翔壽司 (已結業)

第一次食厚福街呢間翔壽司，全Bar枱日本小店風格，師傅就喺正你前面整壽司。【特上壽司盛合】有10款壽司包括海膽、三文魚籽、牡丹蝦、帶子、炙燒金線鯛、拖羅、深海池魚、池魚、油甘魚、真鯛。呢個Set基本上全部都我鍾意食嘅，哈！講吓兩款軍盤先，因為要趁紫菜仲脆所以先食，海膽壽司上面啲海膽又多又鮮甜（老婆話），三文魚籽都好新鮮，冇腥味。拖羅冇列明邊Part，但應該係中拖羅，一入口啲魚油就溶晒出嚟，勁新鮮！其中我比較少食剌身嘅金線鯛，又即係紅衫魚都唔錯喎，火炙咗之後帶點甘香。【12件自選壽司】揀咗玉子壽司、火炙三文魚腩壽司、吞拿魚壽司兩件、北寄貝壽司、赤蝦壽司、甜蝦壽司、火炙左口魚邊壽司兩件、芥辣八爪魚軍艦、蔥吞拿魚腩軍艦兩件。呢個自選壽司都幾抵食，整體質素好高，剌身都好新鮮！連好難好食嘅吞拿魚赤身都唔錯！性價比幾高嘅一間壽司店，位置又方便，絕對會轉頭。食食吓先見到有個鮪壽司Set，有唔同部位嘅吞拿魚，下次一於試吓！

今日見得閒同阿囡出左尖沙咀shopping ，點知買買下原來己經到左食飯時間，就去左厚褔街揾野食，囡囡就俾左翔壽司吸引左入去。今次我地一人叫左個壽司set ，係餐單上邊既壽司全部都可以叫，但每款最多只可以叫2件，呢個餐最適合我地呢D 三心兩意 樣樣都想食既人。我地叫左魷魚、八爪魚、蟹柳、三文魚、三文魚楠、油甘魚、帶子、赤蝦、甜蝦、北寄貝、飛魚籽同埋玉子壽司，組成各10件既組合。所以壽司都係即製，師傅就係你前面即切，非常新鮮好味。專登叫三文魚同三文魚腩試下佢既分別，魚腩既脂肪比較比普通既魚真係肥美好多，但係囡囡唔想食咁肥都係食返普通既三文魚佢都己經覺得好好食。充滿魚油既油甘魚，新鮮彈牙既帶子、赤蝦同甜蝦，新鮮真係最好食。值得一提既係，佢地每件壽司都有加芥末，如果唔食既，點餐時就記得要講聲走芥末喇。舖仔細細，裝修風格同旅遊節目入邊既日式壽司舖一模一樣，店員服務態度好，又細心，真係同日本食好相似。翔壽司 (尖沙咀)尖沙咀厚福街5-6號多富閣地下4號舖

小妹同朋友都叫咗Omakase- Sho $450 包括咗4件刺身、7件壽司、一個吞拿魚蓉手卷同一碗麵豉湯 其實小妹真係覺得樣樣都好新鮮 但有幾款真係不得不讚👍🏻⭐️🦐牡丹蝦牡丹蝦大大隻 食落口真係好滿足 因為肉質好飽滿 蝦肉晶瑩剔透 完全係好有光澤 食落好有膠質同埋好彈牙 完全係高質材料🤭🐟火炙鯖魚呢件十分有驚喜 因為平時食開嘅鯖魚都係熟食 鹽燒/醬燒 真係未食過刺身 但真係好好食 生食嘅鯖魚肉質有小小似生帶子 肉質嫩滑 呢款比較多魚油 但真係完全唔腥 加上炙燒過 食落香噴噴 好食😋海膽軍艦小妹no.1 推介 必食之選 就算有朋友仔唔係食呢款Omakase 都要點海膽軍艦 要知道香港好多日本菜嘅海膽都唔係真係好新鮮 甚至有啲拎出嚟係瘀黑色 一睇就唔開胃 但係呢度食既海膽好有保證 一望就知道好新鮮 而且佢嘅肉身好飽滿 每嚿海膽都好完整 切記唔需要額外再點豉油因為師傳已經比咗少少 好！鮮！甜！好滑而且juicy🥳🤩食完啲海膽味仲會係口腔到停留😎完全可以encore encore 再encore👍🏻👍🏻👍🏻👍🏻👍🏻🐟大吞拿魚腩配紫菜呢款小妹都大推 原因只有一個 就係好食🤤首先紫菜配魚生係好夾

