老闆娘雲南米線

營業中

休息中

.有冇人都好鍾意食米線？💛老闆娘雲南米線一直都好出名，終於有機會試下～.湯底方面，我地嗌左麻辣湯同清湯米線兩個都好好味🤤譚仔、三哥個啲完全冇得比🙌🏻👦🏻小編自稱麻辣湯專家，佢話呢個麻辣湯係全香港頭幾名～而且米線嘅份量都好多～餸就嗌左招牌酥炸雞球、反斗蝦球豆卜、魚肉響鈴呢幾款都好受歡迎不過因為全部都係炸嘅，食完覺得有啲熱氣🤣雞球同豆卜都推薦比大家～（響鈴就麻麻地）.留意翻，呢間係舊式街市入面環境方面會差少少如果太多人就會係走廊開枱，更加冇冷氣所以我哋應該冬天先再去食啦☃️.米線 + 一款餸 $45加送每款 $10———不專業評分💯食物指數 🍴: 💛💛💛💛🤍環境指數 ⛱: 💛💛🤍🤍🤍抵食指數 🤑: 💛💛💛💛🤍推薦指數 👾: 💛💛💛💛🤍———📍老闆娘雲南米線荃灣曹公街8號香車街熟食中心3樓28-29號舖———👉🏼 #ewhk荃灣 #ewhk港素 #ewhk黃店#荃灣美食 #荃灣黃店 #黃店 #黃色經濟圈 #黃店推介 #黃店地圖 #美食推介 #吃貨 #食好西 #相機食先 #香港美食 #美食日記 #一路食一路post #hkfood #foodhk #hkfoodie #foodiehk #hkf

隔一排就會忍唔住專登去荃灣食老闆娘米線，雖然次次都要排起碼15分鐘隊，但佢d米線真係大碗又好食!麻酸辣湯好足料，味道層次好豐富，食中辣啱啱好，食到辣味之餘又唔會遮晒d酸味同配菜既味!配菜魚肉響鈴同野菌腐皮卷炸得好香口，又唔會太油，特別係腐皮卷真係放好多菇係入面，咬到菇果下覺得好爽🤣🤣 同埋呢d配菜都真係幾好特別，好似都無試過係其他米線鋪食過呢d配菜🤔其實已經唔係第一次食，難得既係，咁多年黎，佢水準都仲keep到，我覺得就算唔係住荃灣，都好值得跨區去食!

💛 IG: cr.eating_hk 💛💛 老闆娘雲南米線 💛..............................由於南瓜經常嘰喱咕嚕 話想食米線但間間都唔啱佢食 同埋間間都超級遠😖所以油渣就專登同佢去食老闆娘❤️.🔅想知黃店原因請Pm💛..............................🍽蒙古湯米線 配 反斗蝦膠豆卜 $45 （👏🏻8/10）.蝦膠豆卜上枱痴埋啲仲聽到啲油嘅咋咋聲💛老闆娘嘅炸嘢同米線全部都係即炸即煮所以話食好西一定要耐心等候🤤🤤蝦膠豆卜咬落去索索聲 勁脆 但有少少𠝹口😣蝦膠都幾多 唔會求其落少少就算同埋蝦味好重 爽口又彈牙 調味又啱啱好😋我會浸一浸湯先食 浸完佢都唔會淋索咗湯仲正 油膩同𠝹口呢兩個瑕疵都無埋！因為油渣覺得老闆娘個麻辣太麻 酸辣又太酸搞到一路都唔太鍾意食老闆娘 但南瓜好鍾意食所以今次決定試蒙古湯 呢個湯係有陣孜然味好濃好香 再加埋叫咗小辣個辣度啱啱好呀～終於試到個佢鍾意嘅湯底啦 推薦蒙古湯底💛.🍽酸辣湯米線 配 秘制豬腩肉 招牌酥炸雞球 $55（👏🏻8/10）.秘制豬腩肉分量好多 煮到好腍好入味🤤唔鍾意食炸嘢嘅朋友可以試下 都幾好食不過佢哋

