影片
更多
2020-06-22
97 瀏覽
好想食海鮮啊，朋友話呢間唔錯，一於Book枱來食。呢間舖頭位於亞士厘道，一啲都唔難搵，地鐵站行過嚟先幾分鐘，遠處已經見到佢個招牌。上到2樓，見到好多明星相，仲有好多簽名，睇嚟我哋冇揀錯地方，好心急想快啲食😋一坐低就聽到侍應同隔離枱講有靚湯飲，係羅漢果龍躉雞腳湯，一聽見已經覺得好甜，即刻叫咗一份嚟試吓。 嚟得呢度，冇理由唔食佢個招牌菜——避風塘炒蟹啦，然後整個薑蔥生蠔煲，叫多個醒胃咕嚕肉，再嚟食神炒飯。重點係餐牌嘅嘢食都係半價🤣羅漢果龍躉雞腳湯：一聽到有羅漢果，就知道呢個湯好甜，龍躉好新鮮，碗湯一啲都唔腥，雞腳仲可以補充骨膠原。避風塘炒蟹：氣勢十足，淨係個碟都已經好架勢堂，大大隻蟹，拆開啖啖肉，夠新鮮，配上滿滿嘅炸蒜，香味十足，如果唔係怕熱氣，我連啲蒜都想食埋。😛薑蔥生蠔煲：好鍾意薑蔥，真係好夾，生蠔好大隻，而且拖過油先連埋薑蔥爆炒，所以生蠔表面好脆口，咬入去入邊好軟熟。咕嚕肉：酸酸甜甜，好開胃，唔叫個飯都覺得對唔住自己，啲肉唔算好肥，而且冇骨，啖啖肉。食神炒飯：估唔到佢除咗海鮮小菜整得好食，炒飯都可以好精彩，竟然有紫糯米，令到成個飯嘅口感提升左，啲飯粒粒分明，紫糯米煙煙韌韌，加上蝦仁，
呢間舖頭位於亞士厘道，一啲都唔難搵，地鐵站行過嚟先幾分鐘，遠處已經見到佢個招牌。
上到2樓，見到好多明星相，仲有好多簽名，睇嚟我哋冇揀錯地方，好心急想快啲食😋
一坐低就聽到侍應同隔離枱講有靚湯飲，係羅漢果龍躉雞腳湯，一聽見已經覺得好甜，即刻叫咗一份嚟試吓。
嚟得呢度，冇理由唔食佢個招牌菜——避風塘炒蟹啦，然後整個薑蔥生蠔煲，叫多個醒胃咕嚕肉，再嚟食神炒飯。重點係餐牌嘅嘢食都係半價🤣
羅漢果龍躉雞腳湯：一聽到有羅漢果，就知道呢個湯好甜，龍躉好新鮮，碗湯一啲都唔腥，雞腳仲可以補充骨膠原。
避風塘炒蟹：氣勢十足，淨係個碟都已經好架勢堂，大大隻蟹，拆開啖啖肉，夠新鮮，配上滿滿嘅炸蒜，香味十足，如果唔係怕熱氣，我連啲蒜都想食埋。😛
薑蔥生蠔煲：好鍾意薑蔥，真係好夾，生蠔好大隻，而且拖過油先連埋薑蔥爆炒，所以生蠔表面好脆口，咬入去入邊好軟熟。
咕嚕肉：酸酸甜甜，好開胃，唔叫個飯都覺得對唔住自己，啲肉唔算好肥，而且冇骨，啖啖肉。
食神炒飯：估唔到佢除咗海鮮小菜整得好食，炒飯都可以好精彩，竟然有紫糯米，令到成個飯嘅口感提升左，啲飯粒粒分明，紫糯米煙煙韌韌，加上蝦仁，蟹籽，豆粒同埋炒蛋，味道口感一流。
食到肚脹卜卜，今晚好滿足。
張貼
