群記牛肉圓豬手

營業中

休息中

上星期六同細妹諗住o黎試o下，下晝4:30入到o黎，阿姐就話只係得豬手，嘩~~真係相當唔休做﹗叫o左一個大o既淨豬手，好入味，好多肉，冇乜骨，加上群記獨家o既辣椒油真係好好味﹗想叫兩支可樂，阿姐黑口黑面地回應只有忌廉，佢\地真係好唔憂做，生意好到只有豬手仲有客人不停入o黎，我同細妹就望住黑口黑面o既阿姐包牛肉巻，冇得食，唯有下次再o黎~~~令到群記更唔憂做﹗

之前黎食過1次,成日都想再黎食,但搵唔到人陪,前日下午終於搵到機會同男朋友黎食叫左2碗豬手牛丸米同2支可樂,可能因為太晏,所以炸卷賣曬豬手依然好味,d肉好淋,完全唔韌,皮部份好爽口,又唔肥膩,配埋辣椒油,十個正牛丸好夠牛肉味,不過我覺得唔夠彈牙,我like牛丸彈牙d食完唔多夠喉,想encore多1碗,不過好似好誇張,都係下次先,下次試下d牛腩先~

看了KC與惡男兄的食評多天談豬手,也不禁要搭口,本人認為坊間的豬手是麥文記的較佳,但價錢也最貴,三十元一碟豬手撈麵,而用真的豬手上陣,還有劉森記和永華,其他的食店都用急凍豬腳.那麼兩者有什麼分別呢?為什麼大家都說自己用手而不用脚呢?其實是豬手較脚貴而已,分別在豬手較細小,骨少而連著少許豬展肉,所以比較多肉吃和豬展肉炆淋後很滑,豬腳較大而骨的比例多,如在街市肉枱買是較為便宜的,缺點是不連豬展肉,所以吃起來只有皮和骨.坊間的食店因成本問題,多用急凍豬腳,來價只需數元一磅,一碟撈麵的成本只需三數元,如用新鮮豬手,便要十多元了.

老早想試試這地痞老店，就是因為位置隔涉這個藉口，一直提不起勁來，「藉口」就是這麼可怕的負面力量。下午要入沙田忙成日，早早入來食碗豬手打底，自問細食，幸好豬手有細碗，發揮港人貪新鮮，樣樣試的性格，再叫個細淨腩丸；環境殘得可以，暗得日月無光，卻有著三分一後生顧客，暗自慶幸識食的後生尚未絕種，不然十年八年後，到處是連瑣店，偶也得轉行去也。坐下才發現檯上放著辣醬，撿一點放到舌尖，乖乖不得了，是說不出的辛香，微辣，早個十年八載來吃的話，定拿來當辣醬撈麵，吃個不亦樂乎，今腸胃不好，不敢玩命，醮少少來提味，足已。豬手雖非冰清肉潔，還算白白淨淨，豬骨湯來炆，清而肉味重，肉實皮厚有咬口，不懂煮豬手，直覺認為清湯豬手要做得好，一點也不易，尤其要做無臊味，南乳豬手可以靠汁醬遮掩，但清湯的，入口即見高下，有信心做清湯豬手的，好醜也要一試。又說淨腩丸，清湯牛腩，淡淡的牛骨味，合胃口，與華姐的做法是截然兩回事，味不及九記的濃郁有層次感，來是為了吃豬手，嚐到此等級數的清湯牛腩，算是Bouns，正正式色的牛腩位，牛味十足，炆得算腍，交到功課，牛丸，是一口牛丸，實心、牛味重但不爽口，當小吃，是不錯吃說。食，真的是一門很

上果排專登約埋d friend，山長山遠入到柴灣入到聯和墟．．噢．．休息關門大吉己經係第二次禁好彩，　呢間野都真係幾得喎，聯和墟真係好得意，對面間拉面又係關門多過開門，　四眼仔腸粉就由朝排到晚都有條龍．．．星期日再去過．．．十年如一日，ｄ亞姐依然係禁串，不過比我靚仔來時禁靚女, 亞伯都仲o係度,多左個後生仔,怕且都係太子孫掛...最緊要野好食啦，好彩水準都係十年如一日，　好味，牛丸都真係第二度點都食唔番，豬手加埋超正辣椒醬, d化學作用..勁..雖然搬離聯和墟十年有多, 但係就好似上引一樣,一年總會返來食幾次, 除味道外又或是那份童年回憶....

