老厝邊 (已結業)

今日係大角咀附近搵食 之前食過呢間台灣餐廳間蛋餅 口痕想試下其他野食香酥炸排骨便當 🍱$60呢個價錢有好多舊炸排骨 仲有西蘭花 🥦菇 粟米仔等等既配料 大大碟又香脆 性價比超高！呢到仲有幾款便當 🍱 見其他份量都差唔多 係呢頭想食個份量大又幾好食既便當 真係可以試下呢間！塔香鹽酥雞 $38算係一個比較多肉既小食 都幾大碟 肉食獸一定要叫黎加餸 鹽酥雞都幾香酥 而且份量唔少 送飯食一流總括嚟講呢間台灣野雖然係新開但係性價比食物質素都做得幾好 見平時下午時段都幾多人 而且都叫做開咗一段時間 睇得出唔係純粹新店嘅人群 真係食到佢哋食物質素支持佢哋顧客 所以個人都回頭左搵呢間餐廳食左幾次 先推薦俾大家

突然很懷念台灣的美食，於是拉著為食姊妹去大角嘴食台菜，之前都有食過這間名字有趣，內裏充滿台灣風味的餐廳先來一個塔香咸酥雞，很喜愛盬酥雞的我，當然不會錯過，炸得酥脆的雞件，粉漿一點也不倞厚，外脆內軟，咬落很juice , 食到停不了口很少食這款嘉義雞肉飯，雞肉撕開一絲，雞味比較淡，雖然肉質不是太嫩，但很有口感，白飯粒粒分明加上醬汁，很美味眷村紅燒牛三寶麵，牛三寶分別是牛𦟌，牛肚，牛筋，三款都煮得出色，牛𦟌軟熟，入口鬆化，牛肚有口感，牛筋食落非常軟熟，但食落淋得來帶點彈牙，湯底充滿龍龍的牛香味，麵質爽口彈牙燙青菜，碧綠又新鮮的青菜，咬落爽口加上鹵水汁，更加惹味蜂蜜檸檬愛玉, 很喜歡這個飲品，因為入口清新，檸檬的香味，甜美的蜂蜜中和了檸檬的酸味，十分配合，滑溜帶檸檬味的愛玉，令人心曠神怡

難得出到黎大角咀,即係搵下有咩好食。見到呢間老厝邊超多好評,即管黎試下!!店內裝修成60-70年代,座位寬闊。其實揀黎呢到,係因為我一早已經target佢地的超濃芋泥蛋餅成個蛋餅爆晒芋呢同芝士!!! 唔識形容真係每食一啖都要尖叫!!主食紅燒牛肉麵- 性價比高,牛腩及蔔白入味大腸麵線-相對失望。份量夠大,但略微配料較小。放久會出水,建議盡快享用。芝麻鐵觀音奶茶有感芝麻蓋過鐵觀音茶香。而且全糖+芝麻,卡路里不感想像(笑)最後仲有塔香鹹酥雞,抵食野味!!!我地叫咗咁多野,埋單都係200蚊,不收加一!! 真心抵食夾大件!有機會一定會再黎

又去大角咀食街搵食行過見到有間食台灣菜嘅價錢好經濟試吓先..《老厝邊》主打古早味台灣菜，裝修亦好有老台灣風格..嘉義雞肉便當 ($55) : 份量非常大，好多醬汁比較濕潤，唔會過乾.珍珠熟成奶茶 ($24，跟set可減$10) : 幾有茶味，珍珠亦煮得幾好.薯餅起司蛋餅 ($30) : 好厚身，有芝士所以食哂係好飽.仲有好多菜式，下次試吓其他先，見到牛肉麵都好似唔錯.@laocuobian >> 大角咀埃華街92號地下

大角咀老厝邊，從餐廳名真係估唔到係台灣菜，原來係台語，啱啱好到午餐時間，拿號等一陣就有位。餐廳裝修很有台式風格，餐牌上有麵食類、滷肉飯、台式小食、便當類等。我同friend鍾意食麵，兩個都揀麵。眷村紅燒牛肉麵$65:好大一碗麵，麵上有四大件牛肉，份量十足，牛肉係牛腱子肉肉質香軟細嫩，惹味鮮美，湯汁濃郁鮮美，麵條爽滑脆彈。秘制麻辣牛肚麵$62:麵上鋪滿牛肚，牛肚韌勁十足有嚼勁，湯汁麻辣濃郁，白蘿蔔完美啲吸收湯汁，甘甜鮮美。薯餅起司蛋餅$30:即叫現煎，熱辣辣，一咬芝士可以拉絲，薯餅好脆，點埋汁酸酸啲好味。兩人食得好飽！

見這店多好評便來試試，果然不錯，不少特式台灣菜！尤其喜歡佢那芋香蛋餅，濃濃芋香，又香又好味！招牌牛肉麵也不錯，湯底濃味，麵硬度適中，牛肉入味之餘咬口也不錯！下次要再來食其他菜式！

