翔壽司 (已結業)

同事介紹嘅小店，見到用apps book位有折，放假專登去左試，果然冇失望！ 叫左火炙三文魚、拖羅、牡丹蝦、北寄貝等等，全部都好鮮甜，蝦好新鮮彈牙 海膽好鮮味，一啲都唔腥 後來再encore北海道海膽同普通海膽，兩款都好正 值得一試 P.s. 除左散叫仲有set提供

厚福街係食街就出名人人都知，翔壽司成日都好多人坐滿一路都無得食，今日終於同朋友黎食，我地先點左精選刺身二人前，件件刺身都新鮮夾肥美，擺碟精美 ，有三文魚、帶子、池魚、甜蝦、油甘魚，個人特別喜歡池魚因為口感同味道較獨有，會連薑一齊食，甜蝦勁大隻好好味，特上壽司盛合都推介，件件唔同款，海膽軍艦大讚！好重海水味但甜度又恰好，入口滑嫩，炙燒金線鯛微脆，帶子好大粒，三文魚籽爆粒粒好正😂拖羅海膽杯一定唔可以唔食，加啲豉油一啖有曬3種口感，拖羅蓉入口融化，正👍👍

今日同老友晚飯，佢提議去位於厚福街#翔壽司，我當然讚成啦，最鐘意日本野。餐廳鋪位細細，坐位唔多， 好在老友記叻叻，一早book 定位。 #拖羅海膽杯海膽極之咁新鮮，好似食緊杯雪糕咁滑溜嘅拖羅，配埋咸香味俱全，粒粒都晶瑩剔透, 亮晶晶嘅三文魚籽，yummy 😋。#特上刺身牡丹蝦、吞拿魚腩、海膽、赤貝、深海池魚同真鯛～蝦鮮甜有咬落膠質感重，吞拿魚腩好正魚油香味，海膽入口即溶冇得輸，赤貝爽滑彈牙好鮮甜，深海池魚同真鯛魚質新鮮， 入口軟淋。 #特上壽司盛合海膽、三文魚籽、牡丹蝦、帶子、灸燒金線鯛、拖羅、深海池魚、池魚、油甘魚同真鯛～拖羅肉質肥美，口感柔滑，海膽色澤金黃，味道當然正啦鮮，油甘魚、池魚、深海池魚、真鯛均充滿魚油甘香，牡丹蝦、帶子新鮮彈牙，三文魚籽咸香甘甜。配合軟熟壽司飯，真係食過番尋味啊！

平民價嘅Omakase!!!仲要係名店”翔太”副線，食材一樣高級，師傅都係咁專業，懂得正宗江户前壽司握法。鮪壽司拼盤想食吞拿魚的吾同部分，可以點呢個Set!大、中拖羅，赤身，炙燒面頰肉，腦天，葱吞拿魚手卷。最特別係第一次食腦天有入口即溶、魚味極濃嘅感覺！！精選刺身(二人前)三文魚、帶子、池魚、甜蝦、油甘魚！每件都好厚身、新鮮、豐腴細滑！10件自選壽司🍣有幾款係必點嘅:深海池魚，油脂較高;辣帶子，好惹味;赤蝦、魴鮄，爽口，等等。所有米飯都來自岩手縣，赤醋調味，令刺身更添美味！座位得10個，非常有限，大家要耐心等候啊！

就在我天天嚷著師傅發辦為什麼那麼貴，最近荷包又緊絀的時候，最近真的出了很多平民版的師傅發辦，像這家一樣，既不是立鮨，食物質素不俗但最貴的發辦也不過６８０，比坊間的最低價格的發辦還便宜一半！環境：基本上就是像東京大和壽司差不多的樣子，不過感覺沒有那麼急迫服務：萬分貼近正宗ＯＭＡＫＡＳＥ，加水頻率，照顧客人也周到＄６８０套餐刺身牡丹蝦 香甜軟糯金目鯛 爽脆！炫目的金邊正正是鯛魚中的黃金版間八 大型的鰤魚，肥美，脂香較濃但又帶魚香赤貝 超爽口的貝類，夾在中間的赤貝很不錯吃，像天然的雪芭一樣炙燒鮑魚 鮮鮑魚味道非常香濃，口感煙韌，比中式的更多了一種天然飛魚 跟蔥味相襯，本來的味道比較像平民的鮮魚，魚香比較濃大拖羅 沒有筋的大拖羅，入口滿口都是魚油脂香，非常好吃！ 鮨物白蝦 爽口的程度比牡丹蝦更高，而且亦更香甜蜜柑鯛 用上了少量的蜜柑皮，把鯛魚的平靜帶來了一些深度銀雪魚BB 只有ＢＡＢＹ才可以當刺身吃，不然就會韌，ＢＡＢＹ銀雪除了帶油香而且不會口感過重，絕對值得推介北海道海膽 甜而軟滑而且夠凍，沒有腥臭，好吃沙甸 比較平淡的沙甸，魚鮮味很強烈也有自己的個性，並非人人適合赤鯥 很久沒有吃了，把岩鹽