下晝5點幾係荃灣搵野食，去久仰大名既老闆娘雲南米線！上到去香車街市，5點幾既時間冇乜人，行左個圈先搵到佢！望左兩望，店員問係咪食米線架？哈，我話係呀！然後就係外面畫紙落order再入座！我要左秘制豬腩肉酸辣湯米線$45個湯好鬼正！豬腩肉都幾薄幾滑！米線就比較林身！加左雙拼小食酥炸雞球&魚肉腐皮卷$20雞球好正！雞肉超級滑既！魚肉腐皮卷係特別既，入面係魚肉同粟米！不過我就麻麻地呢個配搭😅然後加多支冰紅茶$10對面兩母女望左我兩望，一定係心諗呢個人食咁多野🤨咩姐！我真係食得晒架！

每碗米線+1餸 $45額外加餸每款 $10麻酸辣湯米線 中辣 麻辣同酸味都多，加上豬肉碎同酸菜，米線唔會太淋，有咬口！麻辣湯米線 小辣淨麻辣，冇加酸既湯底，硬係差d野既感覺，但都夠麻既，重口味一定揀酸辣！招牌酥炸雞球大大舊，都有肉汁唔會太乾，少少油益味。反斗蝦膠豆卜有驚喜！炸到豆卜好脆好香口，再加少少蝦既香味，好食！酥炸鯪魚球魚肉有鮮味，彈牙有口感。野菌腐皮卷入面足料，多汁，有點油膩易飽。魚肉響鈴都有驚喜，魚肉放入腐竹再落鑊炸，超脆口，好食。。📍要等位，排隊時揀好食乜最緊要！📍街市位置唔近黨鐵，行樓梯上頂樓。

呢類米線鋪 一定係重口味同味精多，勝在食物特別同選擇多。愛食香口野炸物，呢間米線鋪勁推薦一餸麵四十大洋，同坊間價錢差唔多。最大分別係地理及環境，位於熟食街市內，途經及附近環境一定較差，次次去食呢間鋪一定行到身水身汗。服務勁過佐敦O牛，串串貢，一大特別色。想食記得上佢FB 留意營業時間，日日updated 勁有心

由於在網店訂左口罩已經到貨了，今日專登到荃灣取貨，黎到荃灣當然要黎食我最愛個間米線啦由於夏天的關係，老闆娘的營業時間都有更改，星期一至五只做晩市，星期六日就有午市同晩市，大家黎食之前記得上老闆娘個社交平台到睇下營業時間先啦，唔係就好容易摸門釘架啦豬粉腸蒙古湯米線（小辣）$45講到我的最愛，一定係蒙古湯，湯底超級香孜然味，就係我地平日食羊肉串個種孜然粉，成個湯超級重香料味，保證你地係其他米線店一定唔會食到依種湯底。老闆娘食到的每一碗米線，都係落完order之後配料米線加湯底即煮的，所以我依碗的豬粉腸真係吸收曬蒙古湯的精華，只能用超級正黎形容😍炸雞，魚肉響鈴，蝦膠豆卜酸辣銀針粉 $65黎到老闆娘，不得不試佢既炸物，尤其以炸雞最出名，其本上每一台必點，響鈴同豆卜都炸到超香口，食到卜卜聲😄而且依度除左米線之外，仲有好面底選擇，今次我地就特別啲，叫左銀針粉，銀針粉都非常吸湯，大家黎到不妨試一下，唔洗次次都揀米線咁單一總括黎講老闆娘係我心目中No.1 米線的選擇，保證大家試過之後，唔會再想食譚仔😂😂

