群記牛肉圓豬手

營業中

休息中

群記熟客仔, 見到有劣評, 睇真d,地方唔乾淨,無冷氣,無禮貎......噢... 但係都係又話好食,奇怪?? 劣評係唔得食唔過喎, 地方差d ,招呼差d , 都可接受啦, 比劣評唔合理唔全理!!!!各有所好啦, 純為食野, 真係好好好好好好味喎!!!

好唔掂.....環境差- 幾十年冇裝修過！地方污糟- 千萬唔好去洗手間！碗筷又唔乾淨！冇冷氣- 只靠天花板上的風扇，夏天點算？人多- 要等位、要搭檯！食物份量少- 細細碗、十幾廿蚊！食物選擇少- 來來去去豬手、牛丸、牛腩！服務態度差- 冇人理你、自已攪掂！辣油不設外賣之餘，連買外賣粉麵要求多要一些也不行。營業不定時- 有時開、有時唔開、豬手賣哂就早的收！食唔食到睇彩數！不過...............剩豬手唔會太軟，有咬口，肉味夠，加上秘制辣椒油，一流！牛丸(牛肉圓？)米，有不一樣的牛丸味道，只此一家。湯是清淡的豬骨湯，米粉吸了湯汁，特別能吃出豬骨湯的美味。牛腩河都好正，牛腩是柱侯牛腩，牛肉味凸出，又不太腍，味道亦剛剛好！個樣好靚！食落重正！所以...........

見咁多笑臉... 一於去試吓.... 昨天約11:30am到達, 見差不多坐了8成人. 坐底后, 叫左豬手米,牛丸麵,炸圏及汽水. - 豬手好味及爽, 唔肥膩.唔似一般南乳豬手咁漏- 牛肉丸ok啦,有牛肉味, 但唔夠彈牙- 炸圏 :用腐皮包住牛肉碎炸成. 因炸得太乾,麻麻地食完后, 一身是汗, 要急買單走人. 因為舖頭內只有風扇, 太熱...... 下次一定會冬天先去.....

好耐無去食過，最近心思思又去食一次。0係第度我一定唔係豬手的，即係炆到深紅色0個D我一定唔會食。記得第一次人地話帶我黎食豬手麵，我都幾抗拒，又唔好意思話食其他野，就諗住去到睇下有咩其他野食啦。點知去到見到D豬手唔係平時見到0個D，仲切到一舊舊，見個樣又唔抗拒喎，咁就試下啦。一試就對豬手有D改觀，不過只限群記D豬手。真係好好食，加埋佢個自制辣醬就簡直PERFECT，我次次都叫佢比多碟。同朋友一人叫一碗面，另加一個淨牛丸SHARE，真係好滿足，真係就算遠一遠都要久唔久都要入黎食一次！

聞名已久嘅豬手麵,終於試咗喇,叫了一碗細o既豬手米,但都有好多舊豬手,啲豬手比想像中冇咁肥,最緊要係啲皮冇毛(事關好多時係出面食豬手都清得唔乾淨).不得不提它哪碟小小的辣椒醬,加埋啲豬手正係好好食呢!

今日搭左606去藍田再轉277x去聯和墟..雖然落住大雨又冇帶遮, 但係都冇損我想吃豬手面既雅興, 呵呵~~~今次試左炸卷, 好似係d腐皮包住d咸牛肉咁, 好特別好好味...不過失策咁彈左d湯同辣椒油落個袋...香到呀個袋..=_="激死我...

看見群記因環境及服務態度而得劣評,有點替它不值,如果真是熟客的話,便應知道這裡並不是十年如一日而是三十年如一日, 環境和招呼劣評,為何還是繼續幫襯, 唯一答案食物有質素. 坊間服務態度一流,裝修華麗,食物質素不知所謂的食店比比皆是, 如果要在這些只求做好食物的地度老店挑剔這些與食品質素全無關係的外在因素,實在是有點兒雞蛋裡挑骨頭

千里迢迢, 坐277x「搖」到聯和墟, 就是為了家父介紹的群記豬手。素來跟家人在口味上猶如南轅北轍, 但今次真係喜出望外!牛丸爽得來又好夠味, 本人覺得好味過紅磡某牛丸大王; 至於豬手, 一向都不愛吃,因為懶、嫌麻煩, 因為嫌肉少, 但係群記的不但肉多且淋, 而且煮得好夠味, 比起德國鹹豬手有過之而無不及。配咩粉麵都有學問。我揀了粗麵, 入口是嚇人的水味, 蠢! 原來大部分都叫米粉, 吸湯又沒有水味, 下次一定要精d,仲要早d ------------ 兩點幾去到, 家鄉炸卷已售罄!值得一提的是, 如果閣下怕熱的話, 千萬不要去群記, 應該躲在雪糕櫃裡; 如果閣下喜歡「吃裝修」, 也千萬不要去群記, 應該去室內設計專門店; 如果閣下認為優質服務比珍饈百味重要, 倒不如去老人院食飯, 有私家看護餵埋你........ 至於群記, 都係留番畀真正為食的人吧!

