老闆娘雲南米線

營業中

休息中

之前三次黎，有兩次無開門，一次大排長龍，三顧草廬都食唔到。今日黎荃灣行大帽山睇芒草，我同男朋友預返佢開門時間12:00，特登早三個字去到，費時又大排長龍，第四次終於食到啦，食完終於明點解甘多人黎食啦。我地叫左招牌酥炸雞球、豆瓣金錢肚麻辣湯銀針粉$55同雞肉蟲草花薑酒湯米線$56，Zero一罐$6，Sprite Plus就要$8罐。。麻酸辣湯米線要中辣，男朋友話辣得好過癮，因為配銀針粉，所以會更辣。金錢肚亦唔錯。招牌酥炸雞球調味好惹味，炸得夠香脆，入口啖啖肉。雞肉蟲草花薑酒湯米線薑酒味唔重，但湯飲落好順口，唔會死鹹。雞肉同蟲草花俾足份量有多添，雞肉唔鞋，米線滑身，好味道。

炸雞魚肉春卷麻辣雲南米線（BB辣）大大碗，一早知食唔曬，叫左少米線。湯底好香，有大大粒瘦肉肥肉粒，仲有大量芽菜同蔥花，BB辣岩曬唔食得辣的我，辣度岩岩好🥰食到一半，個嘴都開始麻，好過癮😋 招牌炸雞好大件，有足足3大舊，外皮好香脆，入面雞好滑有汁又有少少雞油，好正😍說算食到最後，吹凍左舊雞，都仲好脆，好勁👍🏻魚肉春卷個皮又係好脆，入面除左魚肉，仲有粟米粒粒，感覺邪惡得來有少少健康🤡食曬成碗野飲埋湯，都無口渴的感覺😆蟲草花湯牛肉米線🍜湯底好清甜，有好多蟲草同紅棗，一啖又一啖，唔覺唔覺就飲左大半碗湯🤤牛肉反而無咩驚喜，雖然都有成7-8舊，大大舊，但無咩牛味，可能湯底太出色🤣位於街市熟食中心，門口總有一條人龍，今次唔洗等有得食，真開心🥳2碗米線共111蚊，中價之選，下次會再來😋

今日去左試係荃灣香車街街市入面既老闆娘米線😍去之前要記得係佢地某社交平台睇有無開👍🏻之前試過摸門釘😭大概夜晚7點幾去到，排左差唔多半個鐘終於入得🥰佢地出名炸嘢，但我怕熱氣所以叫左時菜+蒜香梅頭肉麻酸辣米線（bb辣）。我朋友就叫左炸雞球同埋秘製豬腩肉麻辣米線（bb辣）。蒜香梅頭肉夠香又嫩滑，份量都算多！麻酸辣呢個組合好特別，平時多數食酸辣，但今次仲加埋個隻麻麻痹痹既感覺😍好過癮秘製豬腩肉既豆豉味好重，個人不太鍾意，但就有入口即溶既口感👍🏻不過始終比較濃味，食完都幾口乾😖要飲多d水

好味指數：⭐️⭐️⭐️⭐️星期六係荃灣睇完牙，就黎荃灣香車街熟食中心既老闆娘雲南米線食午餐。成個熟食中心唯一一間要排隊既食肆太誇張啦～我地兩個人都等左差不多45分鐘，好彩入面係有冷氣既。係排隊既時候已經拎定張order 紙揀野食，湯底有清湯/酸辣湯/蒙古湯等等，我地就試下蒙古湯，好似好特別咁仲有得揀辣既程度，我地揀左bb辣，45包一款餸，每加一款加$10。我地叫左招牌酥炸雞球、野菌腐皮卷同反斗蝦膠豆卜。呢炸物果然名不虛傳，即炸脆卜卜，個雞球算滑，腐皮卷就有啲油。 至於我地揀既蒙古湯拉麵，個湯底有濃厚既孜然味，又有少少麻香，真係一試難忘，碗麵仲有好多肉碎、酸菜、芽菜，超大碗😋