今晚帶咗我媽aka百彈齋主🤣去食呢間只專注做壽司嘅小店🍣（佢個menu就真係得壽司同刺身！）店內位置好少，大約十個位左右，所以等位有機會要等好耐😣最好就早啲去！🐿12件自選壽司 $198除番開$16.5 一件（幫大家計埋😙）係咪好抵！！佢有30款壽司任你揀，件件份量都好足，魚生大大塊又新鮮！推薦：赤蝦、甜蝦、帶子、火炙左口魚邊、深海池魚😋我另外仲叫咗赤貝同海膽，全部都好正好鮮甜🤤食完之後，連我媽都話好新鮮好好食😂重點係... 性價比極高🥰🥰價錢比連鎖壽司店貴少少，但質素高幾班！呢個價錢呢個質素，我覺得好值好唔錯😙人均消費 $200-300

厚福街雖然好多野食，但每次行過呢度，都會比呢間壽司小店吸引！真係好小店，細細間，加埋可能得十個位，立食既佈置，不過都有位坐既！最中意佢有自選項目！自選10件$168，自選12件就$198， 總之就好抵！今次就同朋友叫左兩個自選12件！款式都好多可以揀！ 主要想介紹既係比較特別既辣味吞拿魚軍艦平時食開既吞拿魚真係想像唔到點同辣做配合，但食完呢個就覺得原來真係可以好夾嫁！好特別！可以一戰！芥辣八爪魚軍艦呢度既軍艦紫菜都好脆！同埋勁多勁多八爪魚粒呀！超正！又夠芥辣！好好食！火灸左口魚邊壽司呢度既火灸岩岩好，唔會燒得太少，又逼到啲魚油出黎，好好味！上到黎就暖笠笠咁！推介！

食左一餐架喇，口痕又想食壽司！即刻去附近厚福街「翔壽司」，滿足下壽司控既即興🤣🤣🤣小店L型圍住吧檯位置，坐到八至十人啦，唔算太逼！平時主打高性價比廚師發辦，今次純口痕就試下哩幾款：🍣上壽司盛合總共八件壽司 — 厚切鮮甜味十足既帶子、同樣厚切足料油甘魚、鮮香既三文魚子；用炙燒方法處理金線鯛，燒焦味唔重；吞拿魚既赤身位置、少見矜貴既魴鮄、同樣屬於白身魚既池魚、大大隻赤蝦啖啖肉，口感唔錯🐟精選刺身有五種刺身 — 厚切三文魚、保持住鮮度十足嘅帶子、池魚、甜蝦、油甘魚。池魚仲配埋葱同姜係側邊添！每款兩件，滿足一啲想食多款又驚飽既人🟠拖羅海膽杯令人眼前一亮一定係哩味：拖羅、海膽、三文魚籽😍海膽鮮甜，份量唔少配搭埋三文魚籽既鹹鮮，一啖可以食哂三樣野落口，層次好豐富🍱上壽司盛合 $180🐠精選刺身(二人前) $158🟠拖羅海膽杯 $138

