築地日本料理 (金百利廣場)

營業中

休息中

今日同男友去左我以為既「食堂」。以前係呢頭返學成日都會黎呢度食lunch。貪佢質素高價錢平。我地今次說點了二人餐。首先係餃子，呢間既餃子餡料可謂非常之足料呀。食落真係啖啖肉，而且肉汁多到爆出黎。---沙律都同以前一樣，分量好足，而且超多青瓜絲，配上新鮮蟹籽和沙律醬食落清新又健康。而主菜就係「牛肉野菜壽喜燒」。份量都唔少，而且配埋飯。壽喜燒既材料亦很足，有牛、豆腐、菇、菜等。食落都ok既。---一陣就上菜嘅「泡菜黑豚石鍋飯」。呢個係另一個主菜。泡菜真係勁多，岩曬我。酸酸甜甜嘅泡菜配上黑豚肉食落非常之野味。而男友就鐘意佢配埋辣醬，塗係黑豚肉裡。---而最值得我地推薦既係「魷魚雞肉卷」。嘩，真係好好味，我同男友都覺得好有驚喜。魷魚入面除了包裹著雞肉之後，更配上芝士忌廉。食落味道非常有層次。好正！價錢仲好抵。---奶凍小妹就好鐘意啦，一個人食左兩個。終於同男友黎食呢間以前上堂必食既飯堂。真係回味又開心。

另一半話突然掛住日本築地, 所以即慶去左香港既築地頂住檔先。通常突然既野都有驚喜, 好有水準！唔使講, 緊係即刻叫個壽喜燒, 暖下胃先啦! 平時出面果d湯底淡而無味，今次呢個好甜好好味！牛舌當然唔少得啦, 最抵讚係燒菠蘿, 以為得兩塊, 原來有四塊, 抵食!!!炸軟殼蟹天婦羅, 本身都心大心細驚唔好食, 因為平時食果d 都炸到乾爭爭, 今次呢個好juicy, 正!海膽三文魚子花之戀，帶子海膽花之戀，海膽係我地必食之一，今次緊係唔可以例外啦！""""""極"""""厚切三文魚腩刺身, 好彩有叫到, 啖啖肉, 鮮味夠, 比起其他地方, 佢真係堅厚!!!本身驚食淨，最後忍唔住都係加多個芝士玉子燒埋單都只係四舊水, 完全對得起價錢！重點：地點方便, 地鐵隔離, 絕對值得再食！!

日系野真係幾時都唔會抗拒，而今日就去左喺銅鑼灣中心地帶既築地日本料理。厚厚既menu, wow!! 一打開琳琅滿目，好多選擇呀！首先尼個炸物，炸軟殼蟹天婦羅香。炸得啱啱好，一d都唔厚粉，蟹身大大隻，厚肉呀！三文魚腩刺身，睇相都見到有幾咁新鮮同厚切！成塊三文魚扒咁呀！刺身夠凍，一咬落去重重既魚香味，真係無揀錯！再尼食番d熱野，整番串串燒先。牛舌同菠蘿一向都係我最愛。菠蘿未擺低喺枱，香味已經傳入我的鼻！燒完既菠蘿特別香，又juicy! 真係想encore 呀！牛舌亦同樣惹味，夠爽，少少調味已經好香，會搶左本身既牛舌味！大食既我地依然未停口，下一樣係牛肉野菜燒! 睇住佢滾真係好興奮，舊蛋震騰騰！！食完凍野，飲啖熱湯真係暖到入心，牛味清香，正！竟然有秋葵呀！好開心！牛肉量都好多，牛魔王唔洗慳住食啦！今餐滿足哂食日本野既慾望！哩度service 都唔錯，有禮貌又快手！值得尼呀！

