老闆娘雲南米線

營業中

休息中

無了期咁禁晚市堂食🥲唯有不停買外賣🥺前排去開荃灣 果幾日又好凍🙈諗到有間米線好出名～就決定佐買佢返屋企食！！.差唔多行到熟食中心最入就見到得佢仲開緊舖聽講平時係超多人排隊我果晚去竟然得小貓三四隻🥺好似平時車仔麵咁會比張落單紙你簡麵底總有3款：米線 拉麵 銀針粉基本湯底就有6款 最特別係蒙古湯配料普通款同招牌新奇款都有好奇寶寶的我次次都會抱住冒險家精神試伏😛.◽️單餸米線 $45 + $10 多一餸🔖麻酸辣湯：正宗雲南米線咁，一樣有好多配料調味，麻中帶點酸辣，食食下有啲酥麻感覺，但又好爽🤤而且米線好卦湯勁惹味，同埋好神奇覺得佢唔會點索湯🤔(定因為真係好大碗😂）.🔖蒙古湯：咁特別梗係要嗌黎試！第一啖食完我覺得好似三哥既糊辣味😂都係有陣唔知點形容既味～但依間就再香啲 食開糊辣既可以試下.◽️炸物系列個人覺得配料一定要簡招牌炸物系列😍外賣仲會幫你分開袋裝，廢事會淋晒🙆🏼‍♀️我長途跋涉拎到返屋企仲keep到暖同埋咬落脆身😳仲要件件都幾大甩～啖啖肉幾有嚼口！如果即場食應該會更加香口 我最鐘意係蝦蝦果個🤤🔖招牌酥炸雞球🔖魚肉響鈴🔖反斗蝦膠豆卜🔖魚肉腐皮卷.總結，食完就會知道佢人氣地方係邊度🥰可能整湯底既

食過5,6,7,8,9次既米線🥰好好味，我系食佢酸辣米線bb辣加炸醬，仲有招牌酥炸雞球同反斗蝦豆卜呀，好脆好滑好有肉汁架🤩🤩，完全吾油膩，真系要去食！個湯底好濃，每條米線都充滿住湯底既味道，真系好好味😋每次食完都要唸下次幾時再去食架😌😌次次去都要排隊，排15至20分鐘，食好嘢緊系要排下啦，試過就知等系值得架啦🤪🤪好味程度: 9/10價錢: 8.5/10回頭度:10/10🤩🤩🤩😔

講起出名米線既地方 十居其九都一定會諗起荃灣而荃灣出名既米線餐廳 一定唔少得呢間 位於香車街熟食中心既 老板娘米線一直都想試 一直都無緣一試事關夏天既日子 佢只開夜晚 到左10月開始 佢終於都開下晝時段所以我終於搵左日 2點既時間 去朝聖一下就算去到2點鐘過左食晏時間 餐廳都重需要排隊一去到 佢就已經即刻俾咗張點餐紙點左餐先大約等左15分鐘左右 就可以入去喇 因為事先已經點左餐 所以等左陣已經嘢食到麻酸辣湯底 滷水粉腸 豬膶 中辣粉腸夠入味 又洗得乾淨 冇苦味豬膶亦都煮得啱啱好 唔會太熟 乾哂身辣度亦都夠 食完 非常滿足下次一定會再食過

久聞「老闆娘雲南米線」的大名，上次去到的時候碰上落場，今次終於預好時間過來！名店的威力不容忽視。12點開業，筆者12點08分抵達時已滿座。等了差不多40分鐘左右才安排入座，已不敢想像身後排著隊的30多人還是等候多久？等候期間，店員會派發點餐紙給食客先行填寫。一碗米線包一餸，定價$45，之後每加一餸便加$10。定價不算便宜，但豐儉由人。今次小試牛刀，點了雜菌腐皮卷來嚐嚐。份量頗多的，如果以$10一餸來衡量，分量是對得起價錢。外皮炸香的腐皮卷入口卜卜脆，中間包著菇菌和粟米粒。口感豐富，每口充滿着菇菌的鮮香味。終於等到了這碗大名鼎鼎的米線！麵量蠻多，加上也有相當份量的一餸，女生未必吃得完。麻酸辣的湯底，加入肉碎、酸菜，還有芝麻（芝麻在米線湯底中比較少見）。入口偏重酸味，如果是愛酸人士必定很喜歡。米線腍度煮得適中，十分索味。據說老闆堅持逐碗米線煮，慢工出細貨。