夏天到雖然要減肥，點減都好 ... 晚餐都係要食嘅難得仔仔肯陪我出尖沙咀食飯知佢鐘意食日本野 ， 加上我想食啲少油啲嘅野，咁一於試吓呢間用日本小店。呢間壽司店所用嘅米，係日本產嘅米，即刻加分餐廳位於尖沙咀厚福街地下。店子不大，約只有10個座位左右。我哋去到已經八點半，相對人不多，只需要等候大約5-10分鐘已經有坐位了。店子雖少，不過勝在魚生、壽司選擇都算不少。仲有日本生蠔添。而且餐廳也有提供呢期大受歡迎嘅 Omakase ，吾想煩吾想揀就啱曬今晚先來一份二人前「精選刺身併盤」，刺身真係不錯，好開心有油甘魚同池魚，另外仲有三文魚、帶子同大大隻甜蝦，每款兩件價錢只係$158 ，抵食刺身好新鮮加上厚切，好合我心意。刺身真係不能太薄，咁樣食落先至有咬口試咗刺身不錯，吾少得要試埋個魚生飯。呢個「北海丼」$188 ， 有我最鐘意三文魚籽、海膽等等合共六款魚生，三文魚籽大大粒係超正。雖然話減肥，但兩個人食一份刺身加魚生飯，當然唔夠飽啦所以最後加多十件自選壽司🍣價錢只需$168，超抵食。我同阿仔特別欣賞壽司的飯，飯的軟硬適中，醋味巧好，一啖入口混和魚生鮮甜，真真真係好好味。左口魚邊、魴鮄、金綫鯛魚都好

尖沙咀CP值最高omakase😜 雖然每次黎都要等好耐位（因為成間鋪得10個位😭），今次擇左個最抵食既「櫻 Sakura $380 」Set, 包括10款壽司+手卷+麵豉湯。.▪️金目鯛肉質細緻肥美，金目鯛厚切，爽甜新鮮肥美而不膩。.▪️北海道牡丹蝦牡丹蝦夠新鮮口感彈牙，重膠質得黎好甜。.▪️蜜柑鯛蜜柑鯛的飼料中加入了蜜柑皮, 所以食既時候會散發出淡淡的蜜柑味，沒有魚腥味，十分易入口.▪️間八魚間八魚係日本被認為最高級壽司，因為漁獲量很低，口感幼滑細膩、風味鮮甜。.▪️赤貝廚師介紹為活赤貝刺身，食落肉質爽厚、味道更鮮甜，令人再三回味。.▪️北海道海膽海膽味較濃郁，但味道就偏鹹少少，口感較豐腴，鮮甜厚實。.▪️新鮮銀雪魚第一次吃銀鱈魚刺身、想不到魚肉這麼結實、好爽口又鮮甜 。.▪️飛魚 飛魚係白身魚，入口甘香清爽，還富有嚼勁！另外飛魚肉肉質易散開，所以每片都切得又薄又透，好考師傅的專業刀工。.▪️靖魚呢度既鯖魚刺身係經過醋製的，所以食既時候唔會食到魚腥味，反而可以享受到鯖魚鮮味。.▪️大吞拿魚腩大拖羅肉質粉紅，入口軟嫩，油分多分布，筋位少，相當有咬口。.▪️蔥吞拿魚腩手卷吞拿魚腩蓉肉質軟綿， 入口即融，配上脆

今天和同事去到厚福街食午飯，見到一間舖頭「翔壽司」，門外有很多人在等外賣。看見裏面的裝修很有日本當地的壽司小店風味，餐牌上套餐價格都算平民化，而且老闆曾獲米芝蓮指南推介，所以便入去試下。各款午市定食配沙律及麵豉湯，另可以以半價優惠加飲品。我坐的位置正正可以近距離看到師傅怎樣手握壽司，整好之後放在面前遞給顧客，確實好懷念之前去日本旅行在小店食壽司嘅情景。於是我點了自選壽司定食。先來一碗麵豉湯及沙律，味道不錯。自選壽司 10 件定食 $168油甘魚壽司、三文魚腩壽司、帶子壽司、深海池魚壽司、火炙真鯛壽司、辣味三文魚軍艦、芥辣八爪魚軍艦、辣味帶子軍艦、蔥吞拿魚腩軍艦、辣味吞拿魚軍艦。全部都好大件，肥美鮮甜。自選三色丼定食$138同事揀了三文魚、帶子以及赤貝。賣相好靚，每片刺身都係厚切，三文魚細嫩鮮美，帶子簡直是 JUMBO ，赤貝鮮甜爽脆。日本米壽司飯份量差不多有兩碗。平時同事好細食，不過她說酸酸地，完全唔覺自己食咗咁多。這餐美味又滿足，下次可以同老公再來，一起懷念日本小店嘅風味！