點左兩個set , 一個翔， 一個櫻， 兩個人食一個人食飽， 一個人食唔包😋😋Total 4件刺身🦪🦪， 十七件壽司🍣🍣， 兩碗湯🍵🍵🍵同埋兩件手卷🍙🍙...................埋單九百幾。——————————————————提一提大家， 哩間係冇得book 枱， 啲位亦都唔係好多， 大概有十個位到，地方都算比較逼夾， 不過尖沙咀食廚師👨🏻‍🍳發牌嘅地方差唔多，哩間相對上冇咁貴🥂🥂🥂平時都係12點開始開門， 如果唔係偶然行開過去食， 記得最好早啲到， 係門口等，因為佢地仲有得散叫， 或者叫lunch set ，Lunch set 價錢都ok👍🏻👍🏻等我下次試下同唔同嘅人黎食唔同嘅野試下先😀

Lunch omakase again🤤自從疫情後 我將所有budget擺去食嘢👅覺得lunch食omakase真係抵好多🥺 而且首先質素真係同連鎖冇得比 返唔到轉頭( ᵒ̴̶̷̥́ _ᵒ̴̶̷̣̥̀ )之前行厚福街睇到呢間小店lunch omakase $380起😍 trytry佢‼️✨翔 $450✨食好少少😛 有四款刺身七款壽司一個手卷♡︎(°´ ˘ `°)/刺身❣️北海道牡丹蝦 生銀雪魚 間八 大吞拿魚腩伴紫菜蝦好大隻鮮甜🦐 間八好正夠曬油‼️ 用火槍燒過脂香滿溢🤤 大吞拿魚腩伴紫菜係天堂 同紫蘇葉都幾夾😛 已經預先有鹽同wasabi調味🐟 想每日都食到🥺壽司🍣❣️白蝦 加左柚子醬油 蝦好甜有微微漿口🦐❣️伊佐木 配辣蘿蔔蓉🍣❣️大赤貝 厚切大隻好鮮甜🐚❣️針魚 上次第一次食 配上薑蓉又幾特別💛❣️赤鯥 簡單地配竹炭鹽好好食喎🐟❣️海膽 又係天堂forever love( ˘͈ ᵕ ˘͈ )❣️剝皮魚配剝皮魚肝 膽固醇之選 好好食呀🤤仲有個蔥吞拿魚腩手卷做結尾 食到捧住個肚走🤰🏻下次去邊間食omakase 好呢( ˙༥˙ )

尖沙咀厚福街，食肆林立好多選擇，同朋友行過「翔壽司」門口被餐牌吸引了，價格一目了然。再望望店內好企理，幾個師傅在壽司巴內即場製作。進入店內，鋪仔細細，一張長長bar枱大約有十個座位，乾淨整潔，玻璃櫥窗清晰可見種種新鮮食材，一坐落店員即禮端上熱茶；睇睇Omakase餐牌，$380就可以食到Omakase, 有10款壽司🍣，手卷和面豉湯，真係好抵。10款壽司🍣：牡丹蝦，伊佐木，活赤貝，間八，針魚，北海道海膽，赤鯥，新鮮銀雪魚，鯖魚和大吞拿魚腩。每款都好新鮮，味道鮮甜，肉質鮮美而不膩。魚類每塊都好厚，絕對超值。牡丹蝦肉極其甜美；伊佐木肉質通透和甘香，質感柔軟；活赤貝食落肉質爽爽地，味道鮮甜；平時好怕食海膽，驚佢啲腥味。但今次海膽唔腥，仲好鮮甜，而且好飽滿。師傅在赤鯥上面放了少許黑炭鹽，不用點嘢就咁食。火燒後帶出少少魚油香味，口感豐富。大吞拿魚腩大大件，好有質感，入口即溶。師傅對壽司嘅編排和送來時間都好有心思，每上一款都清楚介紹。還有蔥吞拿魚腩手卷，魚腩份量好多，一路食到尾都仲有魚腩，絕對貨真價實。最後以面豉湯結尾，湯內大大個蝦頭，蝦頭內仲有甘香嘅蝦膏，好有驚喜。翔壽司全部食材即高質又新鮮，絕

