老闆娘雲南米線

營業中

休息中

本人愛吃辣，尤其是麻辣，又特別喜歡吃米線。整日會去不同的米線舖嘗試，一碗好的米線只靠湯底，我比較喜歡吃麻辣.麻辣來說不可以太麻，太麻口中有會有點苦澀的感覺，辣到太過就會讓胃燒得難受.住在新界的我整日會掛住老闆娘米線，雖然價格不夠親民，但係口味真的是出面搵唔到，一碗40一餸，加一餸加10蚊，你可以share 份量超級大炸雞非常juciy 讓人回味無窮.我每次都點豬軟骨配麻辣湯底，湯頭裡面的豬肉碎肥瘦剛好，不會讓人有種很肥膩的感覺.真心推薦...不要週末來真的要排好耐平時食中辣的我，真心覺得老闆娘中辣太辣了如果不是很能吃辣就bb辣 足夠了！

香港米線鋪愈開愈多，但係真係唔係間間都好味，有啲湯正但餸一般，有啲就餸出色但湯底平平無奇。一心想試老闆娘好耐，但次次入荃灣都係中午，中午又唔開。今次有機會終於試到啦鋪頭係街市上面既熟食中心，岩岩好係正中間，門口有十幾張凳比排隊既人坐，鋪入面有六張檯左右，位置不算多。但人流都好快，今日6點左右到唔洗等位就入得-麻辣湯底配雞球 $42-酸辣湯底配腩肉 $42兩款湯都好味，酸辣更勝一籌，唔單止夠麻仲夠酸，而且好濃。餸方面非常出色，雞球有4件大大件即炸，黎到熱辣辣入面好嫩滑，外皮香脆，而腩肉好淋亦非常入味，浸住湯最後食都好濃味。加一款餸加十蚊，好後悔冇加

小妹除左中意食辣🤭亦好中意食酸辣😝總覺得令胃口大增🤩今次黎左食傳說中最好味嘅酸辣米線😛當然仲帶其他口味啦🤓等位半個鐘⏰都ok首次食貪心左D😅叫三款餸，滷水雞亦尖、滷水金錢、滷水豬肚絲配酸辣湯米線🍜點左BB辣🌶都有D辣，酸度ok😌米線同餸嘅份量都多架，衰貪心，食唔哂😵3款餸都入味，金錢𦟌好林，豬肚絲爽口😚多肉碎，米線又索哂味🙌🏻正食完真係唔覺口渴，傳說中話無加味精，應該係真嘅!!😋

我係港島人所以極少去到新界食嘢星期日行完山，行到落嚟都五點朋友就推介我試吓佢人生認為最好食嘅老闆娘米線嗰日佢五點開門，我哋排左頭位一開門我哋就入去坐，冷氣都開到幾行下，所以超級舒服坐咗落去大約10分鐘就已經爆曬棚我叫咗酸辣小辣米線同埋腐皮野菌春卷一嚟到嚇親，我因為勁大碗個湯底係特別嘅！不過因為我都食得幾辣所以覺得小辣唔辣，如果下次去食應該會嗌大辣啦個腐皮野菌春卷超級好食女仔來講嗌一個餸都飽到上心口

又想食老闆娘啦，通常我都係星期六日既下午茶時段去食，應該係最小人排隊既時段。價錢係米線黎講算係中上，一碗兩餸米線要五十幾蚊，但係荃灣食左好多年啦，搬左幾次鋪，又返番去香車街街市。我最鐘意麻酸辣要中辣，都已經幾辣架喇，一般人食小辣好啦，再配埋我至愛既銀針粉，已經好小地方有得食啦，大大件炸雞球一定要叫啦，豬軟骨都幾正，軟又入味又大舊，另外個炸魚肉響玲都ok既，但得兩件唔係甘抵食羅，大大碗紅湯香噴噴，隔一排再黎食

