翠林辣蟹舫

我今個月第二次幫襯！店舖面積不大，記住要訂位！樓面服務態度佳！避風塘炒蟹夠鑊氣！黃金蟹好食！鹹酸菜魚夠味道，材料竟然是龍躉肉😄！炸豆腐好脆！炸乳鴿入味又脆！可惜鮮菜既款色選擇較少！全部價錢都好合理！仲可以食番80年代既真材實料、鑊氣十足小菜！只能說「非常感謝」！

最近疫情已經慢慢穩定，有啲餐廳就推出優惠嚟吸引翻啲人嚟食，但估唔到呢間竟然可以做到半價，一隻蟹由$588去到$294🤑，就梗係嚟食吓啦🥴，都好耐冇食過🦀不過都好full吓，都bk到2030先約到👍🏻👍🏻蟹有多種整法，我鍾意有啲鑊氣，重口味就梗係揀避風塘炒蟹，再加幾樣小菜，每樣小菜都有半價，圍翻上嚟都係$50～$70，非常抵食😛😛呢隻都有番一定斤量，total分到6嚿，再加兩隻大蟹鉗🤩啲蟹拉過吓油，啲蒜焦香味出晒嚟，內裏就一梳梳純白既蟹肉，兩者相輔相成，簡直食唔停口🤩🤩黃金豆腐簡直多到俾幾個人都綽綽有餘，不過佢真係完全表現到咩係外脆內軟🥴啲豆又好香，豆腐又滑，真係完全係手工菜，每樣都好小心處理先做到呢個效果😆😆香辣炒土豆絲呢樣野真係比較少食，不過佢啲薯仔炒得幾爽口，帶啲辣味又幾過癮😛蓮藕欖菜炒雞柳呢個送飯一流，蓮藕又炒得爽脆，雞柳同欖菜炒埋一齊，增加層次感，唔會食得咁悶🥳食咁多香口野就梗係要杯嘢gur一gur，呢杯水蜜桃梳打真係飲到透心涼，啲果肉係真係鮮果肉，唔係罐頭貨，啲材料落足心機😚👍🏻

香港未開發前作為漁港，一向出名食海鮮，但咁大個人都未食過最馳名嘅避風塘海鮮，因為都同樣出名貴😭有日發現尼間專門食蟹嘅餐廳做半價優惠，唔食對唔住香港！😂避風塘香辣蟹好大份啊😳😳唔辣~炸蒜超級無敵多！蟹都好大隻，蟹鉗有成個碗咁大，啖啖肉。蟹嘅鮮味十足，連炸蒜一齊食都冇被遮蓋，蟹身炸過之後d殼脆卜卜可以食埋，岩晒懶人😀桂花陳皮鱔係將鱔片炸過，再加桂花醬一齊炒，甜甜地，鐘意食桂花嘅人一定要叫👌🏻鱔片切到大大塊，未至於好薄所以咬落彈牙又脆脆地蜜桃咕嚕肉好邪惡，咕嚕肉用左半肥瘦豬肉炸，好香口，上枱熱辣辣好脆，加上蜜桃酸酸甜甜一齊食冇負擔推介食神炒飯，上枱見到鯉魚形狀好驚喜，炒得好乾身，粒粒分明，有唔少蝦肉👍🏻/小tips: 特登叫人唔好收走炸蒜，留低撈飯💯食左2大碗😂😂/臨走前有個侍應服務態度有待改善🙁🙁扣左d分，其他都好滿意呢

收到風尖沙咀亞士厘道有間中菜館而家做緊優惠，好多小菜都有半價，連蟹都有，勁吸引，所以都約咗朋友收工去試試佢！可以半價嘅小菜款式都唔少，半價完真係勁抵！蟹就有五個煮法可以揀香辣土豆絲係朋友叫嘅，好爽口，一啲都唔會軟淋淋，又麻又辣，正！伙記話黃金豆腐係呢到嘅招牌，個個人食完都讚不絕口，半價完係$34，本來以為咁平會好細碟，點知一上枱真係嚇親，份量多到夠三至四人食！個皮炸得好香脆，內裏仲勁嫩滑，真係好出色，食完一嚿又嚿！呢個係欖菜蓮藕炒雞柳，蓮藕好爽口，雞肉夠入味！不過味道略嫌鹹咗些少，但用嚟送飯都OK！主菜嚟喇！呢個係避風塘香辣蟹，上枱已經聞到好香炸蒜味，一睇就知夠鑊氣！隻蟹夠晒大隻！賣相都幾靚！肉質幾新鮮，啖啖肉！配埋啲炸蒜食真係超好食！

