素一 (已結業)

母親節前一日黎食就預左多人，所以都預早book位book左8點但點知到8點時都未入得最後要擾攘一輪先入到去我地5個大人加1 個bb佢竟然俾張4 人枱我地叫我地坐迫d我當然即刻嘈佢最後先俾張6人枱我地好啦，入正題以自助餐黎講，佢款式真係好少熱食大約有十令款當中有娃娃菜，薑醋蛋，炒粉面另外有天婦羅同壽司壽司方面就確實唔錯款式多而且味道仿真度高不過可能我地食第2 輪關係有d食物已經冇再refill總括所講：可能佢開業冇耐冇處理節日人流經驗所以安排坐位失當同十分混亂食物方面味道ok, 但款式較少一試無妨，但下次唔會再黎

母親節前夕，一星期前已訂午餐（限時75分鐘），八個大人迫住三張枱拼合的餐枱進食，極度擠迫，餐廳內其實仲有好多坐位）（後來明白原因，咁的服務態度想有客再來就假啦！）全場就只有我哋八人迫係一角，跟經理反映，經理態度極之無禮，話「母親節係咁啦」，我話一星期已訂枱，全場有咁多空位，其他客人都係2人一張枱，我哋8個大人迫住係三張枱進餐？經理態度極之惡劣咁問：「係咁㗎啦母親節，你想點！？」😡😡😡轉頭就走咗去。😡😡😡😡激氣。點知旁邊一家三口話佢哋都係要發晒火，職員先安排合理的坐位比佢哋。結果，75分鐘用餐後，仲有十幾張枱跟本無人坐。如果唔係因為帶住母親大人，我一定唔會迫住咁食。食物幾好，裝修幾靚都無用。一定無下次😡😡😡😡

「呀~好開心同你一齊睇櫻花呀~素一郎」唔好意思，邊位！？咁既開場白，其實係想講第一次聽到「素一」呢間以中日式為主打既素食po飛(buffet)時 ,就已經覺得佢冇改錯名，你試下加啲日文名落去就知點解——「山本素一郎」，「田中素一」，你睇，完全冇違和感。講番今次被掃既素一以中日式做噱頭，有睇過我之前介紹中式素餐廳既朋友仔就知其實我對啲所謂素魚生壽司冇咩興趣，點解又要黎？世事既野唔係樣樣都可以比你參透既，師主～OK! 食野先食殼，睇你中唔中，日唔日先～咦？又真係又唔中又唔日喎！但唔計呢樣，其實個籠都幾大，坐得唔算迫都ok既～另外，設計其實亦冇咩style，但簡簡單單，整體氣氛都係舒服既～個人覺得唯一既敗筆就係個食物區。係咪真係窄唔敢講，但一來本身人係多（上面張相係算少人），而好多時啲人都要左閃右避。咁迫我重要係到影相真係令我好有罪惡感（淚）不過窄還窄，真身裡面又真係幾睇得下！速速去「相」，又睇下你有幾中有幾日先！一黎先掃一掃個沙律吧先！花款唔算多，溝埋一齊係會幾似日式沙律。鷹咀豆同紅腰豆任食唔錯。原個蘋果都比較少見？另外，係幾款沙律醬之中，特別推介芒果醬！涼一涼，清一清個胃之後，就到完全相

香港嘅素食自助餐，大都係差不多模式，差不多價錢呢間喺銅鑼灣總統對面新商場地庫嘅素食自助餐有啲唔同，首先，座位好闊落第二，價錢貴好多， $168加一第三，唔係行環保路線，唔使自己收碟，有姐姐不斷要求幫你收左個碟佢　一坐低就上一個冰鎮咕嚕肉，冰多到呢酸酸甜甜都好食，以為係猴頭菇，但原來係雞髀菇，猴頭菇會好食啲再黎一人一盅燉湯，有茶樹菇同龍眼,杞子之類, 咸左少少呢度嘅一個特色係有好多款素壽司，都幾好食，鍾意食嘅素友可以來試沙律吧係一角枱仔, 有點弱煎炸野、涼盤，都多選擇熱食都係果啲，所以冇逐一影相，較為特別的是有炒銀針粉凍飲有豆漿、青蘋果味水熱嘅有羅漢果茶同紅菜頭檸水有糖水個薑醋幾好食, 食左2碗整體上食物偏濃味，鍾意濃味可以試下，但食淡嘅就要諗下唔知係咪新開同價位貴啲，晚巿冇乜人去到9點零鍾已得返1、兩枱客阿姐係咁問我地啲碟係咪收得。呀~ 係, 限時90分鐘, 不過佢冇人都肯俾我地坐耐啲吹水