有個人死都要食到先肯走😂，晏晝食唔到，6點再去排隊，真係好多人食！得佢要排隊🙈·•酸辣湯米線(BB辣)•滷汁豬粉腸•野菌腐皮卷。好少食米線既地方有豬粉腸食，好正，又多又大舊，正😋腐皮卷即叫即炸，就算等咗一陣食都係脆卜卜👍🏼•酸辣湯米線(小辣)•清湯牛腩•招牌酥炸雞球。炸雞球真係幾好食，又大粒，男仔食都一定夠飽😋仲叫咗洛神花茶，搖匀咗會比較有味好飲d·好Q多人食呀，咁又真係好食wor表示會返去再排😂

聽過呢間嘢嘅大名好耐，最近試咗，都幾失望。環境。好聽就叫有香港情懷，難聽其實就街市痞街。唔緊要，嘢食好食就搭夠。食物。的確個雞係幾好食。但整體上質素未如網上/ 朋友口中所講咁好味。唔緊要，諗住下次再試下其他湯底同餸。服務。個場八張枱，疫情關係，兩人一枱。每十秒就分別有人巡場，睇有冇碗收，我當你唔夠碗用要睇密啲都算。想埋番條數，要客未食完就埋單，都算。但明明有另一張桔枱可以俾下一位客人坐，點解要個客企係到等我張枱？一定要順序入坐？除咗覺得個客食得慢，想趕你走之外，我諗唔到咩原因要咁做生意。明白疫情關係，做少咗晚市，想做多幾枱生意，但都唔係咁對啲客掛？幾好食，幾出名都好，咁樣做衰自己個招牌，為咩？只此一次，下不為例。

好耐無黎了天氣熱時唔想等位要等涼涼地先可以黎呀而家限聚食肆要收十點唔敢太晏黎八點零黎到已經有一大堆人等緊足足等左30 分鍾不過好味既野都值得既點左麻辣湯+時菜+炸雞塊+魚肉腐皮卷湯底堅好麻唔同出邊食果D麻辣湯咁鍾意麻辣既朋友必試呀炸雞塊好大份食落個雞肉係滑既至於魚肉腐皮卷就好鍾意了個皮脆卜卜又唔會太干酸辣湯+時菜+蝦膠豆卜+腐皮呢個湯酸度剛好唔會過酸揀左小辣都食到唔會辣到飛起咁蝦膠豆卜係無得輸十分鍾意豆卜雖然望落干干地但咬落去唔會好硬呀腐皮份量超多食極都食唔完咁PS個米線質感好特別同平時米線唔一樣粗少少好索湯又唔會過硬過淋讚~

潮聖傳說中好出名嘅荃灣香車街街市米線🍜。其實好耐之前嚟過一次冇開門，今次六點去到冇人排隊，環境以街市來講叫做幾乾淨。我地二人分別叫了豬潤蟲草花薑酒湯米線同埋麻酸辣湯米線。難得一場嚟到，所以一口氣叫左六個餸試多啲😂，包括酥炸雞球、魚肉響鈴、反斗蝦膠豆卜、野菌腐皮卷、火爆豬手同豬腩肉。嘩，個米線真係好好食！係我食過最好食嘅米線！蟲草花薑酒湯啱晒剛剛轉凍既天氣，忍唔住係咁飲個湯，香濃夠味，而且感覺冇麻辣咁肥膩。餸方面其實真係好出色，尤其係啲炸物，炸到乾身冇乜油得來脆卜卜。如果只叫兩三款餸，我覺得炸雞係必叫，大大件炸到好脆入面又juicy，真係好正😍。幾款炸物相比下蝦膠豆卜好食過響鈴魚肉，所以我都推介揀蝦膠豆卜，食得辣就要試火爆豬手，炆得好淋又入味😋，不過只得兩舊。喜歡豬潤的都可以揀，佢個豬潤好厚身，但係一啲都唔韌。而個腩肉就麻麻哋，雖然好入味但太多肥膏。嗯，係非一般嘅米線，我估不久嘅將來我會再嚟食。兩個人食咗$157。

