翠林辣蟹舫

今日同爸爸出開尖咀，一於食埋晩飯先返。佢一向鐘意食海鮮、又鐘意d濃味同香口野，就同佢黎呢度啦。餐廳位於亞士厘道1樓，喺樓下望上去窗口位置接近半滿。每張枱都好闊落，私隱度高。店員亦都非常親切，有傾有講，同我爸爸好啱Channel😝睇返餐牌有好多唔同類型嘅嘢食選擇，而蟹既然係鎮店之寶，冇理由唔食㗎。加上有唔同嘅半價食物做緊優惠，性格比即時提高。前菜係話梅涼瓜，涼瓜酸酸甜甜入晒味，又有啲回甘。流沙黃金生蠔好肥美，成碟金燦燦的，每隻掛滿晒流沙見到已經好想食。炸度剛剛好，外層香脆乾身，蠔味濃郁鮮味又唔腥。酸菜魚原來都好驚喜呀！一上菜就見佢個湯冇乜油分，顏色偏淡, 以為麻麻地添。但係原來呢個整法同重慶酸辣魚唔同，唔會面頭有層油，個湯依然好清，先酸後辣。蟹將膏香辣蟹個樣好靚仔呀！個秘製辣椒配合埋個蟹味鮮甜，可謂洽到好處，唔會搶咗原食材嘅味道之餘，亦都食得好開胃想繼續食。招牌食神炒飯：唔知食左係咪識飛😝賣相好靚，大大條彩色嘅錦鯉。飯粒炒至乾身爽口，配埋d蝦仁菜粒，每啖飯都好豐富滿足。爸爸食得開心又滿足，我就開心喇！

為補祝同事J生日，一於試從來未試過嘅炒辣蟹。同事J，一向食得重口味，所以V仔搵左間響尖沙咀嘅翠林辣蟹舫。出名避風塘炒蟹。一早放工就雞咁腳閃人，去到尖咀都好早同唔洗搵，好方便。可以響海防道入，一係響彌敦道入去，，好當眼，紅當當。上到去，未有人，時間好早，食客未嚟，呀姐姐好好招呼我地坐底同提出建議，為挑戰同事J專登點左炸雞子，賀一賀佢.我哋兩條友仔，叫左好多野，有辣蟹，炸子雞，姜蔥蠔，蛋白花膠，同炒意大利飯。厨師手勢非常了得，火候十足，功夫了得，張食材發揮得臨利盡至。最正係個避風塘炒辣蟹。V仔一向怕辣，又怕煩，一向好少食蟹，要落手落腳去開。但係今次真係好值得。首先斤二兩大蟹真係啖啖肉，鮮嫩多汁，香氣四溢。炒料唔係好辣，係以香蒜爆炒非常出色，v仔好少食到咁鮮味嘅海鮮，有啲被迷著咗，想一嘗再嘗。愛上左食蟹。之後幾個餸都係個個出色，雞子就比同事J 食晒，。個炒飯好香同煙韌，蛋白花膠嫩口。下次可再點。辣蟹係必食之選。有大大辣，食辣嘅人可以挑戰一下。

翠林辣蟹舫@尖沙咀🔅環境餐廳係大廈既一樓 入到去雖然無華麗既裝修 但乾淨企理 一個個卡位排列 唔會好逼狹 坐得幾舒服.🔅黃金流沙蟹🦀一上台已經聞到好香濃既蛋黃味蟹大大隻 厚肉彈牙 鮮味十足因為蟹係焗完再炸 所以連蟹殼都好脆甚至連拌碟既炸脆脆都好好食 一流👍🏻.🔅中式牛柳🐮牛柳相當嫩滑 而且好腍襯埋個燒汁都好好食.🔅黑松露醬炒龍躉球🐟龍躉球厚肉彈牙 非常新鮮 加上清甜既甜豆 整個小菜既質素同賣相都相當唔錯.🔅食神炒飯🥡擺盤相當得意 係錦鋰既形狀 未食已經好吸引飯粒炒到粒粒分明 好彈牙加埋蝦粒 菜粒同蟹籽等等既配菜🦐食落多重口感 味道都好好.仲試左黃金豆腐同油鹽水浸蜆豆腐外脆內軟 蜆肉大隻而且新鮮都好好味😋.整體而言餐廳整體食物質素都非常好 擺盤都好靚見到大廚係菜色上既用心而家仲要做緊半價優惠真係好抵食.😋味道：8/10💰消費：$270（每人）

