築地日本料理 (金百利廣場)

營業中

休息中

近日日本築地巿場搬遷，已經無機會去。我個識食fd話銅記都有築地啦，聲稱野食平民又可以嘆住黎食喎。原來佢講緊呢間銅記樓上小店。二人餐有兩個餐可以揀，好豐富同幾抵咁。不過我地吾太肚餓，所以散叫。野飲有幾多選擇。我要左杯白桃乳酸特飲。味道似白桃汁溝益力多，仲有d果肉，消暑開胃一流。本身諗住叫普通玉子壽司，但見呢件火炙芝士玉子咁特別都係10蚊，只係貴普通玉子兩蚊，於是揀左舊黎試。玉子火炙過真係惹味好多，加有面頭半熔既芝士，真係同普通玉子無得比，必叫炸芝士年糕，一d都吾油。外皮炸到金黃微脆，中層年糕軟棉，最入既芝士呈流心，層次感分明。炸物什錦有3款野食: 甘栗紫薯餅、蒜香炸薯條和炸雞軟骨，份量夠3至4人分，都係58蚊，幾抵食。三樣炸物中，我最欣賞薯條，因為加左芝士粉，仲要係佈滿成條薯條，感覺同一般薯條好吾同，吾點茄汁仲好味。食左咁多炸物，最多整番個茶碗蒸下下火。個蒸蛋超滑，每啖都有蛋味，冬菇軟綿，吾錯。

今天下班後跟好友聚會，難得是放假前的飯聚，當然是非常期待。於是放工後坐叮叮到銅鑼灣覓食，日本菜總是吃不厭，來到這間日本餐廳，與好友都是第一次嘗試。甫進店，覺得格局別緻，尤是牆上的圖畫，很有日本風的感覺。與好友被安排了一個偏角落的位置，暢談確是很好，但由於較邊，場內侍應不多，便很容易忽略了我們的需要和下單，但也無損我與好友雅致。菜式種類很多，而且價位相宜，大家點了牛油果軟殼蟹卷，味道尚可；黑蒜豬軟骨拉麵，這個很讚，豬軟骨很淋入味；牛舌和金菇卷都很不錯，醬汁入味，也點帶子魚生，這個反而覺得一般，帶子不太肥甜，不知是否加了檸檬伴碟，但賣相卻十分不錯👍

這天來到這間，金百利廣場的築地。之前沒有來過，不過也留意過多次，這次臨急臨忙，就來到這裏了。這裏你可以理解為不是自助餐版本的大瀛喜；菜式不會是上上，但勝在價錢實際，每人二百多就可以吃，環境略為狹窄但絕對可以接受，來吃東西閒談可以，說悄悄話就不太方便。六時多來就必然有位，如果在七點半之後就可能要等一下，但不會等太久的；上樓舖始終不會太多人。叫了個雜錦魚生飯，份量足，不過新鮮度就一般，我可以理解，因為來的那天是打風後，有可能未有飛機貨送到來。刺身水準平均之作，五十多完一客，benchmark 是元氣，我也就很滿意了。拉麵意料之外地好吃，如一蘭有九十五分，這碗麵可以值六十五分。湯底濃，麵不是幼但我可以接受，絕對可以再叫。牛舌，我稍嫌甜了一點。以每人百多元的價錢來說，我已經很滿意。值得一提的是，這裏的服務員招呼甚好，跟單甚為落力，而且也會不停加水，為他們餐廳加了不少分數。