中午來食老闆娘雲南米線！12:00已經有10多人排隊，點解多人都嚟排隊？因為佢個炸物好出色！ 有幾樣野必食：反斗蝦膠豆卜、炸雞球、魚肉響鈴、秘製豬腩肉！！！ 一定要食辣，雖然食到出晒汗，但仍然覺得好好食，如果要來記得早啲排隊。 如果大食嘅人，記得叫多幾個小食。老闆娘雲南米線喺荃灣佢出晒名，如果其他區嘅人我都會推薦食呢間。雖然佢環境係大排檔，但都叫乾淨，如果夏日炎炎，記得帶把風扇仔唔係一到食一到流汗，加埋罐可樂就完美。

呢間店位置唔係咁就腳，不過每次去都一定有人龍，如果閒日夜啲黎可能快少少，都要等3個字。一路等一路標汗，但絕對係值得！雖然除左米線仲有拉面同銀針粉揀，但黎得呢到冇理由唔係食米線！湯底試過麻酸辣同酸辣，第一次食麻酸辣個陣膽粗粗叫左中辣，麻到個嘴唇味到食唔出咁濟第二次揀返小辣又覺得好似唔多夠辣，試過幾次之後發現酸辣中辣最啱我口味（試過有次喉嚨痛又好想食佢，試左個蟲草花薑酒湯底，都不錯）麵ge份量都幾多下，細食人士建議少米線，減少浪費料方面都係最愛d炸野香口野每次必點炸雞球同雜菌腐皮卷，新鮮熱辣辣炸起入面仲好juicy!!

荃灣真係好多米線鋪，今次去試左老闆娘米線，去到已經有條人龍，排左一陣好快就有位，一去到姐姐就叫我地每人寫一張紙落單先，佢會安排位置比我地，原來入到去空間都幾細，個個食完都即撇。講講個米線先，我叫左個酸辣（BB辣）我個人認為一入口好夠酸加埋小小肉碎，真係我食過咁多酸辣湯底最好食嘅一間，十個贊👍🏻👍🏻👍🏻媽媽叫左個清湯加腐皮底，其實係佢嘅米線整得好好味😋我知佢地嘅酥炸雞球出名所以都叫左係好食嘅，魚肉響鈴都叫左好脆魚肉好鮮，叫埋反斗蝦膠豆卜都好正，三樣招牌野都好正，全部新鮮炸，好香口。支裝飲品樣樣都係$10支，正常價。

今日聽完個drug talk就去荃灣覓食雖然陽光好曬天氣好熱 都無阻我去搵老闆娘既決心 真係好佩服自己咗大決心同勇氣⚠️原來老闆娘係香車街街市 我之前成日都經過 從來唔為意大名鼎鼎既老闆娘係度😂♡ 豬腩肉炸雞蒙古湯米線（bb辣）蒙古湯原來係孜然味 同埋有好多肉醉碎重口味得黎真係會上癮🤭豬腩肉都好入味 份量都多（其實我係想叫豬軟骨但✅錯咗）由於我唔食啲肥肉 只係食左瘦個個部份如果中意豬腩肉 應該會覺得好唔錯酥炸雞球咁signature緊要嗌啦係好鬆脆同雞肉都好juicy😍💛一路食一路覺得好大罪惡感呢餐係一餐肥仔養成餐😩雖然係熟食市場入面 但都有冷氣陪伴所以都好啲 不過食到大汗踏細汗係必然😂另外如果叫外賣 姐姐會叫你出去行5個字再番黎拎