📍 翠林辣蟹舫（尖沙咀）尖沙咀海防道附近有間樓上餐廳而家做緊半價優惠,所以同朋友去左試下.✅黃金流沙蟹（$588）既然講明蟹舫一定要試下蟹，蟹件用木盒裝住,未食已經聞到蛋黃香味；蟹殼焗完再炸所以外殼好香脆,幾大隻又厚肉,蟹肉鮮甜彈牙厚,好味.✅食神炒飯（$188）擺成錦鋰形狀,擺盤吸睛；飯粒炒到粒粒分明,鑊氣而且乾身,加上新鮮蝦粒,菜粒同蟹籽,食落有層次同入味.仲試左中式牛柳（$108）,黑松露醬炒龍躉球（$168）,黃金豆腐($68)同油鹽水浸蜆($168)，整體黎講都幾好食,用料新鮮,擺盤又靚,見得出廚師既用心,而家仲做緊半價優惠,折後cp值極高!.

預祝爸爸生日 所以疫情下都訂左枱出街食朋友介紹話呢間辣蟹好食又大隻 所以就揀左呢度最近仲有半價優惠 間舖環境大 坐得都幾舒服菜單選擇唔算話好多 有半價即刻抵好多！黎到就有鹽焗花生食 好脆好好食停唔到口係我同呀哥嘅至愛叫左呢個招牌避風塘辣蟹！一上黎已經好香 d脆脆好香口 隻蟹好大隻又多肉仲要放得好靚原隻上啖啖都係肉 有d後悔早知叫兩隻仲可以叫啤酒黎送 正~其次叫左呢個酸菜魚 用龍躉黎整 d魚塊好大隻魚皮d骨膠票好多🤣味道岩岩好 小小辣幾惹味仲有呢個花膠海參炒鮑魚 用料好足 半價黎食好抵！呢個比起前兩碟較淡味 可以中和返😂仲有呢個食神炒飯 條魚真係整得好靚炒得幾香 d餸一齊送飯 幾滿足4個人食差唔多~半價係抵食嘅！

見呢排大跌市股票有啲斬獲🥳就諗住同女朋友食餐好啲🤗🤗依家疫情影響出街食野都比較麻煩都擔心會染到病原本諗住外賣返屋企食算不過見呢間鋪頭佢嘅消毒防疫做得唔錯枱櫈隔得比法令指定嘅多咁啱又有一張枱available就坐底咗食首先當然係避風塘辣蟹！炒到好香口炸蒜味道配合得好唔錯而油鑊控制得宜，所以食落唔油膩超大隻蟹鉗好巨型！啖啖肉咁🤩潮式酸菜魚都好新鮮味美店員話用大龍躉，所以都叫咗嚟食魚味特出彈牙👍👍👍炒花膠、鮑魚同海蔘炒得都好新鮮唯一係可以多少少味道同用少啲油例如用少少美極吊味食神炒飯就幾特別用咗飛魚虸嚟提升個飯嘅爽脆感好少可出街可以食到咁乾身嘅炒飯不其然想再食多碗！之前都嚟過食蟹依家有半價都幾抵食希望個優惠可以keep 耐啲😂😂

呢間餐廳比我想像中大唔係朋友帶我去都唔知道亞士厘道有間食辣蟹嘅餐廳一坐低店員即刻為我地遞上小食然後好快咁為我哋送上熱茶跟住服務超好咁為我哋介紹有咩好食睇住餐牌 發現呢度食物種類都幾多一大班人嚟呢度食飯都唔錯👍🏻.避風塘炒辣蟹佢哋會將隻蟹砌返個形狀先拎出嚟賣相一百分而且相當有鑊氣呢個係絕對係水準之上.呢個通菜煲同坊間嘅有啲唔同佢會將啲蝦拍爛咗再擺落去啲通菜度炒味道好特別花多少少心思已經令整到菜式提升不少.炸豆腐外脆內軟原來同泰式辣醬咁夾一啖一粒 好食到停唔到口😂😂😂.酸菜魚個湯可以直接飲用雖然偏酸但係好醒胃龍躉魚肉質嫩滑配上酸菜一齊食 送飯一流.最後啲嘢多到食唔晒點解會帶咁多嘢食係因為而家做緊半價優惠而且佢呢度食物質素幾好強力推介😙😙😙😙😙

