群記牛肉圓豬手

營業中

休息中

記得接近十年前在這附近工作... 經常到此店幫襯...呢間野咁既時勢都冇冷氣~ 都可以日日晨咁早賣晒d野4,5點就收舖...對此店既感覺就係...環境差冇冷氣... 地方污糟... 食物選擇超少...服務態度都幾唔好... >.<~唯一好感就係... 兩個字"好好食!!"d牛丸又好食又彈牙~ d豬骨湯底又香又甜又惹味~d熱辣椒油好似又係自家製~ 勁香勁惹味又唔太辣wor~啱晒我呢d唔食得太辣既人~ ^^碗群記牛丸米十年後都仲好回味~就算間野都仲係...環境差冇冷氣... 地方污糟... 食物選擇超少...服務態度差...我都再想去舊地重遊嗌番碗群記牛丸米食吓~ ^^ 要+辣既~

一直想來群記試豬手，總因為路遙而放棄。趁聖誕前夕阿媽話要睇花鳥魚蟲展，終來一試。下午一時，滿座，店外人亦不少，以為要排隊，但又見舖內有幾人企度似等位，問個執緊枱阿姐，阿姐邊執邊話：「我地呢度冇排隊要自己等位唔好意思。」冇問題，三人即時散開。阿媽經常自詡揾位王，結果又真係佢最快等到神位前面張細枱。三人叫兩細手麵，一細手米，一大淨丸（15粒）。講返轉頭，等位嗰陣見d豬手冇色水，真係打個突。如果我係盲中中中入去o既，話之你有幾多人排隊，我都未必會食，因為佢個賣相實在同我一般見識o既南乳味差太遠。呵呵，我呢d就叫「以貌取人，失之子羽。」最先來的係辣油，然後係碗大丸。牛丸無論size同口感都同食開o既牛丸唔同──細粒d，咬落好「林」。個人來說，不喜亦不惡。到手麵出場，有兩件（近腩？）肉放喺骨上，望真兩者都幾靚噃。夾舊肉嚟咬，嘩，好味喎，夠「林」但係又夠彈，d肉雖然帶著肥，但食落唔油膩。點辣油，辣油又好味喎，香而唔係太辣。食骨，上面o既皮好好咬口，都幾鍾意。至於麵，我食得慢，食完第一件骨即食都叫浸咗一陣，食時唔係出色但又唔係差。阿媽阿爸都鍾意。埋單$72。平過三人來回車費，唉，都唔知幾時會再來。好

其實食腸粉之前, 已到了群記先打底. 一點多, 人頭湧湧, 幸運的找到兩個位置, 在三人位坐了五人, 你有你, 我有我, 各不相識, 但又同吃牛丸豬手, 在小小的空間內, 為冰冷的天氣添溫暖.叫得牛肉圓豬手, 就叫而兩樣試.牛丸河: 6分, 牛丸質感麻麻, 味道無乜特別, 湯底似有味精, 只是一般.豬手米: 9分, 叫了碗細豬米, 份量仍相當充足, 豬手肥肉部份不少, 加上豬皮, 其實真係幾肥. 但肉好稔, 不韌, 點點辣醬, 幾香口.吃著的時候, 想起科隆的炸豬手, 炸得肉相當乾身, 口感一般. 相反, 群記的豬手比較易入口同入味.中菜真的不比外國的東西輸蝕.

上星期(26/11)去左雲泉賞菊，人太多所以無食齋。一多團體去，d齋就會馬虎d。回程在聯和墟落車，下午1時45分爵士拉麵截左人龍，轉去對面群記。跑馬日的群記人頭湧湧，決定外賣回家。兩碗淨豬手，一碗牛丸米。回家途中已聞到辣椒油的蒜香味，唔食得辣都試左少少，唔錯~~很香的辣椒油。牛丸米沒什麼特別，只是牛肉沒有根，淋d，細粒d。豬手~~皮爽肉嫩，清湯的好處是能吃得出鮮味同真功夫。沒有醬汁，差一些也不能偷雞。男友覺得不外如是，只是他不知道皮爽而肉不"酥"並非易事。下次要跟他去普通店叫一碗清湯豬手，他才明白群記的好。再者，此店的豬手大都去了骨，多肉少骨，抵食過出面廿幾三十蚊的好多啦。兩碗淨豬手，一碗牛丸米，加埋都只是五十幾蚊，幾抵食。

