翠林辣蟹舫

應承左朋友同佢食蟹好耐了，之前因為疫情關係取消了飯局，今日終於可以跟她敍敍!這間餐廳朋友一直都想試，位於尖沙咀鬧市上樓的餐廳，估唔到中午時段有這麼多人，原來除了食蟹，中午時段會有平價碟頭飯吃，吸引不少人來吃，而我們便吃了這裡的招牌菜。避風塘香辣蟹，足足有一隻大大隻既蟹，蟹殼炸到脆口，不會很難弄出!辣蟹味道非常惹味，少少辣，炸蒜脆卜卜，好香口!蟹肉都有著炸蒜的味道，而且很多肉，令人回味!潮式酸菜魚，因為我其實不太食蟹，所以搵了這個也是招牌菜的酸菜魚試試。魚片肉質嫩滑，沒有骨，份量都幾多，有大量酸菜，而且湯底夠酸，好開胃，如果配飯食一定吃惹味!蜜桃咕嚕肉，第一次食不是菠蘿的咕嚕肉，原來都幾夾!咕嚕肉不會好多骨，以肉為主，醬汁酸酸甜甜，味道剛剛好!而蜜桃甜甜地可以中和咕嚕肉的酸味，又是一個下飯的菜式!這裡的食物味道不錯，下次要帶屋企人來試試!

嘩嘩嘩！黎到食蟹嘅季節啦！一路係網上面都見到依間蟹大受好評，今日終！於！黎到食，因為之前疫情都冇book枱食，今次就book枱啦。原來依間都幾抵，小菜同蟹都有半價，我估平時一定冇依啲優惠。所以疫情下食嘢都平少少。叫左黑胡椒蟹，黃金蝦球同咕嚕肉就食得飽了。黑胡椒蟹好香黑胡椒味同蟹既鮮味。唔會太辣，加上有埋好靚既裝飾，覺得好中國風🤣🤣🤣而家仲有平，明碼實價，好過去西貢比人劏黃金蝦球依碟係侍應推介嘅。佢話蝦好大隻同埋係佢依到既招牌菜，所以我都好期待下。佢係好脆，又唔會太油，炸得好好，我仲見到基本上枱枱都有叫佢😂😂😂所以大家的確可以試下咕嚕肉原本以為咕嚕肉冇乜驚喜，點知又係勁脆勁有肉味好好食。幾十蚊一碟但配菜唔會少俾你。蜜桃又多，又大份，所以三個送都食得飽就係咁解

約了朋友去尖沙咀食飯，我們去了亞士厘道的翠林辣蟹舫，這裏地方寬闊，坐得好舒服，而且店員招呼殷勤有禮。看見牆上的明星合照，便知道這是非常出名食避風塘炒蟹的菜館。卡位都裝了亞加力板，阻擋了口沫橫飛，讓人感覺安心。我們點了避風塘炒蟹，黑椒蜂蜜牛柳，大爺鴿王。由於這裏是專食炒蟹的，我所以我們點了避風塘炒蟹上枱賣相，相當華麗。肉蟹個頭大，十分足砰， 而且啖啖肉，避風塘炒法蒜香十分惹味，必食推介。另外點了大爺鴿王，賣相靚又精緻，炸得皮香肉嫩，香口好味，用手撕開來吃，十分之味。黑椒蜂蜜牛柳，甜甜的，又有黑椒惹味感，牛柳肉質軟淋，肉味濃。總結： 翠林辣蟹舫是一間不錯的避風塘炒蟹菜館，賣相精緻之外，廚師手法有水準，吃避風塘炒蟹和小菜的好去處。

以前為遊客為主的餐廳，今日必須好好照顧本地食客。是日朋友做東道主，一連叫了多個菜式，未及補哂所有相片，唯有這𥚃補返一下，除了必食的不同蟹的口味（人多可以叫多幾款，一隻蟹一個煮法！），蟹真係不會輸得去邊，芋頭蚊鵝好正，八月節，芋頭超粉，鵝肉略嫌下欄較多，超多頸肉，😅！元貝及聖子各有千秋！濃湯雞煲翅，湯濃未見雞香，但清清甜甜，在我來說也不錯，唯朋友有點失望！拍蝦啫啫通菜煲，是嚐濃味的朋友之愛，但不是我杯茶！三蔥牛仔骨煲，熱、香，唯牛肉也是一般中式做法，多了一點鬆肉粉！仲有一個豉椒炒鵝腸，鍾意的朋友也許都幾高興！整體來說，海鮮都做得不錯！如果有個甜品會完滿些！價錢今次真係不詳了！😂建議參考返個餐牌，叫set 容易些預算！ps 上菜快、服務熱誠！疫情下，大家一起加油！💪🏻💕

