老闆娘雲南米線

營業中

休息中

星期日找了兩位荃灣地頭蟲帶我去尋找這間近期頗紅的米線店，見到店外已有一堆膠椅子sss for人龍😯我們特早約了6️⃣pm去吃所以不用排隊😆🤣❣️❥🍜 單餸米線 $42 (加餸 $10@)小妹選擇了招牌酥炸雞球+蒙古湯米線(小辣)😍 雞球有4️⃣大粒，炸得十分香脆，雞肉嫩滑，但真的是太太太大粒了，建議happyshare🤦🏻‍♀️蒙古湯有很香的孜然味🤤十分香濃，相比朋友叫的麻辣(同樣是叫小辣)是沒有那麼辣，所以我建議不能吃辣的朋友可以試點蒙古湯bb辣度‼️不建議點拉麵，不及米線好吃～還有中間那碟是反斗蝦膠豆卜，有點over fried了🤔下次再去的話我應該會試一下孜然豬頸肉和腐皮卷😋 記得空肚去吃因爲份量真的很大🤰🏻比譚仔貴幾元但double了份量所以是性價比高之選😎 不過留意星期三全天休息的🙅🏻‍♀️❥味道: 9/10 (利申我是麵控😋)價錢: $50 以下 (如果不用點飲料的話😝)環境: 7.5/10 (雖然是在街市，但環境頗乾淨，還有大空調對着，不會吃到滿身大汗😛）

random約個friend出黎食嘢 佢話想食麻辣米線 所以黎左荃灣食 原來荃灣真係好多嘢食 行行下傾下計唔會覺得要行好耐 香車街既街市係好舊式既街市 平時行過都唔會覺得會行入去咁 入到去覺得成件事好有漫畫感唔知點解 可以見到室內都有霓虹燈既招牌 一張張大圓檯 好粗糙既地 有啲潮濕 有啲污水 七點去到街市見唔到好多人 周圍有啲暗 有啲似如果俾人追殺就可以衝入黎匿埋咁 望望下就黎到老闆娘 已經好多人排隊 膠凳排好一條龍俾人坐住等 坐既時候嗌定食咩 等到我地之後坐低好快就有得食 真係好有效率呀掙扎左好耐要麻辣定酸辣 最後都係揀左麻辣 完全揀啱左 好開心呀 呢個麻應該係我喺香港食過比較麻既麻 而且我食緊bb辣 完全可以想像到麻同辣可以分開 如果要小辣 相信個麻感係一樣既 勁想再黎試酸辣 蒙古湯未聽過唔想挑戰 有挑戰者食完希望可以寫300字形容下 豬軟骨嚿骨好大 同埋有啲硬 所以其實唔軟 好似好廢話咁 我只係想表達如果你鍾意咬碎曬啲骨既話 呢個應該唔係好得 不過如果你淨係鍾意食豬軟骨啲軟綿綿肉 呢個絕對可以滿足你～ 然後仲有腩肉 半肥瘦既腩肉真係好正㗎 食米線嗌腩肉絕對唔會錯！唔怕肥就去啦！我

荃灣...我除咗去食韮菜餅之外真係唔知邊到有好野食，家姐之前食過話好味，開住google 盲摸摸咁跟住去，鯪魚球好香好好味，雞件都唔錯熱辣辣整，蝦膠豆卜，估唔到都係炸以為放湯整，叫咗麻酸辣真係好香麻辣味，碗米線又夠晒份量，好飽肚呀！

見到報紙介紹呢間米線，有我最鍾意嘅薑酒味湯底，為食嘅我好想快d去試食。 但係唔好彩，遇啱老闆整親條腰，舖頭有一段時間冇開。 過一排我哋已經唔記得咗呢間舖頭。近來又見到有人提起呢間舖頭， 又燃燒起為食嘅我搵食嘅雄心 。今次佢終於有開門嘞! 十二點開舖，十一點半已經開始有人排隊，真係好誇張。 我哋叫咗一碗蟲草花薑汁酒雞米線，同埋一碗蟲草花薑汁酒豬膶米線，另外叫咗炸雞球。薑汁酒湯底真係好香飲咗成個人血氣循環暖笠笠最啱手腳冰凍嘅我 豬潤 我覺得麻麻哋好食炸雞球好好食，外脆內嫩好juicy 。

