築地日本料理 (金百利廣場)

營業中

休息中

喺銅鑼灣行完街就諗住去金百利食晚飯。原本都冇諗住入一間餐廳吧見到個餐牌都幾吸引，就入咗去試吓。我哋兩個人叫咗個二人套餐，叫咗個早起壽喜燒同埋泡菜黑豚石鍋飯，個餐都包左餐飲，奶凍同埋一個小食，我哋叫咗醬燒鯖魚。個壽喜燒比我想像中冇咁好食，因為佢個湯底唔算好濃，同埋啲料都唔算好多。反而個醬燒鯖魚同埋泡菜黑豚石鍋飯就above average，條魚啲肉質都吾錯同埋個汁都好夾。到最後個奶凍真係好入味，真係食得岀佢係用3.6牛乳嚟整㗎。

唔係講笑, 完全冇諗過喺銅鑼灣一個咁旺嘅地方, 食到一碗咁好味嘅、又咁抵食嘅「九州拉麵」。呢間舖其實冇標榜拉麵係特別好味嘅。佢哋嘅壽司、刺身、其他日式嘅食物, 都好好味, 相信好多人都係慕名而嚟。 反而我哋就係誤打誤撞, 隨隨便便揀咗日間。算係有啲驚喜。招呼唔錯, 有禮貌, 又會間唔中呢家下茶。 食物的價格好街坊價。性價比好高。<九州拉麵> 隻蛋真係好味到不得了。 湯底出中配料好味, 日式叉燒好唔錯。隨意點要幾本壽司, 都唔記得佢哋叫咩名堂, 大家看圖識字吧。點選咗幾款熟咗嘅壽司 都唔錯, 雖然未算係咪好上盛級嘅水準, 但已經比一般「連鎖式嘅壽司店」高幾班。 用了非常新鮮。

今晚得閒就同家姐去銅鑼灣食飯，呢間「築地」就想食好耐了。剛入到舖面，算亮麗光鮮，有種吸引的感覺。都幾肚餓所以就即刻叫野食了。壽司係重點啦！即叫左幾件勁想食既鮮蝦同劍魚腩壽司，上碟擺盤幾靚，feel到d蝦幾新鮮，有甜蝦同赤海蝦壽司，雖然吾太甜。而劍魚腩就好似有d瘀血。之後呢個芝士狂迷一直好想試既芝士玉子，中意但點解咁耐冇食呢？因為往往好貴。好似好吾抵，但雖然係雞蛋，但其實吾同既整法做法，難道都好吾同，玉子就吾係咁易整。好既玉子就更加難能可貴。一上台，個樣好吸引，因為深深比佢火炙左既芝士色調吸引住視線，我覺得份量都算幾OK。呢個一定要趁熱食，因為芝士凍左就冇溶個種拉絲的感覺，而玉子凍左就冇個種甜甜熱熱的汁滋潤爆發，咁吾洗講，熱食好食百倍。我第一下一定要先獨立試試本身芝士個味先，咦，一食，覺得有一丁丁丁點咸，但都吾會話好似某d片裝芝士咁咸到苦或太偏咸，但我就知呢個芝士的用處。就係用以配搭玉子的鮮甜。之後個口一食，芝士同玉子的完美結合，就是咸咸的芝士和香甜多汁的熱玉子互相混合融和，太棒了！好正呀！好好食！玉子的汁本來就會調成甜甜的美味，而配上芝士雖然好普通好多地方都有，但是聰明，呢隻芝士岩岩好

尋晚放工去銅鑼灣食飯，我同個妹都想食日本菜，之前聽朋友講過呢間餐廳，所以決定去試吓，好彩六點幾去到唔算好多人，可能因為金百利有好多餐廳選擇餐牌都幾多選擇，又有刺身、壽司🍣、拉麵🍜、小食、天婦羅🍤、飯、甜品等等好多嘢揀，花多眼亂我地揀左兩款壽司，分別係味之饅同海膽帶子卷，賣相唔錯味之饅比較惹味，除左有主角饅魚之外，上面仲鋪左芝士同醬汁，而裡面嘅材料有龍蝦沙律同青瓜，配搭起嚟幾夾，濃味得嚟又帶點清新海膽帶子卷口味比較淡，可能因為俾裡面嘅青瓜、蟹柳同牛油果搶左味，食落係好清新，但如果海膽份量多少少就最好味之饅嘅大特寫，見到材料好豐富另外叫左碟芝士玉子燒，賣相好吸引，表面燒得焦香，仲有蟹籽鋪面，而玉子燒得剛剛好，有甜香之外而且夠香滑，唔會整得過熟，配上芝士嘅咸味令味道好平衡最後一樣汁燒魷魚🦑都好有驚喜，一上枱已經聞到燒得好香，而且口感好爽脆，燒嘅時間剛剛好，配上甜酸帶少少辣嘅醬汁係好惹味，我覺得係呢間餐廳必點嘅食物餐廳職員服務唔錯，環境乾淨整潔，而且好近地鐵站夠方便，食物質素幾好，係值得一試嘅日本料理

