影片
更多
2021-03-22
111 瀏覽
今日中午喺尖沙咀，人人都話厚福街多嘢食，所以我都去咗厚福街搵嘢食。嚟到厚福街，見到有間日本菜嘅午市定食幾抵，門口有好多人排緊隊，應該冇伏，於是我都拎咗張飛一齊等位。望望下門口個餐牌，掀起我想食壽司嘅食慾，於是就叫咗自選壽司10件嘅午市定食啦。每個午市定食都會有沙律同麵豉湯，如果要飲品就可以半價加配。飲品我就唔使啦，所以就咁午市定食嘅餐嘅價錢再加一就OK啦。自選壽司10件$168自選壽司款式好多，我就咁粗略咁求其掃一掃，應該有超過30款，每款可以最多選兩件，最鍾意食三文魚腩同帶子嘅我主要都係揀咗唔同款式嘅三文魚腩壽司同埋帶子壽司，包括火炙嘅三文魚腩壽司同埋火炙帶子壽司同埋辣味帶子軍艦等等。三文魚腩好肥美，無論係冇燒過定係火炙過嘅都好好食，充滿油香。帶子都幾鮮甜，而火炙過嘅就會比較香少少。辣味帶子軍艦辣味十足，啱晒鍾意食辣嘅朋友。另外我都仲叫咗火炙左口魚壽司，呢個一咬落去真係不得了，啲油脂係爆曬出嚟咁，成口都係油香，大滿足，早知叫多件呢個。仲有一個幾特別嘅係牛油果沙律軍艦，我都叫左一件。呢個估唔到又幾好食喎，幾啱我口味，牛油果又清新，口感又滑，呢個嘅調味又調得好好，好正。師傅好貼心咁提醒我
每個午市定食都會有沙律同麵豉湯，如果要飲品就可以半價加配。飲品我就唔使啦，所以就咁午市定食嘅餐嘅價錢再加一就OK啦。
自選壽司10件$168
自選壽司款式好多，我就咁粗略咁求其掃一掃，應該有超過30款，每款可以最多選兩件，最鍾意食三文魚腩同帶子嘅我主要都係揀咗唔同款式嘅三文魚腩壽司同埋帶子壽司，包括火炙嘅三文魚腩壽司同埋火炙帶子壽司同埋辣味帶子軍艦等等。
三文魚腩好肥美，無論係冇燒過定係火炙過嘅都好好食，充滿油香。
帶子都幾鮮甜，而火炙過嘅就會比較香少少。辣味帶子軍艦辣味十足，啱晒鍾意食辣嘅朋友。
另外我都仲叫咗火炙左口魚壽司，呢個一咬落去真係不得了，啲油脂係爆曬出嚟咁，成口都係油香，大滿足，早知叫多件呢個。
仲有一個幾特別嘅係牛油果沙律軍艦，我都叫左一件。呢個估唔到又幾好食喎，幾啱我口味，牛油果又清新，口感又滑，呢個嘅調味又調得好好，好正。
師傅好貼心咁提醒我哋食咗軍艦先，因為驚軍艦嘅紫菜會變淋，所以我哋食軍艦嘅時候啲紫菜係好脆嘅。
朋友都話覺得呢度嘅壽司幾好味，幾抵食。
食到臨走前，師傅好奇問我哋做咩唔揀多啲飛機魚嘅壽司，我哋問佢咩係飛機魚，佢話係日本新鮮空運過嚟嘅壽司，例如深海池魚、油甘魚、真鯛等等，如果揀飛機魚嘅壽司就會好抵食。錯過咗添，唔緊要啦下次一定有機會再嚟食。
張貼
