翔壽司 (已結業)

揾食揾食、厚福街真係好多野食，經過這間翔壽司，見到裡面坐無虛席，就等左陣入去試下。😆點了北海丼、上壽司盛合、精選刺身（2人前）［北海丼］勁多種類刺身，有海膽、牡丹蝦、蟹肉、蟹膏、三文魚、帶子及三文魚子，三文魚子一啲都不腥，中好好味，蝦又勁大隻，海膽、蟹膏配飯冇得輸［上壽司盛合］有8件，吞拿魚、帶子、三文魚子、池魚、油甘魚、赤蝦、炙燒金線鯛、魴鮄，件件都好新鮮👍［精選刺身］三文魚、甜蝦、帶子、油甘魚及池魚，最有驚喜係池魚，第一次食，感覺很鮮及清新😋食完飽晒價錢都係$520左右，抵食。有機會再經過會再來

放工約左朋友係尖沙咀食飯，由於未諗到食咩就行去厚福街望下，見翔壽司所以就排下隊試下新餐廳，等左一陣就坐低揀食咩，我地叫左個細丼飯！真係好新鮮呀😍大大片海膽膽帶子，仲要大量魚子😍自選壽司168 10件，試左幾件未試過既壽司真鯛壽司，魴魚弗壽司都係好特別未試過既壽司☺️當然仲有我好中意既左口魚，帶子等超新鮮壽司。我地望到鮪壽司拼盤全部都係拖羅😍好正呀，第一次試埋腦天（頭）同埋面脥肉🥰個餐仲配埋超正既吞拿魚茸手卷🥰好有滿足感

天氣好熱，好想食ｄ生冷野，於是就去左食去司喇～呢間壽司鋪開係食肆林立既厚福街，鋪頭細細，大概只有１０個座位，但就有３個壽司師傅同兩位侍應，員工服務十分好！鋪頭只有吧枱，可以近距離望住師傅握壽司，睇到食指大動！呢間鋪頭原來有omakase，晚餐價錢唔貴。不過我今日第１次食，試左自選１２件壽司拼盤先～我同朋友每人都揀左自選１２件壽司，太多選擇又咩都想試之下，我地最後揀左：壽司🍣帶子壽司／油甘魚壽司／甜蝦壽司／赤蝦壽司／魴鮄壽司／真鯛壽司／深海池魚壽司咁多款壽司，我特別推介油甘魚、深海池魚同魴鮄，油甘魚好甘香，深海池魚同魴鮄係出面都少食到～味道鮮甜，不況一試！朋友好鐘意食蝦，佢大讚甜蝦好好食！火炙🔥火炙金線鯛壽司／火炙帶子壽司／火炙左口魚邊壽司／火炙三文魚腩壽司火炙左口魚邊壽司一向都係我地既至愛，呢度燒得好香，左口魚邊入口即溶咁～我推薦火炙金線鯛，燒完既油入滲左落飯度，一入口魚咪香濃～軍艦🛳辣味吞拿魚軍艦壽司／蔥吞拿魚腩軍艦壽司平時辣味三文魚就食得多，變左做吞拿魚原來都好好食，吞拿魚本身既甘香加辣汁，絕配！呢個壽司店性價比高，一定會再來幫襯！

厚福街不嬲都多野食，今次搵到間食omakasa既小店，呢間鋪頭得bar枱位，環境係無咁舒服，但睇餐牌見到野食比一般壽司店平，覺得都值得give it a try特上壽司盛合（$250）有海膽、三文魚子、牡丹蝦、帶子、灼燒金線鯛、拖羅、池魚、深海池魚、油甘魚、真鯛相當足料，尤其海膽，都鋪滿晒，味道都幾新鮮。另外拖羅入口即溶，口感相當柔軟同無根，食完有一種滿足幸福既感覺，唔錯！精選刺身（2人前）三文魚、帶子、池魚、甜蝦同油甘魚😍😍 迷你三色丼（$138）細食既人食呢個都幾抵，有三款刺身，帶子夠厚肉鮮甜，三文魚籽夠大粒，海膽分量又都幾多，大滿足😝