成日都見到人哋食omakase 不過太貴又唔係幾捨得盲舂舂之下搵到呢間平價抵錫omakase 我哋就揀咗$380套餐 櫻套餐有10件壽司，一個手卷同埋一個熱食。壽司方面有(1)金目鯛(2)蜜柑鯛有少少柚子味 提升鮮味 食落都幾refreshing (3)北海道牡丹蝦都好大隻下 冇腥味(4)間八呢個第一次食 口感比較厚實 食落都幾滿足(5)赤貝爽口 點少少Wasabi 冇咁腥(6)深海池魚平時都好怕食深海池魚今次有啲姜同葱上邊即刻冇咁腥(7)生銀雪魚呢個超好食 第一啖有煙燻味 之後就佈滿油香(8)新鮮鯖魚比較特別嘅係佢哋放咗⼀片紫蘇葉同昆布味道比較特別(9) 大拖羅大拖羅不嬲都係我最愛 肥而不漏 冇筋位(10) 北海道海膽超級鮮甜同埋有好多 大滿足麵豉湯大大個蝦去煮所以都好入味 食完咁多生冷野飲碗熱湯舒服晒吞拿魚腩手卷總括嚟講$380有得食omakase 都真係好抵食 仲要質素都唔差添

呢間位於厚福街嘅壽司店地方唔大但性價比非常高各種壽司都唔錯 幾好味尤其係海膽 同火炙左口魚 反而係個蟹壽司令我有啲失望 食落味道層次完全唔豐富但整體而言已經好好 無投訴服務方面就正常 唔算好唔算差有機會下次試下佢嘅omakase😁

上星期同事推介呢間壽司話新鮮好食Openrice 大部份人都建議$380櫻咁不如加少少叫$450翔開餐前習慣都係試左芥末睇下夠唔夠味心諗生磨芥末太淡味 豉油都係偏淡味開始冇乜期望第一道上枱前菜係以下3款， 師傅更有介紹順序咁食＜北海道牡丹蝦＞ 蝦迷老婆表示味道正常都算好味＜間八魚＞ 一開始仲以為係油甘魚 但好厚身大件唔錯＜飛魚沙律？ ＞ 就咁食係好平常既白魚刺身， 但師傅見到叫我地包埋紫蘇葉一齊食， 味道既衝擊由呢度開始， 估唔到包埋一齊食豉油都唔使點就已經咁夾同好味！＜大拖羅 伴紫菜＞ 同樣配搭紫蘇葉加上小量鹽及生磨芥末， 最後用紫菜包埋當手捲咁食， 咬左第一啖已經即刻嘩左，忍唔住即刻拎手機影底幾咁肥美自從17年係大阪街頭食過最正大拖後一直係東京北海道都搵唔返咁靚既大拖，老婆食完都想即刻encore壽司七款 完全唔使點豉油！每款師傅調好既味都好夠＜白蝦＞ 估唔到既creamy仲甜甜地＜活北寄貝＞ 第一次食生既 勁滑身爽口＜蜜柑鯛＞ 師傅處理得好好 小小火炙但入口即溶＜剝皮魚＞ 超滑一順入口仲即吞埋 好似食風但不斷回味＜北海道海膽＞ 究竟我食咗咁多次海膽係食乜嘢 超甜又滑仲鮮味 單點$

一路以來都覺得厚福街地舖嘅餐廳食物質素一般，我諗今次應該係一個轉捩點去改變呢個想法。 翔壽司算係一間中價位嘅餐廳，舖内嘅位置唔係好多，唔算大，係一間小店。作為一間小店來講可以選擇嘅魚生種類其實都算多。衛生環境OK，係可能會坐得迫啲。店內其實有omakase，人頭計$700都有找。不過我哋兩個人簡單食晚餐，所以就叫咗個10件壽司嘅set，佢哋嘅用料絕對唔孤寒，而且魚生都新鮮，值得留意嘅係有啲貴價嘅食材係唔會喺個set入面出現，所以有另外一張點菜紙俾你另外嗌，小食同熟食嗰啲唔多。食完個set之後都想再encore，就叫咗兩個手卷，同樣都係幾好