今晚屋企係「冇飯日」，媽咪話出街食日本野，我上網睇到金百利廣場有間築地日本料理都頗有人氣，一於同媽咪去試試。當我仲係度煩惱緊叫咩好時，原來媽咪已經被Menu上嘅特上二人前Dinner Set 吸引著了，平時我係比較少叫Set，一來怕份量太多要夾硬食、二來又怕未必樣樣都鐘意食。不過見媽咪鐘意就即管試下啦，Dinner Set都幾豐富，有飲品、前菜、刺生拼盤、沙律、主菜、烏冬或飯，連甜品都有。三款前菜同松葉蟹肉香芒蟹籽沙律都好好味，夠清新！特別係三款前菜好惹味，微辣嘅蜆肉、酸酸嘅蓮藕、同埋豆莎水晶mochi! 刺身拼盤夠新鮮，種類繁多，海膽味道甘甜，質感細膩， 入口即溶！蕃薯炸蝦天婦羅出奇的好味即叫即炸，唔會油淋淋，連我媽咪平時唔會食炸嘢嘅都忍唔住口食多兩件！本來真係好想叫羊架不過媽咪唔食羊，所以就叫咗個鵝肝雞卷，唔好睇佢細細碟，但其實啖啖肉，鵝肝煎得好香，再灑上脆脆，口感好有層次主菜叫了番茄石鍋烏冬，嘩！上面有金箔，好名貴咁喎！番茄味濃厚、烏冬彈牙！甜品就揀咗咖啡凍，好香濃嘅咖啡。今晚真係有驚喜，呢個set dinner好豐富啱啱好，呢野食又啱口味，我同媽咪都一致好評！

今日同朋友行銅鑼灣時經過金百利，有姐姐好踴躍咁樣遞張「築地」傳單俾我，介紹話係一間日本料理餐廳，日本菜隨時都喜愛，我哋都見肚餓不如就食埋晚飯啦。舖頭雖然唔太大，但裝修簡潔，空間感十足。個MENU好厚，有好多選擇，小食、壽司、海鮮丼、火鍋、拉麵、串燒，仲有好多唔同嘅熱食，睇完又睇，我哋最後揀咗個特上二人前$498+10%，有個刺身拼盤，裡面仲有海膽，唔食過海贍點叫食日本野先！?首先嚟嘅係三品盛合同香芒松葉蟹沙律，有味付辣蜆肉、蓮藕片同紅豆水晶糕，辣辣地嘅蜆肉同酸酸地嘅蓮藕夠晒惹味，本身我以為紅豆水晶糕麻麻地，點知食落又唔錯，質地又夠彈口又唔太甜喎！再嚟兩個特飲🍹草莓石榴熱情果梳打同白桃乳酸特飲，兩款飲品都各有特式，味道清新，絕對係開胃之選！😋跟住就上個刺身拼盤，有三文魚、北寄貝、油金魚、赤貝、生蝦同埋醋鯖魚有六款兩切，加埋半板海膽；三文魚厚切好有口感，啲北寄貝同赤貝好新鮮，海膽好鮮味；食完都飽咗一半。蕃薯炸蝦🍤天婦羅，本身對天婦羅麻麻嘅我，今次真係意外驚喜呀！佢個蕃薯切得好薄，炸粉又唔太多外脆鬆化，個蕃薯又夠香又夠甜，真係有衝動想叫多客添！鵝肝雞卷脆脆，鵝肝同雞肉都好JUICY，加埋一齊

今晚約左朋友係銅鑼灣食飯諗唔到食咩所以就黎左呢間築地食我地叫左個二人餐，另外加左個和牛反卷先黎蟹子沙律，好大碟青瓜上鋪滿左蟹子，啖啖都有蟹子跟住係壽喜燒牛肉鍋整個鍋唔會好鹹，甜甜地咁用了正方形既鍋上，入面有好多配菜豆腐好滑，仲有菜呀金菇，仲有d粉絲吸哂d湯汁泡菜豚肉石鍋飯有飯焦，正！而且泡菜唔會好辣，岩哂我唔係咁食得辣既人豚肉都幾嫩和牛反卷呢個幾正，和牛有輕輕燒過，幾重牛味肉質都幾嫩牛奶布丁好滑好香牛奶味呀