遠近馳名既老闆娘雲南米線，每日都排長龍因為我公司係附近，叫做可以成日有機會食到 已經係忠實擁躉老闆娘既‘麻酸辣米線’ 我個人認為係首選如果齋麻或者齋酸 都凸顯唔到佢既特色麻辣係會食到嘴都痺 湯底同其他雲南米線好大分別。另外，炸雞球，炸雞翼同炸豬扒係招牌菜！但我覺得其他小食 特別係反斗蝦膠豆卜同魚肉腐皮卷 真係必食 必食 必食同樣都係炸野但呢兩樣食落口係啖啖肉兼唔會有食炸野食得多會打冷震既感覺，最緊要係我唔會食厭！！！

呢間係荃灣香車街熟食中心3樓嘅米線都聞名左好耐 終於有機會試一試聽好多人講每次黎到都會排好耐隊 好彩嘅係今次收工黎到未到七點未有人排隊七點開始條人龍慢慢開始長（大家可以就預個時間） 今次湯底揀左麻酸辣味 一次過滿足兩個願望麻酸辣味道均勻，味道層次好豐富，唔會因為得辣味就無左酸或者麻呢個湯底真係一試就愛上，好過癮，忍唔住一啖接一啖飲哂啲湯🤤🤤🤤🤤同埋值得一提嘅係佢啲炸物好出色作為一個雞翼控，咁我當然叫左蒜香椒鹽雞翼，係另上嘅，剛剛炸好，外面酥酥脆脆，入面juicy 最正係佢面頭嘅辣粉吊吊味🤤推薦大家去試下👍🏻👍🏻👍🏻

Happy Friday約左閨蜜食飯，佢話佢想行荃灣同想試呢間米線想左好耐，之前男友咁岩又話想試呢間，咁我就身先士卒下先啦！我地７點半去到，條堂食加外賣人龍搞到等左半粒鐘。。。🤦‍♀️原本想試豬潤但係無，結果我叫左炸雞球＋時菜ＢＢ酸辣銀針粉少粉～朋友叫左魚肉響鈴＋蝦膠豆卜＋野菌腐皮卷蒙古湯中辣米線少米線～我個酸辣湯底唔錯，食落幾開胃，值得一讚既係Ｄ銀針粉煮得岩岩好唔會太淋👍炸雞球裡面幾滑，但外面我就覺得油左Ｄ。。。我試左一啖朋友既蒙古湯式，其實只係好好好重既孜然粉味，唔係我杯茶😅　連朋友咁中意食辣都覺得我果個ＢＢ酸辣好食過佢果個蒙古湯中辣🙈魚肉響鈴既響鈴果part好硬。。。都係略嫌油膩左Ｄ，魚肉正常～蝦膠豆卜炸得比較好，外層呈網狀，蝦膠彈牙，呢樣炸物同前面兩樣比相對無咁油👍野菌腐皮卷都幾足料，有菇菌既香味，口感豐富不過期間聽到隔離檯個男仔同店員講＂頭先果碗米線走芽菜架唔該＂～跟住店員個樣有D唔滿意兼語氣有Ｄ唔耐煩咁回應佢話mark左就OK，結果佢碗野黎到的確係無走到芽菜的。。。可能生意太好所以服務都麻麻～個人認為同樣價錢食米線應該可以搵到Ｄ更好既環境兼服務兼等位唔駛等咁耐，所以我應該都唔

行完元荃古道半段以深井做終點，緊係要搭返車岀多野食既荃灣醫肚💛6點幾黎到已經人山人海，個層其他餐廳係無人得呢間大排長龍😂排隊既時候就揀埋食咩再安排入座，店員都好細心問女仔洗唔洗小米線。好多湯底選擇🍜有清湯/酸辣湯/麻辣湯/麻酸辣湯/蒙古湯，每樣湯底都可以揀辣度👍🏻我唔食得辣就試佐蒙古湯+bb辣(想慢慢食辣啲🤣)，叫佐3餸，招牌酥炸雞球，反斗蝦膠豆卜同火爆🐷手🤣勁貪心🤤男朋友就叫佐魚肉響鈴，魚肉腐皮卷同豆腐魚丸🤣米線一黎到，已經好大陣麻酸辣味同蒙古味😍蒙古湯好香，應該要好多配料先煮到岀黎，我唔食得辣都接受到，有bb辣反而更惹味🤤幾特別餸黎講，可能我地叫親都係炸😂所以覺得有啲油膩🙈大家可以睇下我地2個無一樣餸係係湯入面😂😂雖然係咁，仍然係好有誠意既小店，例如豆卜咁要粒粒都反轉再釀蝦膠，魚丸又要再加豆腐打，都好需要心機時間👍🏻👍🏻👍🏻餸每樣都有3件其實都幾抵，好彩一開頭有小米線🤣好夠飽🤣PS電視一直直播RTHK太子現場有人獻花💛💛🈲CCTVB🖐🏻為食指數: 4/5性價比指數: 4/5推介指數: 5/5