今日晏就渣車去荃灣攞個小米空氣清新機，順便入嚟搵下有咩野好食話說小妹係一個好鍾意食米線嘅人黎，好想食盡全港九新界嘅米線！！！老闆娘米線呢個朵咁響，一定要黎試吓攞完部機，去到香車熟食中心，已經4點零鐘！！！原來間鋪會落場㗎，我都冇留意添！5點先開始營業但係真係好好彩，等咗一陣，填完想食咩餸就入得！哈哈 ，排頭位呀。啲配料真係好多選擇，好多炸嘢食！！啱晒我呢啲最鍾意食煎炸野既。平時啲米線鋪係唔會有呢啲餸㗎！呢度真係好特別。我叫左個麻酸辣米線，第一次叫唔知會唔會辣到飛起，所以叫左個bb辣。都ok !不過真係好麻好酸，個湯好鬼惹味！米線岩岩好，唔會太淋太硬。個炸豆卜真係超超超超好食，個雞翼又大大隻。另外又叫左個豬耳麻辣米線，啲豬耳面頭個層超級淋，咬落去下一層又爽口，雙重口感，好味到不得了。不過個湯底方面可以再做得好啲，湯底層次唔係好夠，剩係突出到好麻，同醋既酸味。可以多啲香料同埋肉碎，咁就更加完美啦。嗱，環境就一定冇㗎啦，入面得五張圓枱，要搭枱呀仲要夏日熱辣辣，食到出晒汗。不過勝在味道出色，就算幾熱都要入嚟食以一碗米線黎講，佢係偏貴。但比起其他連鎖店，佢又好特別。總之！！我一定會返轉頭啦。

朋友介紹帶路，原來係近福來村附近，香車街熟食，有點陌生🤪🤪🤪🤪🤪去到店員好禮貌問幾位，再比2份紙筆點選食物。有位後就量體溫消毒雙手，每枱都有膠板隔離🍜🍜🍜🍜🍜🍜準備食麵！弓先來招牌雞球，蝦膠豆卜，實左太熱（因為即炸），但聞到麵香噴噴酸辣米線，望落水多及無特別，但我飲了啖湯底，辣酸分明。沒有誰搶了誰味道，加入蔥花更香口，先試蝦膠豆卜，翠口，好味，用付皮包實蝦。正。雞球，唔會鞋身，仲要好香翠。非常正.....麻辣小辣，辣度剛剛好，不過加小小生菜都要十蚊比較唔抵，建議唔改加！魚肉響鈴，同時加入湯2秒即食更好，響鈴新鮮翠口，讓了魚肉。更一流！椒鹽雞翼。加入正香粉，味道偏重，但另一番香口食物。整體炸味濃。吃後真係要飲一飲清熱號解熱氣😂😂😂😂👍🏻👍🏻

食野係唔需要受氣既！由中學果陣已經有幫襯呢間米線鋪，中意佢個湯底味道好，啲餸尤其係炸物好食，米線遠硬度適中。雖然佢成日標榜佢無味精，但我唔信啦，食完次次都好渴，但因為佢味道好，加上都有罷工係黃所以咪keep住有幫襯囉。其實自從老闆娘個女有份落場做之後，已經覺得佢好寸無禮貌，講嘢語氣勁差，完全無當啲客係客，同埋個面口長期好燶，唔係睇在野食份上，都唔會忍到咁耐！可能你會話：佢黃店黎架算啦算？黃店無論食物質素有幾好，無禮貌就唔值得幫襯！我係食野唔係受氣既！良幣理應要驅逐劣幣，先至係我地堅持良心經濟圈的重點，而非單純俾個標簽就了事。我打咁多字都係想俾個劣評佢因為實在太失望！

呢間荃灣人氣米線，很多人介紹，而且又多人排隊，今日終於可一試。地址位於荃灣香車街街市3樓，其實唔係地膽都唔會上去食!門口位己經見到龍尾，等了約10分鐘，店員遞了張餐紙，先點食物後入坐! 店鋪不是太大，約只有三十坐位! 見度張餐紙，麵款除了有米線，還有拉麵及銀針粉，湯底亦很特別，有款叫蒙古湯底，聽店員講似孜然粉的味道! 黎到本想試辣，但見到蟲草花薑酒湯，深深吸引，最後選擇併雞肉，感覺似米線系列! 米線很大碗，份量十足，先飲湯，酒同薑湯味濃，真心覺得好正，米線彈牙，雞肉嫩口，啖啖肉，蟲草花一條條，食落似木耳‥‥ 整碗湯差不多飲清，但不覺口渴。其實還有很多配菜都好出名，但一定要早去排隊食，我夜晚八點多到，己經很多餸都沽清!!