今日約咗舊同事食飯，因大家都好鍾意食日本野，所以就去厚福街「翔壽司」。 餐廳面積細小，環境乾淨企理，以一張L形高枱設計，約有10個坐位，廚師就係L形長枱面料理食物，壽司🍣係即點即做，非常新鮮。 我哋點咗……特上壽司盛合，12件自選燾司，落單時，店員非常貼心地提示，每件手握壽司都會預先抹上日式芥末，可能有點辛辣，如果怕辣的話，芥末可以另上特上壽司盛合$250包括有肉質肥美，口感柔滑，有入口即溶的拖羅、色澤金黃，味道鮮甜海膽、充滿魚油甘香油甘魚、池魚、深海池魚、真鯛，新鮮彈牙牡丹蝦、帶子、咸咸香甜三文魚籽等，10款食材新鮮的刺身，配上軟糯，粒粒分明的米飯，抵食指數爆燈🎈 12件自選壽司$198經火微微炙過，令油脂更甘香的火炙帶子、火炙左口魚邊、新鮮鮮甜真鯛、深海池魚、彈牙赤蝦、北寄貝、肥美三文魚、軟滑牛油果沙律軍艦、甜甜玉子、腐皮壽司，整體黎講刺身部份質素非常好，配上軟糯米飯， 好味指數爆燈🎈

翔壽司厚福街真係乜都有得食連日本壽司Omakase都搵得到😻而且價錢相當吸引今日就去食咗個午餐午餐有好多款選擇我同朋友各自揀咗自選12件壽司$198鍾意食咩就tick咩而且仲有部份係飛機貨 成本都唔平🤔但壽司list都有得揀以下係我哋比較鍾意嘅壽司💕火炙金線鯛即係紅衫魚用火槍燒過 將油分逼出來 魚肉好香魴鮄呢款係比較時令嘅魚類 魚肉鮮甜 加入有少少辣味嘅調味 個對比感覺好強帶子鮮甜美味 而且size都好大粒火炙左口魚裙邊一定要試 因為油份真係好香甜蝦甜蝦一定唔會令人失望 蝦肉新鮮 口感甜美 而且都幾大隻午餐仲配有前菜沙律及味增湯食完真係飽到捧住個肚出門口🤰

自從恢復晚市之後，大家都努力還返啲生日飯債，友人就提議去厚福街搵食，貪呢度多選擇。嚟到大家都表示唔係太肚餓，於是就選擇咗翔壽司食吓壽司刺身。小店規模不大，店內就只有圍住壽司師傅工作枱嘅曲尺形吧枱，大概只有十數個座位，感覺猶如置身喺日本築地嘅壽司小店內。我哋選擇咗精選刺身(二人前)，包括有三文魚、帶子、池魚、甜蝦、油甘魚各兩件，每款都新鮮甘甜。另外揀咗特上壽司盛合，總共有十款不同壽司🍣。海膽鮮甜醇厚，有入口即溶嘅感覺。三文魚籽粒粒晶瑩飽滿，咬落鮮味。牡丹蝦肉質厚實肥美甘甜。帶子味道鮮甜，肉質柔軟。炙燒金線鯛肉質經火炙後更加嫩滑有口感。拖羅雖不算十分肥美，但亦帶鹹香。深海池魚肉質較爽口，試一口足以令人回味。同樣係池魚，上面加咗薑蓉及葱花，香而不辣。特別要讚賞嘅就係呢度嘅服務，員工會首先問客人食唔食Wasabi，我同朋友各有喜好，於是壽司師傅就冇將Wasabi放入壽司內，而係將之放喺碟嘅旁邊，真係非常貼心嘅服務。