我和同事忙咗大半天至完成手頭工作，休息下來才感到肚餓，原來已差不多下午兩點了，大家匆匆忙忙落街醫肚仔🥣，公司附近厚福街有很多不同食店，但我們今午都想食得簡單清淡，離遠見到「翔壽司」嘅午市定食，不約而同說不如食壽司🍣，小店空間細細只有十個座位，但充滿日本壽司店色彩🥰🥰10件自選壽司🍣 $168壽司選擇有三十種，可分為刺身壽司、軍艦壽司、手握壽司及火炙壽司，每個定食可自由選擇十件壽司，配上麵豉湯及沙律🥗各一份，我們合共選擇：手握壽司：三文魚腩壽司2件、油咁魚壽司2件、吞拿魚壽司1件、真鯛壽司1件、深海池魚壽司2件、帶子壽司2件、赤蝦壽司2件，刺身壽司因為結合了魚肉的軟嫩口感所以特別順滑，鮮美，入口後嘴裡留香😋😋火炙壽司：火炙三文魚腩壽司2件、火炙金缐鯛壽司1件、火炙左口魚邊壽司1件，送到你我跟前的火炙壽司，以高溫燒灼剌身增加食材風味，脂香中帶甜美，更有層次😋😋軍艦壽司：芥末八爪魚軍艦🐙2件、蔥吞拿魚腩軍艦2件，脆卜卜海苔蘸上壽司醋米和少許芥末，滿滿的包在嘴裡咀嚼，感受醋米的涼意和剌身的鮮味完美結合😋😋

今日去到尖沙咀厚福街搵食，見天氣咁熱一於食壽司啦。因為餐廳只係得bar枱位，座位數比較少，夜晚差唔到9點都仲要等位，一坐低我地就即刻落單啦。即叫即製，全部壽司同刺身都好新鮮。特上壽司盛合一共有十件壽司，有鮮甜既帶子同好creamy既海膽，大大粒既三文魚籽，鮮甜既牡丹蝦第一次食炙燒金線鯛，個樣都幾特別拖羅，深海池魚，池魚，油甘魚，真鯛等等既顏色都好靚好新鮮，充滿油香特上刺身（二人前）吞拿魚腩好肥美嫩滑，入口即溶。赤貝肉質爽口，最愛既海膽又係勁大粒😍牡丹蝦大大隻又彈牙。深海池魚同真鯛都好厚切，味道甘甜。。。翔壽司尖沙咀厚福街5-6號多富閣地下4號舖。。

Sushi Sho 翔壽司 is a place you can trust when you’re looking for the best value for money Japanese flavours in the city. Not to mention, it’s got a reputation for being one of the best quality budget sushi establishments. This blink and you’ll miss it eatery in Hau Fook Street has just 10 counter seats only, the main feature of the place is the sushi bar itself. Expect to queue if you go during peak hours!特上刺身 - 二人前 (HK$320)👍👍👍👍👍This platter has something for every sashimi lover, with each piec

我就好中意食壽司嘅香港依家都開左好多打著omakase 名號嘅壽司店但下下都成千幾2千蚊一個人仲要有時好難book 又唔係間間都真係好食，有時都激鬼氣同朋友講起想食壽司佢就話放工同我去尖沙咀厚福街一間小店度過下癮小店一入到去就見到d 人坐到滿晒，咁我都放心d入到去即刻order 左佢個12件嘅自選sushi set然後可能因為小店要趕住做下輪嘅關系，d 壽司好快送到嗱，壽司依家野睇圖都大概知其實係幾唔錯魚料份量夠帶子好有鮮味甜蝦好夠甜脊燒三文魚 亦都拿捏得唔錯無腥味但仍有魚嘅鮮味吞拿魚就普通正常吞拿魚蓉軍艦反而幾有驚喜幾有個隻似牛肉有浸鹹香但又稔北寄貝同左口魚就正常整體黎講唔會話佢同高級omakase level 一樣但以咁嘅價錢食到咁嘅質數絕對係超值一定比起好多連鎖店好店員態度又好會問 洗唔洗加茶師傅又好禮貌唔怪得成晚都咁多人