約朋友食飯冇特別想食咩既話肥啤🧸第一時間會諗到食台灣野一黎有好多款唔同既小食二黎性價比都好高記得第一次黎老厝邊係因為見到朋友食呢度既芋泥蛋餅一湧而出既芋泥+拉絲既芝士夠晒打卡able 💓呢日同果位好鍾意芋泥既朋友食飯我地都不約而同想黎番呢度食🔅老厝邊(大角咀)🔅..🥢香炸魷魚鬚$35🥢魷魚鮮甜爽口；薄薄既脆漿係要呢啲真材實料既小店先食到(好驚咬落去成條都係炸粉得勁細舊魷魚).🥢薯餅蛋餅$30🥢老實說肥🧸眼殘一開始係以為呢個叫薯仔蛋餅😂😂😂見到係薯餅果下好驚喜因為肥🧸係一個#薯仔控 #薯餅控 薯餅起手殘女影相影左好耐之下仍然好脆口醬油+生蒜既沾醬好惹味.🥢牛三寶拌麵$78🥢好怕拌麵會好咸 呢個唔會而且有啲藥膳味岩晒肥🧸口味😍白蘿蔔好入味；牛筋都稔滑；如果牛𦟌再稔啲就perfect啦～🧋百香-雙響 $27🧋三分糖+三分冰感覺可以再凍啲 夏日炎炎下次都係半冰會好啲飲到百香果既微酸味🥰唔似某啲地方咁 本身百香果調到成個糖漿咁肥🧸試過飲一杯百香果野飲走甜都甜到喊.🧋綿綿芋頭鮮奶$30🧋成杯都係芋頭蓉+鮮奶都幾飽肚但芋頭控一定要試可能本身煮芋頭時已經加左糖所以冇得改變甜度朋友表示甜左啲

疫情前，每人都至少去一次台灣。最近心癮再起，想試試台灣的牛肉麵及蛋餅，就找了這間老厝邊嘗下鮮，結果好壞參半不是太滿意⋯這個算是特色！超濃芋泥蛋餅，內有芋泥、芝士、肉鬆，結合起來，口感不錯，但味道偏淡，那醬汁救了它一命，不然真的吃之無味這個秘製麻辣牛肉麵，辣是真的⋯麻就不多。麵底還可以、但牛腩有少許肉腥味，味道一般塔香鹽酥雞，沒有塔香、也不夠鹽酥，也不推介💧唯一推介的，是這個涼拌黃瓜，少許酸甜辣，味道剛好，開胃爽口

台灣便當一直食開同一條街排長龍那間，事實證明人地排長龍有原因。午餐叫左兩個便當，老雞髀同老排骨我個老排骨都幾老，上菜時都甩左皮，配菜好港式，就係碟頭飯嘅茄子同小唐菜，蛋係全熟實蛋，芽菜，幾韓風嘅🤣🤣，老水好一般，唔難食，但唔覺特別好食，就性價比好一般個雞髀就話係滷嘅，但其實係炸嘅，都係港式碟頭飯咁。飲品係促使我打呢篇食評嘅主因，因為menu上寫全部係黑糖珍珠，但實質係普通珍珠。我叫左珍珠麥香奶茶，但杯野真係無味到唔覺係奶茶，更唔好講麥香。由於無lunch set, 飲品正價另嗌，最後$8X /一個人埋單，我覺得係性價比低。轉角位嗰間飲品、飯、價錢都完勝。沒有對比，沒有傷害，希望大家轉角遇到愛

大角咀這間老厝邊 @laocuobian 很有台灣的味道喔！裡邊裝修是滿滿的懷舊台灣裝飾，有趣！這間餐廳很人氣呢，不少客人堂食或買外賣～..我們有幸得到位置，點了眷村紅燒牛三寶麵！大大碗的，份量很足🤩牛三寶的意思就是有牛肚、牛筋和牛肉！煮得超香的呢～湯汁很濃，不錯～..小妹偏愛鹽酥雞，所以還是來一道好了！炸得香脆，而且也多的，雞肉嫩滑juicy，好味道😋..重點也是要點他們家的招牌蛋餅！我選了芋泥蛋餅😍 厚厚的蛋餅，好正🥰 旁邊伴有醬汁，我覺得點了醬汁更惹味呢😋 芋泥都流出來了🤤這個超飽啊！..點珍珠奶茶是必須的吧哈哈！