唔知係咪身邊朋友吹捧得太犀利，去到佢又真係要排隊，啲人坐晒喺門口等，所以滿心期待。去到坐咗喺門口一陣，佢就問我地想唔想坐出面，即係冇冷氣嘅地方，為咗唔駛等好耐，所以我哋就坐左係出面。首先會比張紙仔你，自己想食乜就tick乜，每個人最少要叫一碗，一碗＄42，如果你想要多啲餸，每個餸加＄10。今次我要咗兩個餸，$52，酸辣湯底BB辣，餸就要咗豬軟骨同魚肉春卷。等左5至10分鐘就有得，佢個碗真係大到嚇親，米線好多，先講下湯底，酸辣湯底過酸，但佢啲芽菜肉碎都幾多，豬軟骨好似煲湯肉，林既，不過唔係好膠咁既質地，魚皮春卷好脆，但有啲酸叔味同漂白水味。由於坐個位太熱，所以冇乜胃口，食完啲餸就算。

週末的晚上去都擔心比較多人排隊，但是竟然十五分鐘左右入到了，幸好幸好。一進入鋪內，已經嗅到很香的麻辣味。然後我們叫了腐皮卷、炸雞、豬軟骨，那件炸雞超大件的，果道不錯。而米線叫了小辣麻辣湯，有點辣，下次可能都叫bb辣算了。但湯底很惹味十分回味、麵很多很大碗，食得好飽！兩個人叫了四個餸、汽水、最低消費每人一碗麵，每人六十元左右，價值比普通米線貴，但餸的質素高，所以都是合理！麻辣湯真的很香很好吃，下次會再來的！

聽聞了老闆娘的米線很好吃後久了，但知道平時需要排很久，這天星期六專誠到老闆娘試一試到底有多好吃！當天去到已有10多人在排隊，坐下來等候便拿了點菜紙下單。很幸運地等了五至10分鐘便可以進來開餐了！店內有強勁的冷氣和風扇，雖然在外面排隊很熱，但在餐廳內感到很涼快。我和朋友點了各自兩碗米線，一碗是酸辣米線小辣，配炸雞翼。朋友點了麻辣米線小辣配炸雞球，另外叫了兩支汽水。先來了米線，米線的湯底酸辣味很濃郁！內裏有肉碎，芽菜等配料很足料。炸雞翼非常大隻，揸得很脆，很香，是新鮮炸的，非常好吃。朋友點的麻辣米線味道一樣很濃郁，米線大大碗的很抵吃。炸雞球亦都很大塊，炸得很脆很和味。 真是不錯的足料米線！

老闆娘米線聽過好多人講，今次終於去試試。超喜歡食米線既我覺得佢既麻辣好夠麻，酸都好夠。下次想食佢哋既蒙古湯，好似都吸引，問咗老闆蒙古係咩佢話有籽鹽係內面。反而覺得自己點樣2送好似有啲多，小食嘅朋友都未洗帶咁多餸。因為份量真係好大上咗嚟嘅時候都哇咗一聲。朋友食完之後話真係好好食行得咁遠真係冇錯，雖然位置比較偏僻但係啲食物真係唔錯。見到佢都真係有幾多款配菜尤其是非常之surprise佢哋嘅炸雞球因為好抵食，出邊就咁叫一包都要20幾蚊，呢度新鮮炸起真係好爽。

聽左好耐既荃灣香車街街市既老闆娘米線, 評心而論ok啦, 未需要排隊,又未需要咁誇張同埋價錢真係唔平,應該係話貴呀,一個餸既米線要42蚊, 加多一個餸要十蚊,不過咁講,咩餸都係十蚊腩肉米線,蒙古湯底豬頸肉米線,麻中辣其一個餸, 炸雞球魚腐響鈴,啫係炸腐皮入面有魚肉咁睇落好大碗,食落正常size, 只係隻碗口闊,好淺既啫埋單一百六十蚊,六蚊罐汽水就真係食水唔深既!食中辣,絕對應付到,有個好處,望落油,但食落口唔油既!

