稚

營業中

休息中

早幾日先得閒帶試呢間，之前好多次經過都搵唔到，到搵到果日又咁橋已經食完飯，一直拖拖拉拉都未試，搵呢間好易眼細睇過龍的，因為招牌唔算明顯，而違泊係附近街戰戰兢兢食得唔安樂，又要係附近停車場泊到車。幸得朋友不嫌我愚笨詳細指路，而且剛剛附近的屏會中心停車場有位。當天試了其中兩款午餐， 1，照燒雞扒定食 + 轉貓飯 (我和同行友人都唔知什麼是貓飯，見可以 +$10 轉就即管試下咩咁勁揪) 2，咖哩吉列豬扒定食食後感係，如果做蒙眼測試，我真係會以為日本一間唔起眼的簡約食堂食緊，沒有多餘的花巧野， 同做人一樣，要簡簡單單都唔容易的，簡單就是美。 呢個價錢可以享受到呢種味道，滿心歡喜。

今日入元朗揾朋友，再次選擇左依間餐廳稚》。一年前依間餐廳啱啱開就經過幫襯過一次咁快又過咗一年。喺門口望左個餐牌一眼，多咗幾款午市定食選擇，出奇地係價錢冇乜點樣變到喎，哈哈入到鋪頭就望到充滿聖誕裝飾，門口亦都有棵細細的聖誕樹，都算幾有聖誕氣氛（因為當時比較多人所以唔好意思影巴巴）我就選擇左佢嘅期間限定「馬鈴薯燉肉定食」。我都係第一次食肉係用和牛粒，燉得幾淋，味道有少少甜甜地，我個人幾鍾意而我朋友就選擇咗「和風吉列豬扒定食」幾欣賞佢豬扒別外上，炸粉唔會太厚，炸得亦都算脆口，配上沙律醬同豬扒汁，幾好食因為1點午市時間比較旺所以我哋食完都埋單走人，繼續我哋嘅行程

要到順豐取件既我 最先被吸引的並不是門面的日式風格而系從風口位吹出黎既食物香氣 真系引到人流曬口水 攞完件都忍吾住行反轉頭一試剛好是午市時間 毒毒的我 好快就有位坐眼見隔離既雞扒定食大大件 作為雞控既我無考慮太多就嗌左個照燒雞扒定食$48上到枱 果然不失所望 定食已包面豉湯 茶 整整齊齊放系個木盤上 雞扒大大塊上面放左小許紫菜絲 香氣十足 雞扒好好味 成日食雞扒飯既我真系繼榮式雞扒後既最愛 簡單形容皮脆肉嫩食埋雞皮都吾覺得好肥好油 個飯普通珍珠米 但勝在有紫菜點綴 紫菜撈飯正平時不愛喝面豉湯既我見裏面又有豆腐同冬菇所以都飲左一半因為已經好飽發掘到尼間小店真系好 以後又個食飯既好地方 另外不得不說 店內既動漫畫作真系好特別 最愛邪惡版角色個幅大家可以留意吓店員態度好好 黎同走都有打招呼 下次會試埋咖哩吉豬

大老遠入元朗吃喝半天游，於朗屏站下車本想去食豬什河，看看開飯找到了這間日式小店，賣的是飯類食品，見離西鐵站幾分鐘路程便走過去望望，在外邊看到餐牌被價錢吸引，幾十蚊有飯有湯性價比真的唔錯，於是進內一試。店子不大，只有十來個座位，我馬上點了牛肉飯，隔一會飯就來了，最吸引是有碟牛汁在旁，個人認為巧味過吉野家先，唔係死咸，伴飯一流，牛肉不過不失，份量亦不少，至於飯呢，友人說若用上日本米會更佳享受，對我而言飯夠熱就好，是不是日本米我真的吃不出，訓練未夠數，haha店家3點3落場，眼見廚房已在大清潔，我們亦不久留，有機會可以再試鰻魚飯及滑蛋豬扒飯，應該不錯呢。

