老闆娘雲南米線

營業中

休息中

🔹麻酸辣湯米線(包一餸) $44+$10(一餸)米線好大碗，大過我塊臉，多到我食唔哂😹我簡咗小辣，點知竟然唔係好辣？😳(平時食開中辣)湯底夠麻夠酸，出面好少做到呢個麻度👅湯底不算油，可接受。朋友叫咗蟲草花雞湯，有少許酒味，不過偏清淡。 🔹雲醬豬軟骨豬軟骨份量多，有三大塊，夠淋夠入味，啲骨做到啫喱狀👍🏻 🔹魚肉響鈴10蚊有兩塊，外層係腐皮炸過，魚肉彈牙，不過太脆食個時刮到口😂 .🔹野菌腐皮卷腐皮炸得夠脆，裏面有木耳、菇、粟米，脆卜卜好有口感，不過個度啲炸物都係偏油。 ⭐️老闆娘果然名不虛傳👍🏻性價比好高，係屬於高質既酸辣米線，而且味精唔重，食完唔會口渴。環境方面就正常，有冷氣提供~值得一讚係佢個度做事好有系統，排隊落單入坐都好快唔會亂。

🍜排一粒鐘先食到嘅米線你又覺得值唔值呢？無論你幾時黎到荃灣香車街街市，都會見到一條長長嘅人龍，大家唔計較日曬雨淋都要等到食到呢碗雲南米線為止，咁究竟呢碟米線又有乜特別呢？🍲老闆娘雲南米線$➍➐再加每款餸 $➊⓿有少少不自量力嘅我，叫左碗麻辣小辣米線。如果平時譚仔好似我咁食開三小辣，建議大家就先食吓BB 辣，唔係一定會食到你標到滿頭大汗呀。湯唔係一味淨係得個麻同辣，特別欣賞有勁多肉碎添。🍤必試反斗蝦膠豆卜佢呢度岀名好食嘅幾款餸都係香口野。首推必定係佢個反斗蝦膠豆卜。蝦膠釀入豆卜裏面再翻炸，外表勁鬆勁脆內裏蝦滑仲爽口。浸落麻辣湯到度索埋啲湯就更滋味。次選🐟魚肉響鈴 🫔野菌腐皮卷同樣係香口野，魚肉響鈴樣似用腐竹包住鯪魚肉再拎去炸，啖啖肉得黎外面就好香脆。野菌腐皮卷本身以為好普通，但係佢包到勁多餡，啲菇又大大粒仲有預先炒香，係幾有驚喜。同樣值得推介 🐷秘製豬腩肉 🐥招牌酥炸雞球 對豬腩片情有獨鍾，叫左先發覺份量係多得驚人，食極都仲有咁！豬腩肉啲脂肪同肉一層一層咁分隔，食落好鬆化。雞件大大舊啖啖肉，炸到皮脆內軟。你話咁多款餸都咁好食可以點選擇好呢！.📍 老闆娘雲南米線 荃灣曹公街8號香車街熟食中

琴日同男朋友去咗荃灣試老闆娘雲南米線，諗住平日會少人啲排隊（因為見識過放假既人龍）去到發現排隊人數比想像中少既排隊等開門嘅時候就可以揀定食咩。我揀咗麻辣湯中辣米線，餸就揀咗雲醬豬軟骨，炸豆腐同埋野菌腐皮卷男朋友就揀咗麻酸辣湯Bb辣米線，餸就揀咗酥炸雞球，反斗蝦滑豆卜同埋豆瓣金錢肚未食過之前已經知道老闆娘既餸一定要嗌炸野。腐皮卷炸雞球同反斗豆卜都係分開上的。先講米線，本身我自己鍾意食辣，湯冇想像中咁濃，味道比較淡但冇味精味。辣唔夠但好夠麻男朋友本身食唔到辣但中辣佢都食到而且鍾意佢夠麻男朋友嘅麻酸湯好夠酸餸的話呢我嗌咗既炸豆腐就好普通，豬軟骨好夠味但肉偏多，軟骨比較少。腐皮卷好食酥炸雞球好食，好脆好大舊唔會炸到好乾身，咬開裡面仲好一juicy 反斗豆卜都好出色 男朋友最鍾意金錢肚都好入味正體黎講老闆娘嘅餸真係做得幾出色中辣黎講唔夠辣 下次可以試吓個大辣