壽司款式多，有玉子、蟹柳、付皮、鰻魚、三文魚、卷物壽司等。鰻魚壽司好好食，質感好似真既鰻魚，三文魚就係蒟蒻，一貫素三文魚既啫喱口感。冷盤:胡麻醬豆腐好滑，手拍青瓜同青瓜沙律都好好食，個醬酸甜開胃🤤！迷你紫薯配黑糖醬有驚喜！炸物炸得不錯，唔會好油好厚粉，有天婦蘿、炸春卷、炸饅豆、餃子、蘿蔔糕等。蔬菜款式多，仲有不同烹調方式；冷熱款既豆腐都好滑好好食，枝竹、豆卜都唔會煮得剛好，又唔會好油！甜品就有芝麻糕、豆沙餅、炸蕃薯圓、炸芝麻球、中式糖水。芝麻糕感覺唔多滑，似落多左魚膠粉，勝在芝麻味岀；豆沙餅、炸蕃薯圓、炸芝麻球全都不錯，炸得香脆又煙韌，而且唔會太甜！不推介：- 椰汁燜芋頭&燴芋芋，芋頭冇芋頭味又唔腍。- 紫薯沙律，賣相一流色澤好靚，可惜只得沙律醬既味，冇乜紫薯味。總括黎講，食物款色唔算好多，但喜歡佢有好多款菜同豆腐類製品，係清淡既素食buffet。

未到六點嚟咗，店員好好俾我哋入嚟坐住先，因為未上菜，落雨仲好好咁俾咗遮套我，服務加分。今次主要來試壽司，見壽司都點綴得好靚好有心思，有兩個上面有乾檸檬片，有素蝦個個壽司，好有特色好好食。如果啲壽司有芝士成份就更加好了。除咗壽司，仲有唔同嘅餸菜同炸物，都唔錯不過不失。好中意個煎餃子，好好味。而個黑胡椒意粉啲意粉就諗咗啲。素食自助餐嚟講，款式都好多，有沙律，湯，飯，壽司，菜，糖水。最驚喜係送上湯同咕嚕肉，都好好味。如果有埋甜品就真係完美了。做人唔可以咁貪心。總括而言，環境好光猛，坐位好舒服，夾野食走廊寬闊，啲夾又多，多人唔洗等佢夾完先再夾。算係走中高檔嘅素食自助餐，啲店員著曬西裝帶埋walkin，個場又夠大。值得一試90分鐘好飽。

太太是素食者，早兩日看雜誌知道銅鑼灣開了間新素食自助餐，主打中日新式素菜。今天同太太試新素食自助餐--素一。食物味道唔差，環境唔錯，員工服務態度唔錯。今日訂了八點入座，自助餐形式為自行拎食物。食了第一輪後感覺良好。但第二輪開始發覺食物補充緩慢，好像沒有補充食光了的食物，有部份吉盤不再補充。問過經理，原來要花工夫的食物不再補充，例如：花之卷。雖然營業時間到晚上11點，但建議早些入座。8點入座會中伏。

朋友見到銅鑼灣有素食Lunch buffet，地點方便就腳，人又唔太多沿着樓梯行落去，就見到餐廳裏面環境好舒服好清幽，而且座位好闊落，shopping完，拿着大包小包都夠位置Buffet 位置於餐廳角落，款式種類都蠻豐富有壽司、沙律、熱食、中湯、糖水、甜品連飲品都有幾款可以選擇每一種食物都會係有蓋子蓋上，感覺十分衛生而且食品更替快速我特別欣賞的是餐廳食物成份的指示會於每一種食物上說明是否含有蔥蒜、蛋類或奶類食物，十分貼心食足75分鐘，每位承惠$108