我同男朋友都好鍾意食蟹，但係自己唔識煮覺得處理又麻煩，所以多數都會出街食。吃着麻煩，今次特登聞名以來，見OpenRice咁多好評特登嚟試吓。啱啱到門口，見到舖頭貼滿咗老細同好多明星嘅合照👍👍好似都幾受明星歡迎。店員嘅招呼都好好，好熱情咁樣同顧客傾偈，亦都會介紹佢哋嘅招牌菜式，見到唔少都係老顧客經常嚟幫襯。 一打開餐牌我同男朋友就覺得要必點「避風塘炒蟹 」，一直百吃不膩。避風塘炒蟹的靈魂是炸得金黃的蒜蓉和酥香的麵包糠。蟹殼金黃嘎嘎脆，蟹肉鮮嫩入味。最正係蟹上面覆蓋的那層麵包糠，蒜香、豉香中帶點點辣，過癮！「黃金流沙魷魚」好邪惡嘅一碟菜，鹹蛋黃鹹香惹味, 偶爾一次半次也沒所謂了，的確令人吃到停不了口！魷魚吃起來很彈口，新鮮度不錯，炸皮吃起來味道剛剛好，不顯油膩，適合當下酒菜的!會繼續幫襯！

朋友約我去酒樓食飯，今次到此店食蟹！一上去我見到食客正在廢枕忘餐食嘢，又聽到大家嘻嘻哈哈熱鬧的聲音，彷彿大家已經放低了近期疫情的壓力，趁住夜市放寬時間，出嚟食食抖抖氣，算是是一個舒緩壓力的好方法。一見到朋友感覺彷如隔世，坐低即刻雞啄唔斷，當然睇下餐牌有乜野食。脆皮乳鴿-侍應幫我們將原隻的乳鴿一分為二，各人一邊，乳鴿鬆脆肉嫩滑，而家做緊半價，本來七十幾蚊的乳鴿而家就係三十幾蚊，價錢實惠。金絲酒槽骨-排骨一嚿一嚿疊上去，好似玩緊層層疊，酒槽骨有酒香而且很入味，鬆化的肉香口可以送白飯，不錯。黃金流沙蟹-蟹是主題作，黃金流沙有種獨特的香味，比起避風塘的煮法不會太辣而有另一番咸香味，蟹肉夠紮實，證明係新鮮，食得好滋味。呢餐食得比平時耐，皆因大家好耐冇見，希望下次再等疫情放寬嘅時候再約多啲人狂食一番。

久違了的放寬夜市時間，即刻約朋友一起晚膳共聚一番，之前本身約好食蟹，卻因疫情令聚會一直拖著，所以今次趁著措施放寬晚市時間即刻訂枱。此食店位於尖沙咀，由地鐵站行過去都很方便。食店門面有很多大廚和不同名人合照的照片，而我們坐的座位附近牆上掛了一些榮譽獎狀，似乎很有號召力。這段時間做緊半價優惠。黃金流沙蟹主力食蟹也要選定用什麼食法，這款黃金流沙用上大是蒜泥也用上鹹蛋黃，香氣撲鼻，加上擺盤有夠架勢，很吸晴。其實用上大量香口配料來嚟煮已經贏咗一先機，淨係將蒜粒放在口中已很惹味，蟹肉新鮮，唯一係蟹鉗好硬整極都唔開，所以要搵服務員幫手整開，佢用鉗仆幾下，然後才用鉗慢慢開，見佢開得純熟就估佢一晚幫不少食客開鉗。莞香鮑魚炒粉絲幾大碟又多配料，味道香口，惟較油膩，要喝多兩杯茶去油膩感，整體不錯。食店主力的蟹是惹味十足，而且有半價優惠，食得更開懷，下次再約朋友食其他煮法的蟹，再開懷一番。

