老闆娘雲南米線

疫情略為好轉，係時候約老朋友聚一聚。佢話懶，叫我去佢果區食。
佢就挑選左哩間老闆娘米線，話好食過三哥100萬倍。
佢叫我早啲去摞位，經過香車街樓下門可羅雀既商鋪，走到最上層便是哩間老闆娘。排隊排得都幾多人下：5點開門，545去排，630先差唔多入座。
-
友人嗌左一個大辣既蒙古湯，要左豬腸同雞球。我就嗌左清湯（友人話做左咁多年荃灣人第一次見人係老闆娘食清湯），要左蝦膠豆卜同吉列豬扒。老闆娘啲炸物的確好食，雞球外面夠脆入面夠juicy。吉列豬扒不愧係招牌之一，口感酥軟且外脆內嫩。蝦膠豆卜都唔錯，好有特色。

友人碗大辣同我碗清湯相映成趣。