近日朋友話想食得健康又想食自助餐，剛好在網上看到位於銅鑼灣新開業的「素一Veggie One」，地址在銅鑼灣謝斐道535號Tower 535地庫B04舖。我們決意去晚市時段，任食90分鐘，平日價錢為$168另加一服務費。呢間餐廳主打無宗教素食，中日西式東南亞美食，多種國家美食，有冷盤熱盤、鹹甜美點都有，選擇豐富多款。菜名牌有顏色標貼提示，素食是否含有蔥蒜、蛋或奶，迎合不同素食者的需要。經理簡述廚師團隊中有人曾在寶蓮寺任職，非常專業，對煮素食很有經驗，還有壽司師傅，各款壽司好似真的一樣，十分吸引。餐廳設計是由四季為主題，是專人設計春、夏、秋、冬圖案，感覺令人很舒適，當晚幫襯客人爆滿，想不到香港大愛素食，相當感恩!當職員幫你進入座位後， 隨即會送上冰鎮咕嚕肉或是日燉湯。冰鎮咕嚕肉由雞髀菇代替，口感彈牙，味道酸酸甜甜，不錯。 是日燉湯也非常足料，湯底清甜，仲熱辣辣，好正!自助區分為四大區，第一區是沙律及生果區，沙律醬汁選擇超多。第二區烤炸食品區，有腐皮卷、烤菠蘿、餃子、炸茶樹菇、 薄餅 、多款蔬菜天婦羅等。三區是壽司及前菜區，還有糖水及多款飲品。第四區是熱葷區，粉麵飯、炒菜及傳統齋菜樣樣齊。

餐廳以青新設計，並以四季作主題、全人手繪畫抽畫牆畫，光鮮的室內設計，加上座位寬闊，的確能令食客有個舒適的飲食體驗。自助餐款類非常多，有新鮮蔬果的沙律自助吧、日本天婦羅炸物、「偽」壽司 (非常值得食完再食！)、紅米炒飯、各種蔬菜。 特別值得一提的是素菜壽司，不但外形似足刺身樣子，而且入口滑溜，咬落彈口，感受如同吃真的刺身(不過，當然是沒有魚味啦，而且是微溫的) 。另外，每位食客都獲贈一碗清湯，除了湯料足料之外，味道很清新，亦不似有濃烈的味道或咸味，可惜只有一碗，不能飲完再飲呢。

超細的自助餐廳取食物範圍太細，轉身都難，老人家不適合去。 實大細了。 所有食，飲，熱，冷盤都共在不足一百尺地方。相像下人多時如何呢！ 最其怪夾食物的夾都冇， 不知如何取呢！ 沒有人管理。 最重要的是食物質素一般， 菜似用清水煮， 總體淡而無味。 飲品還可以。另外分配每人一份燉湯以為係正野。 點知原來又係淡而冇味的。 服務員不足用過的碗碟要自己放回， 沒有人收拾。 個人會建議去素菜館品嚐。 款式多，食到甜酸苦辣，又不用擠迫。 失望不會再去。

一講起食素，以前會諗起係有宗教信仰嘅人士，但時代轉變，依加變成型人生活態度無可否認依加真係多左人加入素食行列，為環保又好，為自己健康又好，但食素又唔一定要去傳統素食店嘅!呢間新開嘅素食店，睇門口裝飾，唔睇店名都未必估到係間素食店場內面積寬敞，明亮燈光加埋優雅佈置，比人一種舒服感覺90分鐘任飲任食，每位$168，設加一服務費食物選擇都唔少，熱盤都有十數款天婦羅/炸物/糕點類沙律配料及生果可自製沙律壽司/日式前菜/冷烏冬薑醋蛋都有坐底無耐，侍應就送上原盎燉湯，材料有蟲草花，菇，粟米，蘿蔔，南北杏及腰果，鮮甜可口，正喎!呢客冰鎮咕嚕肉都係送嘅入口原來係菇黎嘅，外面嘅炸漿及酸甜味道真係好似咕嚕肉，過癮之作!壽司選擇都多呀，三文魚，鰻魚，太卷，芝士鰻魚等等，味道都有七八成似真實版飲品有羅漢果茶/紅菜頭檸檬水/熱茶供應，沖返杯茶慢慢嘆豉油皇炒麵炒得幾乾身，以惹味茄子四季豆黎伴食都好喎; 勝瓜炒雲耳味道都唔錯，口感一腍一爽!乾身食物就食左素餃子，饀料味道似潮州粉果，幾得意; 炸秋葵個炸漿幾薄身，唔會食到一口粉都未食到個食材; 素腐皮卷幾香口清炒菜心夠腍甜，仲有烤夫見到出面有個湯煲，我地呢D少湯水嘅當