講到食豬手，一定係群記，就算唔知個名，都應該知係粉嶺冇冷氣嗰間。冇錯！係冇冷氣，唔係大排檔，但係都冇冷氣。大熱天時，三十幾度，人頭擁擁，個個都食到身水身汗，但係都依然大排長龍，無非都係為左碗豬手。其實小弟以前唔鍾意「啜手指」，因為出面食嘅豬手大多數都係南乳炆，d汁一大「pat」，好怕。有d就好腍，冇晒口感，有d又好韌，完全咬唔開，冇癮！不過有friend帶小弟去群記，令小弟對豬手完全改觀。首先係清湯豬手，d豬手唔會煮到一「pat pat」，入口好清，又食到上湯嘅鮮味。正！第二，小弟最怕啜骨，不過群記d豬手有肉有骨，原來豬手都可以有咁大舊肉，正！正！第三，口感一流，d肉唔會煮得太腍，啱啱好，有咬口。d手指腳趾(其實小弟都唔係好識分)都咬得開，唔會太韌，好爽口，正！正！正！最後，一定要配埋群記自家製辣椒油，非常惹味。不過冇冷氣始終都係差d，今日秋涼，十幾度，小弟都身水身汗，唔裝冷氣都整多幾把大牛角扇頂住啦！

路過。「細丸」有八粒：物如其名，但又不見得隔離檯的「大丸」「大」得到那裡（份量跟體積亦言）；論食歷，絕對不入彈牙之流；論味道，也許無味精湯底挽回不少分數。加分的，是那位位都送的辣椒油- 咱家炒作，十分足本。沽名釣譽乎？也許要試試隔離檯誘人的豬手再作定案。遠道尋芳，大可不必；港九新界大有可為之作。

此店對我來說不太喜歡亦不會再去不是它不好~~只是我愛吃軟"林"的豬手，而它的豬手太過彈口，雖然口感十足但我就是不喜歡，之後湯沒什麼特色只是平平的感覺，不鮮亦不甜沒傳說中那麼神~~只是會彈牙的豬手吧了。

搬左去粉嶺無耐, 上網搵食, 初登OPENRICE,都真係提供好多資料,群記成日經過, 人頭湧湧又冇冷氣,冇幫襯過...見食評有讚冇彈, 悶悶地終於去左, 都係果幾樣,不食由至可,真係有料到, 辣椒油, 牛丸, 豬手正到爆, 實在係咪真係有化學作用呢吓,牛丸真係好彈牙同夠牛味, 但係唔點辣椒油又真係差D , 家鄉炸卷就真係差DD......冇冷氣,食完呢餐\, 成身濕晒....... 如焗爐一樣, 最騎呢係, 聽到其它客人同事頭婆傾計, 話就離放暑假18-27號休息....嘩, 咩料呀, 做生意都會放暑假, 係咪禁誇呀?? 聽左都唔係好信

其實都成日去食...雖然佢\豬手河出名D,但係我反而比較鐘意佢\D牛腩河同牛丸~價錢一向OK~可惜環境實在有點兒那個= =~希望可以裝部冷氣啦...

今日去試群記的牛丸，果度都幾多人幫襯，我地點左碗大丸米同一個淨大手，豬手好爽口，不肥，牛丸好口感，D湯好夠味，態度ok，有以前麵鋪feel！喜歡吃麵的朋友一定要試！！D辣椒油好香！！真材實料。