上到樓上，見鋪面人流都頗多，就知道係安心嘅選擇，我哋一於嗱嗱聲坐低叫嘢食先！主菜叫咗牛肉野菜壽喜燒，睇相就知牛肉嘅份量頗多啦，識落淡淡都係肉，收起燒嘅湯亦都好清甜，而且野菜嘅份量亦都唔少，夠晒健康！當然唔少得嘅就係壽司啦， 我叫左最愛嘅甜蝦壽司同帶子壽司🍣，果然冇令到我失望！甜蝦同帶子食落冇雪味不特只，最梗要係份量夠大同鮮甜，正！另外仲叫左份芝士年糕試下， 芝士年糕係開邊上，其實只有兩件，份量有點兒少，不過都啱我哋呢幾個食量少嘅飯腳食， 每人食少少就夠㗎啦，芝士年糕當然好煙銀啦，內裏嘅芝士多到好似爆出黎咁滯，識落仲有啲燙口tim。呢個北海道牛乳奶涷作為甜品就最合適不過啦，由牛乳味十分之重，啖啖又香又濃，食完都意猶未盡呀！飲品叫咗巨蜂乳酸特飲，飲落酸酸甜甜，提子味都幾重，值得一讚！

服務員態度差！.......... 叫極都唔黎，重點係得閒去斟水，都唔q過黎三張落單紙，得一張有半價優惠！OpenRice 又話有成30幾款，入到去得26款係真正半價！伏中之伏！仲要問佢先俾D優惠紙我地，唔問就俾本正價menu你

今日去開港島玩 男朋友就話帶我去食銅鑼灣築地🙆‍♂️ 話見到Openrice啲刺身相好靚💁‍♂️😝 去到坐低 望一望個餐牌😛 刺身都唔係特別平 反而魚生丼就幾抵💁‍♀️ 不過見到呢個二人餐仲抵食wo！😂 有八樣食品飲品甜品😝 當中仲有個好大嘅刺身拼盤喎 咁梗係要呢個啦💁‍♂️☺️兩款頭盤 三品盛合+香芒蟹肉蟹子沙律🥗味道正常啦 三品盛合個魷魚頭幾好食嘅💁‍♂️ 不過蜆肉嗰個就麻麻哋 都係食慣螺肉多啲💁‍♀️刺身拼盤好期待呀☺️ 一上場就覺得份量好多 而且種類都唔少 總共有七款！我鍾意食鱆紅魚同甜蝦💁‍♀️💁‍♀️ 男朋友就覺得醋鯖魚都唔錯💁‍♂️ 不過赤貝就唔係好得 魚腥味比較重烤羊架羊架係帶點脂肪部位 所以食落有啲油脂 好正😋💁‍♀️💁‍♂️💁‍♂️ 表面焗到有啲脆 唔使點芥末都好食！金箔蕃茄石鍋烏冬蕃茄湯底做得都幾好 唔會食落係茄膏嘅味道 幾fresh💁‍♀️ 烏冬都唔會話煮到淋哂 木耳同粟米就增加左啲口感💁‍♂️💁‍♂️甜品我哋就要左紫薯凍同埋牛乳奶凍 紫薯凍又整得幾精緻喎😍💁‍♀️ 都食到紫薯味 唔錯😛 男朋友就覺得牛乳奶凍好食啲 因為牛奶味重啲！💁‍♂️💁‍♂️臨走仲見到有素食料理套餐 估唔到素食者都可以嚟食喎😯