食素是洗滌身心既其中一種方法，家姐每次發現新素食餐廳都會同一家人去試試。在銅鑼灣新開的商場內，新裝修店內環境舒服。午市$78,下午茶$68 晚市$168 自助餐形式，食物種類好多。食素最緊要清淡唔油膩，仿真度超高素壽司，腐皮卷，薑醋蛋，鮮准山，紅米炒飯，黑松露意粉，燉湯，炸饅頭，甜品…食物呢度種類真係好多，味道適中不肥膩很健康呢！下次一定會再來品嚐^^

近排食得太多肉，肥咗好多添！所以今日捉咗M佬陪我食齌，嚟到呢間位於銅鑼灣Tower 535嘅素一，主打新派素食，仲要係任食添，啱晒大食嘅M佬啦！但唔好以為食齌就一定好悶，呢到坐得舒適，設計摩登，而食物款式好多，連少見嘅素壽司都有，部份嘅素菜幾可亂真。沙律吧食素菜又點會少得沙律呢？沙律菜夠晒新鮮，加埋橄欖油同意大利黑醋，好好味。素壽司素壽司種類好多，除咗不停Refill，仲會不停轉款。素三文魚壽司同素花之戀壽司係我哋極力推介，做得好細緻，無論口感定味道都同真嘅好似，好驚喜。    薑醋蛋薑醋蛋雖然無咗豬手，但仍然好入味，薑同醋嘅比例啱啱好。熱葷選擇好多，包括有南瓜片炒甜豆、鮮淮山雪耳勝瓜、紅燒豆腐、雜菌素蝦、炒麵、松子菜粒炒飯、串燒、素薰魚、炆冬瓜等等，款式好多。  煎炸食物春卷、煎堆仔、煎餃等等。 生果、甜品有西瓜、蜜瓜、紅豆糕、杞子桂花糕、冰糖燕窩等等。飲品豆漿、橙汁、涼茶、熱紅菜頭水等等。

最近新開的素食自助餐，打算為家人慶生，誰不知服務態度十分差！教人失望！首先講講食物質素，食物種類多，有壽司類、天婦羅、迷你沙律吧、湯類、熱食類等，味道一般！新張優惠送特色咕嚕肉及素湯。特色咕嚕肉是冰震咕嚕雞脾菇，頗有驚喜！係服務方面，首先我們希望餐廳職員幫我們雪蛋糕，一開始她是拒絕的，還說雪櫃不夠大，然後她亦拒絕把蛋糕冷藏在廚房的大雪櫃，理由是不夠位及「十分危險」，簡直令人黑人問號！另一位女職員更提議以外賣盒蓋蓋上蛋糕並放入雪櫃，但她完全沒有想過會破壞整個蛋糕，並以「我地得呢個蓋架啦」的態度對應，這令人無奈及氣憤！皆因蛋糕開始溶化，所以我們再請經理幫忙雪蛋糕，他竟然告訴我們蛋糕雪不了，並要我們立刻把蛋糕吃掉！這是什麼服務態度！！！不幫忙還強迫我們進餐前吃蛋糕，還跟我說把蛋糕放進房間內並開冷氣，簡直令我十分火大，房間不是雪櫃，哪有雪蛋糕的功效呢！最後女職員及經理並沒有達成我的要求而且語氣太差。雖然這三位職員態度甚差，但在吃蛋糕時另一位女職員服務有禮，不時替我們收拾乾淨及拿餐具！這次對這間餐廳完全失望，即使食物質素一般，但服務態度也是吸引客人的重要因素！希望這間餐廳內部好好培訓職員的服務質