築地日本料理 (金百利廣場)

營業中

休息中

一入門口就見到張挪威三文魚cert，可以喺呢度放心食三文魚刺身了。前菜沙律、小食串燒、壽司刺身、炸物鍋物、甜品飲品都應有盡有，我哋都要花咗啲時間先決定到。最後決定order兩款燒物用埋兩碗丼飯。枱面有齊刺身豉油、山椒粉、七味粉同埋wasabi呢啲常用嘅日式調味料。Asahi $30連隻酒杯都有雪過，夠晒消暑！鹽燒牛舌 $28牛舌燒至僅熟，保留了很多肉汁，點少少七味粉更惹味。連伴碟嘅椰菜絲都有沙律醬，二話不說，清晒。汁燒魷魚筒 $68魷魚燒得恰到好處，微辣的醬汁跟魷魚味很配合，非常惹味。推介三文魚海膽丼 $118海膽味道不算太濃郁，三文魚大大片厚切，夠晒肥美。頭一次食丼飯係有加飯素的，配微酸的壽司飯，都頗有特色！三文魚親子丼 $115三文魚一樣大大片，三文魚籽粒粒飽滿，很鮮味，飯底都係有加飯素。

銅鑼灣美食雲集 相信大家也相當同意 而我這次向大家介紹日式餐廳 築地日式料理 這間餐廳是位於金百利廣場7樓的 也相當鄰近地鐵站 對於這間餐廳 整體上給我的感覺確實不錯 不論是環境 還是食物 也令我相當滿意 首先要向大家介紹我當日點的飲料 草莓熱情果梳打 果不其然 這杯飲料的汽量十足 而味道也能輕易分清兩種口味 在現在的炎炎夏日也不況一試 接住要向大家推介的是刺生 雖然刺生在每間日本餐廳也有 但是築地日式料理加了鯖魚刺生 而味道也不錯 有點酸酸的口味 成為了一道開胃菜 而且鯖魚魚生也十分新鮮 然後在主食方面我點選了日式鰻魚飯配上店舖特製的鰻魚燒汁 燒鰻魚的口感和味道確實也沒有令我失望 當中的份量也剛剛好 一個人吃絕對足夠 當中完滿的晚餐 也令我感到相當不錯 歡迎大家到此享用

今天放班後,跟朋友去嘗嘗這所名叫「築地」的日本餐廳。這所餐廳十分受歡迎,若然在繁忙時間時沒有訂位,恐怕至少要等上十至二十分鐘。有見及此, 我們已提早預訂位置, 所以一到步便有位置, 不用花時間等候。店員的招待十分殷勤, 我們才一坐下, 一杯熱呼呼的茶及一疊餐牌已齊整地放在桌上。喝下一口熱茶後,我們緩緩打開面前的餐牌,細看各款美食。這所餐廳提供的食物種類繁多,比如說有燒物、鍋物、天婦羅、特色壽司和魚生飯等。餐廳提供一人套餐、二人套餐及各款單點美食。所以不管是自己來 還是一大群朋友來, 都是十分適合。美食當前, 看了又看,真是不知如何選擇是好,經過一番討論後, 最後我們好不容易地挑了數款。鹽燒鯖魚 ($58)等了不到五分鐘, 店員已開始上菜。打頭陣的是這條鹽燒鯖魚,廚師煎得恰到好處, 外脆內軟。建議食法: 先在魚身加上一點檸檬汁, 然後夾上一小片魚肉, 再沾上一點醬油。這更能帶出魚的鮮味。三文魚海膽丼 ($118)這個三文魚海膽丼的份量真是把我嚇了一跳! 一舨的餐廳都是只會給薄切魚生和少量海膽, 但這間餐廳卻毫不吝嗇,給每位食客厚切魚生和大量海膽。更令我深刻的是, 飯上海膽全都是十分新鮮,

放工想食日本菜，就揾左係銅羅灣一個日本餐廳，見佢個名改做築地咁大膽，就試下，好彩早左黎，無咩人排，唔洗等就入得去。侍應服務懇勤，我地坐低之後好快就上左面鼓湯，面鼓湯就係豆腐海帶湯，中規中矩。牛肉野菜壽喜燒份量給得很大方，好足料，有牛肉、粉絲、豆腐、菜及雞蛋﹐牛肉份量好多，亦好鮮美，肉味好濃，整體調味好好，唔會偏鹹偏淡。煲入面嘅粉絲煮到好入味，滑嘟嘟！三文魚海膽飯呢個飯真係好有驚喜，我無諗過可以係呢間食到咁高質素嘅海膽，通常係香港食到嘅海膽因為保存嘅關係，都係苦苦地，好食嘅都係好貴，呢個海膽唔苦，仲好鮮甜！三文魚切得好厚，食起上黎好過癮，D飯落左飯素，淨係食飯都唔會寡。壽司我特別推介嘅係蝦三食壽司，本身D蝦已經好鮮甜，個蟹膏簡直係畫龍點晴，濃濃嘅蟹味係口入面散發開去。如果想食呢間就記得早D黎，因為我走果時大約8點幾已經有好多人等位。

