老闆娘雲南米線

營業中

休息中

今日晏就渣車去荃灣攞個小米空氣清新機，順便入嚟搵下有咩野好食話說小妹係一個好鍾意食米線嘅人黎，好想食盡全港九新界嘅米線！！！老闆娘米線呢個朵咁響，一定要黎試吓攞完部機，去到香車熟食中心，已經4點零鐘！！！原來間鋪會落場㗎，我都冇留意添！5點先開始營業但係真係好好彩，等咗一陣，填完想食咩餸就入得！哈哈 ，排頭位呀。啲配料真係好多選擇，好多炸嘢食！！啱晒我呢啲最鍾意食煎炸野既。平時啲米線鋪係唔會有呢啲餸㗎！呢度真係好特別。我叫左個麻酸辣米線，第一次叫唔知會唔會辣到飛起，所以叫左個bb辣。都ok !不過真係好麻好酸，個湯好鬼惹味！米線岩岩好，唔會太淋太硬。個炸豆卜真係超超超超好食，個雞翼又大大隻。另外又叫左個豬耳麻辣米線，啲豬耳面頭個層超級淋，咬落去下一層又爽口，雙重口感，好味到不得了。不過個湯底方面可以再做得好啲，湯底層次唔係好夠，剩係突出到好麻，同醋既酸味。可以多啲香料同埋肉碎，咁就更加完美啦。嗱，環境就一定冇㗎啦，入面得五張圓枱，要搭枱呀仲要夏日熱辣辣，食到出晒汗。不過勝在味道出色，就算幾熱都要入嚟食以一碗米線黎講，佢係偏貴。但比起其他連鎖店，佢又好特別。總之！！我一定會返轉頭啦。