完全唔明白點解有咁多?! 是真的嗎？今日試咗呢間壽司店，完全唔得！今日見落雨，所以就一個隨便在厚福街找一間餐廳食午飯。在OpenRice見到這間「壽司翔」好多好評，就即管一試。今天我坐的是近門口吧枱的座位。本來想試$168 十件自選壽司，但看了壽司的選擇，覺得揀唔到10件，最後決定order $138的「自選三色丼」。我選擇的自選魚生是「油甘魚、赤貝、帶子」。先來沙律，麵豉湯，兩樣都正常，沒有什麼特別。三色丼由壽司師傅你給我的時候，簡直嚇了一跳!成碗飯總共只係有八片/粒魚生！！！（三片油甘魚、兩片帶子、加三粒赤貝）看見相中的檸檬就知道油甘魚的大小! 每片油甘魚還比半片檸檬小!赤貝幾新鮮，但真係太細粒。油甘魚跟帶子算正常，但沒有特別好吃。 可能我實在被它的份量嚇到呆咗~由落order（12:54）至到埋單（13:16）只用了22分鐘，我就匆匆離開，不好吃的壽司舖我也不想多逗留!（我見到壽司師傅是戴5．1口罩，另外也有一個店員戴黑色口罩。）

好正呀 今日朋友帶我去厚福街翔壽司食咗個平民價錢 但係有米芝蓮級數嘅廚師發板 店舖細細 可容納的人數不多 食客主要都是一字排開 排排坐面向廚師 一位廚師大概照顧三至四位客人 即場製作手握壽司 然後送到食客面前 今日同朋友各自點咗價值$450位既廚師發板''翔"(另加一服務費)，屬於價錢中等的一項 因為 當中包括四點刺身，壽司七款，手捲及湯 有刺身又有壽司 比較平均刺身包括 飛魚，間八魚 ，北海道牡丹蝦，大吞拿魚腩伴紫菜。刺身入口微凍 保證新鮮及優質 牡丹蝦非常巨型 啖啖肉 食落超滿足 蝦頭嘅膏甘香肥美， 魚生刺身厚切 食落有質感 細味咀嚼之下 魚油味滲出 鮮味非常吞拿魚拌紫菜 吞拿魚入口即溶 勁肥美 軟綿綿嘅吞拿魚同脆卜卜嘅紫菜形成強烈對比 超級讚壽司七款:白蝦，活北寄貝，北海道海膽，蜜柑鯛 ，剝皮魚 ，沙甸魚 ，火炙吞拿魚面頰肉( 餐牌是以上壽司， 但亦會因應貨源問題而作出調整 )白蝦是世界最甜美的刺身蝦類 肉質晶瑩剔透 肉質彈牙鮮甜美味 多隻細小白蝦 先有一啖 真係矜貴這裏的海膽壽司味道超鮮甜 超級新鮮 毫無半點苦澀味 超高質沙甸魚壽司 色澤亮麗 發出亮麗的 銀色光芒 魚味濃沃螢光

今次去翔壽司食晚餐，由原本嘅立食變成有座位坐，咁就可以同朋友慢慢嘆傾吓計。鮪壽司拼盤包括有：赤身、中拖羅、大拖羅、腦天、炙燒面脥肉、蔥吞拿魚腩手卷。中拖羅魚味濃郁‼️大拖羅油脂非常豐富‼️腦天魚味非常香濃，有回甘味‼️面頰肉充滿彈性，食落有啲似生牛肉刺身‼️手卷嘅吞拿魚腩蓉份量非常足，食到尾都仲有😍炙燒壽司盛盒包括有：炙燒吞拿魚腩、炙燒三文魚腩、炙燒吞左口魚邊、炙燒金線鯛、炙燒帶子。經過炙燒後，魚味更香。比較特別嘅係金線鯛，即係日本紅杉魚，魚皮上嘅紅黃花紋好突出，魚肉柔軟黏口，魚味偏淡但鮮甜☺️10件自選壽司只係$168，價錢唔算貴。點左比較特別嘅魴鮄同深海池魚。兩款都係深海魚，肉質鮮甜美味😋拖羅海膽杯喺飯上面鋪滿滿嘅一層碎拖羅，上面再鋪上肉質肥厚又大大片嘅加拿大海膽同入口卜卜脆嘅三文魚籽，真係超級滿足😌