食開清湯腩忽爾心血來潮醒起呢間經典粉麵真係不得不寫聽見佢既大名已係多年之前姨姨每次講起粉嶺美食都少不得豬手麵最勁就係聽到佢唔憂做到有時一兩點就收舖但每次都係得個聽字直至一年前出黎做野有機會不時入北區加上行家有車先至真正有機會與群記相會第一次黎搵足半個鐘先至搵到仲要行過左龍都唔知你宜家叫我再講點樣去都未必講得到但其貌不揚既外表亦不能反映佢深厚既內涵豬手並唔係一般外面啡色既豬手好味真係要靠豬手既味道豬皮爽豬肉厚之餘仲唔算太肥大大碗又夠飽出面真係食唔到牛圓細細粒但係牛味好足雙併其實係最好食過之後真係欲罷不能成日心思思加埋辣椒油完全可以吊得起味食牛圓同豬手都一定要點係唯一可以同大利既辣椒油比架咋上鏡下紙皮石的牆身加埋牛角扇成個環境真係好似停留左係六七十年代真係好有feel一心黎得真係要做好思想準備因為衛生程度都係六七十年代但係咁好食真係無計真係睇唔出點解唔俾個笑佢不過宜家轉左工就無咩機會入去拜會佢喇變左飲食上既斷背山添...話時話點解無啦啦會諗起豬手麵既呢?莫非真係掛住以前份工?????定係掛住佢既「唔憂做」???其實都係一樣者...祝大家一切安好啦

前文龍記之後,講到要一試隱身粉嶺聯和墟的"群記"豬手,長假期差不多接近尾聲,尚有些少空閒時間,坐半小時巴士北上.穿州過省,香港地咁細,無話邊度遠唔遠.地點在聯昌街,坐正馬會隔離.唔算難搵.中午時份,人頭踴踴.插針都插唔入.店內選擇唔多,豬手,牛丸,牛腩等,就憑幾味在聯和墟行走江湖.豬手撈麵,麵質出奇地無鹼水味,豬手很稔熟,豬皮很爽口,色水無龍記等深,所以味道亦偏淡,但吃到真正豬手的原味.加多碗清湯.委實出色,下次如果再來的話,撈麵走蠔油轉腩汁,應該會吃得很過癮.山長水遠來到,無可能比一個豬手撈KO.來多一碗細size的牛丸拼牛腩.牛丸有牛肉味,夠彈牙,不過係無牛筋丸般實在質感,牛腩也不錯,但同清湯系的九記,柱候系的陳南記,又略遜一籌.群記的辣醬,少辣,但刺激,加埋蒜茸,非常香口.用黎撈面麵,也絕不為過.有時想食好野,花多少少時間跨區搵食.呢樣亦係享受生活的一種,斷無可能來來去去都係油尖旺老銅等旺區,或者係屋企樓下茶記?咁樣,同條咸魚有咩分別?

14/2，好多人都話正，今次第一次試，不過外賣，豬手米細o既，同普通粉麵咁大碗，豬手唔肥，又淋，加埋佢地o既辣醬真係幾正！

睇左肥轁本書,行完山過來試下, 嘩洗唔洗禁多人個門口, 原來有投注站, 又係跑馬日..都真係幾古色古香...6個人, 都等成半個鐘先有位, 叫齊晒所有野禁滯,因為都真係得樣野, 樣樣試過, 牛丸正, 細細粒夠肉味彈牙,好過晒d 所謂牛丸大王... 豬手都好特別清湯白色瘦肉多皮爽口, 仲有家鄉炸卷真係第二度未食過, 幾過引, 本書都無介紹錯,最緊要食物有水準, 價錢大眾化一人都唔洗$40 , 搭車來食都無蝕底!!!

群記(粉嶺聯和墟)前幾日下晝專登車入去食豬手撈, 豬手係就係幾爽, 同埋都幾得意, 因為色水係白白地色, 而唔係傳統黃啡色. 但係我覺得佢味唔多夠, 可能係人多關係掛! 但係個撈就真係不敢恭維, 個撈成個糊晒, 超難食, 唔怪得見隔鄰全部叫米粉啦!總體講, 普普通通啦!

今天是星期日，又是跑馬日，估唔到差不多2點鐘都係人山人海，等左差唔多15分鐘先搵到位。不過又真係抵等...豬手米仍然係咁香，仲有彈牙既感覺，湯底又清。總之...一句...好食!!!!!!!!!