不認識粉嶺，如非有好評介紹，未必識到此店。試了一碗丸手米($22)：牛丸是自家製，在舖內機攪，細細粒無筋頗滑，不過說不上特別出色；豬手則有5件，2舊肉，3舊骨，皮脆脆的，肉味幾重，質地不鞋韌，些少咸味，有點似燒肉。至於米粉及湯底則普普通通。辣醬似是豆辦醬混辣椒油，不太辣而帶咸味，點來吃這碗湯米也不錯。

睇咗其他人嘅食評之後, 都好驚喜群記竟然無人比過劣評囉. 不過話分兩頭, 群記嘅豬手, 牛丸, 辣椒油真係好食好正, 尤其係豬手同辣椒油, 不過近尼幾年就真係同以前無得比. 我由小學開始每個星期都會同家人一齊去食囉. 需然唔算得上乜嘢熟客仔. 但係.... 我所認識的朋友... 有到過群記嘅朋友相信都會同意我以下嘅劣評. 1) 佢十年如一日, 重來都無裝修, 最主要唔係要佢裝修, 而係佢舖頭地下真係好dirty.2) 群記係無冷氣, 無論天氣幾熱, 佢都係唔會裝冷氣, 而且全舖都唔知有無五把風扇, 夏天去到佢舖頭, 人又多, 又熱到死.3) d 阿姐無服務可言, 佢舖頭經常好多人, 有一次我叫佢哋比支汽水我.. 叫咗好多次都無人得閑囉, 坐我旁邊個伯伯同我講. 你唔好叫佢哋啦. 你自己去拿就得啦..我即時O 嘴..不過最後都係找唔到人所以自己來. 4) 群記開舖頭有時係睇心情. 我記得前幾年有幾次. 走到門口先知佢唔開. 大佬.. 平日留留...中午時間.. 唔開門... 係群記先做得出.. 佢係串得起. 因為佢真係好食. 我每次乜嘢時間去到佢舖頭都好多人. 尤其中午.. 你唔好話找位

由細到大都好鍾意佢既野,不過宜家同以前既質數差得太遠呀!!!!!以前食完之後都唔會有口渴既感覺,但依幾年就食完都要飲大量既凍飲or水先得(so宜家一年先會食一次同等天氣涼d先去).......早幾日放假,突然心血來潮想食佢既丸手米同炸卷......所以就去0左食,不過去到已經冇曬炸卷......我就叫0左大既丸手米(雙拼冇得叫細碗)....佢既辣椒油都有唔同,比以前多0左好多油同冇甘香(我以前食就親都要用兩大碟先夠喉......其實係為0左佢d辣椒油先去食嫁....宜家一碟咋.....)論到手丸米,牛丸唔夠彈牙,豬手係抓位多而冇咩肉(有肉既都好難咬開)米粉都有d偏硬.......湯就咸0左d同唔夠熱.......食完之後,我都飲0左一支大汽水同一支水先解渴呀!!!!下次都唔知幾時先會再去食呀!!!

以前係聯和墟返學，附近都有好多好野食群記仲係我同一班朋友既至愛添但因為以前仲係中學生，如果餐餐都食成＄２０幾蚊又好似貴左Ｄ．．所以都唔會成日都去而家難得１次會入去聯和墟．．都會盡情咁叫野食．．＄２１既牛丸米簡直係至愛．．ｄ牛丸真係好好味．．可能因為我覺得豬手好難咬．．所以我就唔多會食．．最鍾意係ｄ辣椒油．．又唔可以話佢辣．．唔知點講好．．總之同出面食既１定係唔同．．好好味．．成日拎完１碟又加１碟．．如果冇左呢ｄ辣椒油．．我又會覺得失色不少．．今次係同我個ｆｄ一齊去食．．間鋪仍然係咁多人．．我例牌叫返大丸米，佢叫手丸米，又加１碟油菜，１碟炸卷，同埋２枝忌廉．．食到超級飽．．好滿足．．不過炸卷退左步．．希望下次黎會好食返啦！

開食肆,能夠十一點開始賣野,日日五點前賣晒,你仲想點?試問坊間有邊間麵檔夠膽話自己賣既係真正豬手?每次食都係豬腳又無肉,但食過群記你就知乜野係豬手.雖然以清湯形式製作,肉味卻香濃,不單啖啖肉,豬皮更是爽口彈牙,與一般南乳豬手,截然是兩種風格,配上店方每年只在年頭製作的辣椒油(作一年之用),惹味之餘唔太辣,易入口(但只是一人一小碟),不少食客更是添了再添,小小一碗豬手米,竟然是肉比米多,誇張!至於炸牛肉卷有點過火,味道一般,不試也罷!

18/4 wednesday, 一心入去粉嶺試爵士拉面, 點知又冇開,門口拉閘半開, 寫明今日開又冇開, 真係"怪士"拉面。咁就去斜對面群記整碗手丸米, 清湯豬手, 巳經切細容易handle, 新鮮豬手, 豬肉味濃, 不太林, 剛好有咬口, 吃慣南乳/柱侯的, 這清湯豬手值得一試。牛丸牛味濃, 清甜, 同元朗勝利差不多, 配面豉辣椒醬簡直天作之合。同枱的兩位女士, 吃完一碗手丸米再來一碗淨手, 來這店才知道原來女士們都愛豬手。

之前見到其他人對呢間店既食評真係搞到我心郁郁...因為路途遙遠...所以雖然好似好好味,但都不禁打消念頭...(起碼成兩個鐘車程架...=_=")尋日我終於"的"心干去左試喇,間店比較舊式,好懷舊feel...叫左一個豬手面同細牛丸, 豬手真係好好味,辣椒油香氣獨特,反而牛丸就比較普通,食完真係好飽..之後叫左個兩個淨既豬手同牛丸比屋企人品嚐..屋企人都話正, 不過成程巴士就真係好似顧個兩個"蘇蝦"咁..d巴士實左太"櫈"喇..唉ps如冇必要唔好去toilet..>.<..