呢一間餐廳已經試過好多次，每次有朋友想食蟹都會推薦佢嚟食！環境乾淨整齊，座位寬敞舒適，燈光明亮。最緊要係味道好，材料鮮.呢間餐廳牆壁上滿滿的都是名人簽名，八點了還是客滿的狀態。.每一台都會嗌一碟蟹，睇完餐牌都係要繼續叫返「避風塘炒蟹」！避風塘的口感香辣脆，高溫爆炒過的蟹肉很緊實，可以吃到絲絲文理，又不會老。本來我以為勘吃的地方就身體而已，沒想到螯的地方也挺有肉的! 我不會啃蟹腳，但我相信啃蟹腳的過程應該可以讓人啤酒一杯一杯咁飲.最令我意想不到嘅驚喜嘅就係「燒乳鴿」，上枱嗰陣就已經聞到肉香，就算唔係查佢嘅外皮都笑得好香脆，最重要嘅係鎖死晒啲肉汁，肉質豐富，肉又好嫩！四十幾蚊有2-3隻，性價比超高，超級推薦.同行嘅朋友鍾意食麻辣嘢，所以叫咗一碟「水煮牛肉」，味道好，食完成身都熱晒，麻辣程度足夠，牛肉份量都好多，仲有搭配埋其他嘅配菜，鮮、香、麻、辣一應俱全，自己唔係太食得辣，所以唔係食得太多.吃了三次，每一次的感受都不同！會繼續來訪🤪🤪

疫情下仲係四人行，不過唔緊要，小人有小人一齊食飯嘅開心今日我哋四人行嚟到尖咀嘅翠林辣蟹坊一齊食小菜 我哋book咗位，所以一嚟到就可以入座喇餐廳依家做緊優惠菜式半價好抵食如果貪方便都可以叫套餐飲茶之餘仲有其他飲品一坐抵店員就送上花生小食....金絲酒糟骨賣相好靚好吸引，擺盤perfect因為本身都好鍾意食酒釀，所以一見到就即刻點呢個個菜果然冇令我失望，酒釀好香，金絲骨肉質嫩滑，非常juicyXO醬爆白鱔白鱔爽滑彈牙，每舊都好肥美，肉質厚實， 好有口感

同朋友兩個人想搵海鮮食 途經呢條食街見到有半價菜牌覺得好抵食 特別連招牌菜-炒蟹都係半價 圍番起嚟都係三百蚊有找一隻大肉蟹 所以就嚟咗試下佢有幾款蟹揀 例如黑白胡椒蟹 避風塘炒蟹 醬油蟹等等 我平時就比較少食醬油蟹 所以就點咗呢個黎試 蟹肉結實食得出佢係好新鮮 醬油味濃 夠曬惹味 蟹膏十足 店員仲會好貼心咁配埋開蟹殼嘅鉗同手套㖭另外仲叫咗個小食 黃金炸豆腐 外脆內軟 脆而不膩 仲會配埋泰式酸甜醬 送酒一流最後要大讚呢度嘅店員服務好好 除咗食完蟹會幫你主動換碟之外 亦不時會幫你加茶加水 夠曬細心

限聚令終於放寬至四人一台，是時侯相約一班很久沒見的朋友吃晚餐啦! 一大班朋友見面，最好就是吃中菜啦，圍著圓桌，分享食物，飲著啤酒，才是最完滿的聚會啊。 今日預早訂座，來到人氣高企的 翠林辣蟹舫，七時多到達，門口已有很多人等候，牆上有很多明星簽，看來是名人飯堂啊。 避風塘香辣蟹 $588 最近餐廳做大特價，菜式一律半價，所以叫了不少食物，吃多了，荷包也不肉痛，哈哈。避風塘香辣蟹，是餐廳的招牌菜。香噴噴的辣蟹，吸引無比，蟹肉好鮮味，吸收避風塘的味道。用手食才是標準的食法，感覺特別滋味。 秘製麻辣雞煲 $168 熱辣辣的麻辣雞煲，送啤酒一流啊！雞煲不算好辣，可以自選辣度。雞件都頗多，而且有很多配料，如豆卜、洋蔥、蒜頭，好惹味啊。