荃灣米線名物，知道好多人排隊食，所以早少少去等位。1210已到門口，已經見到條好長嘅人龍，究竟d人係幾多點已開始排隊呢😅一等等左1粒鐘先有得坐低等食😅😅😅，坐低仲要再等多20分鐘😅😅😅😅如果好趕時間真係唔好揀呢間，就算係外賣都要等好耐！一入到舖頭坐低，已經聞到好香嘅麻酸辣味道😋😋因我唔食辣，我叫左碗蟲草花雞酒湯銀針粉，好大碗，雞肉嫩滑，配料多，好多蟲草花，一d都唔吝嗇，仲有紅棗，個湯先係重點，好濃嘅薑酒味，好養生😆😆，非常好飲，如果冬天飲真係一流，暖胃！排一個鐘，總算係值得！

呢個月已經幫襯左兩次老闆娘，真係好好食，成日想再食。最鐘意叫佢既麻辣米線，加雞翼、雞球、金錢肚同大腸。金錢肚同大腸都好淋好入味，雞翼同雞球大大件，炸到好鬆脆，係我一直encore既首選！叫雞球分開叫單拼米線會有4件，另一碗就叫齊想食既野，再同男朋友share，係最抵食既配搭。老婆娘既米線湯底好正，食得出好多料，肉碎又多，麻香味十足，因為我唔食得辣, bb辣就岩岩好，正！如果唔係成日要排好耐隊，我應該會黎得仲密丫！

穩秘的人氣米線 香港的典型食市，人氣店，就人多，地方不夠，侍應人手不足。就算用全速，都會俾人覺得慢。何況是一間「一家人」經營的小店。環境迫，熱，香港人心急，每個人心浮氣燥。常常被誤會服務不好。其實只是速食米線，就已接受大家快問快答的服務。 店舖位於在香車街街市入面，如果不是香港人，或怕環境混亂的人，應該都不會幫襯這間米線了。一進去，長走廊兩傍，有一間間圍著鐵網的食店。鐵網內就有簡陋的枱摺凳，環境光線不是太充足。這米線是唯一一間，午市和晚市都有很長人龍的一間，我排了60分鐘。 我雖然堂食，但都有外買必叫的「炸雞球」和「魚肉春卷」。「雜菌腐皮卷」已售罊，與它無緣了。雞球又大，又多汁，有三件，份量可算是一件細雞扒了，都只收米線配菜的價錢。因部份要外帶，店員還為我安排，最後先提貨。 麻辣米線好喜歡它的「麻辣湯底」，不是好簡單的辣，「麻」也很足，好喜歡又麻又熱又要吃的感覺。不吃「麻」的或只能接受「少麻」人，可選擇酸辣，或其他養生湯底。 湯底本身有半肥瘦豬肉碎，和可能就是這點豬油，令整碗米線很滑，很好喝，吃完也不覺有口喝的感覺。湯底本身有少少芽菜，味菜。就是覺得整碗米線，靈魂在湯底

呢間米線真係唔使多講，真心好好好好食我食左十次都有，食開麻辣既我偶然都會轉下湯底搞下新意思，今次叫左麻辣同胡椒湯，麻辣一貫出色，胡椒湯真係驚喜十足，飲落好暖胃，配埋滑滑雞肉真係好滋補，值得一提係係呢度既米線好掛湯，正呀😍😍😍😍😍餸方面除左滑雞仲叫左牛肚，腐皮卷同炸雞牛肚好入味，炆到淋淋地，出色！！腐皮卷對我黎講就一般，唔算好難忘，炸雞堅係每次必點既名物，好似係每餸加十蚊，十蚊就有三大件炸雞食，外皮脆肉汁又豐富，好難唔叫雞食😜😜😜😜