值得食的麵店  但堂食真係要等太耐今一次選擇外賣但都要等大概30分鐘先有得食買外賣都見到好多人係度等堂食可能星期日 不過人氣真係唔係講笑叫左個酸辣湯 真係風味一流仲有米線 銀針粉簡外賣有得分湯 依個貼心

話說最近天氣稍有涼意就特別想食濃味野, 見最近都冇搵老闆娘, 就襯有時間去探下佢嘅米線先咁岩係星期日時間, 本人食老闆娘多數都會係第一批等開門嘅客人, 因為疫情問題所以店舖都重有相應嘅安排, 如果未能成為第一批客人的話就唔知要等幾耐了, 因為呢間餐廳真係好受歡迎呢本人同女友都非常中意食佢嘅麻酸辣湯同佢地嘅反斗蝦膠豆卜, 每人5舊炸得酥脆可口, 蝦肉又結實彈牙, 可惜!!!!今次佢地冇貨, 呢度間唔時都會有某種配餸冇貨, 所以都見怪不怪, 反正佢地其他配餸都同樣精彩呢個係魚肉腐皮卷, 3條切開成6條, 腐皮炸得非常脆口但底層又不乏韌性, 而且厚薄拿捏很好, 兩層口感都存在感十足又唔會側重某一方, 內裏嘅釀魚肉經調味後跟炸過嘅腐皮更顯得惹味得很, 魚肉內又會有栗米混雜, 所以有點點甜味呢個就係蒜香椒鹽雞翼, 雞翼上面就係佢地處理過嘅椒鹽, 呢個要襯熱立即食, 因為面頭上嘅粉過一段時間會帶濕影響口感, 而且雞翼都係新鮮炸起, 所以表層酥脆而裏面雞肉嫩滑多汁, 而且雞翼大小適中, 3隻分量不過不失, 因為佢地嘅質素, 20隻都可以食得落, 所以都唔多夠喉大家一齊估下邊碗先係中辣呢睇落兩碗差不多

講起荃灣嘅米線，大大話話都有十幾間，講到最出名一定係「老闆娘雲南米線」，雖然佢喺熟食中心裏面，但係環境都算乾淨，好耐之前已經想試，但係每次去都好多人排隊。最近終於試咗！真係名不虛傳，食完好快已經想再食！麻酸辣湯應該係最多人食嘅湯底，佢嘅麻酸辣係唔錯，比出面嘅冇咁重味，不過最令我驚喜嘅反而係佢嘅蟲草花薑酒湯豬潤米線，湯底鮮甜有酒味，又有蟲草花❤️好想飲晒d湯，豬膶煮得啱啱好唔會過熟😋😋佢嘅炸物應該係呢度最出名嘅，今次試咗野菌腐皮卷、酥炸雞球、吉列豬扒同魚肉響鈴🔔本身唔好食炸野嘅我，都感受到佢係炸得好好，唔會太油膩火候啱啱好，外脆內軟，豬扒好鬆化！最重要係食完之後返全晚都冇好口渴嘅感覺，證明味精一啲都唔重！呢個好緊要呀😬