去開文錦道，中午飯當然在上水或粉嶺一帶處理；其實打了很多次算幫襯群記，但不是時間關系就是客戶請客而錯過，今次怎樣都不錯失。踏入群記，沒有空調，昏昏暗暗，地方較殘舊，但光顧的客人駱驛不絕，更看到每台必點的上湯豬手，牛丸及米粉。和同事一起來，很快已落單確認了大豬手、牛丸米、牛丸牛腩麵、家鄉炸卷及汽水。因家鄉炸卷剛賣光而需多等一會，其他不用五分鐘已經送上。上湯豬手果然跟其他食肆的不一樣，簡單點的就是上湯烹豬手，豬手跟本分不到是豬手還是豬腳，因已經切開一段段，肉多骨少，咬下仍然是彈牙的，跟其他食肆腍腍的不一樣，滿口肉香味，跟食手爪羊肉感覺差不多，而上湯很鮮但較扁咸，冬菜味很濃，但可以。牛丸普通，跟樂園差不多，反而牛腩很好，除了不像坊間很濃的醬料及香料味外，其牛肉味很凸出，又不太腍，反而應腍的牛根又夠腍，其實可跟豬手一并。米粉比麵好好多，因麵的鹼水味相當重，怪不得每個留評食家都說要米粉。最後上的家鄉炸卷味道不很凸出，牛肉卷內的牛肉碎應是自制的，不會是咸牛肉，熱食食味不太好，反而涷了牛肉味很鮮，原因在離開前外賣了三碟回公司，故可試到攤涷的家鄉炸卷。跟阿姐閑聊得悉群記開了差不多四十，而更如數家珍的道

群記好食唔駛我講... 今次係講服務態度，唔好以為我實會彈佢o地串（不過阿姐係真係幾串），原來都極有人情味。（其實都係瘀事一則）話說今日我心血來潮走去食，o係準備埋單一刻先知，我冇現金o係身，唯有戰戰競競走埋去同老闆仔講（你知佢個樣幾凶o架啦），其實我真係以為佢o地會好似o的三姑六婆或o的蝦蝦霸霸o的人咁o係度嘈我，我連手機都攞埋出o黎諗住去咁完機先翻o黎贖翻，點知佢係好firm 好冇所謂咁同我講：「你去啦。」我都係口「姪姪」咁問駛唔駛擺低o的o野一陣o黎攞翻，連企o係收銀執邊o既阿姐都話：「得喇，唔駛喇。」我補o左句「我轉頭翻o黎！」就急急腳走去咁錢喇，返o黎埋單，老闆仔個樣都好似好冇所謂咁。噢，好有街坊街里o既感覺...（不過炸卷賣晒，想買翻份翻屋企俾媽媽歎都唔得...）

在愛吃群記的朋友中我資歷應該算淺不過數數手指也有八年學生時代住在北區可以常常吃到豬手和牛丸現在遷到九龍也風雨不改每星期也去一次每次到群記　我會這樣吃叫一碗大丸米和一碗細淨豬手大丸米是最抵吃的了一大碗有米粉有十二粒牛丸一定夠吃的了到群記就一定要吃米粉我在別的地方從不吃米粉只在群記吃看到大部分食客都叫米粉底可以想像在群記米粉和豬手牛丸是最佳拍擋叫淨手是因為只有淨豬手才有機會喝到豬手湯無法用文字形容當中的美味只有叫淨豬手喝到這個湯底你就會明白近來甚至會叫淨骨手來吃就是沒有大大舊的豬肉只有骨竟發現得到更大的滿足當然不要忘記辣椒油了也是群記的另一靈魂

在此看過一眾食評後,極想一試。今天因緣際會,專登與男友到群記品嚐。一坐,才發現沒有空調設備;酷熱難擋之天氣,實不宜在此進餐。看看牆上的紅紙,點了著名的豬手牛丸河(加腩汁){$21},小的牛丸河{$15}和一份家鄉炸巻{$18}。對著豬手,有點怔住了,那麼多皮,怎辦?幸好,其中有一大塊的肉,讓我嚐到豬手的味道。的確,是軟而不硬。像用白鹵水的方式去煮。加腩汁後的河粉不是特別的好吃。家鄉炸巻是用腐皮包裹著牛肉做的;牛肉味道像極罐頭咸牛肉的味道;也不是十二分的好吃。最令人回味的;也是最好的,就是那聞名的牛丸。小小的牛丸,彈牙爽口,肉汁鮮嫩。如果要再去,想必只為牛丸而去。

seeing reviews here, i request my family to buy back some when they r around. wow wow wow, have to be the strongest pork knuckle in history -- original taste ! they juz look so plain, yet the kind makes one selfish & dun want to share. & i culd finish a large bowl on my own. basically there r two kinds in each bowl. one of thick skin, bits of fat & big chunks of meat. the other of tendons, soft & hard bones. imagine complex texture & feeling in single meal. though v yummy, portions quite