荃灣香車街街市- 老闆娘米線我自己食過3次以上啦！😋每一次都要排隊等45分鐘左右，坐低座位，再等25分鐘左右🤦🏻‍♀️無1.5小時，都食唔到嘅米線！唔等得真係唔好去食呀🤣 可能因為係星期六日lunch hour 去食啦次次都大排長龍呀 試過一次想捕佢開門啦，以為會無人啦但結果佢開12:00，我地12:01去到都已經大排長龍啦🥺 講返食後感：炸餸：雞球就一定每次都必食啦！響鈴都唔錯 米線：一碗麻辣、一碗酸辣 試過食bb辣、小辣 食小辣會辣到不停流鼻水，好過癮酸辣：好夠酸，又夠辣，正麻辣：夠辣，亦名副其實好夠麻。花椒嘅麻，麻到你嘴唇麻痹呀，得呢間先做到😍 總之佢嘅味道，就好食到我心甘情願咁等啦🤤暫時我心目中米線第一名。

荃灣食米線就好多選擇，講到出名嘅老闆娘米線應該好多人都聽過，見差唔多晚飯時間六點左右，就想去睇吓多唔多人。好彩，呢個時段啱啱好唔係好多人，咁就即刻排隊啦。拎左張單餐紙，一碗麵配一個餸就$47，飲品就$10一支。麵有得揀米線拉麵同狗仔粉，湯底都有好多種選擇，有麻辣、酸辣、蟲草花湯、酸菜胡椒湯，咁我就揀咗酸辣湯啦。小食我就揀咗炸雲吞蝦啦。佢啲米線係一碗碗冇人煮嘅，所以都要啲時間等。酸辣湯果然唔錯！！！

呢間米線幫之前襯左幾次，基本成日都要排隊，今次諗住試吓叫外賣慳返啲時間，等都吾緊要，仲要比人呼呼喝喝，諗住企旁邊等外賣都俾人叫走開。成班人都黑口黑面另外食物嘅質素冇之前嘅好食，嗌咗雞球，上面有啲黑色嘅嘢黐住感覺好污糟另外腩肉完全唔好食，真係得個肥字！至成碗野只係得個湯底叫做唔錯，但係飲完之後成晚都好口渴，應該落咗唔少味精！價錢本應唔算平，成$60一個米線，食得好難受，我決定以後唔會再幫襯！簡直係貼錢買難受

心血來潮，來到一早便已是心願清單的老闆娘米線。特意避開高峰期午市來，但來到仍見有少量人在排隊，等了十多分鐘才可入座。由於老闆娘米線位於較舊的街市上層，以大牌檔形式經營，因此等侯期間亦十分熱，假如夏天便真的沒有心機排隊等。蒙古湯湯底名字吸引了我的眼球，所以今次叫的是蒙古湯底米線並選了雞肉配菜。第一口先嘗湯底，感覺就和三哥胡辣相似的一類，但老闆娘蒙古湯湯底卻甚具個人特色，可以嚐到湯底下了不少香料去調味，而配菜方面亦不遜色，雞肉口感亦嫩滑。假如下次人龍較少亦會再光顧嘗試更多菜式。

平時好鍾意食米線見佢咁多人話好食，所以特登去試試叫左個bb辣米線，餸就係腩肉+蝦膠豆卜+魚肉腐皮卷恕我唔識食真係食到想爆粗，難食到痴線bb辣個湯唔算辣但好麻麻到覺得佢加左d唔知乜化學野食到嘴唇都震心跳加速然後個湯冇乜其他味，得個咸唔香，唔鮮甜同香港其他好食嘅米線比真心垃圾腩肉都幾多但超級肥好似食肥膏咁食完少少肉嘅位 成舊肥肉要掉另外比人吹奏都識飛嘅炸物蝦膠豆卜又係冇味魚肉腐皮卷又係冇乜味仲要勁多油呢d炸物又唔係即炸米線未黎 一早就上定食落去凍冰冰 又硬 唔知有乜好食環境就唔洗多講又殘又唔係乾淨仲要排隊20分鐘 入座落單後仲要成半個鐘先有得食直頭貼錢買難受其實荃灣咁多米線咁多麵店完全唔明點解呢間會出名仲要我呢碗野成$67唔通d人真係貪佢夠伏？

