築地日本料理 (金百利廣場)

營業中

休息中

近日日本築地巿場搬遷，已經無機會去。我個識食fd話銅記都有築地啦，聲稱野食平民又可以嘆住黎食喎。原來佢講緊呢間銅記樓上小店。二人餐有兩個餐可以揀，好豐富同幾抵咁。不過我地吾太肚餓，所以散叫。野飲有幾多選擇。我要左杯白桃乳酸特飲。味道似白桃汁溝益力多，仲有d果肉，消暑開胃一流。本身諗住叫普通玉子壽司，但見呢件火炙芝士玉子咁特別都係10蚊，只係貴普通玉子兩蚊，於是揀左舊黎試。玉子火炙過真係惹味好多，加有面頭半熔既芝士，真係同普通玉子無得比，必叫炸芝士年糕，一d都吾油。外皮炸到金黃微脆，中層年糕軟棉，最入既芝士呈流心，層次感分明。炸物什錦有3款野食: 甘栗紫薯餅、蒜香炸薯條和炸雞軟骨，份量夠3至4人分，都係58蚊，幾抵食。三樣炸物中，我最欣賞薯條，因為加左芝士粉，仲要係佈滿成條薯條，感覺同一般薯條好吾同，吾點茄汁仲好味。食左咁多炸物，最多整番個茶碗蒸下下火。個蒸蛋超滑，每啖都有蛋味，冬菇軟綿，吾錯。