今日係我同老婆一路仲有慶祝既拍拖紀念日，今次我做足準備就預約左銅鑼灣呢間築地日本料理去滿足下鍾意海鮮魚生既佢，順使益埋我自已。由於之前有D野做，我地都好趕先到銅鑼灣，好彩佢地方都算近地鐵，上到出口行1分鍾再搭LIFT就到。由於我之前都有做下功課，為左簡單D，就選擇左一個包羅萬有少少既二人套餐- $498既特上二人前，率先確保我地兩個都有魚生食。個餐除左魚生，都好全面咁包括左兩杯特飲、一個三品盛合(類似日式冷盤)，其中我地沙律二選一入面揀左蟹肉香芒沙律、另外一個二選一肉食就叫左鵝肝雞卷脆脆、熱食就叫左金箔蕃茄石鍋烏冬，最後就甜品就揀左紫薯奶凍同埋3.6牛奶奶凍。首先個魚生拼盤賣相相當唔錯，有咁多次食魚生拚盤既小編都覺得鮮味保留得好好，尤其板海膽係好肥美既厚，可惜係紫菜有少少林。另一道令我印象好深刻既係個金箔蕃茄石鍋烏冬，除左去日本食過之後，小編都未試過係香港食過有金箔既菜式，呢點真係好日本!最後老婆對今次飲食安排當然二十分滿意啦!

2018.08.19（星期日）每個週末都會同老公行下街，食下好西。今次行銅鑼灣,見到呢間築地，立刻勾起老公的日式味蕾於是決定會一會它！餐廳位於交通勁方便而且美食雲集的金百利中心樓上舖~我們點左《特上二人餐》$498！首先頭盤來了三品盛合，好開胃！沙律我們選了松葉蟹肉香芒蟹籽沙律，青瓜絲夠新鮮爽脆，配上松葉蟹香，甜甜的芒果，卜卜脆蟹籽和幼滑沙律醬，配搭十分滋味配合！再來就是整個套餐中的重頭戲～刺身拼盤～刺身有7款：海膽一板（細），三文魚，甜蝦，油甘魚，醋鯖魚，鱆紅魚，北寄貝，款款都好新鮮好味海膽係超甜超新鮮同超creamy! 三文魚肥美油潤！其他刺身完全無腥味，新鮮二選一小食，我們點了個《鵝肝雞卷脆脆》，雖然賣相一般，但呢個配搭又幾新穎配合，好味老公超讚！食日式野又點少得天婦羅，跟餐上左個《炸蝦蕃薯天婦羅》，炸蝦天婦羅俾得好闊綽，有四件，每人兩件，而個蕃薯天婦羅就一人一件,天婦羅炸得夠香脆可口至於鍋物就二選一，由於小妹係蕃茄控，所以毫無懸念就選左《金箔蕃茄石鍋烏冬》！一上盤見到個堆金箔，已經令成件事升級豪華左而且個湯底係超濃香蕃茄味，仲有新鮮蕃茄肉加上烏冬又超爽滑彈牙十分激讚至於甜品方面

只屬於香港的「築地」🐟 --- 心血來潮事件簿(17)🤤本尊一直以來都未去過日本築地食野，於是難得就黎依間試下，真係好彩有訂位，事關本尊同朋友一入去就聽到Full booking真係嚇左一跳😱推薦‼️我地先叫左個板燒香蒜牛舌，甜甜的燒汁配搭牛舌就最好不過，加上牛舌食落好有口感，好值得一試👍之後我地叫左北海道忌廉肉餅，原本以為會食落好膩，但係事實又唔係，肉餅鬆軟可口，可惜忌廉可能融入左落去，個味唔係太帶出🤔之後我地都點左個日本芝士年糕，依款唔係流心，不過食落都好有口感推薦‼️冷食方面，我地先點左依個海之逸魚生丼，賣相好睇之餘，魚嘅貿素都相當唔錯，係值得推薦嘅另一道菜‼️推薦‼️壽司方面我地叫左個好特別嘅三文魚叫18禁🔞三文魚😀聽過名都過癮😂其實佢係一歀勁辣壽司😂想挑戰嘅朋友絕對要一試😎壽司方面我地都有叫左三文魚三味壽司同埋火炙芝士玉子，一次想試三樣嘅朋友就最好不過😂之後我地都叫左個牛油果軟殼蟹卷食落都幾有口感😎推薦‼️最後見到佢依到有一個一人套餐嘅素食壽司，賣相好精緻，壽司嘅味道都有不同，而且仲好好食👍依到好難一次過解釋，所以都係留返俾大家一一品嚐😎甜品方面我地就叫左黑芝麻雪糕同豆腐雪糕，個豆腐雪