之前經過厚福街見到呢間壽司店，有omakase，刺身似係幾新鮮。今日嚟咗呢度食lunch，不過lunch有啲趕時間就嗌個特上壽司盛合，下次先再黎試omakase!$250 十件壽司，都有少少期望。我最鍾意海膽同拖羅！海膽夠甜，平日唔算好鍾意食海膽都覺得好食👍🏻拖羅冇乜筋，都肥美其他壽司質素正常，壽司飯偏酸。位置有少少迫，比較適合一至兩個人黎。雖然店舖小小、但服務質素唔錯店員同壽司師傅嘅態度都好好下次一人午餐會再考慮黎食👍🏻

壽司一向都係我嘅favourite 😚行經厚福街，見到呢間的骰別緻嘅壽司店—翔壽司🍣嗰menu，望落去都好吸引☺️特上壽司盛合 ($250)- 呢壽司盛合所包涵嘅壽司款式都超級無敵多元，有海膽、炙熱金線鯛、深海池魚、三文魚籽等等，多不勝數😍- 個人鍾意三文魚籽軍艦同油甘魚，肉質軟滑，魚油香味突出，好好食啊😙特上刺身(二人前) ($320)- 嗰刺身都超正，深海池魚魚肉切片厚身，赤貝新鮮有光澤，咬落脆身爽口，而且鮮味十足💛- 超級推薦嘅牡丹蝦真係好好好食(重要嘅嘢要強調吓)，真係超級甜，新鮮嫩滑，一啲腥味都冇，好想食多兩隻😋拖羅海膽杯 ($138)- 呢個都係無得彈，係鮮甜十足嘅海膽同拖羅加持下，仲有勁多卜卜脆嘅三文魚籽，好似成個大海係個口入面，每一啖簡直係享受，配搭得好perfect 💛壽司同刺身都勁有水準，餐廳雖然麻雀雖小但五臟俱全，整體乾淨衛生，好正啊！🥰

餐廳位於尖沙咀，距離尖沙咀地鐵站路程需要5分鐘，餐廳主打的就是日本料理，而我這次更是挑選了他們的廚師發板， 價錢方面，只需要三百八十元一位，絕對是性價比十足。食物內容方面， 包含了金目鯛，蜜柑鯛，北海道牡丹，赤貝，間八魚，深海池魚，北海道海膽，沙甸魚，上面點點的薑蓉，更能特出魚的鮮甜，鯖魚上面有紫蘇葉和醋昆布，大拖羅，十件廚師精心挑選的壽司，中拖羅手捲和麵豉湯。 日本料理最重要就是食材，這家餐廳挑選的食材十分新鮮， 這樣已經完勝了，加上每一件也是由現在即時手工製作， 這就是廚師發板的特色了。

呢間壽司出左名性價比極高，💲380就可以一嘗omakase！💲198有12件自選壽司！單睇價錢已經好不得了🤣，由於價錢太實惠，所以餐廳嘅環境和舒適度相對要張就一下😅。.精選刺身二人前💲158三文魚、帶子、池魚、甜蝦、油金魚5款刺身都超厚切肥美😍🔸三文魚厚切大大塊，咬落好有口感🔸帶子由北海道直送，味道鮮甜又彈牙🔸池魚口感爽彈，配上薑蓉和蔥粒，味道提升了好多🔸甜蝦好肥美，油香豐富又腍口🔸油金魚超厚切，油脂甘香，停留係口腔好耐😍.10件自選壽司💲168三文魚腩壽司火炙三文魚腩壽司真鯛壽司深海池魚壽司帶子壽司赤蝦壽司火炙金線鯛腩壽司火炙左口魚邊壽司芥辣八爪魚軍艦蔥吞拿魚腩軍艦10款壽司都正常發揮，性價比真的好高🥳經火炙處理過的三文魚腩、火炙金線鯛腩 和 火炙左口魚邊 油份都迫了出來，油香豐富，入囗即溶😋芥辣八爪魚軍艦 和 蔥吞拿魚腩軍艦 都材料滿滿，有座小山丘👍🏼