老厝邊 (已結業)

晏晝食lunch 見到呢度嘅餐牌幾吸引裝修又特別 就吸咗入去午餐時段主食加嘢飲當套餐可以減$10 我就叫咗個牛肉麵 牛肉未算話好入味 整體都正正常常 唔算話有驚喜但係好食嘅 同事就叫咗個 排骨飯 反而排骨就真係好正 配料都俾得好充足 加埋兩杯嘢飲 蜂蜜檸檬椰果 同鐵觀音奶茶 蜂蜜椰果就正正常常啦 鐵觀音奶茶反而茶同奶個份量都唔錯 幾平均我哋仲叫多咗個小食 超濃芋泥蛋餅 🥞個皮好薄 裏面有厚厚嘅芋泥 正埋單都係$70左右 性價比算高 不過下次嚟就會食佢啲飯

埃華街附近很多食肆，選擇多價格不高，近來常來覓食，今日試台灣菜。老厝邊裝潢很台式老街頭風老公點了雞腿便當，貌相還可，但雞腿完全不入味，特意影白白的肉作證，肉完全沒鹵水味，肉質結實沒有燉煮的鬆化，很失望。配菜有鹵蛋，椰菜，絲瓜，飯淋上鹵汁。雞腿差，其他都沒感了。差不多每枱都點醉雞，以雞卷形式呈現。很入味，味道也恰到好處，$38 性價比高，全餐亮點，大推介。點了台灣腸小吃，蒜片比較少，不夠油亮惹味，感覺不過不失。總體性價比不錯，下次試牛肉麵

老厝邊 —此店名很特別，店舖內裝潢也很懷舊又特式，好有台式味道，坐位亦坐得很舒適。一到七點便進鋪，內裡已滿坐，好彩有位。去前都已諗好食咩，不竟台式食物係我其中一個摯愛牛肉麵，蛋餅 ，走不掉，必選。今日放假前要大食開懷點了牛肉牛筋面-牛肉跟牛筋份份量不少不多剛好，湯底亦夠濃，什有台灣當地鋪頭的味道滷肉乾拌麵-此款算是我第一次咁選，滷肉粒粒分明亦很入味面既份量亦不多，不過過份飽肚薯餅芝士蛋餅-驚喜之作，最重要加左芝士同配上甜辣醬汁一食難忘鹽酥雞好多份量，女生可能食不哂的但去台式店是必食的味道不錯 值得一食珍珠奶茶珍珠很彈牙，少冰少糖剛剛好

見到評價一式一樣地多圖多字無差評，就估到是膳稿居多。食物質素普普通通，始終各人口味不同，難以一刀切肯定是否符合大眾口味。但最主要需要改善的是員工服務態度，希望店舖可以注意到並且盡快改善，做得更好。其實就算食物不是特別出色，只要人客整體用餐感受良好就已經算可以接受。可惜的是，樓面態度不佳而且令人感覺整蠱別枱客人：拒絕客人request較細音樂聲後特意較大音量、陰陰咀笑住地送錯食物去隔離枱 (尤其現時有疫情更應該要小心) ，好明顯staff training有待改善。希望店舖可以做好啲，黃店都要有基本操守。先不論食物質素，員工表現都要配合才行。

埃華街食肆林立，星期五晚上，偏偏呢間餐廳門口大排長龍，想必自有道理，反正還未算肚餓，週末流流長，便決定也等位來試下。大約等左半小時便有位。店員個個都斯斯文文有禮貌，原來都係台灣人。餐廳主打台灣古早味平民美食，裝修亦是模仿老台灣古早風。水泥牆設計，像極弄堂，而鋪面最盡頭的水吧就模仿台灣地道食店的檔口。先叫咗兩個小食： 花雕醉雞 $38好特別的無骨醉雞卷，適合我這懶人，有濃濃的花雕酒味和小小藥材位，啖啖肉得來夠清爽。起司肉鬆蛋餅 $35最愛台式蛋餅，皮夠薄，芝士份量啱啱好，特別的是亦有大量芋泥在內，沒有過多調味，是芋泥本身的清香味，配上小小肉鬆，唔會漏，perfect match！ 眷村紅燒牛筋牛肉麵 $70湯底香濃帶甜，牛味十足，亦有小小中藥材味道及花椒八角香料味。牛肉是牛展的位置，燜至軟嫩，牛筋入口即化。麵條有嚼頭，份量足。香噴噴炸雞排便當$62上菜時真的嘩一聲，份量也太大了吧？除咗大過塊面的炸雞扒，還有四款便當配菜，仲要款款都好食，讓我忍唔住食晒d飯，聽日要好努力做番運動先得啦！