疫情略為好轉，係時候約老朋友聚一聚。佢話懶，叫我去佢果區食。佢就挑選左哩間老闆娘米線，話好食過三哥100萬倍。佢叫我早啲去摞位，經過香車街樓下門可羅雀既商鋪，走到最上層便是哩間老闆娘。排隊排得都幾多人下：5點開門，545去排，630先差唔多入座。-友人嗌左一個大辣既蒙古湯，要左豬腸同雞球。我就嗌左清湯（友人話做左咁多年荃灣人第一次見人係老闆娘食清湯），要左蝦膠豆卜同吉列豬扒。老闆娘啲炸物的確好食，雞球外面夠脆入面夠juicy。吉列豬扒不愧係招牌之一，口感酥軟且外脆內嫩。蝦膠豆卜都唔錯，好有特色。友人碗大辣同我碗清湯相映成趣。

去之前一定要先查看此店的社交平台，因為店家會更新是日有否開工，以免白行一趟。老闆娘米線是長期爆多客、長期人手短缺，去之前要做一點網上資料搜查，免得期望太大；店家的服務員態度一般、環境衛生算是可接受、上菜速度是慢得令人難忘，但是碗米線真的令我回味無窮！當日自己一個去食，都知道人多，想不到我等了10分鐘就有位，排隊期間，姐姐會派點菜紙，最好排隊時候就寫好要吃的餸，交了紙給侍者，同時再點飲品，方便她們即時下單，再自己去凍櫃拿飲品，然後姐姐會示意你的坐位。我還以為會很快上菜，殊不知...等了十五分鐘，姐姐先送上炸雞及野菌腐皮卷，只有餸，唯有邊吃餸邊等麵，再過二十分鐘，麵來了，我米線點了清湯bb辣，超正! 一向都是點這個湯底，味道依舊！我的坐位是風口位，吹正頭頂，弄得我超冰凍，麵到之時，餸都涼了，還好我一早知道，所以沒什麼怒意，不知道坐對面的女生是否等不到了，麵還沒來，她就走了🤔麵一吃完，姐姐就即時收取碗筷了，然後，我拿錢包，準備出去埋單，但仍想喝完汽水，殊不知姐姐又出現問我同一句：仲要唔要？我有點不悅，有點怒氣回她：要架！可能她覺得我準備動身去埋單，想快點清枱，因為人手不足，所以想快點做完，其

間中想食米線，第一時間諗到既就係老闆娘。間舖頭雖然係街市入面，平時好難會留意到但係依然係長期既人龍店。以米線黎講，佢定價算高，不過佢既質素同分量，絕對對得住個價錢。我食過好幾次呢間舖，次次都要排隊。雖然要排隊，但係食完之後就會覺得佢係值得排既🤩呢度既米線無論係湯底，定係佢配餸都好好味，係我最鍾意既米線舖。1️⃣麻酸辣米線（中辣）（招牌酥炸雞球+野菌腐皮卷）（$55）黎親呢度必嗌酥炸雞球，大大件，炸得好脆，入面既肉仲係好滑，一啲都唔乾。而野菌腐皮卷都好好食，好似係鋪頭每日人手包ga，入面包滿菇同埋粟米，不過面頭就油左啲，怕油既人就唔好嗌la。  食米線最重點既緊係佢既湯底啦，呢度既湯底同出面其他米線舖既好唔同，濃郁好多，而且米線份量好多好大碗，食完好滿足。我以前黎親都係嗌酸辣湯底，酸辣湯底好好味，所以我黎親都揀佢😂今次諗住試下其他湯底，就揀左佢既麻酸辣湯底，佢呢度既麻係真係唔惹少，真係好麻，麻到好爽。麻酸辣湯底，又麻又酸，重口味既人一定鍾意。宜家天氣凍食，仲正！我點左中辣，覺得啱啱好，不過呢度既辣係比出面既米線舖既辣再辣啲，所以唔係好食得辣既人就唔好點太辣la。  2⃣️麻辣米線（小辣）（反斗蝦