新年開年飯，當然是應節食個中菜，二人同行選個二人餐是最好不過。翠林辣蟹坊，故名思義，招牌菜便是辣蟹，辣蟹甫上碟，第一眼已被其鮮艷奪目的烈焰紅所吸引，整隻辣蟹亭亭玉立的站著，光是看到這一幕已不禁挑起味蕾，圍繞住主角點綴的是金黃色、惹味非常的避風塘香料，先是揭起蟹蓋，蓋內的黃金蟹膏已映入眼簾，且香口非常；猶如壯士手臂一樣粗壯的蟹鉗，拆殼後瞬間變為肥美的蟹肉，禁不住一手拿著品嘗，蟹肉之鮮甜味直達味蕾。緊接而來的是香辣龍躉，啖啖厚實口感且不腥不膩；虎蝦蝦球則是蝦肉爽口彈牙，恰到好處；繼續上菜的是避風塘蝦弄飯，不得不讚佩這道飯，飯夠鑊氣兼惹味，配料毫不吝嗇，愈食愈開胃！

約一班好朋友食一餐海鮮套餐。尖沙咀地鐵站附近，好方便。環境寬敞，還可以訂房間，比較私人一些。點了套餐: 有黃金乳豬,好有睇頭，味道亦不錯，好香脆! 避風塘炒蟹好出名，第一次食，不夠辣。下次叫一定會加辣。豆角炒螺片好好味。最喜歡的是蟹子帶子炒飯，食不停口。甜品是客家鹹湯圓,好特別。最緊要係好抵食，蟹不是海鮮價。

今日約左班朋友係尖沙咀食生日飯，有人食過覺得材料新鮮，認為直得推介，就拍板決定了。好彩都算去得早，唔洗排隊。入到去地方寬敞，有大檯都有卡位，同埋有包房，好似我地咁三五個老友就fit曬。避風塘炒蟹黎到點小得食蟹，黎到蒜香味濃，仲要係大大隻肉蟹，肉質鮮甜，而且紮實，仲有蟹膏，爽爽爽呀！必點！黃金流沙蝦球必須趁熱食，蛋黃味好香，大大隻蝦球鮮甜同好juicy，點小小沙律醬就perfect match啦！黃酒煮鮮雞離遠都已經聞到好香既酒味，雞肉鮮嫩，好香既雞味！臘味糯米飯秋風起食臘味，香濃既臘味味道，聞到已經流曬口水！香辣饞嘴雞腳雞腳好入味，少少辣，好滋味！黃湯煮龍躉球湯底非常濃郁，龍躉夠新鮮，嫩滑彈牙，性價比高！咸豆漿煮海班見佢個名咁特別，叫黎試下，點知又唔差喎，肉質鮮嫩，加上咸豆漿，味道好夾，可以試試！

以前公司附近有一間好好味既餐廳,個間餐廳同呢間個名好相似,但近期間野已經頂唔順執了.幾經辛苦,終於俾我搵到一間,名又似,食物質素一樣高既餐廳,今日一定要介紹俾大家食!!呢間餐廳位於尖沙咀一個唔太起眼既位置,樓下有好大個招牌,但真正餐廳係樓上一樓,上面地方非常大,岩曬公司搞聚餐.先黎一大盤,放得非常靚既避風塘炒蟹,我地4個人食一隻,都俾好大隻,避風塘炒得非常香,只係呢個都可以用黎送兩碗飯,蟹好大隻,入面是但一個位都好多好多肉,肉質又鮮又甜,勁正!!!而家呢個天氣,咁早有蛇羹真係好難得,所以都叫左個八寶蛇羹,材料十足,蛇肉非常多,重點味道岩岩好,同出面蛇羹有得比~食完避風塘炒蟹,大家都覺得唔夠,問問老闆仲有冇咩蟹可以食,以為大閘蟹已經過時,點知真係仲有,所以聽老闆話叫左幾隻大閘蟹,佢地煮法好特別,用酒淋大閘蟹,在用火燒下,睇又靚,食落又特別,朋友們超級鐘意!最後叫多個臘味糯米飯,因為今年食大閘蟹都係買返屋企,糯米飯基本上屋企好難煮到,所以成日都好想大閘蟹配糯米飯食,今日終於食到啦,仲要呢間糯米飯非常好味!!味道夠濃,飯唔會變硬,臘味好多,材料十足,值得一讚!!!記住呢間,下次有咩飯局又有地