今晚由朋友發板食飯去左大角咀，甚少踏足呢區，好驚喜原來好多食店。見到「老厝邊」好多人等位，既然吾趕時間，明天又星期六放假，咁就呢間！紅燒牛筋肉麵牛筋好入味又夠淋。湯底好濃又唔會太鹹，仲好香牛肉味。份量頗大，麵質有嚼勁！真心推介！小食有我最愛的有酥炸花枝丸， 鬆脆的黃金炸花枝丸外皮，感覺又不會太油膩，撒點楜椒粉味道更香！ 起司肉鬆蛋餅超級好吃，古早味的蛋餅皮入口軟身， 咸香的肉鬆與起司滋味融合一體，口感不油膩，簡單又經典的美味。如圖真「起絲」架！😋塔香咸酥雞使用全雞中腿、胸皮和日曬手做豆皮新鮮製成，加上秘製塔香調味粉，炸雞皮的酥、脆、香，和蔬果的清甜和口感，卻一點都不油膩，越吃越唰嘴，當下酒菜、小零嘴都超適合。珍珠黑糖鮮奶喜愛奶夠口感濃郁, 奶味重! 嚐得到的香味!珍珠煮得剛剛好，0煙韌亦都有黑糖味。

今日中午在九龍柏麗酒店退房，不想回家吃飯，便在附近一間台灣店吃午餐。幸好我早一點到，否則就要排隊等位了。不過早餐吃得甚豐富，所以不想吃飯或麵，選了兩款推薦的小食。位置：只是距離酒店三分鐘路程，非常近。環境：無論是門面或內部裝修都有台灣懷舊氣氛。門口以湖綠色配六角形小磚，內部呈長方形，座位分左右兩邊，後方是廚房，擺設得有如台灣夜市攤檔，好像有點去了台灣的感覺！服務：桌有餐紙可供填寫，上菜速度可以！午市：超濃芋泥蛋餅$38這個是招牌菜，其實我掙扎了一段時間，究竟是否要香蔥牛肉起司蛋餅或是超濃芋泥蛋餅，但因不想吃太多肉，最終都選擇了芋泥，幸好沒有使我失望！看起來份量不多，但一夾起蛋餅，餡內的芋泥立刻擠出來，的確是真材實料，不但有芋泥，亦有芝士和肉鬆，食材很配搭，味道是芋泥較突出，口感軟綿和有芝士的拉絲。吃了一半就已經感到七分飽，這個小食容易使人飽腹。塔香鹹酥雞$38這個鹹酥雞的炸粉有點過厚和鹹，不過炸得香口脆卜卜，有淡淡的塔香味，雞肉不會粗糙或乾身，比平常的鹽酥雞好吃，而且份量算多，完全吃不完，唯有帶回家吃！珍珠麥香奶茶$24珍珠奶茶裝在密封膠杯，可以隨時外賣帶走，這個服務很貼心。我已經很久

好耐無食台灣菜。友人帶我黎大角咀呢間老厝邊，係主打古早味台灣菜，今日就黎食個lunch。平日12點50分黎到，已經有條人龍喺度等，好彩等左十分鐘就有位，之後一點幾人龍就清左。入面裝修真係幾老台灣。餐牌一目瞭然，有麵食類，便當類，蛋餅類，飯類，炸物類，拼盤類，涼菜同小食類，價錢親民。飲品都勁多選擇。平日午市套餐配指定飲品可以減十蚊。眷村紅燒牛三寶麵 $78我第一次黎，一定要試試呢個推薦菜式既眷村紅燒牛三寶麵。牛三寶即牛腱，牛筋，牛肚。牛腱同牛肚各有三大件，牛筋就散開左。牛腱又稔又嫩，少肥多瘦，牛味可以。牛肚厚身大塊，質感都幾好。牛筋超稔滑，入口即化咁滯。麵條唔粗唔幼，一開頭都仲有少少咬口，要食快d先唔會稔嗮。湯底用牛筒骨、中藥材同香料熬12小時，味道唔錯，飲得出有微微既中藥味，而且唔肥，感覺好清淡健康，飲完唔覺口渴。蔬菜有小棠菜三條，超稔同入味既清甜白蘿蔔兩大舊，最後灑上葱花同鹹菜。眷村紅燒牛筋麵 $62我地同爲好麵之人，另外叫左碗眷村紅燒牛筋麵。牛筋有四大件，其他都同眷村紅燒牛三寶麵一樣。個人覺得加$16多牛腱同牛肚各三大件（不過少d牛筋）似乎抵d！超濃芋泥蛋餅 $38呢個係招牌菜，必