今日約左朋友食晚飯決定試下呢間日本野個名係築地日本料理就係銅鑼灣地鐵一出好方便！！我地叫左個二人餐先有蟹籽沙律個沙律好大碟，有好多青瓜上面鋪上左蟹籽同埋沙律醬撈埋一齊食 正！壽喜燒鍋分量十足要小心鍋熱上面鋪了幾塊肥牛仲有一隻窩蛋下面有蔬菜，豆腐，金菇，粉絲等等令整個感覺唔會太膩而成個鍋唔會過咸個鍋仲另外配上了一碗白飯唔驚唔夠飽！泡菜黑豚肉石鍋飯上枱時仲係熱辣辣黑豚肉肉質夠嫩唔會韌，而且豚肉味都幾重！自家製餃子皮夠薄而且餡料豐富煎得岩岩好脆脆地咁而且仲有5隻分量好多！牛奶pudding係好香同好重既牛奶味布丁好滑溜溜而且係用牛奶樽裝影相一流呀！！個餐仲有兩杯特飲呢個價錢係銅鑼灣呢個地段黎講都算係okay

個人愛吃日本菜, 原因其實很簡單, 就是欣賞日本菜那種一絲不苟, 精益求精的精神。而位於銅鑼灣的築地日本料理, 最近完成了店內的翻新工程，在餐牌中加入了不少新項目，對於喜歡吃日本菜的我，也立即抽空來看看。坐下來, 先來鹽燒牛舌和鹽燒雞中翼, 牛舌燒得邊位呈焦香才拿上檯，賣相吸引且香味十足,質地爽口而富有嚼勁，且散發濃郁的肉香; 雞翼燒得雞皮脆身還帶點焦香, 雞肉口感很嫩滑，燒香後撒上鹽去調味, 吃起來就更加惹味。店員送上海之逸魚生丼, 單看賣相已經是先聲奪人, 多款刺身堆得滿滿的, 包括有甜蝦、帆立貝及三文魚等。甜蝦夠大隻，吃起來鮮味也啖啖肉;帆立貝厚肉而鮮味十足;三文魚肥美, 其他魚生也是有水準的。是晚吃得滿意, 食物水準是合理的, 而且環境輕鬆, 侍應的服務還算不錯，值得一讚; 以食物水準再加上環境及服務計,這家可以是一個不錯的選擇。

去開銅鑼灣都知金百利樓上係餐廳集中地，以往每次經過都見到人龍排隊搭lift。今日行完街想近近地搵餐廳食飯，朋友就揀左築地，說是她很久以前食過覺得也不錯時間尚早的關係，唔洗等位直入，太好了！餐廳選擇都算多先來一客 蟹肉香芒蟹籽沙律$58芒果尚算香甜，配上爽口的青瓜及蟹籽，非常清新海膽軍艦$28 紫菜新鮮脆口，海膽鮮甜，海膽足料，我只點了一客，有點不夠喉鹽燒雞中翼$25不錯！雞翼骨中間剪開了，收火更均勻， 而且進食也較方便，雞翼加上些少海鹽燒得香脆惹味，雞肉仍然保持鮮嫩一口炸豆腐$48都是出色之作，外脆內軟，而且豆腐夾上來不會散開，將白蘿蔔用及木魚加入醬汁之中，中和了油炸的熱氣茶碗蒸$28最後來的是茶碗蒸，內裏有雞肉、雜菇、蜆肉、蝦肉等等，加上雞湯一起蒸，都幾滑吃着吃着到了黃金晚飯時間全場爆滿，有興趣來吃的朋友請預先訂位哦