一直都好想黎呢度食蟹，趁著宜家半價優惠，必須過來試下～😜😜.🌸蟹醬焗香辣蟹 $588 必點鎮店之寶，有其他唔同嘅做法～譬如避風頭，黃金流沙，黑白胡椒以及薑蔥乾煏。我地揀咗焗，感覺上好似冇咁熱氣～.好大隻香辣蟹，蟹肉鮮滑美味，d蟹醬好入味。蟹殼都幾好剝，唔會食得太狼狽～.🌸XO醬爆白鱔 $188XO醬完美cover咗白鱔嘅腥味，白鱔較為爽口，唔會太淋，新鮮美味～.🌸拍蝦香芋娃娃菜 $128香芋配娃娃菜，去一去油膩。d湯好鮮甜可口，香芋好好味😋.以上價錢係原價，半價完後五百蚊有找～好抵!!!

經過尖沙咀，見到這家翠林辣蟹舫做緊好抵既優惠，而且好耐無食過蟹，想食蟹就和朋友一齊食了。Menu上寫住有30多款小菜有半價優惠，就點了喜歡吃的！蜜桃咕嚕肉， 醬汁輕輕掛在咕嚕肉外層，唔會太多令到咕嚕肉嘅外皮變淋！ 粉漿幾薄而且脆身， 咕嚕肉肉質嫩淋而且非常濃郁入味！仲係熱辣辣，非常好食呀。Xo醬炒龍躉，龍躉份量都唔少！而且非常厚身， xo醬嘅味道滲入龍躉四季豆之中非常惹味！ 而且非常有鑊氣嘅感覺。主角是避風塘炒辣蟹，蟹size亦都好大隻，蟹蓋內有膏香，香味吸引，而蟹肉肉質亦都非常新鮮，勁大隻蟹鉗，非常好肉！炸蒜粒超濃郁惹味。超抵食！

有好一段時間都沒吃過蟹，放工就和好友去尖沙咀專門吃蟹的店～我們先點了兩個冷盤小食，話梅苦瓜很有驚喜～酸酸甜甜又有點甘苦，質感也爽口，很入味～泡椒鳳爪，質地也很爽身～辣度足夠，作為前菜令我們很開胃～到主角出場，黃金流沙蟹！上次也吃過一次，吃完一直念念不忘～今次再和朋友去大吃一餐～黃金蛋黃和脆粉舖滿蟹身～煮好後上桌，很熱很新鮮～一口咬下蟹肉，肉汁流出，蟹肉一絲絲的，很鮮味～吃到我們都食指大動～另外我們也點了蜜椒牛仔粒有三色椒、菠蘿作配菜，酸酸甜甜很美味～牛仔粒厚身又滑，牛肉味濃～值得一讚～～

好耐冇食過蟹，今日放工一於去朋友推薦呢間位於尖沙咀既翠林辣蟹舫。原來而家好抵食，因為好多小菜都有半價。我哋掙扎咗好耐叫避風塘炒蟹定醬油蟹好，經過一番討論，最尾我哋決定咗叫醬油蟹，結果一啲都冇失望，醬油蟹好入味，啲醬油好香，肉好肥美夠新鮮，又多蟹膏，份量都好足夠。另外侍應推介我哋食黃金流沙蝦球：係得獎菜，用上鹹蛋黃造成嘅流沙，包住大大隻超彈牙又新鮮嘅虎蝦，啖啖肉，皮脆肉鮮，雖然係炸物但食食落一啲都唔油膩，真係超級推薦！另一種食法係沾上附送嘅沙律醬，入面有青瓜同蘿蔔，同蝦球一齊食，有一種清新嘅感覺。食神炒飯：一上枱就好有驚喜，因為師傅將啲炒飯擺成一條魚，賣相勁靚，炒飯配料好多，啲蝦同蟹子令成個飯變得好有口感，啲飯炒得夠乾身，而且個飯用左兩種唔同嘅米炒成，食落口感更有層次。黃金炸豆腐：炸豆腐個皮好脆，好有濃厚嘅鹹蛋黃香味，但入面仍能夠保持豆腐嘅香滑，細細件，好易入口！