咸，好咸，樣樣野都得個咸字，鹽酥雞又咸，大腸麵線又咸，鐵觀音奶茶好似奶水咁🙄🙄好難飲，是但一間都好飲過佢！咁唔好食都唔明點解會入圍，見入圍特突黎食！真係差！無下次！伏！收銀女同事又無禮貌！差！只收現金！識玩！竟然八點左右都9成滿！食完十萬個為什麼？乜大角咀無好野食啦咩？咁既質素真係差本身見咁多人以為會好好食，點知失望，仲要係伏。好彩唔係叫得多野。。。。。。。。。食完仲要買嘢飲，因為啲野係咸到爆

由於自己都幾鐘意食台灣野 所以三兩日都會走去台式舖頭食跟住喺網上見到有啲台灣有幾多好評就試吓 見到佢有個好特別嘅芋泥蛋餅 特登叫黎試試超濃芋泥蛋餅🥚$38餅皮係我最鍾意煙煙韌韌質地 入邊有好多芋泥同芝士！ 啱晒我呢啲台灣芋泥控 台灣舖頭來講都算特別因為好少舖頭放芋泥入去蛋餅🥚🧀但係佢哋嘅mix and match都做得幾好 所以覺得呢個蛋餅幾有特色值得一試😋塔香鹽酥雞🐥$38鍾意食肉嘅話一定要叫呢個小食 呢個價錢來講份量都唔錯 鹽酥雞係用酥炸形式 而唔係平時嘅脆炸 調味方面做得幾好 而且炸漿同埋肉嘅分布平均 食落去啖啖都係肉 唔會成口炸粉👍🏻 熟成奶茶🧋$22 感覺上有啲似珍珠奶茶嘅茶底 但係就冇咁甜 總括嚟講呢間台灣餐廳都幾出色 推薦真係要試吓佢哋嘅蛋餅😋

台灣－可能係疫情底下香港人最想去嘅地方，今次去咗大角咀 嘅 #老厝邊 （大家估下個「厝」字點讀？答案喺本文最底！），老厝邊其實係台語，意思係老鄰居咁解。一入餐廳已經即刻有好強烈嘅台灣風味，原來店主係港台混血兒，難怪佢哋都好堅持用國語招待客人。整間餐廳裝修亦以台灣特色為藍本，加上勁多耳熟能詳嘅台灣金曲，真係有一刻以為返去咗台灣🇹🇼💚 超濃芋泥蛋餅（$38）絕對係有驚喜！本身糾結咗好耐要唔要嗌返培根蛋餅，因為唔係太想像到甜嘅蛋餅係咩味。但原來厚厚嘅芋泥亦都夾雜住好多起司同埋肉鬆，鹹甜無互相搶風頭，特別得嚟都食得出蛋餅嘅原味💚 秘製麻辣牛三寶麵（$78）唔食得辣千祈記得嗌少辣或者普通紅燒！佢嘅秘製麻辣真係特出嘅，而且牛肉、牛肚、牛筋全部煮得好腍好入味，值得一試💚 大腸麵線（$38－大）麵線份量好多，大腸都好肥美，如果可以加辣就會更加好，可能蒜味多啲但鹹味相對淡返啲會更好💚 塔香鹹酥雞（$38）食台灣嘢點會漏咗炸雞！鹹酥雞炸得幾酥脆，雞肉亦都算juicy，份量適中，唔會太多太油膩但都唔會太少💚 青蛙撞奶（$24）其實就係黑糖珍珠鮮奶，黑糖味幾香，感覺同出面賣$40蚊杯嘅味道分別唔大💡開估時間厝

在香港要吃臺灣地道風味的料理，又要吃得過癮又划算，就要推薦我經常來的老厝邊。大角嘴呢間臺灣料理，完全符合台灣人的口味和風格，我們點了招牌滷肉飯，花雕醉雞，大腸麵線，培根🥓起司🧀️蛋餅🥞，超濃芋泥蛋餅🥞，已經是相當豐富了。滷肉飯味道到位，滷肉汁濃，吃起來更香。花雕醉雞的雞肉嫩嫩的，加點酒味特別野味。大腸麵線滑溜溜的麵線容易入口，酸酸甜甜的湯是挺開胃的，兩個蛋餅口味不一樣，但又一樣的好吃，厚厚的芝士和厚厚的芋泥吃起來可爽了。兩杯「那簡單而又幸福的味道」，一杯多多綠，一杯珍珠鐵觀音奶茶🥤，搭配食物一起邊吃邊喝，簡直就是爽歪歪，吃台灣菜和喝台灣飲品，要的就是那種又吃又喝的感覺。原來幸福就是那麼簡單，在老厝吃到好吃地道的台灣小吃就已經是最滿足的幸福。