話說……今日去買貓糧 …… 剛好今晚屋企有冇人，冇飯食，唯有順路出街。 睇下有咩好食 。一個人打邊爐，食羊腩煲又太白痴。麥當勞又太過毒L喺條街度行咗好耐……都唔知食咩好。經過朗屏嗰陣時見到一間門面簡單而又樸素嘅餐廳諗住一個人，就去試下啦！入到去發現原來入面同埋出面係好大分別 門口出面係比較簡單樸素有啲似居酒屋，但入到去就好似入咗一個孩子嘅世界。入邊嘅裝飾 係我好鍾意嘅動漫角色…… 坐低然後發現原來係一間主打日本家庭料理嘅餐廳。 我嗌咗過鰻魚炒飯，玉子燒同和風牛肉……味道好好好特別 鰻魚炒飯我係第一次食 覺得裏面材料豐富 ，口感亦都非常獨特 ，啖啖都充滿濃郁嘅鰻魚汁味 ……而我覺得和風牛肉味道好食過吉野家好多。而且價錢親民 真係落街都可以食到家的味道又唔怕中伏

一開始因為條長長的鰻魚同貓飯吸引左我揀呢間，鰻魚真係點整都咁好食，貓飯係白飯加紫菜木魚伴飯，就好似飯素咁有少少口感同香d。但係最出色既竟然係大阪燒，呢個真係必點，d菜切絲切得勁幼又夠脆，個大阪燒又夠厚身，超有口感。

佢食物種類唔算太多，叫咗鰻魚飯、芥辣雞翼、大阪燒、雞軟骨。條鰻魚好大條，轉左貓飯，普通女仔食一個定食都可以好飽，有茶、麵豉湯。雞翼好爽脆，芥辣汁最正、甜辣度適中，佢好細心拆開咗兩邊雞翼，可以慢慢食。個大阪燒好多菜同嗰醬配合得好好。係食過最正嘅一個。可惜個地方細，座位唔多要等位，座位最多二人枱四人枱或以上得兩張。

從網上看到食評是一間值得去試的日式餐廳。的確是一間不錯而值得去試的餐廳，位置不算偏僻，很容易搵到。午市時間亦要等，可想言之是受歡迎的👍🏻咖哩雞扒定食，感覺一般🍛吉列豬扒定食，再轉埋貓飯試下。豬扒外脆內軟，又唔係乾身，仲juice ；個貓飯好特別，真係食食下就會食完成碗飯😋鰻魚定食，由於我唔係太好鰻魚，試左一舊仔，都好味既☺️一定要試尼個芝士年糕，真係好好味，外脆內軟，年糕又唔會痴埋一舊，正呀⋯⋯👍🏻

星期六心血來潮行左去“稚”附近，既然都行到嚟呢邊，一場嚟到不如入去試下佢嘅午餐。佢嘅午市定食都幾多選擇，定食已經有味噌湯同埋茶，所以我都無另外叫飲品。兩個人每人一個定食，一個和風牛肉定食，一個豚肉生薑燒定食。和風牛肉定食首先上枱，牛肉就略嫌乾左少少，味道係和風味道。可能因為牛肉放左喺飯面，牛肉汁已經流左去飯度所以顯得有少少乾，多番少少汁應該會好d。至於豚肉生薑燒係加左錢轉貓飯，所以豚肉係分開左另一隻碟上嘅。貓飯味道係幾特別，次次我都係食半份就同人地嘅白飯交換，成個貓飯食晒我自己就覺得有少少膩嘅，兩個人交換食我覺得岩岩好。豚肉生薑燒有少少薑味，唔算太濃。可能豚肉係分開碟上嘅關係，佢嘅汁好明顯比牛肉定食多，唔會覺得乾。豚肉生薑燒味道雖然濃d，但係今日嘅牛肉真係乾左少少，所以今次豚肉生薑燒勝出！最平46蚊有個日式定食食下，賣相同食物質素又唔錯，算係性價比高嘅一餐。

早前去左「稚」🙊👍🏻一人一個定食 滑蛋豬扒飯 ($44) 轉貓飯(+$10)拿！唔好以為d滑蛋好似浸死左件炸豬扒 就以為會腍哂唔好食？！少年！你太年青喇👋🏻相反有驚喜喎！炸豬扒 粉漿唔厚 但肉好厚啊😂👏🏻即使滲左蛋漿都唔會過腍 仍然可以咬到個皮脆脆的💋但滑蛋就是水噹噹的 拌飯 拌炸豬 拌乜乜乜🤤*如果蛋熟多少少 蛋味應該會更香🤤-而豚肉生薑燒（$46) 甜甜既生薑汁送飯一流 豚肉份量多 肉質厚實 好味！而個貓飯加左牛油 日本豉油紫菜絲 木魚片 撈埋一齊食都幾香牛油味 如果加d炒香左既芝麻就更香又有口感👍🏻小店內有好多漫畫公仔 海賊王 比卡超啊等等牆上面個幅畫真心靚👏🏻👏🏻============================緊貼三個90後吃貨的美食推介，就不會錯過任何一個食好野既機會😂-三個90後吃貨不斷開心share美食💓💡Facebook:三個90後吃貨 3bad_foodies🚩Instagram: 3bad_foodies📍OpenRice: 3bad_foodies📬Ublog:三個90後吃貨 3bad_foodies 歡迎在不同的平台 繼續留意我們的推介🙆🏼🙇🏼‍♀️大家亦

