群記牛肉圓豬手

營業中

休息中

在openrice, search 到群記~ 出名食豬手和牛丸. 我跟友人在聯和墟找了一圈, 原來它就在投注站旁邊. 2pm 門外排滿了要買外賣的人龍. 堂食是自己找位了, 有很多人, 好似街市般熱鬧.. 我們等了約15分鐘便有位了, 太好了!我們要了1 碗細豬手米+ 1碗細豬手河+ 1 碗細淨牛丸+ 1 支忌簾汽水( TOTAL : $59 ) 雖然我們都很少食豬手, 但是豬手真的很爽, 好味道. 牛丸細細粒, 一口一粒, 好得意.堂食的話, 店鋪內的位置很密, 很迫, 只是開了吊風扇, 夏天來食應該很熱. 但很有大排擋的懷舊的風味!

2008年3月29日下午2:30 要去屯門搵朋友, 山長水遠由灣仔去到新界, 當然唔好side車錢, 一定要用盡力去搵好o野食, 先去粉嶺行一轉先◦ 由火車站坐小巴n 快到聯和壚, 問四眼仔腸粉d客群記響邊, 前面兩間鋪(賣衫)卷仔轉左手邊, 再望右手邊, 在投注站隔離. oh! 到啦! 真係好近!好多人啊! 2:30 啦! 食飯時間一早過曬, 但係等位d人不斷入o黎! 好勁啊! 大約10分鐘, 終於等到兩個位, 其實食品選擇唔多, 好似mix黎mix去都係得四種◦ 豬手、牛腩、牛丸同唔記得咩卷…我要腩丸米, 沙牛男友要手丸米, 卷無貨無得食牛腩–有d “un”又唔係好入味, 中上水準牛丸–普通, 可以接受豬手–好香, 好好味, 佢唔係用滷水/五香, 係清湯, 好正!無咩味精, 食到我地兩個好開心! 個辣油真係好得, 好香啊!如果下次去開粉嶺, 一定encore! 正! 多謝收銀哥哥教我地由粉嶺去元朗◦

有點事路經,又想食一次,點知踫正紅假期,人山人海已經預左,反正一個人,都好容易插得落.誰不知人太多,豬手要暫停供應,好彩不過等十幾分鐘,口痕痕,將d辣椒油點黎食,好正.無得講,等都值得,肉多骨少,而且爽肉之餘味香濃,真正豬手同一般粉麵檔用豬腳係兩碼子的事,再加上自家製辣椒油,爭d滿分,唯一唔鐘意係d米粉唔夠滑,再好d就一流.

住左係fanling 20年..都係上年先知lei間d豬手好味....=.=...anyway~ e+知都唔算late ,,XD上學期去聯和溫書個fd帶我去食我本來對豬手都無麥興趣ga~~'不過試食過後~~~上左癮咁lor~~豬手瘦~~~豬皮爽~~~哈~e+係紅磡上堂都掛住聯和d豬手米lor!!真係一個月點都食一次!!13/3 2點30食人客唔算太多成日聽到豬手停賣@口@wow~~可想言之幾多人食lei =D服務...OK...自己倒tea..環境...換左新台~比摺台安全左~裝修都係咁簡陋....$19 細手米P.S...好可惜唔食得牛LA....如果唔係實食埋牛X

樣樣食物都好好味, 尤其豬手和牛丸, 湯底又清甜......只係環境真係差些.

三點鐘到,好不容易坐下,叫手腩米,但剛剛冇晒豬手,要等半個鐘,唯有等,期間人來人往,迫到不得了,半個鐘後真係有得食,正,令一向覺得豬手肥lei的我也讚不絕口,仲有牛丸米竟然有十二粒牛丸,吾怪得賓虛今既場面

一間立足粉嶺聯和墟數十年，可用殘舊無裝修沒舍服務以費不平宜的粉麵檔來形容群記，但在以上食肆的死症情況下這店鋪仍絡繹不絕，其實大家來都是幫襯其白水豬手、牛丸、辣椒油。上次過來已經年多的事情，幾趟到粉嶺聯和墟都沒時間過來幫襯，今日就好歹預留點時間舊地重遊。通常米粉在下午三點多就售清，今日來到仍有存貨，當然是來一碗細手米。差不多每檯客人都非點不可的菜式，見廚房阿姐切豬手的超快速度仍是追趕不上，都要等上一陣子。豬手米配上這裡咱家制作的辣椒油，果然味道仍是不錯，這裡的豬手是利用白灼的方式爆制，故沒有坊間的肥膩口感之餘還有脆口的感覺，另外配料不多，豬手的獨特清香味表露無遺，而這裡的白水豬手拿捏準繩，現香港能以白水豬手作招來的已經所剩無幾。聯和墟已經幾隔涉，但為食的老饕們應該會抵擋不住的過來幫襯