平日6:30到嚟到，都好多位，如果遲少少大約7點令鐘到就要等位便當都大份，同朋友share都食唔晒，不過可能我哋叫得太多嘢食😆塔香鹹酥雞$38啱啱一嚟到食熱辣辣，好香脆👍🏻記得嚟到即刻食，攤凍咗就唔好食呢個香腸麻麻哋，本身以為係反晒光嗰種而且食落有啲乾，可以唔使叫芋泥蛋餅$38佢有個醬汁有d蒜頭味，個人認為唔點醬都好食入面啲餡有少少溶溶地，芋泥味重，食落有少少拉絲嘅感覺原本想叫埋青瓜，不過食唔晒就冇叫，唔知食咩好可以跟住佢嘅推介嚟嗌佢嘅食物絕對對得起價錢，四個女仔share食咗 $23x，每人$60有找，而且質素都唔差，比阿元來了出色

收工同朋友經過大角咀，見倒呢間好多人幫襯，忍唔住入黎湊下熱鬧先。 炸甜不辣甜不辣皮炸得好薄，每件甜不辣好厚身，口感煙韌，睇落好似一條條薯條咁。呢度嘅甜不辣同出面唔同嘅係伴鹽酥雞果種味粉，唔係甜醬，可以當咸點嘅餐前小食。 塔香鹽酥雞鹽酥雞都係皮炸得好薄身，雞肉夠曬大粒同彈牙，配埋味粉嘅味道好好。 眷村紅燒牛肉麵紅燒牛肉麵好大碗，最值得一讚係佢嘅牛肉煮得好淋好入味，湯底甜甜地咁，手工麵質好彈牙，非常高質! 滷肉乾拌麵乾拌麵嘅麵質同牛肉麵一樣，都係用手工麵，面頭好多大大粒滷肉，同出面嘅肉燥完全唔同架! 每粒滷肉唔會太碎，一樣好夠味，仲要勁足料，非常抵食 飲品：珍珠鐵觀音奶茶、蜂蜜檸檬愛玉珍珠觀音奶茶有驚喜，鐵觀音味比較突出，而且唔會太甜。蜂蜜檸檬愛玉酸酸甜甜咁，比較Fresh同開胃。整體質素都可以，下次黎會再試埋蛋餅同便當，擇日再戰!

放假跟先生到奧海城逛商場，順便到大角咀買點水果回家，無意中來到食肆林立的埃華街，那裡食肆林立 ，選了這間門面別緻的 『老厝邊』食晚餐。餐廳裝修簡約純樸，滿有老台灣的舊式情懷，邊聽著台灣流行曲邊進餐，心情輕鬆，餐牌內有牛肉麵， 滷肉飯， 蛋餅， 鹽酥雞， 滷味拼盤， 醉雞等， 選擇多元化。由於不是太餓，便選了一個「🎪眷村紅燒牛筋牛肉麵」來食， 『眷村』所指的是簡單純樸的鄉村原味道，牛肉麵有三大件的牛肉＋份量不少而且煮得極為軟淋的牛筋， 配有酸菜，蘿蔔，蔥花和小棠菜， 先喝一口湯， 濃油赤醬，鹹鹹甜甜的十分有風味，牛肉炆得沒有牛筋軟爛，但也足夠軟淋，牛肉味特別重， 麵條煙韌且越食越入味，好大碗，食完很飽。先生嗜辣，點了一碗 「🎪秘製麻辣牛筋牛肉麵」， 配料和麵條都是跟「🎪眷村紅燒牛筋牛肉麵」一樣， 店家秘製的湯底跟外面的麻辣味道不一樣，花椒跟八角的味道很濃， 愈食愈辣， 喜歡食辣的人，應該會喜歡。總體來說，『老厝邊』餐點份量偏大，價錢合理，是平常用餐一個不錯的選擇。鄰桌食的雞排飯上枱，比我的臉還要大，是下次來最想一試之選，或者到荃灣分店食都不錯，較近我家。😆