去試下🍜去到現場已經坐滿左2排人等入餐廳😯我地大約等左10分鐘左右就有位啦，都算快嘅～呢間米線係香車街街市上面..環境衛生方面真係唔好有太大期望😰蒙古湯好濃郁..麻辣湯會食到個嘴發麻😮🌟🌟🌟炸雞球分量多👍🏼肉質嫩滑🤤必點！🌟🌟野菌腐皮卷都係呢到出名嘅小食，外面香脆內饀多👍🏼魚肉響鈴..炸到好硬😥😥😰味道普通😓

由重開返到依家，足足去左3次都食唔到🤦🏻‍♀️1次係摸左門釘，另外兩次就實在太多人排隊，驚等太耐所以放棄左！熱潮過後，我今日再次約朋友到訪，終於食到😻等左3個字左右就入到🤤由於朋友著重健康同唔食得辣，所以叫左雜菌清湯米線，賣相唔太吸引但個湯底的確幾鮮甜，朋友話食完成碗都唔覺得口渴，應該係無乜味精！至於我呢個食肉獸😂當然要試啲出名既野，所以叫左酥炸雞球同魚肉春卷酸辣米線！米線好有咬口兩款餸雖然幾油，但勝在幾香口好食唯獨食耐左覺得湯底有啲咸！如果以後都唔洗等咁耐我應該會成日食