放工嚟銅鑼灣同朋友食晚飯聚下舊，一於嚟金百利搵食實無錯嫁啦～平時行街經過呢到，見到築地日本料理一直都留意咗好耐，今日終於可以食到～喺銅鑼灣地鐵站E出口行兩分鐘就到啦，不過一到晚市時間，排隊等金百利嘅lift嘅人都多，要等一陣先上到去。我同朋友喺餐牌都揀咗好耐，因為無論壽司、刺身、手卷、炸物、串燒、拉麵、甜品都有。首先係我揀嘅鰻魚壽司（$12)，鰻魚好滑無骨！火燄芝士三文魚腩（$14)，上面仲有蟹籽，多重口感！之後亦係我最愛嘅蝦，赤海蝦壽司（$12)、甜蝦壽司（$14) 呢款甜蝦比出面連鎖式壽司店都大好多，不過赤蝦就細咗少少。壽司之後，就係芝士玉子燒，好濃嘅蛋味同芝士味，所以食兩舊都有點濟，最可惜上菜後好快就凍咗，所以一定要趁熱食就好食！之後係最令我驚喜係燒魷魚（$68)，除咗燒到啲魷魚鬚好脆之後，最重要係上面有甜甜哋嘅辣汁！加分啊！串燒方面，就點了牛舌（$28)、雞軟骨（$28)，相比壽司，串燒就無咁出色啦，唯有可以過過癮啦～

同朋友嚟到銅鑼灣行街，由time square行到hysan，行行下就嚟咗呢棟金百利廣場買衫最後揀咗呢間日本嘢食，坐低落order冇耐，店員就奉上兩碗味噌湯，有香菇同豆腐粒店舖燈光都幾明朗，但係唔知點解啲相影出嚟較暗海膽三文魚丼好豐富，有兩層厚厚嘅海膽同4快厚厚嘅三文魚，望落都覺得好肥美另外仲有隱約印咗餐廳名嘅玉子，葉後面有啲青瓜海膽夠甜夠creamy，三文魚都好凍好新鮮下面嘅醋飯同刺身之間放咗啲海苔芝麻飯素，食落更香，唔會太寡炸物拼盤有3種唔同嘅食物紫薯甘栗餅係我嘅 all time favorite，因為每次食紫薯餅都好甜美，加上原粒栗子，簡直食緊甜品咁炸曲薯條上面有好多芝士粉，甜甜地，有啲似韓國炸雞嘅芝士粉咁樣食落去薯條都唔會太油膩，而且新鮮炸好有脆又香雞軟骨炸得啱啱好，外皮好脆，入面嘅軟骨好爽口調味用咗胡椒粉，食落有啲似kfc啲雞嘅味宇治金時豆腐係抹茶紅豆嘅結合，煮過嘅紅豆paste好甜，下面嘅抹茶豆腐好清澀，兩者配合得剛好一開始食較重抹茶味，食真啲更重豆腐味，真係一道唔錯嘅日式甜品

夜晚嚟到cwb，係E出口隔離就搵到日本嘢食，點知要係地下排隊搭lift上嚟7樓，上到嚟都仲係好多人要等我就叫咗客鰻魚飯個鰻魚好大塊好厚，燒得好靚，上面有蔥粒同芝麻，另外配上紅色嘅酸薑鰻魚好靚，肉質好彈牙，而已燒味份量剛好，唔會蓋過鰻魚本身嘅香味簡單嘅鰻魚扒已經可以配上一大碗白飯另外啲壽司價錢都幾合理，所以叫咗玉子，香芒三文魚腐皮，芥末章魚同埋一個叫18禁三文魚嘅壽司軍艦呢個18禁三文魚係menu有2隻辣椒，平時鐘意挑機嘅我當然要一試望落有少少似出面食過嘅辣味三文魚，因為外面已經有醬調味有少少淆底，所以用筷子拎咗少少醬汁去試味嘩！不得了，啲醬汁掂到條脷已經好有反應一開始唔係好覺，但係佢嘅辣味係後尾慢慢攻上嚟，有啲似韓式辣雞麵咁嘅辣唔食得辣嘅朋友真係要小心最後甜品叫咗紫薯奶凍好creamy嘅奶凍味道有啲似之前McDonald出嘅紫薯雪糕，頗甜，上面仲有不少紫薯粉