睇咁多人話佢好食，終于到自己食完就學得話好食既人係咪美化得過左！如果用正派日料去睇既話我點既三樣野我覺得。1. 厚焼き玉子 失左呢度菜既原來，沒蛋味只食到マヨネーズ味，2.清湯うどん 太多紙菜c食到一半就會覺得咸。地方細唔係一個問題，音樂聲太大，調理style定位唔清楚，到底係fusion日本菜定家庭式既居酒屋！仲有連廚師都會係客人面前可以玩電話既，我覺得真有需要改變。

鰻魚飯好食，吉列豬有啲硬。鰻魚set先72蚊，出尖沙咀用呢個價食唔到，我覺得好抵，呵呵。吉列豬明明冇燶到，但係唔知係咪炸得太耐，肉汁失咗蹤。下次想試貓飯，好似份量幾大咁。

今晚早左少少放工，未到7點就已經番到元朗，試下碰碰運氣去“稚”食貓飯先。次次去到都見到門口有好多人，今次終於可以直接入去。第一次食花多眼亂唔知食咩好，叫左燒鯖魚同埋金菇牛肉，兩個都加左套餐。套餐有茶、湯同埋飯。我地一個餐再加多$10轉左貓飯。貓飯上面有d木魚、紫菜同埋醬油。第一次食貓飯，覺得都幾特別，而且飯亦都算乾身，軟硬都幾適中。至於條鯖魚都煎得幾香，唔錯。另一道係金菇肥牛，賣相唔錯擺得都幾靚。呢一個餐無轉到貓飯，不過個飯同樣都係有醬油淋左上面，另外再加左少少紫菜絲喺上面，我好少食飯會加咁多野喺面。至於個飯味道都唔錯，醬油唔會太鹹。金菇牛肉嘅調味岩岩好，份量都唔少，配埋飯岩岩好。食物味道唔錯，有下次！

昨日經過, 正在覓食之隙, 經過size細細的舖, 再看放在舖前的餐牌, 被"貓飯"的手繪圖吸引, 就決定入內進食.我分別叫了個貓飯, 炸生蠔, 雞軟骨 & 和牛串.貓飯雖然簡單, 但把碗內的紫菜, 醬油粒(應該是吧, 我都不知道是甚麼 xd)撈勻後吃, 味道簡約但美味, 很喜歡~炸生蠔很脆口, 雞軟骨較一般,, 和牛串燒得頗香口, 不過可以再燒多一會, 稍為有些少乾身, 會更惹味~店舖細細, 但服務態度都很好, 坐得頗舒服, 吃得出, 看得出, 是用心去準備食物予客人~我會再去~~^^ 

鰻魚定食 ($82)鰻魚燒得皮夠脆同香 入面就保持到嫩滑 燒汁亦都非常多又入味 不過鰻魚本身唔係好夠肥美 所以食起黎唔夠juicy小編亦加左$10將白飯轉左做貓飯~ 即係加左紫菜 木魚絲 同埋牛油既飯~ 將所有材料攪拌埋一齊超好味 真係會掛住食飯唔記得食餸咖哩吉列豬扒定食 ($58)鰻魚定食係正 但係唔係成日都咁富貴可以食咁貴😂所以都試下個經濟d既吉列豬扒 結果都係一樣好味!吉列豬扒炸得夠香脆 亦都保持到肉汁 不過就略嫌唔夠鬆~ 而個咖喱汁感覺係自家製 比起平時既日式甜咖喱辣d香d 入面有新鮮薯仔同紅蘿蔔粒 中意佢咖喱汁另上 唔洗驚d豬扒會好快冧唒! 最後值得一提係個麵豉湯 係有好多菇同豆腐 大滿足呀