銅鑼灣食嘢都比較貴 朋友又想食日本刺身🤔 難得搵到呢間 築地 日本餐廳 *特上二人前* 都係$500 有勁多嘢食咁喎！😍 就去試吓啦～ 去到餐廳都比較旺 我哋要攞飛等一陣先有位😛落咗order之後 上菜速度好快！侍應都好細心咁上晒啲冷盤頭盤先👍 松葉蟹肉香芒蟹子沙律蟹子沙律嘅份量好多😲 不過沙律醬就落得太多啦 食唔到松葉蟹肉嘅味道🤔刺身最抵就梗係個海膽啦 估唔到比咁多我地😲 雖然唔係話極鮮甜果種 不過都入口即溶！！單係個海膽刺身拼盤都值回票價🤑 仲有個漬魚同三文魚都唔錯😛日式焗羊架焗羊架超厚身！肉汁鎖住晒係入邊😋😋 切開食嘅時候仲有粉嫩紅色😋 羊酥味又夠 呢個羊架整得好出色👍😋天婦羅都有好多件 有番薯同蝦🦐 整體粉漿唔算厚 🦐都幾彈牙😛二人餐仲有甜品同兩杯飲品或者一支清酒🍶 不過我就唔多好清酒所以冇叫到 但咁多野食真係好抵食阿😝

好耐冇食日本嘢 所以今日就同朋友去咗銅鑼灣嘅築地食個晚餐😋一嚟到見到佢嘅牛肉壽喜燒好吸引 就叫咗嚟試下 不得不提佢嘅湯味道夠濃 但又唔會好鹹 好多嘅餸菜都滲到濃濃嘅湯味 非常好食 佢嘅牛肉都好好食 唔會有好多根 牛肉味同壽喜燒湯汁味融入得好好👍🏼值得一試之後仲叫咗個海之逸魚生丼食 魚生嘅品種幾豐富 油甘魚同帶子味道不錯 魚生飯仲舖咗啲配飯嘅調味料 令口感更加豐富壽司方面就每人叫咗幾款 火炙芝士三文魚味道唔錯 芝士冇搶哂三文魚嘅味道 三文魚燒得唔會太過熟 仲有芝士火炙玉子 玉子甜度適中 配合到火炙芝士嘅味道仲有個火炙黑松靈油甘魚壽司 黑松露味幾突出不錯卷物叫咗個鰻魚卷 鰻魚汁同鰻魚味道好食 幾清新嘅味道十分不錯熟食叫咗份芝士玉子燒 玉子煎得還不錯 配埋芝士加分整體餐廳環境幾好 可以同朋友傾耐啲計都得 係銅鑼灣價錢合理嘅日本餐廳

見有朋友之前食過呢間餐廳 今日又想食日本菜 就一於食下餐廳食物選擇都幾齊全 手卷 壽司 串燒 等等全部都有一向都好鐘意食牛肉壽喜燒 咁啱餐廳都有 真係好滿意呢個係牛肉野菜壽喜燒鍋 有好多好多片牛肉同好多野菜 真係好足料架  性價比好高牛肉唔會好肥 野菜種類好多 仲有粉絲 浸耐啲 索下壽喜燒湯汁既味 好味朋友好鐘意食蛋 見到呢個芝士玉子燒當然要叫黎食下 玉子燒上面鋪上一層芝士 同蟹子 賣相好吸引 食落味道唔錯架 係甜甜地既玉子燒味今次試左好多件壽司 特別鐘意火炙系列火炙三文魚腩壽司好味 燒過後果然係好食啲火炙芝士玉子都唔錯 配上半溶芝士 好好食 下次一定要食味之鰻都好味 有鰻魚 芝士 龍蝦沙律 同青瓜 整個配搭好夾 好味 海之逸海鮮丼賣相好吸引 仲有寫住「築地」既玉子魚生種類好多 質素都唔錯值得一講係 餐廳既服務真係幾好 我同朋友食左咁耐 店員都會間唔中主動幫我地加水而且上菜速度快 好快就食得

在銅鑼灣午飯選擇甚多，有平又有貴。金百利食店樓層的電梯卻常常排長龍，今天我也成為排隊坐電梯的一份子，全因朋友説要試試出名抵食的日式食店。老實說，價錢實在抵，熟食類的價錢分分鐘平過茶餐廳，而且包飲品（與茶餐廳一樣，這裡的凍飲是要加三元的）。我點了咖喱豬扒飯定食加熱檸水，只是$55！賣相不差，以這個價錢來說，質量也不錯。朋友點了什錦魚生飯，也只是$65！當然沒有貴價的刺身類，但也大大粒，幾有睇頭。埋單才發現，這裡是免加一的！實在是平價和式餐廳的一個代表，難怪午市爆滿。

