群記牛肉圓豬手

營業中

休息中

難得一日假期，便和辣椒女到粉嶺試試這間出色的豬手。(很久前已聽說，可惜太遠，一直沒有時間一試。)本來打算坐小巴到聯和墟，但剛好滿坐，又不想行或等，最後決定坐的士去，一上車告知地點後，的士司機就像導遊一樣，不停說那一種好味，那一種不用叫，快肥就不要叫豬手，湯就味精太重不要喝....等等；實在想不到，短短的路程，便得到唔少的資料，可知這食堂真的幾出色。我們叫了一碗大的豬手河和一碗細的豬手麵。豬手河 - 豬手明顯皮爽肉鮮、不用怎樣加鹽加醋、已經很出色，實在值得一試；河粉是幼身的、都算幾滑口、但味道只是一般、。豬手麵 - 原本是叫大碗的，但伙記可能聽錯，來了一碗細的，無所謂就照食可也，麵明顯很大鹹水味，雖然都算幾彈牙，但鹹水味太濃，實在沒有什麼興趣，心想好在來錯一碗細的，下次還是叫一碗淨豬手好過。辣椒油，幾香幾好味，每人一小碟，可另加添。有時間，還會再來食，但只會叫淨豬手一碗。

LUNCH TIME 同事提意去食豬手,所以夠鍾放LUNCH的時候就CALL 定的士.一行三人,一去到12:45右左,一入到裹面9成人都係食緊豬手米或牛丸米,又多人等位,我們等了5分鐘就有位了,我們點了2個豬手河1個豬手米及一碟家鄉X卷.豬手米:豬手的肉同骨巳分開的,大大夠肉好有口感好淋原汁原味, 因為食不出有味精成分的,湯低好清甜,米粉OK LA ~家鄉卷:不太脆,可能不是剛剛炸好的,似是放了很久,外面是腐竹,內裹是牛肉崧.下次要試下牛丸米~^.^~

有日星期6下午坐朋友車去到上址時間都2點45分了都要排隊.....唔通真係咁出名?等我試試先~我地好辛苦先拎到2個位, 而且好迫不過唔坐有排等~一坐底即刻叫左個牛丸河,豬手,家鄉炸卷開飯~牛丸彈牙有肉味~唔錯豬手點D麻辣醬勁好味~就算唔食得辣的朋友都唔緊要, 本身D豬手好夠味了家鄉炸卷....剛好最後一碟= =真係好彩, 祖先保佑, 呢味鬆脆可口, 不過我喜歡加D甜醬食2人2碗河+豬手+家鄉炸卷+2支汽水共銀$114

星期日返完教會後，再次同媽咪到「群記」食豬手河 今次又係好好運呀~ 又係成舖都係等緊位既人，但係醒目既我唔駛一分鐘就搵到兩個位喇~ 得到上次既經驗，今次一次過叫哂要既野，特別係鎮店之寶「豬手」 因為上次好彩食得到，遲兩分鐘都賣哂，要等至少半小時先再有 大豬手河 x 2﹕我同媽咪都好欣賞呢度 d 咁乾淨同咁原汁原味既豬手 再加上 d 咁幼身滑滑 既河粉，真係好好好正呀 最後我連 d 湯都清埋，事關真係好清甜，一d都唔覺得落左味精呀!!!淨大豬手﹕咁好味既豬手，緊係要encore啦~~ 蘸上呢度特製既 辣椒油，真係好掂~油菜﹕雖然只得一款菜---唐生菜，但都好丫，好過係西生菜呀 d菜灼得剛剛好，唔會過腍，ok~由於晚上會到二妹家中打邊爐，所以媽咪建議買d豬手同河粉俾未試過呢度d咁好食既正野的二妹試下 既然媽咪有咁既建議，我就叫左兩碗大淨豬手及一碗河粉(全部走湯)外賣。晚上打邊爐時灼一灼熱就食得喇，真係好正~ 二妹食過都話好味呀~ 至於d河粉就仲受歡迎，一歲多d既bb女都食左好多呀!! 最後，豬手同河粉都食哂，但阿妹自己買果d火鍋料就仲剩好多丫~ kakaka~~