大角咀埃華街附近一帶嘅幾條街，近年開咗好多不同種類嘅食肆，所以就今日就約埋大角咀返工嘅朋友試新嘢兼敘舊，就嚟咗老厝邊。店內嘅裝修都花咗點心思，帶點台式風格。台式餐廳當然唔少得台式牛肉麵，仲有唔同款式嘅台式小食同埋台式飲品，選擇繁多。仲有超人氣推介，精選咗八款食物特別推薦俾食客，選擇困難嘅朋友可以縮窄範圍。食台灣菜點少得珍珠奶茶，朋友就揀咗珍珠烏龍奶茶，珍珠夠煙韌，配埋烏龍茶底茶味夠濃郁，有傳統味道之餘又帶點新鮮感。身為芋頭控的我當然會叫返芋頭鮮奶，入面有好多小粒嘅芋頭，飲落非常有口感，而且甜度適中，非常推介！另外仲試咗呢度嘅超人氣推介—超濃芋泥蛋餅。蛋餅入面捲着芋泥、芝士同肉鬆，芋泥打得超幼滑，芝士有拉絲嘅效果，而混入埋肉鬆將成個蛋餅增添色彩。麻醬涼麵賣相非常繽紛，包括有黃色嘅蛋絲、橙色嘅蘿蔔絲、同綠色嘅青瓜絲，涼麵再混入麻醬，夏天食感覺一流。牛肉麵真係值得一讚，佢嘅牛肉又大塊又厚身，份量仲要唔少，麻辣辣到適中，不過唔食得辣嘅朋友就建議食返紅燒，麵質亦都彈牙，連湯一齊食非常惹味。眼見呢間老厝邊都幾受年青人歡迎，亦不乏一家大細嚟幫襯，足以證明香港人真係好懷念台灣嘅美食。

疫情以黎都無得去旅行，想念台灣味道見網上介紹呢間餐廳，所以就特登入大角咀試試啦晚市時間係座無虛席，睇嚟味道真係正餐廳內部裝修好有夜市感覺，再配埋啲台灣偶像劇歌曲，真係好似去咗台灣咁我哋叫咗兩杯嘢飲，分別係青蛙撞奶+手工黑糖鮮奶。青蛙撞奶原來同珍珠奶茶好相似，珍珠煲得好煙韌，食得出甜絲絲嘅黑糖+蜂蜜。手工黑糖鮮奶完全唔會輸比專門賣飲品嘅手搖店👍🏻👍🏻✨小食方面我哋嗌左招牌芋泥蛋餅，芋泥甜品就食得多，咸食真係未試過。點知食落原來好特別，鹹甜嘅配合令到味道更有層次，配埋芝士同個汁真係超好味，啲蒜令到個蛋餅生色唔少！主食方面我哋分別Order左台式炸醬麵同埋香酥排骨便當，個台式炸醬充滿鹹香，撈麵食真係一流！而香酥排骨便當除咗有炸排骨同埋飯以外，仲有啲涼拌芽菜、麻婆豆腐，仲有半隻滷蛋！好豐富呀，排骨炸到好酥脆，感覺係即叫即炸好新鮮，其他配菜正常發揮，食完覺得超級飽！😆😆好抵食

呢間位於大角嘴好出名既台灣餐廳，全晚都係滿座，想食都要排隊。佢個餐單好多台灣小菜選擇，今晚同朋友叫左個兩個小菜、兩個主要一齊share食。手拍青瓜個賣賣相雖然一般，但真係睇得出有拍碎過，所以好入味，味道有啲甜甜地，作為前菜都幾開胃。滷味拼盤兩個人食都幾豐富，款式多，全部都好有台灣嘅滷水味道。夜市香腸便當食得台灣菜，點少得台灣香腸，非常香口，個皮有少少脆添，成個便當都好有台灣特色，飯上面都有啲滷水汁，送飯一流。婆婆招牌麻醬冷麵依家天氣咁熱，叫返碗冷麵最好不過，啲麻醬份量剛剛好，而且呢碗麵價錢好便宜。

大角咀埃華街好多美食，今日行過見到間食台灣美食既店鋪老厝邊，於是就入去試一試。入去裝修好有台灣色彩而且令人想起台灣。好呷炸物拼盤：分別有4樣炸物花枝丸、甜不辣、四季豆和玉米筍，甜不辣食落煙煙靭靭好香口，炸過既花枝丸同樣出色。超濃芋泥蛋餅：蛋餅捲住芝士、芋泥同肉鬆食落 層次分明不油膩非常好食。眷村紅燒牛肉麵：大大塊牛肉而且炆得好入味又淋，麵質爽口彈口。滷肉飯：滷肉用上半肥瘦豬肉加上台式醬汁撈起返嚟食食到舐舐脷。

放假去到老遠搵食，因為呢間台灣野夠哂正宗，連餐廳名都係用台語，「老厝邊」嘅意思係老鄰居咁解，配合返餐廳簡約嘅裝修，有種純樸老台灣嘅感覺！紅燒牛三寶面$78呢度嘅招牌茶式，🐮三寶有齊牛筋、牛肚同紅燒牛肉，牛筋好稔，牛肚大大塊，紅燒牛肉稔得黎唔係散開哂個種😋湯底幾濃又有肉味，飲得出好足料煲左好耐👍🏻鐵路滷雞腿便當$62便當要午市/晚市先有，呢個便當有大大隻滷水雞腿，啱晒唔想食炸嘢嘅朋友，伴碟有豆乾同蛋，重有勁多蔬菜😂酥炸排骨便當$60香噴噴熱辣辣嘅酥炸排骨，超大塊，外脆內軟！同滷雞腿便當一樣有勁多配菜，撈埋啲飯一齊食話咁快就清哂😋午市套餐配指定飲品重有$10折扣，我都唔執輸叫返杯珍珠奶茶，咁先夠地道架嘛😋