因疫情同朋友已很久沒有見，六月有兩位好朋友生日一於訂枱食飯。朋友介紹我食呢間辣蟹話有半價一於訂枱訂咗7:30上到去超多人都要攞張飛等多陣先有位等到差唔多八點可能大家都好耐冇聚餐而且佢半價一坐低即刻嗌嘢食是侍應們都好忙但係都冇發脾氣都好專業都差唔多八點四十分左右 終於有嘢食避風塘炒蟹係我覺得必食佢有大中小辣揀我哋揀咗小辣蟹嘅肉質非常鮮甜，而且實淨唔鬆散，而且蒜蓉香脆送酒一流我非常喜歡呢道菜另外我哋都嗌左隻鹹蛋黃做嘅蟹，都係非常鮮味外表嘅鹹蛋黃又薄又脆，夾埋蟹肉食非常滋味呢個炒薯絲個人都十分喜歡，炒得香辣爽鮮麻辣福花我也很喜歡，如果少一點油會更好到最後值得一讚的是我哋有兩個蛋糕，老闆叫了他的員工幫我哋執好張枱在拿蛋糕出嚟幫我哋點蠟燭再影相, 係咁忙既時侯做到呢啲真的十分難得咁細心

前幾個月都食過幾次，琴日再去食，質素差咗，話就話隻蟹半價，但係size好明顯比之前細好多，可能都冇一斤，同埋可能煮嘅問題，個蟹鉗黐住啲肉，搞到食到碎濕濕，啲肉黐住晒個蟹殼，半價之後連埋原價加一，即係差唔多$400隻，唔算特別抵食，原價真係完全唔值，跟住叫咗一個差唔多原價$200嘅XO醬爆鱔，話就話半價，但係份量相對減少左，真係少得可憐，得果六七塊(如圖），咁就唔好學人話半價啦，最弊就係成碟餸喊到死，一D都唔好食，服務質素因為人多嘅關係，根本冇人得閒理你，叫佢拎手套方便食蟹，話比有冇比到，蟹鉗叫咗幾次先至拎到手，真係好失望

話說我老豆睇咗段片介紹避風塘炒蟹覺得我呢個蟹怪一定會鍾意食6月份仲做緊半價蟹/小菜所以就即刻訂檯嚟食！——————————————半價嘅避風塘炒蟹的確令我內心有少少期待嘅門口圍住勁多人訂咗位好彩我哋等左10分鐘左右就被派一張卡位卡位好舒適😌——————————————餐牌只有一頁兩版一版正價，一版半價半價嘅菜大多都好啱食😋4個人叫咗8個餸，包括避風塘炒蟹——————————————潮式酸菜魚$168 半價酸酸辣辣 好重胡椒味 斑片好彈牙 無揸流攤喎我哋飲哂啲湯😋😋😋薑蔥蠔煲 $128 半價 大約有6隻蠔 以呢個價嚟講都算大隻薑蔥收乾哂汁 好惹味👍🏽完全唔夠喉🙈 好後悔冇encore 蜜糖咕嚕骨😍😍😍 $98 半價呢個咕嚕骨好靚仔！蜜桃同咕嚕肉份量好慷慨🍑正呀！！好多酒樓而家都做唔到咁大方呢個真係性價比極高！有驚喜！XO醬炒龍躉 $188 半價味道幾好，龍躉份量略嫌少咗啲 黃金豆腐 $68 半價豆腐似係8福豆腐，滑得嚟酥脆鬆軟，好食又抵食！順德小炒王 $128 半價認知小炒王有九菜花裡面有蓮藕、鯪魚肉條、西芹、臘肉一舊係冇九菜花.....味道ok 不過材料一般 以$80 嚟計就小貴重點來

上網見到食炒蟹有特價,趁佢仲有優惠快D去食左先,而家食飯都係睇邊間最優惠OR平價先考慮,除左蟹,原來所有餐牌既小菜都有半價,聽到即刻勁開心,特價左之後好抵,大約$60-$80左右都有一個小菜老老實實真係慳唔少,先點左個鎮店之寶避風塘炒辣蟹SIZE唔算細,可以分到9件都幾多肉架,蟹肉好香好新鮮子薑炒牛肉,牛肉少少厚身,好多肉汁夠JUICY用子薑炒特別清香薑味薑蔥桶蠔,平時唔捨得食,而家半價真係唔點對唔住自己蠔都幾大隻,薑蔥好夠味~~

今日我同朋友book咗位食翠林辣蟹坊真係好誇張！七點鐘嚟到已經爆曬滿座，張枱都已經坐滿人就知道呢間嘢好好食，一早預訂位,仲要等一陣間先可以入座！所以下次嚟嗰陣時記住要book定位先啦！🤗🤗咁多人排隊就知一定好食啦！一於是試試我哋叫咗一個薑蔥蠔,避風塘蟹,食神炒飯,魚香通菜煲薑蔥蠔，離遠已經聞到好香嘅薑蔥味，啲蠔好大隻呀，一啖可以食一個，而且咬落口仲有啲蠔汁知道成口腔都係,又香又脆~~正！避風塘蟹！好有特色呀個避風塘蟹，上菜就知道佢架勢果然係呢度個招牌菜好似成座寶殿咁樣上，隻蟹超級大隻,隻蟹好新鮮而且肉質好彈牙同新鮮！食神炒飯，好得意呀個樣，原來佢係原條金魚咁嘅咁樣造型，魚生餘生好似喺嗰度游水一樣,真係靚到唔捨得食呀！而且每一粒飯都充滿咗魚子,食落去口感真係好鮮味！豉椒絲腐乳通菜街食得多有冇食過好似魚香通菜煲呢？原來都係好好味同埋好好餸飯㗎，如果肚餓呀唉呢一個真係一流！！