難得去築地，一尼就叫壽司件件都好正食完壽司開始飽飽地 叫左一個三文魚海膽魚生丼share食 三文魚當然好肥美 海膽個味都好鮮 成個飯好正 但最後個飯share都係食唔曬 所以好肯定如果一個人食一個飯絕對夠食仲會好飽 醬燒帆立貝相對其他就遜息小小 雖然個帆立貝大大粒 但味就正正常常冇咩特別驚喜係個menu到睇芝士年糕有4大舊 叫完有d後悔會食唔曬 但係食完又冇想像中咁濟 但係要小心辣到個嘴同條脷 千其唔好成舊擺落口 如果唔係會食到變長頸鹿 雖然食完年糕都有小小飽到想嘔 但甜品當然係第二個胃 鐵板綠茶布朗尼真心冇得輸最有驚喜認真抵食 首先個雪糕夠凍唔會打完卡已經溶曬 brownies係大份到一個人一定會食唔曬 最興奮果刻係將杯濃濃既綠茶醬倒落去 跟住就好似牛扒咁gggggg~ 記得小心個雪糕唔好碌落個鐵板到 如果唔係會秒溶 所有野夾埋一齊食真心爽又唔會太甜 brownies又夠實 總括黎講性價比真心高 $40幾份咁大份 出面食份甜品或者pancake都要$100啦整體黎講staff好好人 野食好好味 環境唔錯值得去

終於尼築地喇，果然冇失望18禁三文魚壽司比想像中辣 食落唔係wasabi既攻鼻 比較似韓式辣醬既辣 三文魚三味其中有一舊係蟹膏三文魚 冇留意到以為係咩辣味三文魚 成pat蟹膏擺左落口 個人唔係幾食蟹膏 但係舊三文魚好厚係好好食既 另外果舊火炙芝士三文魚有驚喜 上碟既時候都仲係熱辣辣既 重點係果pat溶溶地既芝士 無論聞落去定食落去都好吸引 所以最後仲叫多左幾舊食日本野梗係要食花之戀啦 menu有頁創意壽司 有唔同花之戀既combination 有三文魚子 海膽 芒果 龍蝦沙律 總之有唔同選擇 緊有一個岩你心水 雖然唔係話好平 但都大大舊好難一啖擺曬落口食曬架 仲有味之鰻 又係有塊芝士係面 之後係都幾大舊既鰻魚 飯卷入面既係龍蝦沙律同青瓜 總之就好足料 又係可以大大舊擺落口 但略嫌唔夠鰻魚醬 再多番小小就perfect la

我都幾鐘意食日本野，朋友請我食生日飯，睇openrice既食評，睇左好多日本野餐廳，築地呢個名吸引左我，再睇埋comment好似唔錯咁，就揀左呢間。 上到去入面眼見好多4人位，但佢話兩位要坐門口位，咁唯有照坐啦，坐坐下開始覺得好凍，咁啱又見到有兩個人走，有張二人枱，立即同職員要求轉枱，當然無問題啦。之後叫左芝士玉子燒，炸豆腐，牛肉壽喜鍋，金龍卷，牛油菇。芝士玉子燒嘅芝士好鹹玉子好甜。炸豆腐好食，豆腐幾滑。牛肉壽喜鍋唔錯，d湯幾濃，索落菜度都幾好食。金龍卷就普普通通啦。牛油菇就麻麻地啦，食落無味，聞就有牛油味。

女友話想去銅鑼灣食日本野本身以為又要大出血啦點知佢話呢間性價比好高唔洗怕喎一食,又真係喎二人餐咁豐富先268蚊抵食!==============================小食點左一個非常足料既餃子入面既餡料非常之多食落口個口感好飽滿不過個皮再煎脆多少少會更好沙律非常之大兜我估應該大過我塊面而且不論係青瓜,蟹籽甚至係沙律醬都非常足料仲要都好新鮮非常有良心主菜先點左個牛肉野菜壽喜燒份量依然係好夠牛肉都唔少,而且仲有好多耐菇,豆腐,菜等等既耐料連個飯都有落唔少我至愛既飯素正不過如果壽喜燒味道再濃D同甜D就更好啦泡菜黑豚石鍋飯D料多到飯都幾乎見唔到呢個飯仲有個辣醬跟埋再配埋本身既泡菜,辣辣地,非常之開胃而且依家更寒地凍就更岩食另外仲點左個非常有驚喜既魷魚雞肉卷唔好睇佢賣相平平無奇其實內有乾坤魷魚入面卷住既雞肉入面仲有D芝士同忌廉係到令成個口感好豐富食晒成個都唔會覺得膩而且佢D燒汁都好正甜品既奶凍就不過不失咁啦飲品方面最好就係二人餐都可以唔洗加錢跟特飲我地分別點左檸檬藍柑梳打(左)同草莓石榴熱情果梳打(右)兩杯味道都好特別喎值得一試最重要係顏色好靚淨係見到都已經好開心食咁多野埋單竟然都只係