星期六3pm非繁忙時段嚟食嘢，食完粉收咗碗，罐嘢飲咗一半就有職員嚟抺檯，似想趕你走。飲多兩啖已叫兩個人入嚟企喺我地檯隔離，仲同下個客講：「等陣啦，佢地好快起身㗎喇！」。食物份量一般，有一兩款餸比較特別，但不值得專登排隊去試。而且環境唔衛生，地點亦唔就腳。所有職員講嘢冇尾音，冇笑容。唔覺有任何文宣，如果唔係網上傳疑似黃店，根本唔會嚟，亦唔會有下一次。食物唔係特別出色到專登要過嚟食。貼錢買難受，永冇下次。咁對客人只覺係偽黃！

呢個location，唔係同事帶路，真係唔知有間咁受歡迎嘅米線舖，其實佢同層有好多嘢食，但係得佢一間等位嘅人多到打晒蛇餅，好誇張。所以等位都要等一段時間。不過等位期間睇到佢啲訪問，先知道原來佢哋堅持所有米線逐碗逐碗煮，所以先要等咁耐。老闆娘米線餸菜嘅配搭同一般米線舖好唔同，好多都係炸嘢，好似炸豆卜、炸腐皮卷等等，仲見到佢啲腐皮卷係有員工即場包嘅！加上米線同埋啲配料新鮮炸同煮出嚟，全部都熱辣辣，好惹味！

疫情同夏天關係, 老闆娘雲南米線有一段時間冇開。就算而家開返, 都因為社交距離措施, 令到食店坐位大減。LUNCH 去食, 見到唔算長龍, 點知一等就等咗45 分鐘先入座, 搞到好趕咁食完, 都等唔到朋友食完就要先行告退了! 奉勸大家唔趕時間先去食啦! 對於我呢個試過食完米線會嘔O既人嚟講, 可以轉拉麵同銀針粉, 實在覺得太好了! 另外, 湯底亦好多選擇, 你唔鍾意麻辣O既, 可以揀淨酸湯, 又可以揀晒麻酸辣湯底。仲有蟲草花薑酒湯同酸菜胡椒湯, 選擇比出面其他雲南米線舖多!  餐廳係採取排隊時已經要點好你要O既嘢, 所以就座冇幾耐, 熱辣辣O既米線好快就會送上。我今日就點咗淨酸湯底米線配反斗蝦膠豆卜加招牌酥炸雞球, 我同朋友都習慣叫多個招牌酥炸雞球SHARE。老闆娘O既炸物真係好好食, 講下個反斗蝦膠豆卜先, 好脆, 蝦膠好彈牙, 但係加埋湯, 個豆卜淋少少都好好食! 招牌酥炸雞球 - 話明係招牌, 一定好食啦! 炸雞球本身用南乳醃制,  好入味, 又唔會炸得過火, 食落口雞仲好嫩滑! 齋酸湯底有D 雪菜同肉碎, 亦有少少辣, 不過唔會嗆喉。秘制豬腩肉 - 呢個豬腩肉係朋友每一次嚟到都

星期五約左朋友食飯佢好好甘揀左食咩就話去老闆娘米線食好彩 佢可以早d去因為條隊係超長勁多人我地都等左好耐 等既位置都幾熱下等既期間佢會俾張餐紙你選擇差不多到既時候服務員就會問洗唔洗小米線感覺d下幾好既 食唔曬又真係幾浪費而且入去前要拎埋野飲先飲品方面都有不同既選擇既 有涼茶我選既雜菌 酸辣湯米線食米線當然第一啖要試下個湯先第一啖覺得個湯 又幾酸既 小辣對我真係好岩 唔算太辣 因為有d地方小辣真係好辣之後米線質感都幾好食 軟硬適中d菇都好多 最中意既係雞髀菇反斗蝦豆卜佢應該係用腐皮包 而且係門口到有職員不停包蝦肉都新鮮d個係朋友叫既招牌酥炸雞球雞球好大舊而且又多汁 炸得好嫩十分有口感佢地既炸物真係幾好食不過唔知係唔係太多人等服務員一見到差不多食完都好快收野有d俾人趕走既感覺