老闆娘雲南米線

營業中

休息中

自從加入左社交平台米線群組之後，每個星期至少食一至兩次米線呢間老闆娘米線系米線群組入邊非常出名，之前嚟過一次原來佢哋中午時間會休息，所以今日再嚟多一次。我就試咗麻辣銀針粉，銀針粉真係超級唔方便食！之前喺社交平台見啲人話要食得好小心，真係無論你食得幾小心都總會彈到件衫，建議老闆換咗啲匙羹！佢哋嘅麻辣真係會麻琴你個嘴痺晒！會越食越唔知自己食緊嘅嘢係咩味道不過佢哋嘅炸雞係幾出色，外脆內多汁！炸豆腐卜乾爭爭、冇味，唔好食個人非常鍾意佢哋嘅鮮竹卷！炸雞中翼啲粉太厚總括來講佢哋嘅配菜相對坊間其他米線比較出色，但係真係太多人排隊，米線湯底既味道其實好多間都比佢哋好味或者差唔多。最重要嘅係，佢哋嘅服務態度真係比較差。

經常在社交平台 見到推薦呢間，終於去朝聖。好多人話需要排隊。竟然去到之後，去的時間星期日三點（可以參考下）。無人排隊，正！無需要等位，不過我都係買外賣，太熱。環境方面: 街市樓上，清潔度心照啦！食物: 叫了蒙古湯米線，野菌腐皮卷，招牌炸雞。本來打算食酸辣湯，但見到蒙古湯就嘗試一下新食物啦，個人覺得似味精湯，有香茅味，好油，但都可以接受到。野菌腐皮卷好味，裡面有幾種菇類。炸雞果然係招牌，超級大件，有三件，名副其實的抵食夾大件。

真係想食好耐啦幾年前已經話想食但一直知道要排好耐同埋無冷氣 就卻步左直至前幾日中午32度抽起條筋個朋友又陪我癲 就中午12點去左排隊 當日真係熱到傻左 所以應該少人啲 排左20分鐘就可以入去仲有因為最近入左米線關注組 所以真係好想食入到去坐係有冷氣既 都比我想像中乾淨雖然個麵都等得耐耐地 因為知老闆係一碗一碗煮 但因為冷氣好夠唔會熱又唔舒服我食左第一次去必食推介既蒙古湯米線 係出面係未見過架 仲要配秘製豬腩肉招牌酥炸雞球同魚肉響鈴 老闆娘既炸物真係好好食 魚肉響鈴有驚喜 魚肉口感好正 配埋炸完既響鈴勁脆 個炸雞係必食 真係好好味呀蒙古湯好似係孜然粉既味 本身已經好鐘意食譚仔土匪雞翼 完全岩哂我口味 秘製豬腩肉好淋 仲有啲軟骨 我同朋友都好鐘意食有埋軟骨既 又唔會好肥既感覺 朋友因為唔食得辣 叫左淨酸銀針粉 佢話出面好少會有銀針粉 個淨酸好好好正 我覺得食米線一定要酸辣 但唔食得辣既人食呢個淨酸都好掂 佢另外加左豬軟骨 就覺得同出面差不多 都好淋 骨肉比例ok 魚肉腐皮卷就比較一般係米線關注組好多人話佢地服務態度好差 但我自己無遇到 我覺得完全無問題呀 會再去食

每次係荃灣想食米線就會諗起佢但見到條龍咁長令人卻步難得weekday早收工得幾個人排隊當然衝去食啦等左半個鐘終於有得食Order左清湯米線配魚肉響鈴及酥炸雞球（$57）米線軟硬適中，清湯豬骨味香濃魚肉響鈴及雞球醃得好入味雞球三大粒，雞肉juicy啖啖肉魚肉響鈴香脆內軟，包著既鯪魚肉彈牙有香濃魚肉香味食到勁飽，價錢少貴，但幾好味都算值得如果少人d應該會多點幫襯但畢竟荃灣有好多米線店都平靚正又未至於值得排成個幾鐘食一碗米線

同事們大力推荐去這間米線。一去到，大排長龍，又比較熱，好辛苦。等咗45分鐘，先有坐位。但都要再等30分鐘才有嘢食。好了，食物來了。我叫了炸魚球清湯米線，但一看，水汪汪，即是失望起來。幸好，另一位同事叫咗，炸雞，吃了一口，都可以。其他炸物，都是平平。唉！太過大失望了。暫時唔會再來了。

🌸荃灣美食🌸老闆娘米線🍲1️⃣小辣麻酸辣米線配牛柏業、炸雞2️⃣中辣麻酸辣米線配豬軟骨、雜菌腐皮卷👍🏻👍🏻非常惹味❗️麻酸辣湯底濃郁😋米線迷必試❗️店鋪仲滿佈左本人最愛既Brown & Friends 公仔佈景板🧸💸2碗2餸米線+一罐汽水 一共$57+$57+$6 = $120美味指數：⭕️⭕️⭕️⭕️⭕️賣相指數：⭕️⭕️⭕️⭕️❌抵食指數：⭕️⭕️⭕️⭕️⭕️❗️注意：此店人氣甚高，記得預留時間等候