今日去左銅鑼灣行街買野, 都差吾多都食晚飯時間, 咁就上openrice揾下有咩好食啦, 見好耐無食過日本野, 咁我就揀左依間啦, 而且佢位置又近Sogo, 都幾方便, 去到間餐廳都吾算太多人, 可能因為我地都算黎得早, 6點半就坐低左睇左陣都未諗到食咩好, 見到佢有個二人餐好似幾抵食同埋D野都幾吸引, 所以就跟住佢黎叫首先佢黎左個三小碟,  佢個蓮藕片係用柚子入味, 食落非常清新開胃, 柚子的甜味跟蓮藕非夾, 螺肉亦做得很好, 味道吾會太濃加上口感不會太韌我們還點了焗羊架, 羊架香味濃郁, 但切開後比較生, 但跟服務生反映後, 亦十分耐心的幫我們處理, 值得加分最後一道菜是魚立魚泡飯鍋, 佢會連火爐一起送上, 魚立魚放成花型, 賣相非常靚, 加熱後就可以食, 魚立魚味道非常甜美, 而且口感十分嫩滑, 食完個身勁暖, 岩哂天冷食, 勁正

12月23號晚上去食野，服務態度勁差，親眼見住有對父子因為呢個原因決定唔離開食第2間，一開始服務員既態度已經好有問題，佢地係咁講野既(原話:你地d遮擺反係外面遮架呀，整到我地同事呀 )係無任何magic word 例如 唔該 唔好意思 麻煩你，之後要落單啦，叫極都無反應，叫左4 5次先有人應，叫左個炒飯 等左超過半個鐘，到話埋單先上，你地同事仲覺得一d問題都無，又要漏單，到埋完單要搵店長同經理投訴，發現成間鋪一個高級職員都無，在場幾台都比你地既所謂既服務態度搞到心情勁差，聽到隔離嗰枱一過食一過話唔見過咁差既服務

今日12月22日 做冬本新同屋企人黎你地間鋪度食飯 仲專程打電話黎book位 上到去之後 個場基本一半空位 我地一個人拎住電腦拎袋同背囊 拎一位同樣背住背囊貴鋪既女仔waiter（企收銀果位） 俾左比較窄既二人位置 因為我地見場內有比較多空位 而且場內有好多人！都係兩位坐四人枱，我地多次要求，希望換坐四人枱，最後換翻黎你地女待應一句你地都係兩個人姐 坐禁大個位做咩！！！！興到即場走野食就算好味又有咩用 你同我講真係換唔到都唔洗俾呢d說話我地聽

之前見好多雜誌宣傳，而且個價錢又唔係好貴，所以走過來光顧一下。😁一嚟到覺得呢度嘅餐牌嘅設計真係好靚。而且餐牌的設計10分清晰，讓人很容易選取一些自己想吃的東西👍🏻我哋一嚟到就要進行蟹肉沙律 🥗作為前菜。當中的青瓜十分新鮮，同一時間沒有臭青味，撈埋沙律上面的蟹子一齊食，非常典型的香港日本菜！之後因為我自己好鍾意食火炙壽司咁就要左一盒火炙三文魚試試。估唔到佢燒得非常香，同一時間三文魚的味道也沒有被奪去值得一讚！另外見隔離枱都有叫這個青龍片，所以都叫你一分力試試。味道不過不失，不過用了10分新鮮，海膽和蝦的味道配合起上來也不錯，但不是一款十分深刻的菜餚。最係因為唔夠飽要坐1號火鍋。味道不過不失，若果有錢可以試吓炒飯😁👍🏻