築地果然唔係白叫，確實有日本築地魚市場之風。入黎冇幾耐就滿哂座，好熱鬧。野食實在太多，一時三刻都拿唔定主意，最後就簡簡單單叫咗個精選二人前，再加多咗幾個小食。精選二人前($268)，首先上咗蟹籽沙律，係青瓜絲加沙律醬，上面鋪咗滿滿嘅蟹籽，清爽又開胃。小食可以5選1，一向都對餃子抗拒唔到嘅我叫咗自家制餃子。餃子皮煎到金黃色，非常焦脆，一咬，肉汁就爆哂出黎，好鮮甜。主菜可以5選2，我叫咗牛肉壽喜燒，朋友就食豬軟骨拉麵。壽喜燒係用一個細細嘅爐一路煮緊，牛肉係一片片薄薄嘅鋪係面，配上半生熟雞蛋、粉絲同埋娃娃菜小唐菜等等。牛肉要趁佢熟咗就要食，如果唔係就會太老，同埋半生熟雞蛋一齊撈唔食就更加正。壽喜燒嘅味道濃度適中，唔會蓋住牛肉嘅味道。除咗套餐，我地仲叫咗忌廉肉餅，一共4件，超香口鬆化，忌廉同肉嘅比例均勻，不過食得太多就會好膩。仲有加洲手卷，入面有蟹柳條、牛油果、蟹籽等等，非常豐富。最後套餐仲有2杯特飲同埋牛乳奶凍，奶凍好滑又有濃郁嘅奶香味。今次冇叫到刺身，下次一定要黎試番~

這天與一位非常愛吃日本料理的朋友慶祝生日，為了避開繁忙時段，我便事先預留了晚上9時的座位。結果，9時去到還是座無虛席。店員安排我們入座後，我便被桌上放置的餐具吸引着，外觀十分高貴，顏色配搭得也不錯。而茶水方面，則用了茶包沖，每位客人的杯子裏都有一包獨立包裝的茶包，再用熱水泡。我個人比較喜歡喝茶包沖的茶本來看到二人套餐menu不錯，又懶得單點，準備要下單的時候發現，單點menu有個鍋物十分吸引，所以便放棄了選擇套餐。下次再來試試以下嘅二人前套餐就是以下這個鍋物menu結果我們便單點以下食物:三文魚豆腐沙律 $60這個沙律十分新鮮，而且賣相吸引，七彩繽紛，有大量的三文魚粒、豆腐及海澡，十分有咬口三文魚刺身 $52這份刺身十分值得叫，三文魚肥美厚身，肥瘦均衡，又非常新鮮！北寄貝沙律壽司 ($10)香芒三文魚腐皮 ($16)希靈魚壽司 ($16)鮮帶子壽司 ($18)劍魚腩壽司 ($15)這些壽司都做得十分精緻，絶對是用心之作，用料新鮮，真想無限encore自家制餃子 ($38)這個餃子有驚喜，與平時吃的不同，大大粒，皮薄肉多，而且不會煎得太過乾身牛肉野菜壽喜燒 ($88)這個鍋物絕對要試！湯

餐牌非常厚，食物選擇多。想食既朋友記住訂位，walk in 2個人既話可能要搭枱。叫左精選2人前dinner set($268)，有蟹籽沙律，1個小食，2個主食，牛乳奶凍甜品，特飲，另叫芝士玉子燒。先上一盤蟹籽沙律，超多蟹籽係面，大量青瓜絲，加埋沙律醬，拌勻啖啖都食到蟹籽，fresh。小食5選1，叫左自家製餃子5隻，每隻都即煎，咬一啖d肉汁滴哂出黎，好有驚喜，因為原本冇預計會咁juicy。入面有肉and菜餡，餡料結實，唔會散哂。醮埋d酸酸地既醬汁，就冇咁邪惡，肉味更豐富。主食4選2，牛肉野菜壽喜燒熱辣辣上枱，一直煮沸，有隻生蛋，多片生牛肉，一變熟即食，如果唔係就會煮得過熟變韌。鍋物仲有冬菇，蔬菜eg秋葵，小棠菜等，用料豐富。而黑蒜油豬軟骨拉麵，豬軟骨大約有3大件，件件都有少少軟骨，肉質唔鞋，煮得"林"但唔係散/碎既狀態。黑蒜湯底一上枱好濃既香味，但食完唔覺得鹹/口乾。甜品牛乳奶凍滑嘟嘟，竟然甜品既水準唔差，小小一樽好幸福。多款飲品可以選擇，如果2人食，揀set就可以咩都試下，因為有好多菜式，有排揀。鍾意刺身可以揀其他set或散叫。