行完山坐車到聯和墟，路過此店見有位，難得啦，即入坐低．叫碗豬手河啦，回應：3:00pm之後至有．．．坐了一陣，聽了十幾次．無奈要牛腩河啦，（大碗）又唔覺有咩特別，但都幾ｏｋ，反而最出色係一碟仔（辣椒油），特別香，唔識形容．下次要試豬手至得

26/12/2008拍住拖去試呢間野唸住叫牛丸同豬手不過豬手賣哂喇得番牛丸就叫左牛丸河同米各一碗喇d牛丸好有牛肉味,好香又夠彈牙size又唔大唔細一啖岩岩好間野睇落唔多起眼但佢地既牛丸真係出色

呢間係我由細食到大的麵店，最愛係牛肉炸卷...+簡直係限量供應咁. 由十一點度至兩三點都係擠到水洩不通，要食炸卷真係要早啲...有時一點已經賣光... 仲有佢啲豬手好正，牛丸好彈牙.好多人專成揸車入去食. 等位都等好耐吓..."FIRST COME FIRST SERVE"不過呢度係無冷氣的...夏天真係熱到人都癲...但一樣係咁多人!!呢間家庭式經營的鋪頭. 三代一齊做. 一齊唔休無得做....有啲紅假你放佢都放...新年分分鐘放得仲長過你(初八定十二)...但都係一間值得推介的老字號.

早前幾次經過,都推說豬手一早售罄,實在有點失望,畢竟真正主打豬手的自始一家,別無分號,就趁放假的一天,午飯也不吃,好歹都要再來,辣椒油可以說是這兒的靈魂,一小碟卻芳香樸鼻,想買回家嗎?當然可以,不過只在每年年初才賣一段日子,要買便要早點.雖然已經加價,但二十圓左右一碗,滿滿的蓋在碗上,實在覺得物有所值,皮是爽脆,肉是嬌嫩,蘸點辣油吃,簡直人間一絕.要門面的人,不可不必來,這兒的出品是人情味,是幾十年老店的獨特風味,而非金玉其外,打腫面皮充胖子,說什麼幾星幾星,得啖笑.

辛勞過後的例牌, 必為群記。三位女士, 一碗細手米, 一碗細丸米, 及一碗細手, 合起來的synergy是一個肉山。 群記豬手之得, 清湯之濃甜, 不贅; 是日皆為啖啖肉貨色, 一碗淨手加細手都無一隻腳趾損下, 為唯一之敗興。不嬲都不太喜歡其牛丸, 可是而家各元朗牛丸名店都不及群記之時, 原來我是身在福中不知福。最好笑的, 是"全走"的油菜, 吃落去是有極濃豬油香?! 雖不到題, 卻甘之如飴! 多謝群記給我一個放肆的藉口!看到好幾篇食評, 皆說女士對豬油是比男士反感, 因為女士對"不健康"十分注意..... 那不喝淡奶專吃煉奶, 不吃生油獨愛豬油的本人豈不是夠鐘死?!

今日同媽咪去完教會後，就專程造訪這間人人叫好的「群記豬手」 幸好媽咪又愛食豬手，否則就....... 往群記的路途中，我已同媽咪講明﹕應該要等好一陣位、環境可能唔多舒適、d野食我都唔敢包好唔好......好彩，媽咪對我所假設的都唔介意~ 雖然這是第一次到這店，但好順利喎 唔駛媽咪多行冤枉路，真開心~ 如果話俾我知間舖原來係馬會旁，我估我唔駛怕搵唔到啦嘩~~~真係勁多人呀估唔到間舖真係咁細......裝修??好似無乜 好有懷舊feel啦無冷氣，只得裝在樓底的大風扇 好彩天氣涼涼地~ 點解舖面咁既款，但都咁多人等位﹖坐又坐得唔可以稱得上係舒適....四周既環境又唔係好好....食物供應既種類又少....一時間好多「﹖﹖﹖」.....幸運地，我們等了不足兩分鐘就攝到位呀 落左單後，都要等好一陣才有得食...但食物一來，謎底便解開了~~~我同媽咪都係叫大豬手河﹕$ 23，成個碗面都舖滿哂豬手架!!! 未食先睇，d豬手好乾淨呀!!! 無話有全是豬毛，good~ 我媽咪都話好難得出街食有d咁乾淨既豬手 睇完我就一口咬落去...好味呀清湯豬手，我都係第一次試 一d都唔係果d濃到只食到醬料味既