下午五點左右到達香車街街市，見到地址係三樓但係見唔到街市有三樓，原來要係樓梯行上去二樓之後再有一個天台，老闆娘雲南米線就係位於天台入面。行入去就見到人頭湧湧，有大概二十人排緊隊，環境有啲焗，但未到晚市時間已經有咁多人排隊，睇黎依到既米線真係好有吸引力。去到首先要係隊頭攞點餐紙揀野食，我揀咗BB辣麻酸辣米線，而同行既朋友揀左BB辣酸辣拉麵，配菜有魚肉響鈴、反斗蝦膠豆卜同埋秘製豬腩肉。米線有大量既配料包括酸菜同肉碎，酸香味十足，入口麻味十分重，食完成個口都感到麻痺，炸物好香口，浸一浸湯食保持到脆口又會有湯底嘅酸辣味，豬腩肉厚身有口感。

次次想食果日都係星期三（例休）😂今次終於食到！數數手指都幫襯過四五次，蒙古湯底真係令我好回味😋三人行大概晏就六點去到，唔洗等好耐位就入得🤗一人一碗蒙古湯米線🤤🤤🤤配招牌酥炸雞球、反斗蝦膠豆卜、野菌腐皮卷😋今次終於記得少米線！！因為真係太大碗，食到傻咗😂（其實就算少米份量對我黎講都仲係好多😂反斗蝦膠豆卜👍🏻覺得幾有創意，門口已經見到員工不停製作🤗咬落去食到炸物鹼水味，新鮮炸好脆口😋野菌腐皮卷👍🏻同行者覺得三樣入面最好食係呢樣🤤脆口腐皮夠薄，但入面包咗大量野菌🤤必試！招牌酥炸雞球👍🏻👍🏻每次黎都心思思想試其他配菜，但次次都忍唔住叫咗雞球😂因為炸雞球真係好好食，又有三大件，即叫即炸，咬入口充滿雞汁🤤講起又想食🥺🥺🥺總括而言，$45一碗高質米線實在太抵食！👍🏻👍🏻👍🏻另外，唔係高峰時間食就冇咁chur你走😂之前試過一次因為太多客人等位，感覺係咁逼你食完快d走😂但因為好好食，我都係會繼續去😋

味道：⭐️⭐️⭐️⭐️⭐️餐廳位於街市熟食中心入邊 就算排隊嘅走廊冇冷氣 但依然長期都人頭湧湧 準備去食之前記住上一上老闆娘個社交平台page 睇吓個營業時間呀！！💻❶野菌腐皮卷配麻辣米線🍄 $45腐皮卷既外層脆薄餡料有一D菇類、木耳同粟米🌽非常爽口 而且不油膩麻辣湯底 香味濃郁 食左幾啖已經感受到嘴唇小小麻痹👄好味之餘仲好過癮米線亦都好彈牙❷招牌酥炸雞球配蒙古湯米線 🐓 $45但掛住食 無影米線🍜😭雞球炸得脆卜卜 炸粉夠薄 雞肉仲好滑同Juice至於湯底方面 孜然既香味充斥成個湯麵 香而不辣 好適合一啲比較唔係太食得辣嘅人來試下呀

老闆娘雲南米線 好耐冇食拉～ 之後幾次都摸門釘！好彩今次早左少少，果然係一如既往大排長龍💛令人上癮既麻辣湯底好香，湯底仲有好多瘦既碎肉朋友叫左酸麻辣，隻酸味好突出，但小編偏愛麻辣味小編食甘多米線，出面真係好難搵到呢隻味！-金錢肚份量都幾多又大塊，咬落淋軟又有爽勁火爆豬手既豬手浸到紅曬好入味，幾辣下，但略嫌辣油太多呢度炸物一樣好出色，熱辣辣勁香脆雞球好大舊，雞肉肉質嫩滑魚肉響鈴都幾特別，食得出腐皮既質地