廚師發板一向都係一啲好昂貴極高級享受通常都係成千蚊上落唔到生日我都唔會試😂我朋友推薦咗我去尖沙咀呢間廚師發板價錢好平 而且地點好方便喺厚福街非常醒目嘅位置佢哋嘅廚師發板全部都價錢合理今次我食最平櫻餐 每位索價只係380蚊入到去餐廳環境 乾淨企理唔會因為價錢平台裝修簡陋一入去職員就安排我哋坐喺師傅面前✅壽司一共有十款 全部都即叫即整食落去冇雪味 每件都幾厚切啲食材都係貴價魚我哋試咗有金目雕 牡丹蝦 赤貝 伊佐木 海膽 開八銀鱈魚 針魚 生青魚 大拖羅魚腩味道由淡到濃 口感好豐富味道亦都夠曬濃沃其中金目鯛 銀鱈魚海膽大拖羅特別特別好食用呢個價錢 可以食到咁嘅服務質素同埋食物真係超值食完十件壽司之後仲有個超足料嘅蔥吞拿魚腩手捲食埋之後飽到不得了再配埋蝦頭麵豉湯 個口即時清新曬😂.總括嚟講呢間餐廳就係性價比高食物質素好價錢夠曬平地點又方便一定會再去😘.🎀翔壽司Sushi Sho🎀尖沙咀厚福街5-6 號多富閣地下4號舖

今日中午喺尖沙咀，人人都話厚福街多嘢食，所以我都去咗厚福街搵嘢食。嚟到厚福街，見到有間日本菜嘅午市定食幾抵，門口有好多人排緊隊，應該冇伏，於是我都拎咗張飛一齊等位。望望下門口個餐牌，掀起我想食壽司嘅食慾，於是就叫咗自選壽司10件嘅午市定食啦。每個午市定食都會有沙律同麵豉湯，如果要飲品就可以半價加配。飲品我就唔使啦，所以就咁午市定食嘅餐嘅價錢再加一就OK啦。自選壽司10件$168自選壽司款式好多，我就咁粗略咁求其掃一掃，應該有超過30款，每款可以最多選兩件，最鍾意食三文魚腩同帶子嘅我主要都係揀咗唔同款式嘅三文魚腩壽司同埋帶子壽司，包括火炙嘅三文魚腩壽司同埋火炙帶子壽司同埋辣味帶子軍艦等等。三文魚腩好肥美，無論係冇燒過定係火炙過嘅都好好食，充滿油香。帶子都幾鮮甜，而火炙過嘅就會比較香少少。辣味帶子軍艦辣味十足，啱晒鍾意食辣嘅朋友。另外我都仲叫咗火炙左口魚壽司，呢個一咬落去真係不得了，啲油脂係爆曬出嚟咁，成口都係油香，大滿足，早知叫多件呢個。仲有一個幾特別嘅係牛油果沙律軍艦，我都叫左一件。呢個估唔到又幾好食喎，幾啱我口味，牛油果又清新，口感又滑，呢個嘅調味又調得好好，好正。師傅好貼心咁提醒我

行過厚福街見到呢間壽司小店🍣見到都幾抵食🤩小編同朋友各自揀左唔同嘅壽司😋套餐仲包左麵豉湯同沙律🥰自選壽司（$168 十件）壽司有好多款選擇，除咗啲大路嘅壽司之外，仲有啲比較少見嘅🤤我哋樣樣都試咗啲😚就等小編講下比較值得試嘅啦！三文魚腩/火炙三文魚腩壽司一入口就充滿油香🤤超級肥美😍帶子/火炙帶子壽司帶子食落鮮甜好重，用火槍燒過之後香味更加勁，令人食慾大增😋火炙左口魚壽司火炙左口魚一直都係小編最愛嘅壽司之一😋油脂充滿口腔，仲入口即融🤤深海池魚壽司口感紮實，雖然油香好重但不至於膩👍🏽魴鮄壽司呢款壽司小編都係第一次試🤣色澤帶點粉嫩，肉質爽口，入口清甜👍🏽火炙金線鯛壽司呢款魚最特別嘅就係佢嘅皮有紅黃色嘅紋，火炙過後肉質紮實而且入口味道更香😋甜蝦壽司味道好鮮甜🥰極力推薦‼️-翔壽司 (尖沙咀)📍尖沙咀厚福街5-6號多富閣地下4號舖抵食指數：😚😚😚😚😚😚😚/10舔舔脷指數：😚😚😚😚😚😚😚😚/10