相入面咁多野加埋$180，其中一碗米線有金錢肚，另一碗米線有豆腐，豬軟骨同牛腩。炸物即炸夠脆，雞翼同雞球juicy唔乾柴。牛腩，豬軟骨同金錢肚都入味同其他店比較係大件量多。米線份量偏多，口感偏爽口，湯底有花椒嘅麻。

⭐️ 呢餐係：「搵返開呢個page嘅初衷（aka想避免唔記得中過伏，唔小心再食多次）」嘅一餐「下，又係荃灣嘅..」 係啦 冇錯今次又係介紹荃灣野食😂無論鐘唔鍾意食米線，相信大家都有聽過老闆娘雲南米線🍜 長期都好多人排隊，今次去到嘅時候，已經排到出街市門口🤯 以前食都唔會排到咁遠，所以一開始唔知隊尾係邊，好有禮貌咁問佢地啲員工，點知佢態度超級差好L嫌棄咁 🥲 Total等咗80分鐘先食到第一啖🥶🍜麻辣湯米線 + 1 餸 $47米線本身正常，但係湯底就麻麻地。淨係食到超級麻🤯 我都算係食得辣，同埋鍾意食麻辣嘅人，但係都真係麻得太過分啦掛... 同埋油份又唔夠重。唔好話掛湯，連食啖米線唔同啖湯一齊飲都會一啲味都冇.. 😞 雖然有少少肉碎，但係大部分都係肥肉，非常麻麻地☹️ 超級失望 🥺🍜麻酸辣湯米線 + 1 餸 $47米線都係同樣中規中矩。雖然酸辣都食到酸酸地，但都係麻到阿媽都唔認得😩 個麻味完全cum曬個湯底。感覺湯底一啲誠意都冇。呢個味道，根本熬都唔洗熬，連豬骨，雞嗰啲都唔洗，直接用清水加啲調味就整得出黎.. 😔 🐔雙拼：招牌酥炸雞球 + 反斗蝦膠豆卜 +$10雞球係真係抵讚嘅👍🏻 唔算厚粉

因朋友仔join米線群組，於是發起組隊食米線🤣，本來想去牛頭角出名米線店，但太遠同時間夾唔到，所以就先試呢間老闆娘米線。未有什麼米線群組已經知道呢間米線，不過太多人等同位置唔係咁方便，所以都無去食，現在終於可以試呀朋友來到先等位，最後都等到差唔多半個鐘先有位，入坐前已寫紙仔落單，價錢都幾高，47蚊一個連面餸，如果再加餸就10蚊，兩個餸已經57蚊唔包野飲，但有野飲賣，但食完之後明白呢點解呢個價，朋友想試蒙古湯同銀針粉賣曬。。。我叫左招牌炸雞，炸蝦膠豆卜，麻酸米線不過要耐心等待，我地入坐差不多半小時之後先上野食，好彩我地吹下水時間就得快d。終於野食陸續上，但先上餸先，由於太肚餓，因幾個朋友都叫佢地招牌餸，之後我地交換來食先#炸雞好食，有些咖喱味#炸蝦豆卜香口好咪夠彈牙#雜菇腐皮卷，好食#米線湯底夠麻夠辣#米線有咬口同大碗最後有朋友食唔曬碗米碗，其實正體好食，係等待時間長，差唔多9點仍然好多人排隊，果然係米線群組頭幾名排位，哈哈哈哈！

好味的食物是值得等待，期待已久嘅老闆娘米線。大滿足阿！！！！-放工時間，家人都好醒目預早先去店鋪寫紙落單，因為好多食客排隊，同埋叫外賣，所以佢地叫外賣都需要到現場的！-18:30~45 左右已經排了廿幾人at least好勁ah 家人叫完外賣，我地系附近hea 左45mins 左右就番去拎外賣-當其時同counter 靚女傾左幾句，靚女又有禮貌，面對住個唔想排隊既阿姐😂用智慧去令阿姐明白，好食既野大家都願意等❤️❤️❤️❤️❤️❤️❤️🥰-今次叫左炸豬扒 炸雞球 炸腐皮卷炸0魚球 同埋麻酸辣米線-麻酸辣湯底好多肉碎好正 同埋好夠麻 同好多酸菜我今次食左小辣覺得唔錯 令你更食到湯底既精髓不過我都好期待下次食中辣！！！-同埋下次想食蒙古湯-炸物好味 岩岩炸起全部野脆卜卜好香口雞球炸完都嫩滑豬扒炸完唔會乾腐皮卷入面好多菇菇 好香好有咬口0魚球唔錯 唔會有腥味：）-大家有時間去食下啦！！