本人一向喜歡吃日式菜式，因為日本的飲食文化一向都以新鮮食材入饌。讓食客可以大飽食物本身的新鮮味道。而又可以保持它的營養成份。而今晚我就去了銅鑼灣金百利廣場這間叫(築地)的日式餐廳交通位置都占優勢的一間日式餐廳。叫了個四人套餐，價錢658元。套餐的菜式款式不錯，可以同時滿足朋友的味蕾松葉蟹肉香芒沙拉，不錯的前菜。青瓜絲的清新再加上芒果的甜香。正青蘋果乳酸特飲，少許酸甜。令人感覺清涼，至於刺身拼盤，吸引眼球的賣相令人食指大動爽甜的北寄貝，鮮味正，新鮮的海膽香滑，令人欲罷不能。相信很多吃刺身的朋友都喜歡三文魚的魚香，此處厚切的三文魚刺身絕對可以滿足你的味蕾。套餐內還配有清水心跳，青龍各四件的壽司卷。兩款卷物各有特色。散叫的燒菠蘿，汁多味微酸。18元好正甜品(北海道牛乳)香滑而又不太甜。

又再嚟食下午茶， 今日試咗照燒雞扒飯，雞件炸到好似炸雞髀一樣好好食脆卜卜， 仲有啲雞髀菇墊底， 同埋醃酸菜， 真係有醒胃又好好食下午茶32蚊有麵豉湯又有一杯熱飲品， 又冇加一， 不過，麵豉湯我今次係冇飲，太重味精，飲完重口渴。

日本「築地」食得多，香港「築地」你又食過未？？！暫時冇得去日本，唯有係香港「築地」食番夠本。「 三文魚三味 」同 「 蝦蝦三笑 」都分別只係$38， 1 個價錢就食到3款唔同口味，勁抵呀！分別有蟹膏style , 火焰芝士style, 同埋原味 style, 一定唔怕dry啦。 清酒蛤蜊 ，石鍋上，熱辣辣，香噴噴！味道洽到好處，酒味唔會過濃，沒有遮蓋蜆肉鮮味！海膽帶子卷，一碟有4件，每件大大件脹卜卜，凈睇已經覺得好肥美，食指大動！帶子鮮甜，厚切有口感。橙黄色既海膽味道甘甜，質感細膩，幾乎入口即溶。鹽燒鯖魚，有手掌大，肉質鮮嫩，醃得夠味，基本上唔駛蘸醬油都可以，邊位燒至微焦，香口！什錦魚生丼，分量十足，魚生鮮味，角切增加口感！

呢間餐廳以前都食過一次，今次朋友話想食日本野突然就諗起呢一間。我哋雖然得兩個人，但係好大食點左好多野。第一round黎既係壽司，都係一般野，其中最好食既係鵝肝壽司，鵝肝好油好juicy, 仲要煎得好香，水準直逼酒店buffet級。其次係海膽帶子壽司，帶子好新鮮海膽又夠甜，值得一試！之後黎既係鵝肝雞翼，佢整得好有心思，食入口，鵝肝同雞翼既味都有，但又唔會太搶，蓋過左對方既味，雞肉亦不會太老，好食！最後我哋加點左三文魚頭餃，湯烏冬，仲有金菇肥牛卷，金菇肥牛卷好好食入面啲金菇都幾冧，唔會難咬，而且三文魚頭九就一半半，剪得唔夠香，所以淨咁啲。整體黎講食物質素非常好，尢其是鵝肝整得好出色，餐廳亦夠乾淨，可以再黎過。

Yeah! 今晚又有好野食銅鑼灣金百利樓上既 「 築地日本料理 」抵食又好食，今晚再 encore ， hehe !刺身新鮮，壽司整得好好，握得實，唔會一夾就散，size 剛好一啖入口!! 我最愛食蟹膏系列既壽司，特別係蟹膏甜蝦、蟹膏生文魚！！蟹膏本身味道惹味，再加埋新鮮既刺身，加更提升了刺身既鮮味，令層次更豐富，味道更好。海膽帶子卷也是我另一favor, 帶子本身已經很肥美，厚厚的，再係帶子上面加上大大pat 美味既海膽，很足料，絕不欺場！再配上清新健康既牛油果，好match !! 除了壽司同刺身之外，鍋物同小食亦相當有水準！幾乎每枱都order 鍋物！吉列炸生蠔，炸得金黃，塗上薄薄脆漿，鬆化香脆，生蠔大隻可口，仍然嚐到蠔味，而且完全唔油, 炸得很好！

