翠林辣蟹舫

營業中

休息中

同朋友兩個人想搵海鮮食 途經呢條食街見到有半價菜牌覺得好抵食 特別連招牌菜-炒蟹都係半價 圍番起嚟都係三百蚊有找一隻大肉蟹 所以就嚟咗試下佢有幾款蟹揀 例如黑白胡椒蟹 避風塘炒蟹 醬油蟹等等 我平時就比較少食醬油蟹 所以就點咗呢個黎試 蟹肉結實食得出佢係好新鮮 醬油味濃 夠曬惹味 蟹膏十足 店員仲會好貼心咁配埋開蟹殼嘅鉗同手套㖭另外仲叫咗個小食 黃金炸豆腐 外脆內軟 脆而不膩 仲會配埋泰式酸甜醬 送酒一流最後要大讚呢度嘅店員服務好好 除咗食完蟹會幫你主動換碟之外 亦不時會幫你加茶加水 夠曬細心