189
17
9
港鐵奧運站 A1 出口, 步行約7分鐘 繼續閱讀
電話號碼
26665226
營業時間
今日營業
11:30 - 22:00
星期一至日
11:30 - 22:00
付款方式
AlipayHK 支付寶 現金
其他資料
當面支付
食評 (224)
等級4 2020-09-29
619 瀏覽
今日約咗個朋友嚟到大角咀附近,咁岩見到呢間門面幾特別嘅台灣餐廳,而我朋友又超級掛住滷肉飯,所以就入去試吓。入到黎佢入邊個環境都好特別,真係好似去咗台灣嘅小店咁。牆上面嘅餐牌亦都好有懷舊感,啱晒鍾意舊嘢嘅我。首先我就揀咗個牛肉麵,佢個湯底帶點甜,真係好似台灣嘅牛肉湯,佢啲牛肉超軟腍,又入晒味,好正。而佢啲麵係比較幼身少少,食落煙煙銀銀得來又彈牙。而我朋友梗係揀咗個滷肉飯啦,佢個滷肉飯真係超多汁,第一次食過滷肉飯係食完晒啲飯個底仲有汁剩,個飯未食,淨係聞到都已經好香,啲滷肉又腍又入味。小食就點都唔少得鹽酥雞,佢啲炸粉一啲都唔厚,啲雞都醃都好入味,咬落仲好Juicy添。然後呢度仲有台灣嘅特色小食,蛋餅,我哋試咗個芋泥蛋餅,佢入邊啲芋泥甜甜地,再加埋少少芝士同埋肉鬆,膩就膩咗啲,但係好好味。最後再加埋一個健康嘅肉燥A菜,我成日將呢種菜同油麥菜撈亂,但其實佢有一個獨立嘅品種,係真係得台式餐廳先會有。最後再加埋台式飲品,分別係冬瓜茶同埋茉莉蜂蜜綠茶,兩個都唔會太甜之餘,茶味有夠出,完美嘅一餐台式晚餐,食到我哋兩個都捧住個肚走。 繼續閱讀
(以上食評乃用戶個人意見 , 並不代表OpenRice之觀點。)
[大角咀]老厝邊.眷村紅燒牛肉麵食剩指數 0/100牛肉同蘿蔔好淋幾乎唔洗咬真係入口即化😍湯底飲落有蔬果甜味同埋飲多都唔覺油膩加埋酸菜就更加開胃麵底唔會痴牙又掛到湯算係性價比幾高既牛肉麵🤤.古早味滷排骨便當食剩指數 : 10/100(係份量太多!)個便當一上就覺得好大個有成4個配菜!(無諗過)有喺台灣住過就知佢地既便當係好多配菜香港好少跟到咁地道有茄子🍆菜甫蛋、粟米肉碎、雲耳全部都幾有水準!講返個滷排骨做得都幾入味而且都好大塊!.塔香鹹酥雞食剩指數 : 5/100鹹酥雞雞肉幾嫩滑薄薄既脆漿炸得幾香脆咸香都唔錯九層塔都幾香不過如果多少少仲正!.薯餅蛋餅(大力推薦)食剩指數 : 0/100終於食到好似台灣早餐店既蛋餅!喺香港食到既蛋餅好多個皮都唔同質感呢度一食同台灣99%相似真係好感動😭好有台灣味薯餅好脆加埋芝士同蛋包左蛋餅皮好好味佢有個醬有少少似豆瓣醬點同唔點都好味建議一半原味一半加醬~.多多綠 & 旺來綠茶食剩指數 : 0/100飲品方面都係好傳統台灣風味多多同綠茶幾平均甜度都正常旺來就即係菠蘿旺來綠茶食到幾多果肉酸甜酸甜咁幾開胃 繼續閱讀
(以上食評乃用戶個人意見 , 並不代表OpenRice之觀點。)
餐廳:老厝邊 (大角咀)地址:大角咀埃華街92號地下今次去咗大角咀一間好古色古香嘅台灣餐廳——老厝邊(其實我唔識讀中間果隻字,有無人可以教下我😂),其實埃華街有好多餐廳,不過就比佢懷舊特色嘅餐廳門面吸引咗,餐廳仲有職員係台灣人😍眷村紅燒牛三寶麵 $78牛三寶有牛腱、牛筋同牛肚🐂,三樣都炆得好腍,而且份量唔少👍🏼,尤其鍾意佢嘅牛筋充滿膠質,入口煙韌,仲要一咬就斷開,蘿蔔同彈牙嘅麵仲吸收晒香濃牛肉汁😋滷原隻雞腿便當 $60呢個便當每日都會隨機配埋兩款配菜同一款涼菜,等你每日都有驚喜😎,今日就有萵筍片炒紅蘿蔔、麻婆豆腐、涼拌木耳,仲有隻滷蛋添🥚,雞髀用滷水汁浸泡咗一段時間,充滿滷水香之餘又唔會好鹹,肉質好鮮嫩🤤超濃芋泥蛋餅 $38平時食蛋餅叫開芝士嘅餡料🧀,今次揀咗呢個餐廳嘅招牌芋泥蛋餅,雖然芋泥就無我想像中咁「超濃」,不過配上蛋餅同埋肉鬆,口感都幾夾,同埋芋泥都好香甜🥰最後叫咗碟燙青菜($22)🥬,價錢同份量黎講有啲貴,勝在有自家製嘅調味,同埋為咗達成每餐嘅健康目標,呢少少錢都值得付出嘅🙈雖然兩個男人食,但係呢到啲野食份量都幾多,食完兩個都捧住個肚走🤣 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-18