好耐冇食蟹喇，咁啱依間菜館做緊半價優惠，所以就同朋友黎試試。菜館好多人，座無虛席，所以一定要book位呀!我和朋友點左: 1. 避風塘香辣蟹賣相吸引，大大隻，非常新鮮，蟹鉗啖啖肉，調味適中，勁多炸蒜，好惹味，但唔會好鹹，辣度適中，一定要試!2. 潮式酸菜魚魚片厚肉新鮮，肉質彈牙，魚皮好重骨膠原，酸酸地好開胃。3. 牛仔粒賣相吸引，色彩繽紛，分量多，厚切嘅牛柳粒好腍，薯仔粒就外脆内軟，熱辣辣，好味道，值得一試!

見到呢排咁多人收藏呢間食店，仔細一睇原來餐牌上嘅菜式有半價，而且仲有避風塘炒蟹！立即book位試一試。平日嘅7pm去到去已經爆場，強烈建議一定要訂位先好去，如果唔係喺門口有排等。點左一客避風塘炒蟹、XO醬炒白鱔（有配蜜糖豆）、炒魚翅同兩碗白粥（$12@），除咗炒魚翅味道比較一般之外，其餘兩道菜都好好味！蟹多肉好鮮甜，白鱔肉質又彈牙，推薦大家試下。不過杯青檸梳打冇乜味⋯好似齋梳打水咁⋯大家可以試吓叫其他嘢飲。

本身自己好鍾意食蟹, 今次終於有機會試下翠林辣蟹舫最出名既辣蟹啦😎嘩隻蟹一上枱真係冇諗過咁大隻😎 （避風塘香辣蟹)~ 一上枱已聞到好香既蟹味,份量大, 足夠兩至三人既份量. 蟹肉鮮甜啖啖肉而且亦算易剝殼. 除了招牌蟹外, 餐廳仲有好多小炒小食可以選擇, 而且夠穫氣, 份量亦夠大碟. 特別一提要試這裡的酸菜魚. 魚塊啖啖肉, 配上酸菜特別好味又開胃.而且近期餐廳做緊菜式半價, 絕對係值得去一試. 💕餐廳：［翠林辣蟹舫]💕地址：尖沙咀亞士厘道24-28號天星大廈1樓A

社交平台見佢半價咁抵 梗係要過黎試下嗌左避風塘炒蟹 食神炒飯 同生蠔煲個炒蟹果然係招牌菜 擺盤都夠晒大陣仗隻蟹都算大隻不過嫌佢唔夠辣 但蒜香味都算幾入味而食神炒飯既材料好豐富 不過有少少咸而個生蠔煲就不過不失

一句講曬，完全唔值，半價只係招徠，實際都唔平，食物質素唔合格，尤其是啲小菜，求其一間茶記絕對好過佢，炸生蠔過火，硬哂，黃金鮮魷無咸蛋味又過哂火，硬到x街又靭，個飯無特別，只係特別貴，計埋半價加一要過佰蚊，個香醋骨無話可說，比差更勝一籌，very 骨，very多骨。薑蔥蟹好淡薑蔥味，亦肯定唔係乾煏，唔應該咁樣改名，全晚最得既算係個避風塘炒蟹同黃金豆腐，蟹夠香又夠味，但兩隻蟹比想像細隻好多，加埋一要三佰幾一隻通街都係，而質素都比佢好。豆腐炸得香脆，味道唔錯，半價連加一四十幾蚊算係全晚最對得住個價。結論只可到此一遊，兩次都唔會喇。

食物，環境，服務都痳痳哋，唔會再試，唔係全部餐牌都係半價，加一服務費係原價加一，唔係打折後價錢，食物超咸，原價食，一定唔會食，服務欠奉，唔會幫你加茶，食蟹連紙巾都冇張，成間酒樓，油淋淋，佢哋嘅所為招牌菜，黃金流沙蝦，蝦肉還蝦肉，炸粉還炸粉，唔好食，薑蔥生蠔好實又無味，個燉湯好似加咗水，唔夠味，我坐個位係角位，冷氣唔到，成餐飯食到滴哂汗，埋單$854，2個人，加一連碟花生要比$132，成張單實際要比15%，抵唔抵，自己諗。