老闆娘雲南米線米線控 一定要去老闆娘雲南米線試一試 老闆娘雲南米線喺街市樓上大因為嗰個位好密封式所以等位嘅時候都好焗同埋好熱特別而家夏天 冇諗過都會有咁多人等 應該好多人去朝聖 我同朋友都叫咗麻辣湯底米線我食雞件佢食魚腐 掛住食唔記得左影埋自己個雞hehe 個雞件超大件同埋個魚腐勁脆囉 我想講男仔黎食 一定會好飽因為佢個米線 我覺得有譚仔嘅1倍 所以女仔係食唔晒 同埋呢度有最低消費所以都冇乜機會俾你share嚟食有時候食壓咗譚仔食下其他類型嘅米線都係一個好好嘅選擇🍜

第一次來既時候係又熱又多人等位, 因為呢度開係街市入面, 密封式的, 只靠左同右邊來通風, 所以如果夏天來等位都幾辛苦, 上次熱到走左~未食已經頂唔順, 今次一放工就即刻衝過來排隊又好好彩, 前面只有幾個人等緊, 呢度門口有2排椅子係門口俾人坐係度等位店員會先俾張落單紙你, 一人一張, 好似叫車人麵咁叫左碗麻辣湯底, 健康有營+ 鮮豬潤+野菌腐皮卷(好似話呢度出名好食)我想講呢碗實在太大碗了~一個女仔真係好難食得晒, 但因為每人最底消費係一碗,所以下次只好叫少d米線, 唔想浪費湯底都可以, 但小辣來講就唔算太辣, 同埋食落去都冇咩特別, 唔知點解D人講到咁出色,仲要咁多人排隊, 同埋價錢都唔算平, 平均一碗2送都要$50或以上

傳說中最好味米線😛等位差唔多半個鐘⏰食好西嘅話都ok初次嘗試，貪心左小小😅叫左三款餸，全部都係滷水😂滷水雞亦尖、滷水金錢、滷水豬肚絲配酸辣湯米線🍜點左BB辣🌶其實都有D辣，酸度剛剛好😌（可以叫多酸）米線同餸嘅份量都超級多架😝衰貪心，完全食唔哂😵3款餸都入味😎金錢𦟌煮得相當腍，豬肚絲爽口😚碗米線多肉碎，米線又索哂味🙌🏻正食完真係唔覺口渴，傳說中話無加味精，應該唔係假嘅!!😋

今天終於第一次食到老闆娘米線 ， 真心覺得好食 ，服務態度又好，我開汽水整到手她見到即刻幫我消毒同貼膠布叫咗炸雞球炸豬扒同腐皮卷，老公話最好味的都係炸雞球 必叫，米線都大大碗老公都話食得太飽

自問真係愛辣之人 中意食酸辣湯中辣多酸 但呢到啲豬潤真係不太出色都唔建議叫不過我男朋友就好中意食炸雞排 而我中意食腐皮集菌卷 佢個湯低真係神級 我就算食唔哂個米線都一定飲哂佢啲湯 因為個人勁中意飲酸辣湯 份量就唔洗講 真係好大碗 第一次食叫左大辣 為叫左麻酸湯 覺得不太好食 所以隔左好耐先去第2次 第2次轉食酸辣之後 我就只要會經全灣都一定會搭的士去食 最多試過一日食兩餐 太好食了 米線質感亦係我食過最好食 唔會好彈好硬（因為個人不太喜歡食硬同好彈果啲 剛好就夠）完成岩岩好 易咬碎但唔會林 其實呢個米線 真係我食過全港最好食 因為我都係愛米線之人 食過無數咁多間 只有呢間留得住我個心 炸物比較油 不過口感都唔錯 唔會係好咸果種 野飲仲有好多選擇 綠力都有 不過重申多次 豬潤真係唔建議叫 除左呢樣 其他都一百分