797 瀏覽
居於🇹🇼多年的我回香港以後常常想起蛋餅今次終於吃到一家蛋餅是真的有台灣味的🤤接下來會以最誠實的食評給予大家參考店內的擺設讓人感到身在台灣🇹🇼😊MENU也是仿傚台灣的菜單,非常有台灣FEEL阿只是同樣的數字在台灣吃的是台幣價在香港理所當然的換成了港幣的價格lol🇹🇼 炸甜不辣 $3️⃣0️⃣強烈推薦👍🏻👍🏻👍🏻👍🏻👍🏻雖然跟想像中的不一樣但吃下去真的好酥脆好Q真的太久沒有吃到甜不辣 ☺️開心🇹🇼塔香鹽酥雞$3️⃣8️⃣👍🏻👍🏻👍🏻這個味道還可以九層塔如果可以再給多一點比較對味九層塔剪到碎碎的沒法一整片葉子一起吃🇼🇸培根超司蛋餅 $3️⃣2️⃣強烈推薦👍🏻👍🏻👍🏻👍🏻👍🏻這是我最愛的培根超司蛋餅🤤這個大家去台灣旅行時去早餐店一定會見過或是吃過的蛋餅🍳他們家把蛋餅煎的美美的不過醬料方面沒有準備到醬油膏如果有早餐店那種醬油膏加一起就1️⃣0️⃣0️⃣分了不過這個我還是想要給五顆星星因為超司還用了可以拉絲的吃得滿開心 🇹🇼古早味冬瓜茶$1️⃣8️⃣味道適中,冬瓜茶好喝🇹🇼青蛙撞奶$2️⃣4️⃣珍珠加鮮奶🥛甜度沒調整不會太甜珍珠一直吸到最後一口還是有的珍珠很Q🇹🇼嘉義雞肉飯$3️⃣0️⃣這個不推薦👎🏼👎🏼👎🏼雞肉比較嫩一點醬汁也不是那回事飯非常硬🇹🇼魯肉飯 $3️⃣0️⃣這個不推薦👎🏼👎🏼👎🏼魯肉不太對,太大一顆肉醬汁也不是那回事飯非常硬 像是在吃魯肉+炒飯的口感整體來說我下次再來會想繼續點一堆台灣小吃💜飯類就不推薦了👎🏼 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-17
665 瀏覽
無得去台灣 食咗當去咗似唔似去咗台灣?😅去台灣有咩必食?麵線 肉燥飯 蛋餅 鹽酥雞滿足左我四個願望野飲有咩要飲?冬瓜茶 檸檬愛玉有齊我台灣必食嘅嘢你話古唔古早?但兩個人好似叫多咗少少🤏但我真係咩都想食呢滷肉飯(大)$38叫完有啲後悔眼闊肚窄 太多野食應該叫個細既就夠佢真係勁多飯 而家佢啲肉汁令到個飯唔會乾大腸麵線(細) $28好掛住西門町阿宗麵線次次去都一定食雖然味道一定有分別但香港真係無咩地方有得食佢係唯一麵類我先能夠食得多佢麵有成7-8件大腸都算足料 但建議快啲食唔係佢會變咗一坺嘢塔香鹽酥雞 $38台灣味😍😍香港第二間我食到有台灣味既炸雞呀影完相一大輪都仲熱又脆我相信係即叫即做但唔明點解我朋友鍾意食上面嘅配菜?🤷🏻‍♀️台式蒜味香腸 ($30)其實佢唔係蒜味香腸係蒜片香腸無諗過係咁上但食得出台灣味既平時出面應該一份得呢到一半仲要得腸無其他野超濃芋泥蛋餅 ($38)開頭糾結超司肉鬆定呢個最後好彩係叫呢個朋友問我想食鹹定甜食我真係兩樣都想食揀唔到最後揀咗當甜品食竟然冇失望 好驚喜佢入面有肉鬆同芝士,芋泥如果價錢係爭3蚊一定要揀呢個抵食👍👍👍👍芋泥有芋頭味 而且甜 正 之前去過一間食冇芋頭味又貴所以好驚喜檸檬愛玉 ($22)揀咗微糖微冰酸溜溜嘅感覺 就好似吃不到的葡萄是酸的因為唔鍾意飲太甜既野佢嘅酸觸發起味蕾好似台灣嘅感覺味道古早味冬瓜茶 ($18)叫得古早味 當然係好普通但如果呢個可以走到糖會更加好因為本身冬瓜都係甜推介推介⭐️⭐️⭐️⭐️絕對好過觀塘嗰間成日排長龍既仲要態度良好👍👍👍👍太懶好耐無整好少少啲圖什至懶到食完好西都唔想介紹🤣🤣但呢間服務唔錯 價錢又合理 味道仲差 冇去錯食 而且鋪面唔係新式香港餐廳同佢講嘅古早味幾似 係台灣嘅味道如果你要我去食觀塘嗰間排長龍不了 因為我真係唔覺得嗰間好食呢間會係我香港字典 台灣野第一已經好想再食佢個蛋餅老厝邊 (大角咀)大角咀埃華街92號地下#台灣 #滷肉飯 #台式香腸 #鹽酥雞#大腸麵線 #芋泥蛋餅 #超司 #肉鬆#冬瓜茶 #檸檬愛玉 #老厝邊 #古早味 繼續閱讀
(以上食評乃用戶個人意見 , 並不代表OpenRice之觀點。)