如果要在銅鑼灣食價錢不太貴，味道同水準不錯的日本菜，可以選擇這間 - 築地日本料理。精選二人前餐好抵食，首有一個超誇張多蟹籽而份量比平時大的蟹籽沙津。之後選了板燒香蒜牛舌作前菜，甜甜的汁，牛舌又不會煮得太硬。主菜選了牛肉野菜壽喜燒同泡菜黑豚石鍋飯。前者啲肉同配菜吸收了湯味，但又不會太咸，配飯一流。後者味道有少少辣，非常開胃。還有兩杯特飲跟餐，喜歡桃味的人，絕對要試白桃乳酸特飲，香香的桃味還有少少果肉，真係一定要試！另外，甜品是非常濃牛奶味的北海道牛乳冰凍，夠香夠滑，勁好味。另外，order了幾件壽司，壽司都好新鮮。還有一個因爲被賣相吸引的壽司-青龍，吉列蝦卷外貼滿紫菜粉，上面有一口海膽。吉列蝦還不會因為被飯包住變軟，味道不錯。一個二人餐再加幾件壽司，最後結帳都只是420蚊左右，這個價錢能夠食到這個質素，真的物超所值。

夜晚同朋友係銅鑼灣睇完戲想食少少野，朋友就提議食築地，話九點後半價好抵食。築地位於金百利樓上，非常易搵。上到去，由於客人唔多，所以我地隨便搵個位坐低左。九點後會有兩張叫野食既紙，一張係九點後半價，一張係九點後八五折。前姐主要係壽司，而後者主要係串燒同小食。因為唔係好肚餓，我地兩個人淨係點左十幾件壽司同兩串燒牛舌。壽司好快就送到，全部都好新鮮，好好食，特別係劍魚腩同三文魚！d軍艦都做得好好食。而串燒牛舌都好好味，岩岩燒起夠哂熱，又唔會燒得太耐。最後埋單先每人60蚊，真係好抵食！絕對係性價比高。

好少黎到銅鑼灣食野老公要OT...唯有就佢係銅鑼灣搵野食啦未有假放去日本築地係香港食住先點了特上二人前先來一客刺身拼盤有一板細海膽，赤貝一只，三文魚兩件，鱆紅魚兩件，北寄貝兩件，甜蝦兩隻同醋鯖魚兩件還提供了紫菜可以配海膽一齊食海膽好鮮甜❤️ 刺身用料不錯很滿意呢前菜還有兩款沙律可以揀芒果蟹肉沙律、好足料！！天婦羅是指定了蕃薯跟炸蝦炸得好香口日式焗羊架拼大根漬羊架大概7成熟燒得剛好、大根漬勁濃味、有少少似食關東煮果時既味道～泡飯窩、𩶘魚整成一朵花咁好有心思～成個泡飯湯底都可以飲埋正！甜品也是三揀二我地揀左特濃咖啡凍呢個甜品太出色了濃濃咖啡味 配上花奶、 夾到不行兩個人食到好飽平民價錢吃到這樣的料理～非常滿足

趁著sogo 感謝祭，約左朋友黎血拼，不過實在超多人既關係，行左陣都已經毫冇戰鬥力，筋疲力盡，就同朋友去附近覓食，隔離金百利有好多餐廳，見到築地就諗起日本既築地市場，就試一試有冇築地既味道係印度餐廳隔離店內都有唔少客人餐單竟然有素食料理，貼心有二人餐，好吸引，驚份量太多就決定散叫首先叫左三文魚三味：有蟹膏、普通同芝士火炙版，本人最愛芝士火炙三文魚，濃濃既芝士同三文魚溶為一體，入口即溶，超正仲有唔同既卷物，有海膽帆立貝、芝士鰻魚、海膽炸蝦當中最愛係海膽炸蝦，海膽幾新鮮唔腥，蝦炸得脆口芝士鰻魚都不錯，味道幾夾，帆立貝都好新鮮小食方面就叫左燒魷魚筒，d 汁幾好味仲有好特別既三品牛肉卷：有金菇、蔬菜同香蕉，香蕉既口味最特別，不過食落又唔錯最後有牛舌串燒，燒得幾香口，正兩個人食到好飽最後發現原來九時後入座有半價，好抵啊，下次可以試下