自從米線關注組興起後，愈來愈多人走入荃灣試試老闆娘米線，好嘢自然多人嚟食，為咗避開人潮，建議真係平日/盡早去食。今次同友人平日1點去到，已經有一個蛇餅，等咗大約35分鐘才能入座，排隊前記得拎定落單紙，排到再交比啲姐姐，再揀飲品就入得去了。今次點了碗麻辣胡椒湯底米線($47+6)小辣配雲醬豬軟骨，再加餸野菌腐皮卷(+$10)，再加多咗一枝檸檬薏米水($10)米線非常大碗，女仔有機會食唔晒可叫少米線，胡椒湯底雖然要再加錢但麻香味十足，非常惹味，豬軟骨亦非常軟同入味，炆得好淋。野菌腐皮卷一炸好就會上枱，腐皮非常酥脆，野菌十分juicy，建議上菜後盡快食咗佢！薏米水消暑解膩，畢竟喺外面排隊等到身水身汗，總括而言係非常地道嘅米線，愛辣愛麻人士必試！

想講星期六去荃灣試吓呢間好多人推薦嘅米線😀之前上網睇真係好多人推薦，仲要係黃店，就心郁郁去咗試。講返啲嘢食先，其實個炸雞球都可以，幾滑，算係出邊米線店少見嘅餸，整得又還可以。米線就係平時出街普通可以食到嘅米線，我覺得就係配菜比較特別同埋都OK，個米線又真係冇話有好特別嘅湯底之類。價錢就比較偏貴，算係米線之中比較貴價錢嘅店，不過如果走到去試嘅話又唔係好介意個價錢嘅，因去之前都已經睇到。重點，我由一點幾等到三點幾，真係企到腳都軟埋，雖然我啲嘢OK ，但等咁耐就真係見仁見智，我覺得如果真係好鍾意米線去試一次都可以嘅，如果真係純粹為試吓嘅話咁你就要諗吓等嘅時間。

有留意關注組應該對老闆娘米線唔會陌生每日都會有人po但次次都得個睇字🥲🥲今次終於去到試一大條長龍等緊堂食我買外賣都大約等咗35分鐘🥲.米線麻酸辣 小辣炸雞球.由米線開始講起因為要外賣 所以我分咗湯睇得出米線係有同個湯底一齊煮 而唔係好似譚仔咁 米線係白雪雪🤣不過我覺得個米線煮得淋咗少少.湯底我揀咗麻酸辣三種口味都好突出唔會話有邊種食唔出麻味都幾重朋友食咗一啖都覺得成口麻🤣🤣😂酸同辣比較下 我覺得酸味比較突出辣叫小辣都唔係好辣🤭🤭.🏆炸雞球留到最後講因為真係幾出色👍🏻👍🏻外層炸皮唔算好厚而且都炸得好脆口而雞肉都係好嫩滑一啲都唔鞋！！！⚠️但係唔知係咪個別問題我覺得有啲唔係好熟 因為有啲位重係紅紅地色😩😩.整體感覺係幾出色嘅但係咪超好食呢？ 我又覺得唔係試一次可以但如果下次要排咁長隊 我就未必會再食啦🙊

12:15去到已經好多人排緊隊🥺13:10入座然後13:45先有得食。鍾意食米線嘅一定唔可以錯過，一定要預時間🥲今次叫咗兩碗，一碗係酸辣小辣米線，另一碗係蒙古湯小辣銀針粉。湯底惹味，肉碎份量多又入味🥰 銀針粉食落冇米線咁滯，蒙古湯好香孜然味，同銀針粉比較夾😂🔸野菌腐皮卷呢個最好味！唔會太油，因為鍾意食菇所以覺得呢個非常正呀😂🔸反斗蝦膠豆卜蝦膠結實，炸得酥脆唔油膩，豆卜都食得出豆味。🔸招牌酥炸雞球雞肉juicy唔鞋，味道唔錯㗎。但腐皮卷同蝦膠豆卜出色啲😂🔸雲醬豬軟骨味道普通。豬軟骨幾冧，軟骨幾好𡁻😂😂

放假行山前諗住食個飽飽先結果就打亂左行山嘅計劃因為一等就等咗90分鐘入到去有得坐低再等15至20分鐘（不適宜容易燥底人士）（必須預備足夠的耐性時間心情😂）環境：⭐️⭐️由於係街市入面環境方面就冇太大期望暫時未見到昆蟲或小動物整體上都算可接受食物：⭐️⭐️⭐️⭐️終於到主角我揀左麻酸辣湯銀針粉揀銀針粉係因為我本身好鍾意😍都唔係周圍都有但我之後後悔 因為好難夾穩配埋個辣湯好容易彈到自己成身係🤦🏻‍♀️🤦🏻‍♀️湯底同出面嘅的確係有啲分別由於佢係一碗碗咁整 所以嚟到嘅時候個湯係超級滾 再加埋佢湯底好麻 所以鍾意食辣嘅人會覺得好爽 🤤🤤但食到後尾 湯開始凍嘅時候先會感受到佢嘅酸作為一個湯底都算幾有層次🤔餸個方面 我揀左魚肉春卷同炸墨魚滑仲有炸雞都算係出面比較少見既米線配菜 炸雞什至出乎意料地juicyyyyy～總括 未試過既可以一試但叫我下次再排90分鐘隊就未必說服到我🤷🏻‍♀️🤷🏻‍♀️