去過銅鑼灣嘅人都知道，銅鑼灣係好多好野食，不過要又好味又抵食就真係比較難搵。金百利係一個比較多抵食食店既地方，不過因為一上去就係餐廳，好多時都好難行過門口望下打探下先入去，而新店就更加難搵客喇。最近聽講上面開左間日本野都幾抵食， 約個朋友上去食好西先入面環境唔算大，不過都好骨子，整齊企理。叫左啲刺身、壽司、串燒、炸物，整體感覺幾好，性價比高，質素有番咁上下之餘唔算貴，抵食！壽司揀左劍魚腩壽司、蝦蝦三笑、芥辣八爪魚。劍魚腩夠鮮味，有魚香，而且一啲都無揸流灘，夠厚身，好味道蝦蝦三笑就如其名，有三種蝦既食法，愛蝦之人平平地可以食呢個。當然佢仲有啲靚啲嘅蝦，不過一分錢一分貨，大家自行選擇啦。刺身方面，雖然只係叫左活赤貝同鱆紅魚，不過上菜一啲都唔馬虎，有裝飾加乾冰上，效果好靚鱆紅魚好鮮甜，夠厚身，呢個好好味另外，活赤貝都即叫即開，唔係團購貨式一大包個啲，一般出面店舖會再貴十至廿蚊不等，其實真係幾抵食。到炸物！吉列炸生蠔又係喜出望外！我相信佢真係搵生蠔炸，而唔係買現成上晒炸粉個啲團購貨。因為隻隻size唔同，而且咬落去仲有好多汁，有蠔既甜味。炸軟殻蟹天婦羅都好大隻，夠厚身，香口。串燒方面，我只係叫

銅鑼灣一直有好多好野食㗎！！之前同事話金百利上面開左好多間食店，於是有日放工，我地就走左上去望望！咦，有間叫築地嘅日本料理好似唔錯喎！啲碗碗碟碟都幾靚㗎活赤貝刺身 $48 鱆紅魚刺身 $65店員拎刺身岀黎嘅時候，我地都眼前一亮呀！竟然放左乾冰係隔離！好靚呀靚嘅擺設係會令人食慾大增㗎！再望下啲刺身！又幾新鮮喎！鱆紅魚厚切，入口即鮮甜，無雪味亦都無雪到冰硬嘅感覺！蝦蝦三笑 $38 芥辣八爪魚 $12 x 2 劍魚腩壽司 $15x2壽司都有驚喜位！就係紫菜上碟後仲係好脆！呢個看似簡單同卑微嘅要求，其實唔係間間食店做到劍魚腩都唔錯呀肉質新鮮，厚切吉列炸生蠔 $58炸生蠔好似看似簡單，其實選料同控制火候都好蝦人因爲蠔本身好易壞，所以要睇貨源質素。好多時炸得好靚，火侯控制得好好，可惜，入口舊蠔係臭嘅.....築地選材應該不差鹽燒牛舌 $28 牛舌也不錯呀，入口好香。石燒鰻魚炒飯 $92用石鍋上炒飯除左可以食到飯焦之外，就係可以keep住熱食個炒飯都幾足料㗎，鰻魚粒多到差啲食唔曬炸軟殻蟹天婦羅 $65香脆又帶鹹香！不錯之選！雖然築地係樓上舖，不過人流都多㗎，如果想黎食，記得早啲黎

香港日本菜小角落@築地日本料理 銅鑼灣記利佐治街1號金百利廣場7樓R1室 香港也有築地,在日本食新鮮魚獲一定是築地，本是批發漁市場但入面有食店，此店有刺生壽司同日本菜。  每次外出盡力多吃蔬菜，一份田園沙律嚐出新鮮蔬菜，加了海藻只是淋上簡單的甜酸醋汁，在悶熱夏天胃口也打開了。芝士雞卷 $58 樸上麵粉糠炸好脆身香口，雞肉片卷成圈塊狀，畫龍點睛在於惹味的酸酸的芝士醬哦，一吃愛上，炸物我完全抗拒不了，唔會食到一口油，仲有爆汁魚子點綴$48和風炒野菜 用了大量椰菜同菇類，椰菜本身是爽口之物，連菇更多纖維又有益，好味又唔油膩的小菜。製作認真且價位合理哦，日後在sogo shopping 完，只要走5分鐘就可以和朋友一起來醫肚啦。