荃灣葵芳呢邊特別多風味米線🤤有我最心癮既 #石蔭 米線同 #米屋 米線，不過佢地都好間涉🤷🏻大家有時間推介入tag睇返我之前介紹，食完唔會後悔既🤞🏻✨今次試既係荃灣區一樣成日聽既 #老闆娘米線 ，門口等候區係無冷氣既（有風扇）！！！請注意😂不過星期六lunch time去等左十分鐘左右就入得去，都算ok既🤔入到去其實都仲算排緊，因為等左三個幾字先有得食，早過我地入黎既人其實都未有得食🙈🍜 #麻酸辣湯野菌腐皮卷米線 $42最低消費一人一碗一餸米線，即是$42💁🏻‍♀️其實都幾抵既，米線好大碗，野菌腐皮卷另上，都有成三條，腐皮卷衰在太油膩，味道口感都算唔錯。🍜 #麻酸辣湯豬軟骨米線 $42豬軟骨就會跟米線上。雲醬豬軟骨，食落帶少少酸，軟骨夠淋唔太硬，但係肥肉太多肉質有啲乾，唔太推薦🤔早知揀腩肉或金錢肚。湯底：都係一樣叫左麻酸辣，因為麻同酸都中意又唔知揀邊個好🤣🙈叫左bb辣，不過辣味都明顯，有一般餐廳既小辣，未算太辣，但呢啲好個人XD 都係建議第一次試左bb先✨麻辣比酸出好多！食左幾啖咀唇已經有麻痺感，比一般餐廳強烈好多！真係enjoy呢個feel先好試🤞🏻總括呢講老闆娘既辣好有自己特色，但唔

話說下午茶中伏之後..梗係要食返d對得住自己既野食左先知原來佢係好出名既....香港地食好野排隊是常識吧..坐出面會比較快~所以揀坐出面~排隊時間慢慢揀~排左半個鐘~叫左個反斗蝦膠豆卜清湯米線~估唔到係炸既-_-早知睇食評先啦..個豆卜炸到超級乾身...仲脆過薯片....湯夠清!!正仲有個麻辣野菌腐皮卷~又係炸既omg點解可以炸成咁...太好味了......兩款都好熱氣~米線比譚仔多~有咬口d~湯底又特別d~總結:值得一吃的!價錢經濟~早少少就唔駛排隊啦~建議坐入面~出面大排榴好多人食煙~會再試其他配搭^^

大大碗米線🍜～《老闆娘雲南米線》由於我係一個唔食得辣嘅廢柴😂 但見到蒙古湯底又想試下，所以就叫左BB辣🤡 加腩肉同腐皮～蒙古湯底真係好重孜然味，好正😆而且唔辣👏🏻👏🏻 腩肉夠肥，但無咩等別～朋友叫左個麻酸辣湯，超級重花椒味，好麻😖😖😖🌶 反斗蝦膠豆卜🍤都炸到好脆！但花膠加太多粉，所以偏硬～P.S. 真係唔係一般嘅大碗，係好 大碗😂 所以我真係食唔哂🙈 Sorry!.👅: 6.5/10💰: $56🎏: 老闆娘雲南米線 (荃灣)荃灣曹公街8號香車街熟食中心3樓28-29號舖.#米線 #老闆娘雲南米線 #雲南米線 #noodles

本身專程行去食，點知無開，於是打去問下，佢就話「都話無開囉，仲打黎」第一，佢從未同我講過無開。第二，明明12 開，但突然無開，打去問好正常掛？如果個電話唔比得人打，就最好唔好放上來。其實可以去第二度食架，既然覺得問一句都嫌多

今次係第二次唻食, 第一次食下午4,5點, 完全唔駛排隊就有得食, 今次晚餐時段食, 預左要排隊啦, 首先佢會比張點餐紙你, 然後有兩排櫈比你坐住排, 唔駛半個鐘已經有位喇。湯底選左麻酸辣湯, 配豬粉腸 +吉列豬扒。另一碗亦係麻酸辣湯, 配招牌酥炸雞球。麻酸湯底夠酸夠麻, 個花椒味好香, 個麻味應該係來自青椒油, 因為見到有一箱箱青椒油既存貨, 記得我之前問過人, 青椒同紅椒有咩分別, 佢答我青的麻紅的香, 個湯真係好正。至於豬粉腸應該係新鮮, 唔似冷藏, 夠粉。吉列豬扒新鮮炸, 夠晒香脆。招牌酥炸雞球係必點既餸, 一樣係新鮮炸, 大大舊香脆又多汁, 正呀。