甫踏進群記，一股花樣年華的韻味即襲人而來。但畢竟這埋不是60年代流金滿瀉的舊北角，更不是那年那月那紙醉金迷的大荁地。有這般年華，偏欠了那陣花樣的飄香。只因這埋是聯和墟-- 昔日的菜場。雖然沒有情怯的朝偉西裝筆挺的端坐一旁，沒有玲瓏素靜的曼玉默默凝視。但沒關係：可曾想到，在這陳舊破落，冷氣都沒裝的撇腳餐館埋,正在淥麵的阿嫂，後生的時候，也許就是粉嶺的蘇麗珍？和她出雙入對穿梭於菜場的周慕雲，也許正是今天躬坐在收銀機後的阿伯？正想得入神時，一陣豬香撲鼻而來。你怔了一怔，看見阿姐厚貌深情地問你要啥。在這關節眼上你卻遲疑了那千分之一、二秒，然後一鼓作氣的點了這埋的招牌作：豬手米。就是這碗豬手米，害得你一路上思潮起伏，心上七旋八轉的。阿姐應聲而退。幸虧還未賣完！否則要人悵然若失的空口而回，怎可得了？不消一會, 一碗炆得腍腍的豬手已展現眼前。白玉凝脂配上一瓢碧清的上湯，益發顯得她出落精緻，不是芙蓉出浴是什麼？罷了，弱水三千, 只飲這瓢罷了。你這刻再也顧不得儀態，手口並用的把這豬手往口埋塞：正是「皂雕追紫燕，猛虎啖羊羔」。你連啃帶咬，連咬帶扯，連扯帶嚼的把這碗天殺的豬手幹掉。那份狠勁，直教天地動容，四

26/11/2005 12:15pm相約朋友去粉嶺半日遊, 去到聯和墟第一時間找群記. 嘩, 中午時候已坐滿人. 等了一會有位後, 就叫了豬手米, 豬手河還有唐生菜(腩汁). 我們已不敢叫大號, 而是小的豬手河/米. 怎知小的也有6-7 件豬手, 每件都啖啖肉, 幸好是較瘦的. 那些膠質對身體,骨骼好. 哈哈, 我吃得理直氣壯. 我喜歡點些魚露吃. 唐生菜已加了腩汁和麵豉, 菜很新鮮加上2種汁, 很美味!埋單共$44, 朋友請客, 多謝她啊!P.S. 我們再三請求那些阿姐清潔桌面, 但她們太忙了...要吃的話,必須接受呢!

唔係咩達文西密碼, 但係一定好過講, 亞虫介紹我嚟...妖矛煮笑?(廣譯:有冇豬手?)用呢句"妖矛煮笑?"同D亞姐打招呼, 一定會有意想不到既後果, 就好似世界各地既華人見到中國人一樣, 有一份他鄉遇故知既感覺.不論係清湯豬手, 客家牛圓定係新界米粉都一定要點店自慢自家制受注度100%的辣椒醤. 正宗紫金STYLE, 加入新界特有既黃果仔. 個人認為用此辣椒醤炒莧菜, 點豆腐或者苦瓜, 都好夾. 當然要有埋食物既朋友, 啤酒啦.汕頭, 潮州牛丸有幾好味, 我真係唔知, 我淨係知橙同蘋果唔同味, 各有支持. 一種大, 一種細. 一種粗, 一種幼. 一種食彈, 食棚沙, 一種食實, 食肉味. 淨係個字已經唔同, 係好有分別架. 牛丸同牛圓, 馮京同馬涼.豬手既攻略係, 平日四點前, 禮拜六日三點前, 有日馬跑就第三場前. 咁禮拜三跑夜馬呢? 喂! 玩野呀, 人地唔做夜晚架!

一家四口入聯和墟捧場, 好彩早左d, 見到遲我地少少果位人兄要等我地食完至有得食~ 喊聲好彩~細佬個大牛丸麵有成11粒牛丸! 嘩! 真係好多! 細的有6粒! 雖然牛丸比其他地方的細粒, 但仍然幾有牛味! 裡面空氣都幾夠, 食到彈牙感。但比德發差少少。當然汕頭的才是至正!我媽, 妹妹都係豬手丸湯米, 而我係豬手丸撈腩汁。途中有人食炸卷, 我地都叫左一個食(好彩有人叫開, 應該extra有一兩客啦), 腐皮包住冬菜咸牛肉, 熱食就幾滋味。不過牛肉太多, 有衝動咬曬d脆位剩返d肉。湯就唔知點味道, 腩汁撈麵就真係呢~ 冇得頂! 果種膠質黏住d麵, 一住一住咁食, 真係好fantastic! 豬手唔係一般南乳味重果隻, 好清。不過唔知係咪我俾出面d豬手呃得耐, 唔知咩先係真正豬手(同豬腳有咩分別呢?睇來要請教豬手專家kc兄)。佢果d好多肉, 有d位真係好似食緊瘦肉咁。我個人鍾意食腳趾, 又脆又香! 連皮位又係值得俾個tick佢! 難以形容的好滋味!我果碗都有6粒丸同6件豬手! 信我! 撈埋腩汁的話連我咁大食都要投降! 山咁高! 點食得曬呀!辣椒油又係一個hell yeah! 撈落麵度好refr