當日閒日午飯時間去大約排咗半個鐘先入座🙈我哋2個人叫咗一碗麻酸辣米線& 蟲草花薑酒湯配豬潤米線😋配菜我哋就叫咗魚肉響鈴、反斗蝦膠豆卜、蒜香梅頭片、秘製豬腩肉同埋招牌酥炸雞球😍全部都好食，炸物又唔會油淋淋上碟，不錯😋-蟲草花薑酒湯配豬潤 - 湯底好重薑酒味豬潤又厚又大件，火喉剛剛好，食落爽脆👍🏻不過失望嘅係叫呢款米線係唔可以加$10加餸嘅，想要餸嘅就要俾$46單點叫🙈-麻酸辣米線個湯底好惹味，而且好足料有好多肉醬🤤不過好重口味，食完之後勁爆口渴🙈😂

話說荃灣香車街熟食市場有一間米線鋪出名不定時開門同放假, 只係近年才定下來好讓饕客可以前來參拜一下佢最出名嘅米線, 呢間就係叫老闆娘雲南酸辣米線每次我食佢都會係頭幾名, 因為本身店鋪細小所以能容納嘅人不多, 而且慕名而來嘅食客都非常之多, 所以遲少少黎到都要響果個焗到成40度都似嘅熟食中心排隊等入坐真係人都癲不過, 佢嘅米線質素都係值得令人期待嘅, 不論係佢嘅蒙古湯或者酸辣湯什至佢嘅麻酸辣湯都係好特別而且令人回味本人同女友都好中意食麻酸辣湯再加底, 其實佢本身碗米線已經好大碗而且配料十足, 不過因為我地太中意食, 所以就一餐當兩餐咁食就餸來講, 只要係有關炸嘅, 一定唔會令你失望, 因為佢能夠將不論係腐皮卷, 豆卜, 雞件都一一炸得好通透而且事後隔油功夫做足, 所以餸另上都會見到隻碟係冇咩油漏響度, 重要放幾耐都係咁脆口, 而且樣樣都好大份量, 所以我係非常滿意呢度嘅餸 (腩肉呢類直接放到米線嘅餸都有食過, 都好入味, 不過炸物另上感覺多一點)而米線方面, 線身平均唔粗唔幼, 不過煮得唔會淋, 所以夾起來係比較跳脫, 不過都因為咁所以唔會吸哂d 湯或者口感變糊, 而湯底方面都係麻酸辣小

不會再來！態度惡劣！受到不有善對待！昨天下午去了食，第一次去良印象真係超級失望，一去到排隊嗰時店員比咗落單紙每位落定單，因為我們3大1小，見到落單寫一人最底要叫一碗$45米線，自問好好禮貌問黃色衫扎頭女仔，話有小朋友9歲食唔到一個米線，而我又唔太鍾意食米線，咁佢話可以叫兩碗米線、一個小食$46，話$46小食可以彌補到一碗米線，到差不多入去坐，黃色衫店員睇到張單話我地填咗員工寫嗰個位，咁我地話見到張紙無得填小食位以為下面嗰度填，因為第一次黎唔係太識，佢不但即刻黑面，仲態度惡劣改口話你睇清楚要每人叫一碗$45米線，我地話你岩先唔係咁講，個個都聽到，咁佢好炆咁話咁咪兩碗加一個小食囉！之後我地3個大人圍內自己講話一定上網評論呢間野服務態度差，永久不再食！個黄色衫女仔即刻喺我地後面大大聲話:「小姐！你評論我地乜野呀！」跟住有個黑色衫女人走出黎調停，我地講曬成件事比佢知，佢話幫個女仔向我地道歉，但個女仔無道歉之餘仲一直黑面👍🏻環境情況已經很差，曱甴多的是，依家仲要係疫症時期，但係環境情況都差到不堪！食完米線仲要勁口渴，味精太多了，不是其他人說的有多好吃。上網睇原來就係老闆娘個女，仲要係原來個個都話