14Sep2007 1507另一假期目標亦準時達到，基本上憑以前的記憶，膽粗粗由大埔搭巴士來。三點幾都有七成滿，果然名不虛全。一場入來，就點了豬手牛腩米。每人都有一點自製辣椒醬一小碟，小辣而有炒過的香味是這裡的特色，前面的食評基本上個個都有講，正所謂小食多姿味，冇整多一碟。豬手骨及肉大約四比六，不像一般粉麵檔的骨一定多過肉，這裡的是以清湯形式的豬手，賣相一點也不吸引，食落去時肉既地方啖啖肉，還有微微肉香，加埋辣椒醬，食得非常過穩；牛腩這裡用了柱侯形式烹調，肉及肥根的比例大約2及8，還有少少坑腩，炆得幾入味，腩汁亦很濃味，如係撈粉麵就最完美。食得好滿足，下次來時可以試埋其他及賣一樽辣椒醬返屋企。

朋友成日話呢度d牛丸好好味, 某日下午佢就帶左我去呢度食間野完全唔起眼，隔離係賽馬會投注站，去到門口先知道原來真係咁"up dou"叫左碗細既牛丸米(細@$16) , 大既就@22碗, 不過佢個度好似無奶茶咖啡個d,得可樂,紙包飲品! 一碗野唔包野飲。加埋佢既辣椒油..正呀,超辣佢d牛丸好細粒，不過好好味，應該係自製的,唔似出面食個d大大粒。因為本人唔食豬手,所以唔知好唔好味。真係好好味，去到fanling 必食。如果係肚餓既你或者大食既你就要叫大碗喇!

午飯時間，店內實在有太多顧客。主人與奴隸獸唯有在附近左逛右逛。三十分鐘後終於有座位，於是點了：1. 牛丸麵（細碗，HK$17）：牛丸不夠彈牙，但還算爽口，味道普通，但辣椒油為它的味道增色不少。2. 豬手麵（細碗，HK$17）：豬手清爽，不肥膩，彈牙有咬口，配著辣椒油果然是好味。

d評語咁誇

繼上次嘅上水之旅後，今次再度遠征，經一番兜兜轉轉後，終於揾到呢間心儀已久嘅小店，一嘗呢度嘅牛丸及豬手....响粉嶺火車站出嚟，烈日如火，穿過一條又一條嘅天橋及隧道，行咗差唔多成十五分鐘先嚟到聯和墟...原來跟客家菜名店新漢記相距不遠，上次去新漢記行過都冇留意，及後知道原來係名店一間....行完一大段路程，飢火大旺，叫碗牛丸豬手雙併米，先對得住自己....好大嘅一碗嘢，豬手足足有成六至七嚿，最啱鐘意啃骨嘅我。豬手屬清湯豬手，跡近用白烚手法弄成。食落皮有彈性，亦夠膠口；肉亦夠淰糯。但最弊自己不嬲喜歡味較濃嘅食物，呢個食落感覺確實係有點兒"清淡"，但絕不表示呢度嘅水準唔OK。柱候及清湯豬手，可謂各花入各眼，實各有千秋...喝一口湯，好重牛骨味，真材實料。望落去色水淡淡，但飲落卻係頗濃郁，確不俗。使我想起從前係天后華姐飲到嘅，如出一徹...牛丸細細粒，食落尚彈牙，算不錯。但若要小弟選擇，我會選擇投從前旺角樂園一票...但跟上水嘅陳六記、明記腸粉及廣成冰室一樣，呢度位置委實太遠嘞，只能試過就算....

我初戀女友住係粉嶺聯和墟。以前（十幾年前）我每個星期周末都由太子道坐個幾鐘頭巴士去她屋企。後來分開左，最掛住既除左我的那個她之外，就是群記既辣椒醬、牛丸同埋炸卷。十幾年後某天我舊地重遊，發現群記不但生意依然很好（好多人專登由九龍甚至香港島渣車入來食），食物水準越來越好。好開心找回我的“味覺回憶”。當日離開時，我還走過去和隆街緬懷一番；長興書局還在，可是商店櫥窗倒影下的我已經面目全非。十年人事幾番新，真是有一點“笑問客從何處來”既感受。

好多人都推介呢到於是入左去食一次牛丸米,好味道牛丸好彈牙,食完想食多次,d辣椒油好好味,好獨特!呢間好受歡迎,晏晝2點幾,已經賣晒牛腩,炸卷,而且好多人叫外賣~價錢方面幾滿意!不過環境比較細,衛生麻麻,地下好多水,(可能因為個日落雨)好似無乜野飲~by the way,值得試

一提起粉嶺附近有乜好嘢食，大部份當地人都會話「群記」嘅豬手。响粉嶺一帶做嘢已有一段日子，冇理由唔去試吓。如附圖所見，呢度嘅豬手唔係做南乳去炆，而係類似用水去白烚，要食豬手嘅原味，嚟呢度是一個選擇。平時嘅豬手，因為係炆嘅緣故，所以肉質會比較淋；反之呢度嘅豬手肉質會偏向爽脆，各有各嘅風味，喜惡亦因人而異。想惹味一啲嘅話，千祈唔好錯過呢度嘅辣醬。呢處嘅秘製辣醬，風味近似桂林辣醬。個人認為，白烚豬手本來係平平無奇，但係加上辣醬之後有畫龍點睛之妙。有見及此，店方都特登獨立包裝辣醬零售。我會傾向單買辣醬而捨豬手。有一點要注意，由於係老舖關係，裝修會比較殘舊，而且空調欠奉，建議大熱天時都係唔好堂食，以免响辣醬嘅影響之下食到汗流浹背。一碗豬手麵大約二十五蚊，路經附近，可以一試。