今日同朋友去銅鑼灣附近嘅戲院睇戲，咁啱隔離就係呢間日本野。所以決定同佢去試一試。我哋嘅煮食係鰻魚飯同埋魚生丼。兩者之我覺得魚生飯好食啲。啲魚生好新鮮完全唔腥。而且啲魚生片片都好厚。好足料好抵食。而且上面仲有啲海膽，唔知係咪因為我食得少海膽嘅關係，我好少食到海膽係唔苦既，而呢碗飯就令我對海膽改觀。鰻魚飯都唔錯，片鰻魚好厚身食落好滿足。其他嘢食方面，我哋嗌左清酒煮蜆同埋墨魚仲有炸雞卷。清酒煮蜆啲蜆好香好好食，炸雞卷入邊有啲魚子，口感好得意，我覺得係必食推介。同埋入面有沙律醬，雖然係炸嘢但唔膩，我同兩個朋友都爭住食。

夜晚到銅鑼灣食日本菜做comfort food為聽日開工注入動力。牛油果軟殻蟹卷牛油果份量好多而且每片切得夠平均同簿細再係牛油果面上鋪上蟹籽令牛油果加左份咸香鮮味同口感軟淋淋既牛油果蓉上加上脆卜卜口感，內裏壽司飯加上炸軟殼蟹味道混果好配好味。芝士玉子燒係燒得軟熟輕盈既玉子上鋪上一片芝士同蟹籽咬開雖然裏面無芝士但從面上既芝士同樣可以做到拉絲效果，芝士燒得微焦令芝士味更香更突出，玉子帶少少甜好軟。燒雞軟骨，牛舌，雞翼都燒得好香口而且唔會過火帶少少焦香雞翼斬半燒更方便食用，外皮燒得脆而香內裏雞肉咬開唔乾而且仲帶有少少油份好味。牛舌可以輕易咬開唔會過靭油份重又帶濃濃牛香味，雞軟骨脆口合格有餘。

同朋友OT完去到銅鑼灣都已經好夜食晚飯又好似太飽所以決定去食少少宵夜當晚餐算,日本野比較清淡無咁重口味.同朋友都唔算太肚餓所以點左2樣熟食同一人一杯野飲share.牛肉野菜壽喜燒鍋其實都好大份足夠比2個人食牛肉唔肥而且香用上壽喜燒帶甜既湯汁慢慢倒上肉上令半熟既牛肉變熟再將面上既雞蛋吉穿蛋黃慢慢流出再混合壽喜燒湯汁分佈係配料上好吸引又多左重蛋香味.野菜都有唔同款式唔會太單一,最好食係豆腐同係底既粉絲完美地吸盡晒所有精華入口好好味.北海道忌廉肉餅炸得鬆脆而且外層一d都唔油膩而且咬落好鬆化一咬有嚓一聲,外脆內軟裏面充滿住肉同忌廉拌匀好既蓉味道重肉味帶少少creamy.白桃乳酸梳打同巨峰乳酸梳打唔會甜得太過火底面既糖漿搞匀後味道唔似藥水味好解渴.

同閨蜜係金百利行街，近近地想係附近食dinner。朋友話食過呢間好食又book到位喎，就一於食日本菜啦！有一，二，四人餐揀，我地一行三人揀左個二人餐再加其他野，其實個二人餐份量都唔的骰架，三個人食都夠精選二人前~揀左個牛肉野菜壽喜燒同泡菜黑豚石鍋飯我唔食牛，石鍋飯好豐富泡菜辣辣地配豚肉幾好食小食揀左芝士年糕，呢個熱辣辣好爆芝士好好食呀跟餐既仲有蟹籽沙律冇諗過兩個主食咁飽，我地又叫左個石燒鰻魚炒飯，好多鰻魚粒，唔錯大愛雞軟骨，呢個雞軟骨深得我心呀，食唔停口，下次會再encore仲有芝士薯條同粟子紫薯餅，熱辣辣既炸物點會唔好食喎最後甜品食左咖啡凍，好濃咖啡味，岩哂唔鍾意食太甜既我好滿足既一餐啊題外話侍應好有禮貌好殷勤仲會換碟添