今日完左掃墓, 同家人飲茶後, 就放低仔仔, 同老公去拍下拖.之後講講下, 就叫埋我地自己食野,  之後先返去. 老公就提議去呢度食米線, 因為佢每次經過都排長龍, 難得唔洗揍B, 可以早D過黎食. 好啦, 不過如果得我一個, 我就唔敢去試架喇, 因為個環境我有點驚驚.入座後, 其實裡面都幾凍, 可能因為D客人食辣, 所以專登開大冷氣....我同老公各自要一碗酸辣米線 同麻辣米線揀左以下配料：吉列豬扒其實呢個豬扒好一般, 唔需要專登叫黎試...魚肉響鈴即炸熱氣野, 不過好好食, 因為腐皮好鬆脆, 入面既魚肉都算彈牙招牌酥炸雞球又係熱氣野, 有少少似南乳味, 雖然外層炸得好脆, 不過雞肉都好嫰滑, 同埋有D肉汁秘製豬腩肉放左落個米線到, 因為湯底好濃, 所以可能蓋過左肉本身既秘製味道, 不過肉上面既皮好滑好腍.其實個湯底真係好濃郁既, 我個人食到酸辣既小辣程度, 中辣可能已經頂唔順了. 愛食辣之人不妨去挑戰下. 

明明睇完Facebook 是日營業時間12:00-22:30，山長水又遠唔夠19:00去到，話是日晚市暫停，你唔好春年先講，第一次去食就係咁概結果，嬲爆唔會再去食，blacklist

我諗住荃灣應該都冇咩人唔識老闆娘佢未轉地址之前朋友已經成日話要去食，因為真係好正重開嘅時候大排長龍都要食記得嚟咗好多次了，每次嚟之後都要上佢地facebook睇下有冇開先因為佢地成日都突然休息，嚟到冇得食就唔好啦基本上次次嚟都會叫既炸雞好香好脆但又唔會覺得成口油湯底只會叫酸辣or麻辣夠哂味不過米線嘅份量就真係有啲多，次次都食唔哂唯一唔好嘅就真係要等太耐出面排隊等完一輪，入到去都要等好耐先有如果肚餓去都幾辛苦

來到荃灣朋友介紹去食一間在熟食中心頗有名氣既雲南米線店🤤唔講唔知原來在一個較隱敝的位置有間咁地道咁出名既米線店聽講晚上會排長龍的，我地行完山落黎5點幾食就仲有位伙計會先派點餐紙，再安排入座湯底配料都幾多選擇，我驚好辣就揀在🐶酸辣湯、BB辣既米線，配料選了雲醬豬軟骨($42)呢碗米線果然夠晒份量，d 湯可以話暫時其他米線鋪搵唔到既味道，少少微辣但湯底濃郁到不得了，流晒口水🤤再黎就係豬軟骨入晒味夠晒腍，都有幾多舊，米線軟腍到剛剛好果然名不虛傳，經開荃灣又鐘意食米線既朋友不妨一試，會番唔到轉頭！哈

早前忘了是什麼原因，「老闆娘」聲名大噪，蠻喜歡吃米線的娜娜特地一試，卻因湯底味道太太太濃而失望而回。那次之後，娜娜與男友一直說要多給「老闆娘」一次機會！試試其他湯底會不會試到傳說中的美味～今次重口味娜娜按「承諾」叫了清湯（好啦，我認我還是忍不住叫了BB辣），點了三送：魚肉腐皮卷、秘制腩肉、雞翼清湯湯底對重口味的朋友來說，會感覺像是差了些什麼，但這就是清湯啊！哈哈！各樣送料的味道也好吃，是腩肉對娜娜來說稍稍肥了一點啦～男友選了淨酸湯底（這個湯底沒得選加辣喔），味道好好耶，就是酸酸的，我超喜歡！狂喝狂喝他選了豬耳和炸雞，味道就是正常吧～雖然不是喜出望外的好吃，但這次經歷有能抹走娜娜上次失望的感覺！加上吃飽之後一點都不會覺得口渴，贊

早前到荃灣找朋友，友人心歡喜地說要帶我到荃灣吃米線，不用估已經知道要帶我吃老闆娘雲南米線，星期六下午兩點多到達，人龍依然不斷，首先企然後安排坐低繼續等，如果趕時間絕不建議前來，看到店員的入坐次序是每次入7-8位，等候期間先選擇配料湯底友人介紹必點腐皮卷，一客兩條，碟底比較油，不過友人個碟就無事， 入口是脆口，野菌配料都好足孜然豬頸肉，由於我點的是蒙古湯帶有孜然味，所以孜然豬頸肉的味道不特出，不過個人較喜歡孜然羊肉的配搭每碗米線份量都非常大，我跟友人都吃不完，$62一碗兩餸不算便宜，下次應該要點少米線