早聞呢間D 豬手好味....今日去開呢頭....特登留個肚去試.....兩個人....食左:牛丸米(細) - 好普通....牛丸都爽...但唔夠牛味....米粉一般豬手米(細) - OK...冇想像中咁好....炸卷 - OK...但係兩個人食實在漏左D.....加枝忌廉...埋單$61...都好抵食....是日去到係下午4點半....但係河粉賣哂....油菜賣哂.....係咪咁誇呀????但係之後勁口渴....難道味精作怪?????

之 前 其 實 都 有 陪 朋 友 黎 過 ， 但 個 陣 因 為 食 左 飯 ， 所 以 冇 食 到 ， 但 第 一 次 去 既 感 覺 已 經 唔 好 。今 次 ， 勁 多 人 ， 好 逼 ， 要 同 人 爭 位 。 張 枱 好 唔 乾 淨 ， 好 油 ， 我 自 己 好 怕 。 但 冇 辦 法 ， 都 要 照 叫 。 叫 左 一 碗 大 豬 手 面 同 一 碗 大 牛 丸 牛 腩 面 。 男 朋 友 話 個 豬 手 面 幾 好 味 ， 我 就 覺 得 我 個 面 既 牛 丸 唔 錯 ， 好 彈 牙 ， 唔 痴 口 ， 而 牛 腩 就 麻 麻 ， 會 痴 牙 既 。 個 河 粉 真 係 好 幼 身 ， 又 少 ， 已 經 叫 大 碗 架 啦 ， 都 可 以 唔 飽 肚 都 有 既 。 而 且 辣 椒 油 苦 既 ， 真 係 未 試 過 咁 ， 我 食 到 突 曬 眼 。 廿 三 蚊 一 碗 ， 啲 人 仲 話 好 好 味 ， 如 果 唔 試 ， 我 真 係 唔 會 覺 得 佢 差 成 咁 。

頭先啱啱食完炸卷返嚟，超~正！仲有就係牛丸米、豬手、湯底，再加埋好好食既辣椒油！簡直一流！2碗細牛丸米 + 1碟炸卷 + 1支玉泉忌廉 = $59呢個價錢可以接受！但係碟炸卷真係可遇不可求，有時仲要等添呀！

如果要食好的豬手麵,我會介紹來這間店鋪~為什麼?因為它夠簡單~其實入聯和壚都比較麻煩,因為不近火車站~在某日假期自己專程來這間店鋪食一次~其實都算第一次為了食而去粉嶺~大約12點左右~見到店內很多客人,看到店內的裝修,比較殘舊,像回到十多年前~沒有冷氣機,只有大風扇,店內有不少客人~坐下先叫一碗大豬手麵~這裏的辣椒油是自家製,沒有外賣~一碗豬手麵來到,份量十足,有不少肉黏住骨頭,有數件~沒有什麼加入色素,只是用煮一煮~和外面有點不同~食下去不韌,我覺得有一種爽口的感覺,~作為自己的食量來說基本上已足夠~坐下來感覺有點熱,叫了一樽汽水,再叫一杯炸卷~看到很多食客不停添加辣椒油~炸卷則是用碎牛肉外面用腐皮包住來炸一炸~外面炸得算脆口~內部我比較喜歡淡口一點~如果伴麵食就最好~辣椒油遺憾地只是食少許~沒有食真它的味道~埋單48元~

星期日跟家姐去流水響行山，行完山梗係去醫肚啦...粉嶺最多人叫好就係呢間... 咁咪去taste吓lor...點知去到剛好1pm， 好鬼多人， 無得取號，自己入去搵位。枱枱都有人等，都要等，難得來到家姐話一定要試wor點知見人地最多吃咩就order咩lor，可惜...我媽媽煲完湯的豬手比它更惹味...牛丸米粉更加一般，但係要HK$17一細碗，無可能飽肚。完全唔值得咁辛苦等位食lor...真係失望而回lor！