前排又去厚福街找吃的，由於當日天氣有d熱，就決定去食壽司🍣涼下。店內坐滿人，好彩等了陣就有位了。店內是廚師發辦設計，師傅在你面前整好後遞給你，還可以聞到火炙香味😋😋order了一個北海井，因為在我想不到吃什麼好時，店員就推介了這個最齊全的丼，有齊各種魚生（三文魚、牡丹蝦、帶子、蟹肉、海膽同三文魚籽）。近看之下、真係爆多三文魚籽，其他魚生質素都好好。蟹肉好新鮮，而且上面還有好香嘅蟹膏，撈飯一流。另外還有鮮甜海膽、厚切三文魚、肥美鮮甜牡丹蝦同帶子😋😋😋真係好豐富。朋友就order了$168 （10件）壽司set，好多款壽司任你配搭。特別喜歡火炙金線鯛壽司，鯛魚燒至半生熟，更能帶出鮮甜味。真鯛壽司肉質很鮮嫩，而且越吃越吃到甘甜味，好正！另外蔥吞拿魚腩軍艦入口即溶、配上芝麻，口感一流😋另外還點了鰻魚卷，用上非常厚身的鰻魚，而且少飯，夾上青瓜，配搭得剛剛好👍🏼👍🏼👍🏼值得讚的是店員服務都好好，好有禮貌，下次在來😋☺️

厚福街食肆林立，食日本嘢嘅店舖都唔少，我唯獨喜愛*翔壽司*，皆因食材夠新鮮，價錢合理，而且店員非常有禮，值得比讚👍🏻。尤其疫情期間，想食刺身、壽司🍣一定要搵間乾淨衛生，食材新鮮嘅食店，咁先可以食得放心🤗今晚首先點精選刺身 ：🥢三文魚肥美，油花均勻，肉質肥嫩香滑，油花充斥味蕾；🥢油甘魚色澤光亮，紋路分怖均勻，肥嫩結實；🥢帶子刺身，肥美肉厚味鮮；🥢甜蝦色澤橙紅，蝦頭蝦身緊緊連住，入口口感首先彈牙，慢慢咀嚼後開始黏口，而鮮味亦隨即爆發、非常新鮮；🥢池魚，魚味較淡，但肉質最紥實，口感係最好。特上壽司盛合🍣🍣三文魚子、海膽、帶子、牡丹蝦、油甘魚、池魚、真鯛、炙燒金線鯛、深海池魚、拖羅刺身部份非常新鮮最正就必定係海膽，口感幼滑甜美拖羅入口即溶，爆滿油花最值得讚壽司飯呢個部份，飯軟硬適中，粒粒分明，飯同醋嘅比例調教得非常好，配合埋魚生刺身一啖一口非常完美👍🏻

👧🏻Wodafoodie in Tsim Sha Tsui極滿足的自選壽司set lunch🍣🥰係尖沙咀食飯每次都第一時間諗到集多國美食既厚福街 今次去左呢間舖頭好細但好高質既🇯🇵壽司店👍🏻🍱午市Set Lunch 有10款定食可以揀 每款都配沙律，麵豉湯 飲品半價優惠 價錢由$58-$198不等 另加一服務費 最平已經有三文魚親子丼食😍今次同朋友都心思思想食🍣 一齊揀左自選壽司十件 選擇有成30種！😍 好開心有得揀自己鍾意食既壽司 每款最多揀兩件💁🏻‍♀️✨ 🍣自選壽司十件 $168 火炙三文魚/吞拿魚壽司/真鯛壽司深海池魚壽司/魴鮄壽司/帶子壽司赤蝦壽司/火炙金線鯛壽司火炙左口魚邊壽司/辣味吞拿魚壽司火炙三文魚/三文魚腩壽司火炙三文魚腩壽司/油甘魚壽司️吞拿魚壽司/深海池魚壽司火炙帶子壽司/甜蝦壽司火炙左口魚邊壽司/蔥吞拿魚腩軍艦佢既壽司真心全部都好新鮮！每啖食落去無雪味全部都好鮮甜🥰🥰！特別推介三文魚‼️無論係唔係魚腩都好肥美鮮甜。帶子好厚肉❗️赤蝦甜蝦都好甜❗️火炙左口魚邊入口即溶‼️ 一咬d油香滲曬出黎，同朋友一樣將壽司留最後食，勁滿足🤤🤤🤤店舖雖小，座位不多，但店員非常有禮貌，不時為客