秋風起三蛇肥，又到左食蛇的季節，雖然每年不同工會都有搞蛇宴，但蛇宴通常一買要成圍枱買，有時未必夾得倒人，朋友亦唔係個個食蛇。朋友食過翠林辣蟹坊話唔錯，最近佢地仲有賣蛇羹，啱晒喇，可以一次食晒蛇同蟹。翠林大部份都是四人卡座，另外亦有幾張圓枱，坐得都舒服，唔會太迫。避風塘炒蟹($588)避風塘炒蟹都幾大隻，上面堆滿炸蒜頭，香噴噴睇見都口水流。炒蟹啖啖肉，一梳梳的蟹肉不會太乾，食得出蟹鮮味，炸蒜粒鹹鹹辣辣好惹味，用來餸飯一流。咸豆漿煮海班但凡點避風塘炒蟹，都會送一條咸豆漿煮海班或每人一大閘蟹，我們就選了前者。海班都有睇頭，肉質結實。大閘蟹($88)大閘蟹大約4兩重。大閘蟹都幾多膏，金黃色的蟹膏係半融質地夠軟身，食落蟹膏味都好香。八寶蛇羹($360)八寶蛇羹一鍋足夠五個人享用，唔怕食唔晒。裡面有蛇絲、雞絲、冬菇絲等等，都幾足料，不過入口就略嫌唔夠杰身。黃酒煮鮮雞($188/半隻)這道菜都幾特別，鮮雞上面放了煎蛋、紅棗和杞子，感覺很滋補。雞件肉質不會太鞋口，湯汁味道濃郁。臘味糯米飯($168)臘味糯米飯非常大碟，足夠六至八人食，裡面有很多臘腸和臘肉，糯米飯有咬口卻不會太硬，食完非常飽肚。總結，但

好友從外國回來, 趁有時間帶佢四圍食下野, 剛剛大閘蟹上市, 揀了這家專食蟹既食店. 環境夠大而乾淨, 感覺很好.呢間既大閘蟹賣相好強, 一上枱會點火, 頓時香味溢出, 食指大動. 每隻蟹有手掌般大, 唔算太細, 蟹蓋部份多膏, 好香. 一邊品嚐, 蟹殼帶點咸, 特別惹味.黃酒煮雞, D黃酒真係好香酒味, 但食左唔會醉, 好暖胃. 鮮雞肉夠滑, 又入味, 好香雞味.仲有冬天最啱既糯米飯, 炒到一粒粒, 唔會太濕或太硬, 臘肉粒亦幾多, 唔錯.

終於等到大閘蟹季節, 餓了很久, 約齊一班朋友去辣蟹舫, 因為之前都食過唔錯, 新裝修之後今年再黎.睇見本月推介避風塘炒蟹送大閘蟹, 1隻都88蚊, 送的話好抵食, 一於要呢個.避風塘炒蟹用大量蒜容炒到好香, 微辣夠惹味, 蟹蓋有手板般大, 有蟹膏. 蟹肉夠厚實, 夠新鮮.黎到重點既大閘蟹, 侍應放上台之後會淋酒, 再點火, 酒香迅速撲鼻, 熱辣辣. 個殼帶少少咸香, 揭開蟹殼有好多膏, 食落好稔口, 但唔覺漏, 蟹肉亦夠新鮮, 慢慢地逐隻蟹腳食, 多滋味呢!!食完兩款蟹都有D攰, 要食下其他野, 黃金蝦球擺位夠精緻, 一隻蝦一份, 佈滿流沙. 流沙帶蛋黃香, 好脆卜卜, 乾身唔會好油. 蝦球大大隻, 外脆內爽口彈牙.仲有黃湯煮龍躉球, 魚加埋黃湯膠質重, 夠滋補, 秋冬食最啱. 魚肉夠滑溜, 唔多骨, 黃酒提升魚既鮮味.今次食齊魚蝦蟹, 有不同既煮法, 十分滿足.

亞士厘道呢邊除咗酒吧多之外餐廳嘅非常多， 同朋友們行經過呢頭見到翠林辣蟹坊呢個牌， 素來喜愛食蟹嘅我點會錯過！望望餐牌見到而家餐廳做緊小菜6折優惠😍 非常抵食！ 我哋人數多所以嗌咗個$588嘅避風塘炒蟹，每人重另外送多一隻大閘蟹添！👍🏻避風塘炒辣蟹，份量十足而且賣相非常精緻， 蟹肉蒜味十足又惹味！大閘蟹即叫即蒸， 同平時食開嘅大閘蟹唔同，店員係我地面前加上酒，然後燃起火， 未食望到都已經垂涎欲滴，折開一睇，蟹膏非常多。蟹公的蟹膏呈黃色，旁邊有白膏，口感細膩及綿密，好甘香。蟹乸蟹膏呈橙色，口感較爽且質感似蛋黃，口感豐腴。黃酒煮鮮雞一上菜已經聞到好濃好香嘅酒味， 雞肉嫩滑而且吸收曬酒嘅味道，入味到令人忍唔住一口接一口，老闆娘仲話女仔冬天食呢味菜特別進補㖭！黃湯煮龍躉球味道夠曬特別，而且更係想像唔到咁夾， 黃湯清清哋唔會影響海班嘅鮮味卻令到魚肉更加滑嫩， 好食又有創意🙌